丸十日本食堂 (已結業)

見到好多食評話佢啲米點靚點好食， 吸引咗我去試下但係好失望，坐位嘟可以算舒服，但可能我個位近佢地製作串燒地方，有小小涸喉， D米好似我哋一般食到嘅櫻花咪冇特別香味， 我叫咗海鮮丼同豚肉丼， 豚肉冇味又鞋口， 佢有綠茶粉俾自己開茶，但係啲水又唔滾啲綠茶都唔溶 而且價錢都可以講幾貴， 食物水準都一般， 如果想食呢個質素嘅食物去極尚大x喜嗰啲都好多， 我食嗰日係星期六中午，但係佢只係坐咗 七成左右客， 總括嚟咗試一次應該唔會再去食哪!

點了兩份$178的壽司刺身定食，黎到見到同圖片完全兩個樣，即問侍應點解會咁，佢回覆話今日食材唔夠，所以會轉其他！我話你應該同我地講，我地唔太食三文魚，如果有咁多三文魚我地就唔會叫呢個餐，跟住侍應就話會換走三文魚比我地！跟住換黎一份把三文魚全換成八爪魚的餐！我即再問經理咁樣是什麼意思，不如你換晒玉子、腐皮同蟹柳比我地啦！最終佢就跟返個圖整比我地，咁你一開始又話食材唔夠，但最終又整到兩份比我既！收人$178，但完全貨不對版！留低垃圾兩個字我地就走！

今晚喺葵芳睇戲 本身想食元氣但係實在太多人就食咗隔離嘅丸十 食到一肚氣其實平心而論啲嘢食都幾好食我哋叫咗軟殼蟹卷 枝豆 同埋北海丼枝豆暖暖地幾好食軟殼蟹卷上面都有啲好大粒嘅三文魚子軟殼蟹都好脆 個飯嘅刺身就比較薄 好似一張紙咁$178 唔係好值呢個價錢嘢食好唔好食都係其次 啲服務真係好差九點零八分落單 食咗都冇15分鐘不停咁樣來回問我地仲有冇野加又係咁問到齊未放低筷子嗰一刻就即刻收晒所有餐具其實佢如果講一句佢哋要收鋪要last order都冇咁受氣 態度真係好差收淨兩杯茶就即刻拎張單黎要埋咁樣嘅服務態度 野食幾好食都無用以後都唔想再黎食

I was here for dinner and we were seated in a booth. I like those booth tables as it feels like you have more privacy. We ordered the chirashi don and a platter of Yakitori to share. The sashimi on the don is pretty fresh the rice is very special. It is seasoned with vinegar witch really pairs well with the fatty fish and creates a nice balance. And their rice looks like brown rice but it isn’t dry like other brown rice, definitely elevates this dish. The yakitori platter is decent as well. As t

今日同朋友黎到新都會，見多左好多餐廳，我地周圍睇下有咩岩食，朋友想食日本菜，行過見到呢間餐廳地方大，又多選擇，就入左黎。鰻魚玉子燒，玉子燒非常香滑又入味，鰻魚味道剛好。溫泉蛋配燒和牛飯，份量十足，有多塊和牛，牛肉味濃郁，配上溫泉蛋汁拌飯，令珍珠米入口更加香滑。另外仲叫左個壽司卷，飯卷內裡包住蟹柳、紫菜、甜蛋，面層有魚生，口感豐富，加上金箔做點綴，賣相一流。餐廳服務周到，店員好有禮貌，提一提大家呢到埋單要行出去埋既。

首先不得不介紹這份溫泉蛋伴燒和牛肉爆丼定食和牛大約七成熟，份量很多，十分十分有咬口，而且牛味十足非常濃郁，一試便愛上。配菜豐富，沙律菜很新鮮，沒有苦澀味。松葉蟹魚籽丼是另一推介，影完靚相之後就可以大兜亂，啖啖都有蟹肉絲魚籽同wasabi，口感豐富，非常鮮味，配合得相當好還有自助綠茶粉沖飲唯一敗筆是這個自家製鰻魚玉子燒，雞蛋不夠香口…配上鰻魚口感不佳，有陣腥味影響了整個玉子燒玉子燒還是配拉絲芝士最好，有點失望，令這頓飯不夠完美。

