丸十寿司日本食堂 (已結業)

只能説丸十的廣告poster太吸引。。食物種類和質素、環境和服務水平是挑選食物的考慮因素。丸十是新店，起碼自己和朋友未曾光顧。店外也見衛生，接待員也有禮。這丸十海鮮丼連加一共$200。丼有9種海鮮: 帶子、蟹肉、三文、呑拿、牡丹蝦、海膽、油金、三文魚子等。帶子是較鮮甜，其餘的質素一般。可是它犯下現今大數食店的通病 ➖ 虚有其表。服務質素都限於門面。實際衛生也。。。例如: 旁邊坐下新來的客人，但抬上仍放着之前客人用過的抹紙。甚至貼近備用中的餐具。。。那髒污抹紙待在那位置「陰魂不散」。。其次，服務員水平有如「茶記」，與店的裝潢格格不入。難怪越來越多人愛「家食」。。

一入到去坐底已經見到張枱勁污糟，成枱豉油無抹過，落左單等食物要等勁耐，又貴又細件，等左半個鐘壽司拼盤都仲未來，就叫職員吹下睇下有未，見住佢行去壽司吧問都冇問，所以等左10分鐘無來就叫佢Cancel吾要直接埋單，埋單又要等勁耐！🤬😡成間野不知所謂！

餐廳環境光猛整潔，上次同同事黎食試過「北海丼」海鮮都幾新鮮、好食，於是今日同老公黎食，我叫左「西京比目魚定食」，而老公就叫左「香蔥鮪魚蓉海膽丼定食」，老公大幾15分鐘就有得食，但我足足等左45分鐘追左兩次單先有得食，另外一齊落單嘅三隻「吉列廣島蠔」都等左約50幾分鐘先到；食物質素係幾好，份量都夠飽，但Lunch time如果唔係咁多時間，我建議大家只可以揀食魚生飯！如果要揀熟食，你真係要有心理準備要等，我見食堂內叫熟食嘅客人，都等左30分鐘以上！

三文魚牛油果壽司漢堡~三文魚份量都幾多，醬料有少少辣，食落好惹味💙牛油果份量都多，不過一向淡味既佢，都係要獨立食先食到佢隻味😗松葉蟹肉壽司漢堡~蟹肉份量合適，不過蟹肉既鮮味會比壽司漢堡同醬汁蓋過如果獨立食幾好既💛至於呢度主打嘅糙米壽司漢堡就梗係好食就算獨立食都已經一啖接一啖壽司拼盤🌼因為同行嘅唔太食生野，所以冇叫到好signature既野不過就算係呢幾件，都已經食到好鮮甜嘅味道👍🏻絕對唔馬虎冷抹茶米奶~💚💚💚口感幾好，不過都最後就少少辛苦先食得哂啲米😂整體來講所有嘢食都幾好~ 各有各特色

諗住佢開係朗豪坊會有番d水準再加上新開左一排應該差極都有限啦，一入到去感覺都唔錯，日本木系裝修幾舒服，一睇個menu其實都幾少選擇，壽司無得單點全部都係師傅發辦，全部睇落都唔係好吸引，最後揀左個12件特上既師傅發辦壽司同埋幾款串燒，揀之前有問店員12件特上壽司會吾會有toro佢答我師傅俾咩你我都唔知架wor== 問佢彩虹卷有無蝦又話唔知，問咩都話唔知叫佢問下佢先走去問師傅，服務真係有待改善... 諗住佢d野食都算ok啦，先講壽司溫度，海膽質數好差同有d腥臭，仲要d紫菜係’林’到以為佢放左成日，再試埋其他(有油金魚、拖羅、蝦、其他唔記得咩魚)真係普通都唔可以再普通，唔難食但稱唔上好食，再試埋d串燒，好乾好鞋，食左舊已經唔想食落去... 兩個人叫左唔係好多野都要埋單＄600，咁既價錢板長/千兩都好過佢多多聲，請我都唔想再去食～ 

第一次試，食材新鮮，但性價比低，order了鮮魚原條刺身，明明order前是大魚，出來只有12片又薄又小片的魚片，很懷疑此魚非彼魚。浪費了食材新鮮的優勢，令我對貴店形象分大減。

