丸十寿司日本食堂 (已結業)

一人午餐食咩好呢？係朗豪坊行行下見到有間坐得幾闊落嘅日本餐廳，於是行過去睇menu,咦唔只壽司，太好啦！最近食飯食到有d悶，於是叫左個日式便當，haha無飯架，但有薯角，炸到金黃香脆，無諗過係日式食店會有呢個質素，驚喜！有蔬菜沙律打底，頓時覺得好清新，個汁酸酸甜甜唔係醬唔係油，胃口都好d炸腿係用燒嘅，唔會肥膩，一送上已經聞到香味，鐘意食乾身脆口嘅人會喜歡佢嘅外皮，咬落有聲，雞肉亦唔會老，幾有口感。有得舒舒服服坐，有茶飲，選擇又多，滿意下次會再試壽司！

好想食壽司既一日。但已經好夜，咁岩行緊朗豪坊，睇到呢間格局唔錯嘅日本料理，心諗差極都有個譜。點知係無譜㗎🤗首先黎左個蕃茄沙律，片蕃茄質地係林到就爛。因為其他日本料理我都會叫呢款沙律，所以分到新鮮係點😩之後蟹籽沙律係無乜蟹籽，蟹柳絲都唔多條。。但算正常囉😐叫左五款自選刺身，唔新鮮。。似放題刺身🙄覺得連鎖放題嘅刺身仲好過佢。。。壽司嗰d都一樣唔新鮮😪仲有牛油果🥑炸蝦🍤卷，算係最好係舊粉厚過隻蝦咁。

同老母慶生 就梗喺要食豪啲🤑今次嚟晏就十二點幾walk-in 入嚟呢間小貴嘅日本餐廳 首先講環境 裝潢喺唔錯 但枱與枱之間實在太窄 同隔離枱只有一隻手指位 感覺有少許尷尬一開頭落order 叫咗個雞泡魚乾 份量小 偏肉質唔韌 味道偏甜 個蟹肉漢堡 份量都偏小 個飯一個字硬 我都仲算後生 但我都好難咬開舊飯 何況我老母 個蟹肉偏乾身個蟹蓋蒸蛋 個蛋份量小到我可以一啖食哂 上枱個下喺微溫 我嘗試去合理化點解佢個蛋何解唔熱 可能喺因唔想影響蛋上面啲海膽同蟹肉 個蛋喺滑 味道算清淡同老母每次食日本嘢 都會叫我地至愛嘅左口魚壽司 呢次唔例外 油脂重 肥美 好滿足 美中不足喺有啲韌個size大到唔可以一喺擺入口 講食材先 充滿層次感 頂頭微量魚子撈金箔 加幾條不知名綠色植物 然後有一啲都唔腥嘅三文魚子 鮮甜唔腥嘅大大pat海膽 同我唔太好嘅吞拿魚蓉 拎開哂上面啲嘢 以為得返舊飯 點知仲有片帶子 個太卷入面仲有吞拿魚蓉 好足料 同老母每人食咗兩舊 飽到上心口 好滯仲叫咗個雞肉串燒拼盤 總共五款 全部都有好香嘅雞肉味 好鮮 唔乾 尤其喺個雞皮 又香又脆 唔會油淋淋

收工後去了朗豪坊遊下一直聽說丸十壽司有米漢堡🍔~就心郁郁想去食啦~🤤🤤🤤不過d間鋪每次經過都叫到佢有人排隊👫👬👫👬今次當然唔例外一樣要排十幾二十分鐘~~但為左食我都願意等一陣的~~呵呵呵呵呵~😎😎😎😎丸十彩虹卷 ($78)🍣這家店是推日本靚米~🍚壽司的米飯口感是好不錯的~不會太軟太硬~~🤗🤗🤗重點是佢用了不同款式的魚生🐟、牛油果🥑、芝士🧀去鋪面顏色實在是太靚啦😍😍😍真係彩虹色架~🌈名符其實咁好睇又好食~正正子~~魚生壽司漢堡 ($78) 🍣用了兩塊煎米飯代替漢堡的麵包皮~煎過的米飯很香口~☺☺☺但稍微有點硬~~🤔內裡的魚生餡料好豐富~~💃💃💃不過飯堡有點太厚好難可以一口大大啖吃~結果都係要分開一片米飯皮去吃~~😆😆😆整體來說都是值得一吃的~~😙題外話: 個杯畫滿曬唔同海鮮~~幾可愛wo🤩P.S.寫寫下我突然好想食壽司添~~🍣

