丸十寿司日本食堂 (已結業)

Monster sushi 結業後，搖身一變為此餐廳。一如既往也是日本餐廳，但也是有令我失望的。整體食物種類繁多，有米飯為主，亦有刺身，有串燒。食品價錢偏貴，壽司類較划算海膽壽司尚算鮮甜👍🏻，吞拿魚也不錯。唯串燒偏貴，一串接近25元，創作類壽司味道可接受，等候時間頗長。看到不少人也點了漢堡，但也提不起意欲點。另外員工服務質素一般，雖然人數多，但反應較慢。只吃一次，沒有回頭再吃的意慾。🙈🙈🙈🙈

聽聞朗豪坊又新開咗一間中價壽司店🍣原來位置剛好喺 monster sushi 原址！一場嚟到，就一於入去試下新店！上到去，人龍都唔短幸好排咗25分鐘左右，就入得！哩度最大賣點：就係「精米」！餐廳門口，仲放置咗一大部日本進口 的精米機餐廳內樓底非常高，配合木系日式設計，環境相當寬敞舒適～有格調⭐️雜錦壽司盛合 （$108）店以「精米」為主打，白米即日打磨，果然有啲唔同～比平時食到的更有米香！北海道帶子非常鮮甜，甜蝦肥美新鮮！仲有平時較少食到嘅魴鮄魚及伊佐木，最為特別～魚味濃郁！⭐️燒豚肉飯 （$98）豚肉燒得幾香，但可惜入口味道比想像中淡，未夠入味～以這價位，性價比相對低一啲！⭐️丸十彩虹卷（$78）哩個卷物唔單止外觀吸引，味道同樣有驚喜！可以一次過試哂3種魚！推介！⭐️抹茶米奶 （$48）用日本米煮成嘅米奶，加上抹茶嘅微甘，味道比平時嘅抹茶lattle更具層次。口感係較為稠身，上面仲灑上精米米糠，清香中帶點米香，yummy！值得一試（不過味道略甜，宜叫少甜）唯一需改善係出餐速度比較慢！當中仲有漏單希望只係新開張嘅問題，日後店主會改善！

下雨嘅星期日去旺角睇戲，距離開場仲有一大段時間，於是同愛人到朗豪坊食晏，底層人流實在太多，我哋坐升降機由高層出發，人望高處真係有理由，俾我哋揾到間丸十壽司，樓底高夠開揚，自然光透射令人舒暢，人聲嘈雜立時少左一大節，座位大有空間感唔迫夾；食物方面亦令我喜出望外，雜錦魚生壽司漢堡 $68，首先，唔多地方有壽司漢堡，仲要唔貴又做得好食，真係由心讚左出嚟👍🏼香葱鮪魚蓉海膽丼 $198，成碗飯個靈魂唔只係在於鮪魚蓉或海膽，仲有丸十嘅醋飯，做醋飯嘅精米及溫度都相當嚴謹，食每口都會用欣賞及敬佩嘅心去品嚐，當等餐時，睇下餐牌內頁介紹已感受到👏🏼丸十彩虹卷 $78，呢個價有金泊及魚子醬做點綴，已令對眼變左咁👉🏼😍鳥之頌 $98，雞翼、大葱日本雞肉串、免治雞肉串、雞胸軟骨、雞皮，燒功一流，串串都食出雞味，唔通佢哋用新鮮雞🤔？？走時已經好多人等位，真係爆💥得有道理。

香港人個個都鐘意食日本菜 今日經過朗豪坊 見到呢個日本餐廳 睇落好似係新開嘅 之前經過唔見有 呢間丸十壽司🍣係一間重視米的質量 佢地會係餐廳入間進行精米 🍚甘我叫咗份十件壽司🍣 佢有時令嘅即日飛機魚 有甜蝦 有拖羅 有海膽同帶子 呢啲壽司食落刺身新鮮 而且啲米粒粒分明 食落好有層次感 呢個係飯整嘅漢堡 食落就麻麻地啦 雖然個飯好有米味 但係食落就比較麻煩 而且塊雞扒煎得老咗些少 食落冇甘有咬口 呢塊三文魚扒好有鮮味 個皮煎得好香又脆而且呢到啲串燒真係好好食 特別係牛舌 比較厚身 而且燒落去係好多汁 🎯 丸十寿司日本食堂 (旺角)旺角亞皆老街8號朗豪坊12樓13號舖