之前新開張有半價已經好想試但可惜太太太多人排隊所以最後無試到🤦🏼‍♀️今日Lunch終於去試左Lunch就只有set (已包前菜同湯)唔夠食嘅話仲可以加配小食其實選擇都幾多，但可惜無圖睇店員又唔係好答到你最後揀左北海丼 (因為店員話有蝦同海膽)一上枱就覺得個盒好靚一打開見到下層個北海丼淨係睇個樣已經覺得好正因為無諗過有咁多款魚生(蝦，海膽，帶子，三文魚，吞拿魚，三文魚籽，蟹籽，蟹肉等等。。。)啲魚生都幾新鮮，不過就未至於肥美海膽亦都唔腥，算幾鮮甜其實呢間餐廳嘅米先係重點不過我真係唔係好識分但都係好食嘅🍚整體黎講我覺得$158幾抵食以後lunch又多個選擇啦

見新開張所以排隊去試試。佢地用築地新鮮食材，燒鰻魚算上肥美。魚生新鮮，個赤貝好爽口，煙燻吞拿魚好夠油。個茶碗蒸都好滑，唯一美中不足的係個甜品綠茶芭菲就麻麻地，中間d啫哩d味怪怪的。另外服務方面，門口帶位個姐姐好有禮貌、有善又好笑容。重有個身形幾大隻的應該係經理，都好好招呼，又主動。

我地一行二人係正價幫襯晚市，叫左兩個丼飯，同一個小食，一個蒸蛋。一碗係牛肉丼，一個係海膽吞拿魚蓉，牛肉飯d牛肉ok嘅，不過碗飯好硬，直頭好似生米咁，但魚生丼碗飯就正常，魚生質素平平。我地兩個丼飯係一齊share黎食，兩個都覺得牛肉飯嘅飯明顯又硬又生又難食，但因為我地趕時間，所以無叫佢地退換。同埋可能都算係新開張關係，大部分人都好生手，不過態度就ok嘅。講真，同區或同樣價錢有好多更好選擇，所以應該唔會有下次。

自從monster sushi同一壽司係旺角執左之後, 常食既連鎖壽司店就番元氣知道係langham monster sushi原位會開番一間日本野後, 我同朋友就決定去試一試新野呢間鋪格局同monster sushi都幾大分別, 感覺上更加日式, 充滿木色既佈置, 樓底都設計得特別高晚上十點鐘去到就拿拿臨叫野食, 因為last order 係22:15, 收鋪就 23:15茶碗蒸 ($38) :沒有特別香蛋味, 元氣的性價比較高玉子燒 ($48): 香口, 質地軟稔炸軟殼蟹壽司漢堡 ($88): 個包本來想叫廚師將佢一開二上, 但佢地話會一切就散不過來到發現係唔會的, 而且有點硬同冇味軟殼蟹原隻上, 呢方面就加番分, 不過唔係特別推介鮪魚盛合 ($168): 新鮮, 推介自選刺身拼盤 3款 ($138): 有12款選擇, 份量都會係menu到寫埋叫左三文魚, 蟹肉同海膽蟹肉同海膽都好新鮮, 推介!!三文魚就夠厚身同場佢仲有個"賞食" app推介, download左做埋會員就送左三文魚一客, 份量同刺身拼盤一樣!(落單之後先留意到個promote, 早知個刺身叫其他野haha)mis

琴日收工之前諗唔到食咩，咁岩同朋友行到朗豪坊發現呢間新開張嘅壽司店，兩個人決定入去試下禮拜五真係特別多人出街食，淨係等位都等左大半個鐘，入去一望都見到坐滿哂人一抬頭就望到啲裝飾，好岩我心水😂我地嗌左一杯生單同一支清酒，生啤嫌佢味道淡左少少，不過易入口至於清酒就好似青蘋果味嘅梳打水唔係好咁飲前菜我地嗌左個燒魚餅，又幾好味啵不過啲油多左少少，食完覺得個口好油膩跟住嗌左個丸十彩虹卷，都算新鮮串燒就揀左雞之盛宴，感覺不過不失啦，有啲肉燒燶左少少，而個雞胸肉黑椒落得太多，我同朋友都唔係好受到陣黑椒味壽司拼盤我地揀左廚師發辦，刺身係新鮮嘅，但係個海膽就真係麻麻地

味道係好，不論刺身新鮮，燒物！食方面真係會令人滿意！除左門口帶位那個有禮貌外，其他服務生真的不知所謂。首先落單，係唔係仲未記到枱號，有5次係上錯對方既食物俾我地，真心想問，係唔係免費！埋單時，有服務生幫我地傳左話結賬，點知等左15分鐘，仍然無人理。一問一位似係經理既人，要等幾耐要可以埋到單！佢一句，咁依家去幫你囉！想問咩態度！道歉，唔好意思都無句！唔知以為茶餐廳！試問咁既服務質素，仲點會去多次呀！