約左朋友去旺角食飯，本身想食Monster Sushi，但嚟到發現好似執左（？）所以就試一試附近嘅「丸十🍣」😋！叫左「鰻魚飯定食🍱」，聽人講過鰻魚係屬於「肥魚」，因為附油關係，一條就已經有900大卡路里😱但係丸十嘅鰻魚唔算太多油，健康達人可以食得安心d😂而且鰻魚亦都唔算多軟骨，唔錯👍🏻聽店員介紹，原來個飯底係由米芝蓮三星級廚師，有「壽司之神」稱號嘅小野二郎特製，將處理白米嘅最後一道工序「精米」移到餐廳進行，所以食落口特別新鮮☺️！呢到嘅環境好舒服架，又大又靜，適合同朋友聚下舊吹下水！

講到日本經典烤肉，依家市面上選擇似乎好多，但做到多元發展就無邊幾間做到。丸十就係少數可以食到日本燒肉之餘又可以食到正宗日本菜。小妹同朋友一齊叫左個玉子，冰涼彈牙的玉子係採用日本雞蛋製成，亦都係招牌之一。小妹力推呀！至於刺身，小妹近年都少食刺身因爲市面上刺身肉質散、「乾真真」咁。加上，刺身如果唔新鮮的話，食落肚都生蟲。所以小妹都無再食啦，但係丸十俾左好大驚喜小妹。佢嘅刺身鮮嫩爽口，絕對係食燒肉前嘅清新小品呀！至於燒肉，小妹首推牛板腱，出面係好難食到牛板腱架，因為油花靚，口感結實，燒三至四分鐘左右就可以沾沾燒肉醬汁放落口。一咬落去肉汁四濺，實在至高享受！

開左咁耐 終於記得嚟試喇 本餐牌幾靚今日坐壽司吧 因為要等我 爸爸就叫個炸蠔食住等我幾好味 好有蠔味 係廣島蠔 價錢都高價 成為$128再嚟就係我至愛嘩 ！原來係新鮮嘅魚邊 唔係包裝貨質素 唔怪得要$35/件 入口有好香嘅柚子味 唔知師傅係咪加左啲咩落去呢再嚟都係我至愛的鮪壽司盛 赤身 好濃味 中トロ 入口溶化又有赤身嘅濃郁味 蔥トロ好香 一場嚟到 難得係中午時段 點都要叫左lunch Set 睇下 三款刺身 三件壽司 唔錯仲有個 蔥トロ丼依個都好好味 好似係用赤醋如果吞拿魚腩蓉入面 可以挑返啲筋出嚟就完美了下次要再嚟揾 👉🏻鮪&左口邊😆😆😆😆😆唯服務方面有待改善 各侍應生都低頭工作 沒注意客人需要 我地單點壽司 、小食 連隻碟都無 杯茶飲晒都無人知 喝死了 套餐又俾少左個迷你丼 食個lunch$3xx/位 無人理囉 希望下次有改善喇

6月1日晚上十點近收鋪時段，我女友被某職員淋到成個袋都係醬油。開頭我同女友都無留意到，直到有位職員突然行過黎同我地講“小姐我幫你抹抹後面丫”，我女友擰轉面先知道被淋到。個袋上面個文件夾，同個袋側都係醬油。職員好快幫我地拿溼紙巾抹左文件夾上既醬油漬，講左幾句“唔好意思”後就行番開。個文件夾，唔好彩，係外國買的手信又是皮做的，吸左d漬，吸左d味，即時抹走，無乜大問題，我諗。個袋，如果唔係我地自己檢查後發現原來側邊全都係醬油，我諗我女友一拿上身就會成身都中招! 不過好彩既係佢係淋落個袋到，唔係淋落我女友個身到。由於職員求其抹左兩抹個文件夾就走左，我地只好拿曬枱面既溼紙巾自行清理。係呢幾分鐘清理既過程，期間有其他職員行過，亦有其他職員拿住收拾中的碗碟繼續係我地側邊行出行入，不過無一個人行埋黎幫我地。分店經理亦一次都無出過面，我甚至得唔到一句誠懇既道歉。後來我問番最初幫手的女職員發生咩事，佢話可能係有同事拿住污漕碗碟行過我地位時濺到的。我問佢幾時發生，同邊位同事做的。佢話事發時比較繁忙，無留意到。我同佢講話依家已經係收鋪時段，我地周圍既枱亦都空得七七八八，究竟有幾繁忙邊度繁忙呢?佢啞口無言答我唔

