丸十寿司日本食堂 (已結業)

話說間中都會同同事黎丸十食lunch因為lunch真係好抵食去到先知原來今個星期仲有大優惠每日有不同精選菜式做一折優惠 (只限首十名) 其後嘅九十名都有半價優惠而我就好幸運地成為首十名今日一折嘅係 “丸十海鮮丼”只係$25咋，抵到爛呀雖然咁抵，但份量都無縮細到，一樣咁足料。。。。。。。。。。。。。。。。。。丸十海鮮丼(海膽，牡丹蝦，中鮪魚腩，松葉蟹肉，帆立貝，赤身，油甘魚，白身魚，三文魚，三文魚籽)▸單睇魚生嘅種類已經好多，而且好新鮮，海膽都幾清甜，中鮪魚腩都幾肥美，富油香，而牡丹蝦鮮甜肥美😊 飯嘅份量都好多，口感不錯。。。。。。。。。。。。。。。。。。築地直送鮮魚壽司定食 (十件)▸魚生比飯大件，最喜歡海膽，比丼飯個款更重鮮味，甜得黎帶少少甘😋 吞拿魚腩好新鮮肥美，而且無筋，很喜歡💕 其他壽司也不錯，午餐還配有前菜，漬物同湯，唔夠仲可以追加小食。。。。。。。。。。。。。。。。。。海膽黑松露茶碗蒸▸一打開已聞到好香嘅黑松露味，個蛋好香好滑，海膽鮮甜，裡面還有蝦同蟹柳，這個配搭就是好吃😋

朋友生日想食日本菜 一早打電話訂了位之後會收到sms提示 再到前一日都會再提示一下幾方便又窩心環境唔算好大 先叫左份日式燒雞因為圖係雞粒黎到變左雞件都幾大分別好彩個味唔錯燒得好入味有得單叫串燒或者一set叫有3款set揀我地揀左海鮮呢款都燒得唔錯鐵板牛肉壽司漢堡比想像中細 同埋好扁但入面舊牛肉係燒得唔錯 好惹味雜錦壽司盛合每一款都幾新鮮 鮮甜火灸三文魚親子卷燒三文魚扒肉鮮幼嫩 燒得夠入味最後叫左個士多啤梨雪葩又係同圖不同 因為圖係全個鮮紅色跟住我地發現鮮紅色既部份係內裡都幾有驚喜 味道不錯 不會太甜食物都不錯 不過店員冇一個有笑容

黎到朗豪坊有時候真係唔知食乜好，因為食黎食去都係個幾味，見到呢間新開既日本菜咪入去試下。去到就點左好幾個餐既有得一set一set咁嗌，我記得自己叫左呑拿魚蓉日本丼飯同埋三文魚呀牡丹蝦壽司咁仲有個蟹漢堡咁。不得不讚一句個呑拿魚飯真係好好食，除左食到個種新鮮既感覺之外，質感仲要係痴住你個口，真係食過翻尋味。壽司都係好新鮮味道都係十分之不錯。而個漢堡可能要即上即食，因為同幾位朋友傾完計過左陣食都感覺到佢凍曬，份米餅都已經林曬唔脆，所以建議各位食個陣真係要快啲ko佢

早有所聞丸十是香港首家「當店精米」的日本料理餐廳，在店門口有一部業務用的精米機，每天午市和晚市分別將日本產玄米新鮮打磨成白米一次，另外更標榜用上由築地直送的魚鮮以及日本岩手縣南部雞等食材，聲勢浩大，開業半年特意於此時到訪，大概質素營運已經相當穩定。海鮮刺身沙律 ($98)沙律菜上佈滿飛魚子、三文魚、吞拿魚、帆立貝、甜蝦、鯛魚，真材實料份量十足，每款刺身均充滿味道鮮美而肥美肉厚，性價比極高。原條築地直送鮮魚刺身 ($220)每日鮮魚種類和價格均有所不同，而是日則為池魚，原條薄切成片，富有光澤，肉質爽中帶嫩，魚味鮮明；店員提醒可以另外加錢將魚骨油炸，會別有一番風味。大蔥日本雞肉串 ($25) 雞胸軟骨 ($25)雞肉燒得皮脆肉嫩，雞肉味濃且毫不乾韌，配上燒得軟中帶爽的大蔥剛好中和了油膩感；而大多日本料理餐廳只會供應粒狀的雞軟骨，雞胸軟骨相當罕見，軟骨爽脆更附帶雞胸肉，醬汁帶微甜，恰到好處亦不會過分油膩。日本魚鮮及南部雞兩個主打項目皆是名不虛傳，價格合理而且質素滿意；之前參考其他食評有指出菜速度緩慢，但是次光顧下單後等候時間只有約十分鐘，效率甚高；另外員工亦殷勤有禮，不斷為客人添加熱玄米茶，