之前睇到媒體出post 知道丸十壽司新張期頭4天內全單半價，於是決定了5月13日會一會佢。開12:00的，我於11:20就到了，見到初現人龍2-30人倒，馬上去排隊。我一行三人好快便安排我們入座，講明用餐90分鐘。內裏環境相當不俗，尚算寬敞舒適，樓底很高，場內還不停播放日本🇯🇵名曲。首先他們是用點心紙方式點餐的，種類非常多密密麻麻，例如刺身、壽司🍣、盛、燒物、炸物、卷物、串燒等，1張前面後面2頁📄。我們點了差不多4、5樣，再追加2、3樣，所以名字可能忘記了，請見諒，👀附圖片。先來一客丸十特式刺身盛（丼），中間一隻特大相信是牡丹🦐，新鮮海膽甜美無腥味，有帶子，蟹肉、呑拿、三文及三文魚子......不可不提嘅係啲米飯好有飯味又軟糯。據說店內有部打磨米機呢。之後來一客築地市場直送5式刺身，唔好比佢停再來omakase 廚師👨‍🍳發辦壽司🍣12件當中不乏拖羅、油甘魚壽司，再有牛油果🥑炸蝦🍤卷，勁多牛油果，再來煙臐吞拿魚剌身，打開有點煙霧瀰漫接著是三文魚牛油果🥑漢堡，個漢堡好足料，牛油果同三文魚勁多，個壽司飯漢堡米飯經過烘過，不過又不是脆的口感QQ，喜歡與否見仁見智。最後是西京燒比目魚味道調得恰

見Facebook 講新開張半價，住在附近的我不去試就罪過了。所以跟家姐去排下隊。我們排得很前，入去時沒什麼人，轉頭已坐滿人。在這張點餐紙點餐。但字體很細又排得密，有點難看得清楚。加上沒有圖，看個名很多都不會知究竟是什麼。我見有一大本Menu的，但店員沒有給我們看，我也只見一枱人拿著，其他都是看張紙罷了。枱面有餐具。店員會不時來添加綠茶。不過可能第一日開張，是有點手忙腳亂，倒瀉了，但很有禮貌道歉，所以遇到同樣情況，請包容。雜錦壽司盛合，原價$108，半價$54。飯比較小，刺身很豐厚，是很完美的手握壽司的形狀。也很新鮮。火灸三文魚親子卷，原價$68，半價$34。外層三文魚有入口即溶的感覺，而飯包著的又脆卜卜，加上上頭的三文魚子咬爆的一刻好Juicy，很好味。海洋之盒，原價$128，半價$64。整體OK，只是三文魚和帶子質素差了一點。現在半價是值的，但若以正價來說水準要提高了。因為第一日吃過覺得抵食又好味。所以第二日我們又去了。但一日之間就大不如前了。第一日看見人家叫軍艦卷物盛合、丸十壽司漢堡，很吸引，打算叫來試，但什麼都不供應了。連蝦天婦羅都沒有。我們也是十二點就來了的。所以唯有叫回第一

又試新壽司啦 今次係位於朗豪坊新開 丸十壽司 由於係新開嘅緣故有半價優惠 鋪頭主打用幾種唔同嘅日本咪溝埋一齊 令香味，入口感覺都提升到另外一個層次 橫掂星期日經開就試吓啦 ，由於去到已經兩點幾所以唔係等左好耐 10分鐘左右已經入到去 點左兩個壽司盛 壽司唔可以散叫 只可以叫set 本身自己鍾意食壽司 所以覺得如果佢鋪頭係主打飯嘅話應該帶壽司嚟試吓 廚房分開幾個部份 分別有全消刺身壽司卷物品 各有兩至三個人 由於大部份人都係叫壽司嘅緣故 上菜速度非常慢 等左45分鐘... 而且廚師儲左幾張單先一齊正所以令上菜速度更加慢 真係等到火都嚟埋 晏晝飯都變下午茶啦 實在係失望 材料質素OK嘅 拖羅香但係有小筋 海膽食到最後有一種澀味 飯亦都唔覺得有咩特別 小弟雖然唔敢講話自己食過晒最好嘅壽司 但係因為為食嘅緣故 間唔中都有去啲高級壽司食下 同研究下 原本諗住再嗌多幾碟但係等第一點已經等左差唔多一個鐘 所以就買單我去食麥當勞算 其實講真 壽司係合格嘅 始終材料新鮮 不過絕對係冇想像中咁好 太失望了 之前諗住話呢個價錢實冇死錯人 但係而家打死我都唔會黎 咁唔好話遲啲會變返正價 如果呢個價錢食啲咁既野