丸十寿司日本食堂 (已結業)

Weekend食dinner唔想迫唔想等唯有食貴啲。帶媽媽食好嘢，大家都喉嚨痛，所以吃啲生冷小小的食物，就係壽司喇。丸十壽司，第一次食，隨意點了幾個媽媽喜歡吃的菜式。燒雞泡魚乾，很香口，又嫩燒得剛剛好。松葉蟹蓋蒸蛋，有蟹肉和海膽呢，味道比較淡。油甘魚、三文魚刺身好鮮甜，好美味，吃完還留有鮮甜的味道，齒頰留香。😍😋雜錦壽司盛盒，全8件不同款的刺身壽司，食物質素確實物有所值。唯獨結賬時等了14分鐘也沒員工serve我，只好自行行去cashier付款。店員服務一般，添茶水每次都要叫才看到。

所有食物都好有水準，可惜服務差，尤其著全黑色嘅男部長。The food is good in general; however te service is quute bad, esp the male manager with all black uniform.

一直覺得朗豪坊冇咩野食，一係就好貴，一係就唔好食。今次試左呢間裝修幾靚既日本野，叫左海膽吞拿魚蓉魚飯同埋一個壽司漢堡。本身我就好鍾意食吞拿魚蓉，呢間既冇令我失望。$198既飯黎講，魚蓉都算多，海膽都夠鮮甜，冇腥味。值得一讚既係壽司飯，好好食，唔係太酸，飯粒有咬口。加埋飯面既蔥粒味道非常夾，最後個飯一粒都冇食剩。餐牌入面見到有壽司漢堡，覺得幾得意，叫左一個三文魚牛油果壽司漢堡試試，相比之下就非常一般，飯焦面好軟，同埋有d凍，同行友人都覺得下次可以唔叫。講下服務，呢度既服務算係幾唔錯，侍應會主動refill 菜，不過上菜時間有d耐，可以改善。

好多時都會經過朗豪坊，咁啱今日想食下日本野，就上左黎食個晏。叫左個豐洲直送鮮魚壽司(10件)配烏冬定食($268)，又有壽司又有烏冬，實夠飽。先黎左前菜，有雜菜沙律、中華沙律同埋漬物，質素正常，一般開胃味道，冇乜特別。至於壽司，就有油甘、蝦、拖羅、海膽同三文魚子等。咁嘅價錢黎講，唔算特別做得好，魚生鮮度中挺，海膽冇澀味，魚子都算新鮮冇笠水，飯就係呢度強調嘅當店精米，但食落亦唔覺好大分別。麵豉湯同熱湯烏冬就穩穩陣陣，烏冬麵質都幾彈牙；湯夠熱飲落舒服。另外叫左杯抹茶米奶，抹茶味夠濃，淡淡玄米香，平衡得唔錯，叫做有啲驚喜。

喺朗豪坊買完野又唔想周圍行，所以就喺呢度搵食，最後揀咗男朋友鍾意食嘅日本菜，賀一賀佢出左bonus。由於係公眾假期前夕，而且係晚餐時段，所以等左一陣先有得食。餐廳環境仿日式裝修，我哋坐係吧枱前面睇住師傅整壽司卷同埋手額壽司。唔知係咪好忙，我地入到去坐低都冇人比兩杯熱茶我哋。而且呢間餐廳用嘅係即棄筷子，好唔環保，呢點真係要扣分😥我哋叫咗三文魚漢堡、豚肉飯、牛油果炸蝦卷、雞既串燒拼盤。男朋友話三文魚漢堡略嫌稍硬，而我食既豚肉飯就覺得好好食，炸蝦卷同埋串燒拼盤都係有咁上下水準，特別一提佢個燒雞皮真係好好食🤤

今日响旺角做完嘢好想食壽司🍣🍣，第一時間就諗到要泥朗豪坊呢間丸十，上一次泥食已經覺得好好食，但上次無影相無寫review，今次就補返數推介一下呢度🥳🥳泥到既時候大約7點，我地無卜枱，唔使等即刻就有位，位置有啲迫夾，但唔緊要啦，因為已經有八九成坐滿，唔使等已經好好，我地好易滿足🥰🥰好餓，即刻睇menu📜📜，叫左呢幾樣:🍣12 件廚師發辦盛合 $398🐟香葱鮪魚腩蓉卷 $88🐔鳥之頌(串燒) $98🐟極上鮪魚丼 $300最先上枱嘅係極上🐟🐟吞拿魚丼，大中拖羅、赤身魚生各兩片，另外仲有香蔥吞拿魚蓉，賣相比起Menu係差少少，但食上去極有吞拿魚味。大拖羅唔算好肥，剛剛好唔會太膩，赤身同吞拿魚蓉都恰如其分，味道ok。之後係🐔🐔鳥之頌，即係串燒雞拼盤。有雞皮、雞翼、雞軟骨、雞胸、免治雞肉。最突出就係個雞皮，好香好脆，其他幾款雖然都燒得好香，但唔算好突出，如果唔想叫整個拼盤，可以考慮吓淨係叫雞皮啦😋😋再泥係12 件廚師發辦壽司同葱吞。落單前已經問定有邊12款壽司，侍應姐姐就話基本上同menu一樣，有機會唔同既就係白魚。上到枱果然係九成一模一樣，最緊要係有🐟🐟油甘魚🤤🤤不過唔算肥美，勝在肉質新鮮。🍣值

