丸十日本食堂 (已結業)

丸十日本食堂新都會裝潢好之後多左好多野食，成個商場格局都好似唔同左，人流較多，好在都有好多餐廳可以選擇。今日見到呢間日式餐廳，以米飯作主打，而我本身都好中意食飯，仲要係日本珍珠米，更加吸引。餐廳環境好舒服，地方同座位都好闊落。自家製鰻魚玉子燒玉子燒非常滑溜，加埋已經調好味既鰻魚，內層鰻魚既鹹香，外層蛋既清甜，好有層次又好滋味。丸十彩虹卷，色彩豐富既壽司卷，每一個都有唔同款既刺身，吞拿魚、三文魚或者油甘魚，配搭牛油果口感Creamy估唔到咁夾。雞之盛宴，有雞肉丸，雞翼，雞軟骨，雞胸肉同雞皮。溫泉蛋玉子伴燒和牛飯丸一粒粒既日本珍珠米，真係好有飯香，飯粒軟綿得黎有咬口，好好食，溫泉蛋既蛋醬拌飯，令成個飯更加昇華。和牛部分脂肪比例較低，肉質嫩滑，每一塊既厚薄都適中，賣相十分討好。