丸十寿司日本食堂 (已結業)

Ordered this cuz it looked good on the menu. But actually it was HORRIBLE. Too cold. Too stiff. Anything rice ball at 7-11 taste better than this. (Seriously I was so disappointed. And it’s 100hkd for this crappy taste) DO NOT GET THIS DISH!!! And the manager did nothing about it.

信用卡 Promo 「餐廳週」，週五晚上來到旺角朗豪坊。今天落雨，但預算出來食飯飲酒無揸車，朗豪坊勝在地鐵直達。好方便。門口好多人排隊。好在我有訂檯，完全唔使等，穿過等候的人群驕傲地行入去。我們被安排坐「露天」位 - 大家都知道朗豪坊12、13 樓的天幕做到好似天空咁，所以有「露天位」的感覺，但唔怕淋雨。等人期間隊杯生啤先！信用卡$298優惠套餐，包括前菜 - 沙律正常、安康魚肝無乜味、漬物的蘿蔔好味、牛蒡好苦！十件壽司 - 質素不俗。尤其海膽軍艦、拖羅。另外玉子離奇地好食，好香蛋味同鮮味。另外有味增湯和甜品。加點了特色之一，「淺嚐清酒三杯」。三杯不同款的清酒，杯底有寫清酒名字。Idea 很好，適合想飲少少又想試多多款的客人。但可惜三款清酒都是入門級 - 極為嗆喉。另外手寫的白紙條也感覺很原始。可以有改進空間，例如提供不同價位的三小杯。埋單 2 人$800 多。翻看menu，其實都不是很貴。一條鯛魚刺身$180。壽司拼盤也是100多起。有訂位的話，不失為 casual 食飯、交通方便地方。

約了友人吹水,撞正個落雨天...所以係朗豪坊集合,係商場內搵食好耐冇黎過,餐廳都轉了不少層層行,見到丸十,日本野啱口味再望餐牌,價錢還好,決定一試點了以下食物牛舌串燒,一見就要點黎試味道不錯,醬汁少甜,有少許黑椒有口感得黎都夠淋雞腿串燒,肉嫩,味道ok可惜唔夠熱,可以改善下壽司漢堡,好似似曾相識mo記定麥記都有出過...本著不妨一試心態,所以冇乜失望漢堡煙韌,米飯入味牛油果三文魚不算特別,正路味道但松葉蟹肉係好味既有少少辣,有芝士,蟹肉算多,滿意總括黎講CP值一般,試完就夠以上食評只反映本人立場,如有雷同,實屬不幸

-BB又帶我吃聖誕大餐👫丸十質素不錯，已經第三次來～而且排隊15mins左右便進去了✨♥首先是極上鮪魚丼🐟如圖所見，共四款：大拖、中拖、赤身和香葱鮪魚腩🤤可惜的是味道變了⋯Angel師傅放假？米飯仍甘香，但拖羅有筋，亦不夠鮮甜🤧♥另外是廚師發板的七款刺身拼盤💛有二至三款混在一起的海膽Mix！！可惜，今天的刺身都是同一問題😩有筋！不夠鮮甜！沒有入口即溶！♥也許是刺身來貨問題，或假期繁忙而致，下次仍是如此，我便永遠放棄它了🙃始終價錢不便宜，這餐晚飯約 $1000，這個價錢可以去很多一流的餐廳了🤯♥小提示 Tips：不在節日或繁忙時間來，質素應該會比較好‼️♥

<<生在美食天堂，點可以唔識食>> <<I born in Paradise of Food，but what Food do we have?>>前身都係壽司鋪朗豪坊都好在仲保住間壽司鋪正~的確係食壽司既地方，壽司微暖溫，一口份量，材料新鮮普通~原本依間鋪頭係主打壽司飯，自磨米。為左試多點，點左個魚生飯。無咩驚喜，飯都無咁好味，刺身都是新鮮的普通~誤打誤撞點左杯抹茶米糊，有米粒，好似粥咁...試下無妨服務:侍應有禮，上菜快捷，餐單選擇不多，都係黎食壽司好裝修: 新裝修，光猛，木系裝修自然，帶少許奢華，地點方便

同老公黎朗豪坊行街，見到有間裝修吾錯既日本料理，係出面睇左餐牌見吾太貴就入去試下。佢都幾多選舉，我同老公揀咗個汁燒雞、壽司、刺身同埋個米漢堡，壽司刺身都幾新鮮，汁燒雞有驚喜，個汁超好味，雞又好滑，最正係個米漢堡，d米好煙韌，入面仲有沙律醬混合埋d菜同肉，成個配搭超好味。

I was happy to discover a new good quality sushi ya-san. I had a set and asked to replace the prawns because I was allergic but fortunately they refused to do so even if to replace it with a cheaper ネタ. Quite strange for a restaurant to be a so unfriendly about it. I also ordered the tamakoyaki which was lovely but i waited for 20 minutes; well truth be told the waitress seemed to have gotten many orders wrong (I was sitting at the counter where the sushi was being made and the chefs seemed quit