今日去旺角行街行行下朗豪坊見到間好多人排隊嘅日本餐廳甘就緊係吾執書甘排埋一份啦所以就入左黎丸十食野😂😂一坐低 見到啲醬油樽勁靚起有日本feel😍😍😍之後我地就叫左個極上魚生飯🤤🤤🤤同埋一個鐵板牛肉壽司漢堡個魚生飯真係超正 勁新鮮佢有3種吾同嘅部位仲有魚蓉一碗就可以試晒幾個部位 抵到爛質素同我係日本食嘅不相伯仲 啲飯超好食 勁香軟硬度適中 好耐都冇試過食到甘好食飯 個壽司漢堡都好正但飯面加埋牛再加埋芝士一次過咬落去食有一種好滿足嘅感覺😍😍😍😍

一個人食飯，唔係講求霸氣，而係好味。「即使被關在果殼之中，仍自以為無限空間之王。」人有時候會無端討厭被安排好的一切，上一秒很享受，下一秒又想逃走。比如有人等你開飯卻獨自在外偷食，比如開著Opxnrice搵食卻避開必食推介，比如走進壽司店卻只叫牛肉飯，這種自以為的有限度反抗，可以說是任性，也可以說是自由。（但不要說這是賤格😂或許是怕我一個人等上菜等得悶，店家安排了迴轉檯對窗的角落位給我，等我可以望下個假夜空發呆。係假景，但真心有Inner peace😌（醒下啦喂等了約十五分鐘，我叫的溫泉玉子燒牛肉飯便上桌。吃下第一片牛肉就知道我不會失望，外層炙烤得焦脆，內心依然柔軟（like me😳）七分熟度，細嚼隱約有炭燒和血水的鮮香，比和牛更加有獸性。稍厚的牛肉片肥瘦恰到好處，可以同時享受撕裂纖維的廝殺感和入口即化的柔順感。以這牛扒的質素，出面超市買一舊至少要80起步，正呀！吃到一半才知這間店以精米做主打，「當店精米」所言不虛，米飯的味道溫柔和平衡，吃得出鬆軟香甜，吸飽了蛋汁和甜醬油，連我這樣在外吃飯必剩的人都一碗完食。（利申：碗直徑約15cm，適合細食人士）看來下次來可以期待一下壽司。總結一下：靚

成日要係朗豪搵食，今次就試左呢間新新地既餐廳，叫丸十壽司，內部裝修唔錯，行簡約日本風。我叫咗一個$88嘅烏冬鍋set, 估唔到都幾大份。首先嚟左盤前菜，係「盤」，因為佢真係用個木盤去裝住，份量都幾多，唔係hea比，但係漬物味道略嫌一般。主菜烏冬都非常大鍋，而且裏面D蔬菜好新鮮，食得出應該係來自日本，個炸蝦都炸得唔錯，雖然浸係D湯度但係無淋到一餅野嘅感覺，仍然係脆口，呢度值得一讚。仲有跟咗個湯，不過有D鹹。整體食物合格，但係服務質素可以再提升，例如我未走，佢地清食物時手快快收咗杯茶，但食完飯，飲啖茶對日本料理係好重要，侍應可細心D。

