丸十寿司日本食堂 (已結業)

放工後相約老公到了旺角朗豪坊食晚飯，是日想食日本菜，之前經過都發現新開左呢間名叫丸十壽司的餐廳，見入面嘅日式裝修好吸引，已經心思思想食！𥚃面裝修雅緻，樓底高，空間感好好！丸十壽司盛二人前$298 全部都好新鮮，而海膽，拖羅最力突出，必食之選！近鏡一張拖羅，你睇下，面頭仲有少許金鉑作裝飾，增添貴氣！另外自選三款刺身，encore海膽，劍魚腩（入口即溶，油脂豐富，好好味！）仲有帆立貝大大粒！$138西京比目魚$88 魚油香，皮脆，肉嫩！燒雪花牛舌（$35) 好有牛香，燒雞翼$35/2，好味！再叫杯啤酒$68嘆烤雞泡魚干$68，簡直人生一大享受！一啖啤酒，一口魚干！你懂的！