丸十開業果陣主打日本米飯 但係 入到餐廳你會聞到好香嘅爐端燒味道 所以 燒物同串燒野食都幾多明太子蝦沙律 本人好鍾意食明太子 所以 有明太子既野我一定會叫 呢個沙律用既蝦都新鮮 無雪藏味 咬落爽口又有蝦味 菜又鮮甜爽脆 無菜腥味 再埋明太子沙律醬 真好食明太子玉子燒 食家成日話 要知食店好唔好 一定要試食佢地個玉子燒 呢個玉子燒食落個蛋仲好嫩滑蛋味濃 個蛋仲好有滑蛋既感覺 一啲都無煮太耐禁 加埋帶咸香嘅明太子 我就覺得功力一流燒鱈魚骨腩 用鹽燒所以有少少香脆 食落係魚肉帶少少脂肪 好香魚味 加埋個沙律醬 配啤酒一流黎到溫泉蛋和牛燒肉飯 個飯黎王已經好吸引眼球 望落去七成熟啱啱好 放埋個溫泉蛋 加埋肉汁撈埋啲飯 肉香蛋濃飯甜 真係齒頰留香燒日本雞飯就另一種享受 一大塊雞扒 用鹽燒嚟煮 表皮香脆鎖住肉汁 純雞味嘅享受 搶晒日本飯主角嘅地位啦

今日老闆請客, 佢很喜歡食日本野, 話同我黎呢間試試!午飯時間只有套餐, 不過有好多選擇, 我揀咗厚燒牛肉定食!前菜有湯有沙律, 沙律份量不多, 湯當然係味僧, 唔好過咸, 岩岩好!主菜到了, 果然厚切, 但我又唔覺得好特別!反而個飯好軟熟, 仲溝了一點好似係燕麥, 感覺健康咗由於老闆鍾意食刺身, 但佢地午市無散叫, 於是額外叫多個刺身定食走飯刺身都算新鮮, 但就細片了一點最後叫餐可以用優惠價叫飲品, $58朱古力奶昔, 只補$28, 好濃&杰身朱古力, 唔會似有D店嘅奶昔好稀咁, 推介!

行完新都會廣場，好鬼攰，見到有下午茶，就入左去休息一下。我點左燒豚肉飯，有少少失望，佢個汁吾係燒汁，冇乜味，睇落比較單調。啲豚肉比較乾身，而且偏肥。佢個set 送左麵豉湯，幾濃味，不錯👍🏻我加左杯普通咖啡，自己可以加奶/糖，自行調較，咖啡本身都好重咖啡味，所以8元都值得的！我再加多一個廣島蠔，咬落去都脆卜卜內裏又juicy!推薦大家要叫嘅小食朋友叫左鐵板和牛炒飯。呢個反而幾好食，炒飯較乾身，每一口都好多料，有肉碎，櫻花蝦等，食落好rich ，而且熱辣辣，好好食。加多一杯朱古奶，香濃朱古力配滑滑的牛奶🥛座位都幾寬敞，岩曬要同朋友傾計吹水嘅好地方

前幾日朋友約咗我去食葵芳呢一間丸十日本食堂，因為識我嘅朋友都知道我好鍾意食日本嘢，所以佢特登帶我嚟試下呢間。睇呢度嘅餐牌睇到我花多眼亂，幾乎你講得出嘅日本嘢食都依度有得食，真係唔怕你冇得揀，最怕你揀唔到。我哋就每樣都揀咗啲黎食。首先我哋叫咗個刺身盛合，有三種唔同嘅刺身，包括有三文魚、池魚同埋帶子，整得好靚，而且啲刺身亦都好新鮮。呢個係燒雞泡魚干，送到黎嘅時候已經聞到好香嘅味道，魚干燒得煙煙韌韌，沙律醬上面仲有啲七味粉，味道酸酸甜甜得來又有啲辣辣地，好開胃。呢個就係和牛厚燒，賣相都整得好靚，我哋揀咗五成熟，所以入面仲有好鮮嫩嘅粉紅色肉質，肉質好鮮嫩加埋啲炸好嘅蒜片，更加香。而呢個就係丸十嘅鐵板和牛炒飯，份量都有一大碗，而且炒得好香，飯粒粒粒分明，加埋和牛洋蔥蔥等等去炒，味道好豐富。

葵芳新都會廣場有各種美食店，喜歡吃米飯的我，被友人帶來吃會當店精米的日本食堂室內佈置有如在日式市場內，有負責串燒，也有負責壽司刺身的開放式廚房，牆壁上方用了不同的紙包米袋作為裝飾為了吃米飯，特地點了兩碗丼飯友人點了「温泉玉子澳洲和牛丼」，和牛肉片沒有圖片中那麼大但是吃起來也算香嫰，好吃的米飯配合溫泉玉子的蛋漿更順滑香口「三文魚親子丼」有大量三文魚子給厚切三文魚刺生，米飯入口甘香有咬口，配合鹹香嘅三文魚子及鮮味的三文魚片，大大的一碗也不夠吃「血小鯛刺身」店員推介今天剛飛機運到的新鮮漁獲，有一種鯛魚叫血小鯛，體型不算太大作為刺身兩個人吃挺不錯，她說完還把魚帶到我面前給我看，雖然不算大條但是見他脹卜卜的似乎肥美得很，鯛魚味道鮮配合少量醬汁清爽嘅口感非常適合夏天食用，之後到網上查閱發現這種魚是時令魚，只有在高級日本餐館才會有呢。