無心插柳的情況下，在朗豪坊發現了「丸十壽司」這個驚喜！單單是裝修，已經覺得這間餐廳有點與別不同。簡潔、光亮、超高的樓底令空間感十足，再加上日式風格，環境非常舒適。食物的種類不少，小食、串燒、刺身、壽司，甚至有米飯漢堡包，都相當多樣化。這個是海鮮刺身沙律，我個人認為係最抵食的一款食品。佢的分量足夠3-4人食，蔬菜新鮮就不在話下，而且有帶子、三文魚、吞拿魚等刺身在當中，$98絕對是物超所值。這款雜錦雞串燒叫「雞之盛宴」，有齊五種不同的雞串燒-雞皮、雞翼、雞肉大蔥、雞軟骨和免治雞。雞皮串燒平時很少見，所以我點都要試下。其實食落唔覺得油膩，我相信係因為在燒的過程中已經燒走了大部分油，所以口感只剩下香和脆。不過最鍾意的始終是雞軟骨佢唔係平時食到那種一粒粒的雞軟骨，而係雞胸胸尖位置的一段白色軟骨。連帶少少雞肉一齊燒，食的時候就同時食到雞肉的香和軟骨的脆了，相當美味。萬眾期待的二人前壽司拼盤出場了！見到壽司上面的刺身全部閃閃發亮，就知道材料是十足的新鮮。最先試海膽軍艦，嘩！真係不得了！非常鮮甜和香濃的海膽味，很耐未試過食到咁鮮甜的海膽。其餘幾款壽司同樣是非常新鮮美味，但我在此不多作解說，因為想講講壽

黎到朗豪坊頂樓係日本菜同四川菜之間掙扎左一輪最後揀咗呢間丸十整體都好好味👍🏻冇揀錯！一開始係俾門口靚靚嘅裝修吸引左入去入去坐低覺得樓底好高冇壓迫感 坐得好舒服一開始叫咗一份壽司拼盤、一個米漢堡同埋一個串燒拼盤三文魚親子盛合$98有六個小卷、四件三文魚壽司、兩件三文魚子軍艦份量都唔少三文魚壽司油花幾靚幾厚身，冇揸流攤😂三文魚子粒粒都好脆，唔使點豉油亦都好夠味三文魚牛油果壽司漢堡$58賣相好靚而且三文魚份量都唔少三文魚撈左少少蛋黃醬有少少調味幾好另外亦有我最愛嘅牛油果成個味道好夾而且咁大個米漢堡都係$58呢個係幾好既飽肚之選，抵食！鳥之頌$98一共有五條串燒特別要一讚雞皮非常香口雞軟骨串亦都好有驚喜，勁香脆中間嘅雞肉丸入面都有細細粒雞軟骨，好有口感京蔥雞肉串嘅雞肉完全吸晒好香蔥味最後雞翼就唔使講啦，正整體五串質素都好好食完第一輪再加碼西京比目魚$88其實佢係幾好味㗎啲肉都唔會好鞋分量亦都唔算少不過我開始有少少飽😂燒茄子田樂$68個醬同茄子嘅味係夾既可以將啲醬撥去啲生菜度撈埋食但因為已經太飽嘅關係呢一碟食唔晒😅😅整體來講性價比唔錯以呢個環境呢個質素呢個份量我覺得值得encore

見呢間餐廳每晚都要排隊，感覺會好好食，就搵日早小小黎食夜晚，避左排隊😂入到去，環境唔算大，勝在夠光同坐得都舒服。由於唔中意坐吧枱，就坐係餐廳既中央大枱。2個人叫左4款食物，價錢中上，質素不俗，接受到。首先叫左個軟殼蟹飯堡，軟殼蟹算多肉，亦唔會重炸粉，不夠就冇咩膏，如果多d會更幸運。飯堡唔會乾，調味適當，又唔散，值得一試！之後叫左個雜綿海鮮燒烤，質素比居酒屋或串燒店更高。用料新鮮，唔會用過多調味，帶出魚，蝦等既鮮味，真心正。最好食係燒蝦，鰻魚，同三文魚，超回味！另外仲叫左個廚師發板壽司，每日新鮮不同。刺身切得好厚，唔會有腥味！最好食係蝦，好爽口又有生蝦個陣鮮味又夠厚身，重點係唔腥！之後朋友唔夠飽就叫多個刺身飯，份量多，入面既海膽超鮮甜，呑拿魚就正正常常。但一定每啖飯都會有海膽同呑拿魚，正！

星期五晚餐時段周圍都好多人，咁岩見到呢間日本料理餐廳好似唔係太多人排隊咁就試吓啦，首先出面叫飛個服務員態度好好，好快就安排我哋入座。入到去環境令人非常舒服好岩傾計，見到餐牌有道好得意既fusion菜個牛油果三文魚漢堡飽就點左黎試下， 仲叫左丸十壽司盛合，極上鮪魚丼同串燒拼盤。個漢堡真係好味，冇諗過個果好夾，個包皮係用飯整成，個味道加左醬油好好食，最出色係壽司盛合，魚生好新鮮，鮪魚入口即溶，好好味。價錢唔太貴，又食得好飽💕好值得再去