今天同朋友出左旺角行街，在商場行街，行左一陣肚餓，就去左呢間日本料理餐廳食野，都要等位。食物味道好一般還以為係會比之前在同一位置的日本料理食好食，不知道可以捱到幾耐了，不過叫左個燒然泡魚又燒得還好食的，不過朋友們就覺得有些咸啦，煎餃子🥟味道就差左啦了無咩口感，燒日本地雞飯的味道一般，雞肉燒得太乾同老左，食落去係覺得佢係好硬的，自家製玉子燒還可以的，不過本人覺得就有點兒甜了，好似食緊甜品那樣，還叫左鮪魚盛台、玉子伴燒和牛肉飯。

半年前食過一次，個飯burger 都幾好食，但don 飯冇咩特別，因為樓下元氣太多人，所以就上黎試下，唔洗等位yeahhhh!壽司價錢當然比元氣貴，但佢用料唔錯。試左sushi set, 飯好似唔係淨白飯，比平時多左d 調味，有lim 度。再叫左火燒三文魚腩。係當中最好食！中間個個唔記得係咩但唔太好😂之後再叫多次冇燒到ge 三文魚腩🤤好肥好正再試多次牛油果三文魚rice burger. 我覺得今次個飯燒得唔夠，冇左個種硬度🤢淨dd最後再叫左燒物，雞脾肉同蕃薯仔都等左幾耐先到，但原來係worth the waiting🤤 雞脾有蜜香，d 蕃薯仔放係隔離吸埋d 雞油，正。原來燒物有驚喜，下次再試

同朋友去旺角行街，決定去朗豪坊搵食~搵左食日本野~鐵板燒日本部地雞角切魚生飯定食燒牛肉飯伴溫泉玉子定食白飯加左甜醋，好易入口，平時好少食飯的我都忍唔住要食晒全碗溫泉蛋煮到剛剛好，一整穿，d蛋汁流出黎覆蓋d牛肉，牛肉係剛剛燒熟表面，保留豐富的肉汁

團年飯大部人都食中餐，所以酒樓9成無位，今年攪攪新意思，試下食日本菜，果然又真係唔洗等位。朗豪坊呢間丸十壽司環境超好，光猛，空間感大，樓底高，第一個觀感已經好好。叫左蠔食6味拼盤 $88，賣相吸引，不過食食下食到有蠔殼碎。海鮮土瓶湯 $78，用個茶壺盛海鮮湯，好特別，裡面竟然放到咁多材料。雜錦壽司盛合 $108，有八款不同種類的壽司，有三文魚、帶子、甜蝦、吞拿魚等，好鮮甜。另外點了灸燒三文魚腩壽司 $25，這個最讚，燒得好香。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

俾個壽司漢堡吸引咗黎，好特別，不過食落有啲麻煩 🙈 炸軟殼蟹份量好足料。個漢堡厚到唔可以一啖食哂，要拆件黎食，建議大家唔好share 啦，有啲難分香蔥鮪魚蓉海膽丼份量好多，吞拿魚蓉好新鮮，仲有少量海膽 (呢個價錢唔好expect 有太多海膽啦) 海膽份量唔多不過都好新鮮 👍雞泡魚肝幾好食呀 ~ 我地太多人share , 每人只係可以食到少少。前菜都係唔好食咁多，留返個胃食其他嘢都好 IG: lifewelltraveller

壽司用左靚米, 師傅握得都好好, 魚生剛剛好包住舊飯, 唔會魚同分係分開2樣野, 係真係結合埋一齊, 好食.拖羅入口即溶, 物有所值. 海膽新鮮, 有甜味. 油甘魚夠新鮮, 但油份不夠. 赤貝新鮮爽甜.三文魚子軍艦紫菜夠爽脆, 其餘幾種魚都好新鮮同有魚味. 基本上件件壽司都做得幾好.另一方面生蠔都好好食, 我自己比較鐘意咩都唔加. 但佢呢個整法都OK好食, 同埋D生蠔夠新鮮. 擺盤都靚仔, 打卡影呃LIKE一流

很喜歡吃日本壽司飯，既然丸十打着"和米專家"來造勢，必須一試。特意選了2pm入座，因為沒那麼多客人，可以坐得舒服點，以便好好品嚐。點了丸十海鮮丼，賣相可以，飯底黏糯度與靱度的確很不錯，有口而不硬，可惜欠缺米飯香味; 魚生新鲜度只能說一般，以所收價位，起碼應用好一點的三文魚吧，最敗筆是帶子，感覺就是解凍了直接一柱上，就算品質可以，都應該處理一下，片為雙飛。整體而言，這魚生丼是合格的，但细緻度不足，在飯的味道方面要研究一下如何保住米飯的香味，只有口感是不成的。

最近打邊爐太多,食得太多熱氣野,決定和朋友食番一些日式的晚餐。也很久沒有去朗豪坊,都多了好多餐廳,決定尋找日式餐廳之時,就看到這間丸十壽司.侍應有禮之餘,食物的選擇都幾多。今次點了這個三文魚親子丼,都好快上菜.而三文魚也幾大片和厚身.上面也滿佈了大大粒的蟹籽.看到已經流口水.加上使用了日本米,粒粒飽滿.而魚生食下去也很新鮮和甜美,完全滿足到想日式魚生的意欲.份量也剛好足夠.不會令我會餓壞.而環境清靜,也能和朋友談天說地.下次有機會的話,也會繼續去食。