今日同朋友仔嚟到葵芳呢間日本餐廳食晚飯呢度坐得好舒服啊事關啲卡位好闊落入門口員工都好有禮貌咁樣打招呼聽聞呢度鐵板燒真係唔錯㗎我哋叫咗個自家製鰻魚玉子燒亦都係佢哋出名嘅菜式之一鰻魚夾埋個玉子一齊食或真係好正啊而我就最鍾意食和牛所以每次去食日本餐都必叫上枱嘅時候店員建議我哋先吃原味覺得唔夠味先再配上鹽和燒汁和牛肉質能夠媲美日本吃的非常出色還有沙律和薯片配搭一流另外吃了一個松葉蟹肉壽司漢堡而呢道菜都係好少地方可以食得到嘅這個漢堡很特別哦因為飯焦非常之香呀令人回味無窮真係要睇一睇呢度嘅綠茶粉沖出嚟嘅綠茶非常香香蔥鮪魚腩卷真係好好食呀啲餡爆寫晒出嚟㗎最後埋單都係$500唔使飛日本都可以食到咁正嘅日本料理

早2日食過丸十日本食堂的下午茶甜品。今晚去試下晚餐。朋友仔話叫我一定要試噹飯。她覺得好好味。7點前坐低吾使等位。其實下午食完odelice仲好飽。少爺又不太餓。所以我地諗住叫輕食試下算朋友仔推介食牛飯。我本身吾食牛。但我地照叫左燒牛舌噹(118蚊)。因為少爺吾食蔥。所以我地叫左走蔥。落單吾夠2分鐘。燒牛舌飯就到。碗飯不太熱。我本身係鐘意熱騰騰既飯。少爺話燒牛舌幾好味。而且份量好多。但係我同他都覺得d精米真係無乜特別。係我地吾識食?定期望過高??自家製鰻魚玉子燒 (68蚊)。呢個熱辣辣。黎到有煙出。呢個玉子燒size好細。但係味道好好。蛋好滑同有蛋汁。同鰻魚好夾炸軟殼蟹卷(118蚊)。味道ok 喇反而呢度串燒燒得有驚喜手羽先(35蚊2串)。燒得皮脆肉嫩。青芥末雞肉串 (35蚊)。加左青芥末味道幾夾埋單411蚊。吾算好抵食因為份量較細。但係味道係吾錯的

穿過葵芳新都會商場的露天休息平台，就系丸十日本食堂，木顏色的室內裝修設計，透出溫馨恬靜的和風。暫別鬧市，放鬆心情，品一杯日本綠茶，為身心疲倦的自己充下電。松葉蟹肉壽司漢堡，賣相一流，兩塊豉油精米飯焦壓制的米餅夾住厚厚的松葉蟹肉，口感層次豐富，鮮甜又充滿飯焦米香。黑松露海膽茶碗蒸，新鮮滾熱辣，一開蓋就香味四溢，黑松露香味誘人，海膽鮮甜大塊，用料上層！蒸蛋超級滑！翻到底又有驚喜，大大塊的蟹柳鮮味十足！超級好味！自家制玉子燒，新鮮蛋滑，口感好好。雜錦天婦羅，精緻的搬盤，天婦羅蝦同蔬菜配搭，由5款組成。表面金黃酥脆，用料新鮮。炸蝦卷，一客六件，新鮮，蟹籽脆卜卜，一啖一件，好滿足！

同朋友仔響新都會食完天婦羅飯。立即出發去食甜品。朋友仔話丸十的甜品幾靚不如試下。。無意中發現丸十竟然有下午茶。仲有呢個78蚊既抹茶latte+抹茶丸子雪糕+迷你卷蛋立即叫左2 sets我第1次黎丸十。見到枱面有抹茶粉俾您自己沖熱茶飲。我覺得個抹茶幾香黎到我地2人嘩嘩嘩。個鮮奶係暖熱的。另有一整杯抹茶冰塊。俾您自己加落去變成Matcha Latte味道非常好但係抹茶紅豆雪糕就無乜抹茶味。丸子幾煙un。迷你抹茶卷蛋幾軟熟但非常薄zip 牙la 囉飲完杯Matcha Latte冰真係凍到入心。店內油煙味都幾厲害(可能我地坐正鐵板燒爐後面) 。所以我地食完拿拿聲埋單2人tea 172蚊。