好耐冇去過朗豪坊，今日經過行咗陣發覺好多嘅商舖都唔同晒，最高嗰層本來有一間唱片舖都冇咗沿途行落去又見到一啲新開嘅食肆有一間壽司鋪佢好有特色竟然有壽司漢堡於是我同朋友就試下呢間服務都幾好，一坐低侍應就斟碗玄米茶俾我哋飲先炸軟殼蟹壽司漢堡，真係估唔到原隻軟殻蟹用啲飯包住，夾住芝士同生菜好似食漢堡包咁有創意，雖然食落有啲麻煩不過幾好食，軟殼蟹好香脆壽司拼盤見到都流口水海膽壽司好多海膽啊，海膽仲好有質感同新鮮吞拿魚腩好肥美入口即溶帶子壽司大大隻帶子又鮮甜真係好想再食多幾件牡丹蝦爽口彈牙 質數都好好由於兩個男仔都幾大食，我地叫多個自選串燒拼盤色香味都應有盡有。蛋卷幾好食，甜甜地，有焦香味串燒牛舌燒到岩岩好，爽脆又香 我去邊都必食，

今日我地去左朗豪坊既丸壽司日本食堂食晚餐😋燒豚肉飯:豚肉燒到好香口 送飯一流，都算多豚肉，飯 軟硬適中 👍🏻👍🏻幸福天輪:有五款小食😉用來呃like 最好不過🤣👍🏻極上魚生飯:魚生好新鮮 ，好足料👍🏻真係300蚊都值😍😍😍我一定會再來食！草莓日式刨冰:好開胃,酸酸甜甜 唔會係藥水味，堅正，食完飯食好滿足好滿足👍🏻👍🏻👍🏻👍🏻👍🏻鐵板牛肉壽司漢堡:還好吧 😬牛肉都幾香的，可以一試

一個人，忙左成個禮拜，食左幾晚快餐，覺得很要對自己好啲！入到鋪頭好多人，樓底超高，所以唔係好嘈。呢度無得散叫壽司，要叫就叫一set ，一個人就最後試左一個海鮮丼！個賣相勁吸引有成十款魚生係上面！有牡丹蝦，勁大隻，要拎開先可以食到個飯！隻蝦好新鮮下！另外有海膽，三文魚籽，都okay，都幾新鮮！蟹腳肉都好多下！帶子係一大片！仲有好肥美既呑拿魚！個丼係好食到停唔到口。。雖然係有啲貴，但一分錢 一分貨！相信啲飯係主角！啲牌寫哂唔同地方地方既米！再叫左炸薯角同串燒雞肉。即叫即炸熱辣辣，配埋沙律醬好食！

日本菜是多種不同國家菜式當中我最喜歡既菜，當中又以刺身壽司串燒最為吸引。旺角朗豪坊新加入不同新餐廳，今晚經過一間新日本餐廳，門口人龍長長，經過又聞到陣陣米香，吸引我黎到依間餐廳食個晚餐啦。小食叫左一個厚燒玉子，雞蛋卷燒到厚厚，入口蛋味清清，味道帶點甜味，即叫即製入口份外暖和。特上壽司拼盤用上高質素食材，每款兩件，大拖羅/海膽/帶子/牡丹蝦，入口肥美口感豐富，新鮮食材入口份外鮮美。雜錦壽司拼盤，每款不同口味的壽司可以一次試到不同味道的壽司，當中又以三文魚和蟹肉最合我口味，朋友就比較喜歡香蔥呑拿魚蓉，各有各喜好。我地再點上一個串燒雞肉拼盤，雞肉用上日本產雞肉，入口味道清甜香嫩，肉質更是滑溜，串燒醬汁滋味香口。不同口味既雞肉串燒，我最愛免治雞肉串，入口軟糯香口。海鮮盛合最為驚喜，當中用以三文魚和帶子，加入他他醬和芝士焗製而成，味道香口三文魚焗得半熟入口肥美油香豐富，帶子剛好熟，入口不失鮮甜。依間又係一個可以再來的餐廳啦。