今日同朋友再到訪 上次試左lunch set 覺得價錢尚可 味道不錯 不過今日再食晚餐既時候 就覺得 可一不可再好甜既玉子燒 同埋個面有少少乾 我朋友直頭話唔好食 唔肯食我上次lunch set 都叫左牛 今次就想再食其實我覺得可以既 牛有牛肉味 個飯同汁都好味加埋溫泉雞蛋 依個飯係可以既 但比較奄尖既朋友就話 毫無特別依個係奄尖朋友食既 佢話海膽都鮮既 不過個鱆紅 佢就話太難咬 無吞到同埋飯都一舊舊 唔係分明靖魚多骨 個蝦普通不過鰻魚好味埋單都6百幾唔係話好美味都唔可以話抵既一餐可能下次都係食番午餐就算數！

Lunch想食日本菜,去了豪朗坊丸十🍣1)鰻魚套餐🍱鰻魚肥美沒有太多骨鳗魚汁咸甜適中還有前菜跟。2)壽司拼盤🍣刺身新鮮,湯烏冬滑滑的午餐來講,已經不錯,不過價錢係會貴些,預番$130-150一個人左右(已加10%)

休息加上是星期一，由於有1蚊1分里數，决定試下於旺角的丸十壽司。無訂位大約晚上6：30即時可以坐吧位，坐下不久便點了壽司拼盤$108(8件)，壽司美味不過上面魚生有部份吃上去感到不太新鮮 +燒雪花牛舌及鷄胸軟骨串正正常常不錯+ 六味熟食蠔$88(6隻6種味)+松葉蟹蓋蒸蛋很好味，上面鋪有海膽及蟹肉，蒸蛋內亦有蟹肉及內裡竟藏有1粒銀杏，整體來說很不錯，没有其他食評內所說無禮貌的黑衫部長，所有人的服務亦不錯，可能今次没有黑仔的友人一同晚膳，一切都美好，終於有運行啦！菊花不再

呢日做完野一班人㨂了丸十食飯。之前試過呢間壽司不錯，記得它的鐵板燒地雞好味。今次每人只點了丼飯，我點了火炙海鮮丼，有帶子及2款魚生，微炙一邊，另一邊沒有做火炙，保持半生熟，食材都新鮮，而飯底加醋，飯粒軟熟和黏口，幾有口感，味道都唔錯。

今天在和一班朋友去丸十壽司，發現已經沒有以前那麼好吃了，刺身沒有以前那麼鮮味了，不知道是不是天氣的原因，我們之前光顧的時候是在冬天，今天天氣的而且確很熱。我們點了一堆壽司和刺身，一點都不新鮮，吃下去有點海鮮的腥味，特別是海膽。至於燒烤，全部的醬汁我們都覺得過甜，所有的醬汁幾乎是一樣味道的，而且好油膩。如果以前的質素，我會覺得價格合理，但是如果以這樣的質素我就覺得一點也不值。相信今個夏天我也不會再來這裏吃壽司了，希望冬天過來的時候刺身會好些吧。

一個人lunchtime唔想食咁heavy，見到呢間日本菜有壽司漢堡，所以好奇嚟試一試。叫咗個軟殼蟹漢堡，所謂漢堡意思係上下有兩層煎過嘅飯夾住中間嘅軟殻蟹😂 係幾有打卡嘅意義嘅，不過個人認為好睇但係唔算好好食😂 軟殻蟹炸得不過不失，幾脆，而且入面有少少膏。但係個飯我就覺得有啲太硬，而且種味道有啲難以形容咁。佢標榜係用日本米嚟整，但我就食唔出有咩咁好食喇，有啲唔值百幾蚊😂服務方面，我覺得啲侍應都服務得幾周到，有主動問我洗唔洗用刀叉嚟食呢個漢堡。下次再嚟食應該會試其他嘢😬😬

今日遲咗食lunch，嚟到得返下午茶，見到呢個set好似幾掋食，八件壽司🍣加湯🥣壽司幾新鮮即叫即整🙂🙂不過唔係好飽🤤😂😂😂額外加咗幾片三文魚食，幾厚身，夠凍👍🏻👍🏻