今晚約左朋友係朗豪坊見面，行左陣就入左黎食野啦，裝潢都唔錯，幾有日式既風格。用既餐具都幾精緻❤️飯身有d脆脆地，小小一隻幾得意，味道唔錯。玉子整得好滑又有汁，好好味😋日式煎餃，煎到d皮好脆好正，裡面既料又夠味，大愛😋😋😋❤️d魚生唔會直接放係冰上面，感覺好似比較衛生？而且每一碟都有d小裝飾，感覺精緻又用心😊最重要係d魚生食落都好新鮮好好味，雪味唔重。今餐我地2個人都食得好飽好滿意，係價錢不算便宜，其他都唔錯。

之前食過佢兩個飯，今次試下佢嘅壽司同漢堡！壽司係幾好味，百幾二百蚊有得食海膽同拖羅我覺得算係咁，雖然始終都係偏貴，但如果係平價拖羅又未必有信心保證，佢嘅拖羅係入口即溶，但衰在多左少少油脂！而個軟殼蟹漢堡都好出色！我呢到係兩個人人嘅份量，已經好飽，大約450蚊左右。

通常我唔知食咩，我會選擇日本菜。 經過旺角，即管試下呢間以日本米招徠嘅餐廳。環境：乾淨，喜歡它樓底高，用餐當晚full house 但尚算安靜服務：大部分和我溝通都是帶口音的大陸人，些少譚仔feel,加上禮貌一般，在這種日式過江龍餐廳是意料不及，所以這點扣點分。食物：1）有機蕃茄沙津，正常，話有機的但我食唔出，沙津雜菜都新鮮。但沙津汁多了點2）Sapporo beer, 我沒有看有圖的餐牌，如果知道是杯上，我會點小杯樽裝。個人對飲啤酒有點要求，例如杯要凍，呢間做唔到，另外最好提供的是細杯（150ml左右），這樣可以飲幾多倒幾多，保持啤酒冰凍。3）串燒：茄子是醬燒，個汁調味適中，沒有過甜及太過杰；雪花牛舌亦好味有油香，淋淋地，好滿意4）鮪魚盛合，新鮮，有兩件係中拖好滑，赤身亦有魚味，吞拿魚卷有驚喜，𥚃面的吞拿魚不是蓉而是細絲，食落口感同另外兩件吞拿魚軍艦有分別。飯是有調味的那種。雖然它們標榜靚飯，但當晚的壽司飯煮得太淋，有點失望整體食材新鮮及有用心烹調，只是服務水準一般，未能令客人有置身日本用餐的氣氛。

呢個「溫泉玉子伴燒牛肉飯」，真係唔可以錯過，雖然價值唔平，$138，但值得試下。牛肉鋪滿碗飯，燒得好香，再撈埋玉子蛋汁食好惹味。牛肉唔硬，鍾意食牛一定覺得正。-另外，丸十彩虹卷（$78）有六件卷物，魚生新鮮，加上外表顏色吸引令人好開胃。

見到商場好多介紹，於是決定一試。下午5時半到，唔洗等位，場內只有3枱食客。用餐時間1.5小時，一坐底就即刻叫野食。壽司揀咗[廚師推介]，12件，由廚師發板。刺身新鮮，質素正常，不過不失。依碟要成5百蚊，唔值。飯類叫咗，有驚喜。牛肉半生熟，好淋，好香牛油味。醬汁甜甜的，好惹味，可惜白飯比較少。串燒試咗、，雖然燒得唔乾身，但味道偏咸。最後埋單接近7百蚊，咁的價錢，食到靚放題，所以此餐廳只此一次。

呢間係朗豪坊開左幾個月嘅丸十💡小知識：佢標榜「當店精米」，在店內放置一部精米機，每季引入日本不同產地的米，每天兩次，把日本糙米磨成精米，煮出新鮮米飯。飯粒比平時吃到的更煙韌。點左丸十壽司盛合($298)🍣 炸軟殼蟹壽司漢堡 ($88)🍙海鮮沙拉（忘了真正價錢同名添😅)🥗同最好送燒酒既燒雞泡魚乾（$68）同燒魚翅乾（$48）🍶食材好新鮮,刺身好肥美，但坐得有點窄。目測午市/晚市人龍頗長，記得訂位呀📞

其實多數sushi都新鮮，不過係貴同吾飽Sushi細，rice burger幾ok，我覺得2人食好D。我地多人有玉子毛豆小食都吾飽第一食，慶生活動所以冇所謂啦！不過下次吾想再食