好少去旺角既我，今日專登去左試呢間新開壽司店！呢度出名係食精米，精米係由玄米在店內打蘑至白米，咁可以保留水份、香氣同味道，講到好勁咁，所以黎試下！叫左丸十壽司盛合、感覺上咩都有咁，有大腩、海膽、牡丹蝦等等，食材新鮮，而且重點係舊飯，真係有口感啲同食到飯味，而唔係得醋味，有啲驚喜！亦試左丸十海鮮丼，海鮮種類都幾多而且都新鮮，唔錯！比較特別既係，除左啲壽司丼飯之外都有啲串燒叫下，對人多個選擇叫下啲小食，唔洗淨食飯咁滯！總括黎講，以後去到旺角就唔怕無啖好食了！

睇完戲就係附近搵間餐廳食，見到間新開日本餐廳咪走去排隊，裝修又幾好夠光猛樓底又夠高唔會有種壓迫感，杯茶唔係普通綠茶竟然係我最愛嘅玄米茶，飲落去好舒服有淡淡清香嘅玄米又唔會太濃，兩條女都話怕肥要食清D，點知到最後都係有肥膩嘢。懶健康叫個牛蒡，但係炸嘅又幾好味好脆又好似好健康咁，一個香蔥鮪魚腩蓉卷，因為我好鍾意香蔥夾埋一齊食簡直係 perfect ，另叫個丸十彩虹卷賣相吸引，又估唔到面嘅刺身都算厚身，仲有牛油果成舊放入口，口感相當唔切，仲有個築地直送嘅原條魚，個侍應話係池魚我諗都唔諗都要一條，因為池魚配上酸汁+蔥花又係我另一致愛，仲要原條喎都係$180好低，所以就叫咗嚟到，食完依幾款唔多飽嘅嘢，都係要食少少肉令自己增加飽肚感，就叫多個鐵板燒南部地雞，都幾好呀面嘅雞皮都係脆嘅，食完就繼續行街。

今日去左旺角食飯，好耐無黎成個商場變左好多，多左好多新餐廳，仲多左好多新商店。經過一間日本餐廳，發現裝修簡約舒服，就去食個晚餐。餐廳用上精米製作壽司，味道非常香口，米香都非常特別。我先叫一個厚燒玉子，玉子即叫即製，入口蛋味清甜，略帶甜味。雜錦壽司拼盤，有多款不同口味既壽司，三文魚/帶子/蟹肉/香蔥呑拿魚蓉等等，魚生用料高質素，入口唔會有雪藏味，當中又以三文魚最為肥美油香。特上壽司拼盤用料最高質素，用上海膽/大拖羅/帶子/牡丹蝦等等食材，海膽最為驚喜，味道香甜。鳥之頌是雞肉串燒拼盤，用上日本產雞肉，雞味香嫩濃郁，串燒醬汁滋味唔會過咸。海鮮盛合最得我歡心，三文魚/帶子加上他他醬和芝士燒香，味道香口滋味，三文魚燒至半熟非常油香滿滿。依間新晉日本餐廳質素非常高。

短短的一星期, 卻在這光顧了兩次環境、食物也不錯, 和同事一到之後, 當然趁假日之時也和家人一到, 為的就是嚐到美食餐廳環境舒適, 寧靜, 闊落壽司新鮮得令人驚喜, 鮪魚盛合, 吞拿魚色澤光鮮, 肉質彈牙, 入口鮮甜鳥之頌, 名字改得確實不錯, $98/SET, 串燒份量足, 質素也不錯, 是抵食之選雞肉嫩滑, 入口肉味濃郁, 肉汁依然保留到之餘, 最令人推介的是雞皮和雞軟骨, 雞皮帶有陣陣香氣, 入口並不覺膩, 反而帶脆且有咬口, 令人覺得驚喜雞軟骨和街外一粒粒的有明顯的分別, 似是雞胸附近的軟骨位置, 比較大件, 入口更覺脆而實在一件入口, 脆口的感覺連同雞肉的肉香和肉味, 滋味的感覺油然而生玉子伴燒牛肉丼, 溫泉玉子剛好的熟, 流心般的蛋黃一戳就破, 跟飯入口嫩滑帶有蛋香牛肉厚但完全不韌, 肉嫩且味濃, 跟玉子、飯的配合, 色、香、味皆令人回味