是日肥仔又出動去搵食，今日就試吓呢間係朗豪坊開咗一排嘅日本菜。我就試咗呢個牛肉溫泉蛋飯。佢餐牌寫住呢個係推介咁就梗係試吓啦！一嚟到個飯盒有兩層，下層就係前菜，個沙律都算大！講到個牛肉，佢冇整到好熟，生生地，啱晒啲鍾意食Medium rare 既我。 再夾埋隻溫泉蛋，都滿足到我肥仔嘅食慾。同事就叫左呢個壽司加烏冬。啲壽司品種唔算出色，但係啲刺身好新鮮。如果佢會有海膽，toro 咁我都會想要呢個。不過佢餐牌其實都有好多其他嘅壽司丼，下次我可以叫黎試下。今日最美中不足，就係要講佢嘅服務態度。佢哋嘅服務態度非常一般，叫佢加茶搞得非常之唔願意。同埋有個女職員，餸菜給我們的時候，一直在咳嗽，但係只沒有戴口罩的。希望這一方面可以得到改善

好耐冇去過朗豪坊，今日星期六日但成個場都靜英英，間間餐廳都唔使等位，包括依間。依碟壽司都尚算新鮮，但唔算好鮮味。呢碟燒三文魚 88 蚊，其實睇相見到好細份，但都係好想食所以嗌。黎到都算係喜出望外，我又唔會話好抵食，但通常同Menu都係貨不對辦，你都好似真係多咗成三份一咁。味道不錯，幾香口，三文魚皮都好食。牛肉漢堡幾特別，舊蓮藕就完全冇味，可以不理，漢堡嘅醬汁幾惹味。佢依度冇茄汁提供，食薯角靠沙律醬我唔算好鍾意，同埋佢嘅薯角好鬼鹹，食咗幾舊都唔想再食。98 蚊雞飯味道好香口，啲雞皮好脆，仲要有少少燶燶地，好食但係邪惡！薄荷朱古力味道不錯。 呢間餐廳值得一題係啲服務好好，唔知係咪因為唔係太忙，啲侍應都幾好服務，上菜收碟都好快手又笑笑口。總括嚟講，唔錯。

作為旺角中心地帶商場 門面跟店舖都相對當次較高 而價位方面會比其他街外小店收得更高所以有著更高的期待和要求 這是一定的了這晚跟朋友到朗豪坊吃飯7時多已經人生人海 應該是開心星期五的關係吧 壽司選擇只有元氣跟丸十那就選了未曾吃過的丸十壽司 網評不錯 所以都要排隊 等了差不多20分鐘才入座裝潢不錯 很有和風格調 木色為主都很舒服香港地少人多 位子之間空間不太大都是明白的整頓晚飯就是如餐廳所標示 「青天霹靂」點選菜式 眼看都不錯 滿有期待 而且它還是主力以米飯精主為賣點 菜式鮮度高等作主要招來壽司拼盤 索價300港元五種壽司 大拖羅 海膽 油甘魚 帆立貝 牡丹蝦還注明什麼築地直送 大家都知 東京魚巿場搬了去豐洲吧？！大拖羅 有魚筋 沒有鮮魚油香味 沒有在吃拖羅的味道 海膽 一貫不新鮮的腥味 始終顏色跟質感不能定案 但味道真的不行 嘔心！油甘魚 不知是爽口還是太像像皮 很實沒有鮮味牡丹蝦 體型很細小 初初以為是普通海蝦 帆立貝豪無鮮味 乾乾的 還有的是自家制玉子燒 48港元其實新鮮即制都不錯 蛋味濃郁 但可惜吃到中間竟然發現毛髮不知道是出自哪裏 但若然即叫即開蛋我寧願吃到是殻 而不是毛髮三文魚

今天放工和同事即興地在公司樓下吃飯，最後決定去丸十壽司。我們沒有訂位，四人坐位大約等了15分鐘左右。我點了個炸軟殼蟹壽司漢堡，這道菜好有創意，用飯來代替麵包來做漢堡，賣相好有特色。咬下去，夾在中間的軟殻蟹好香脆，炸得很乾身，一點也不油。我同事點了一個玉子和牛飯，我試了一塊牛，燒得剛好，大約半成熟左右，和牛吃下去好軟綿，好滑，質量很好，有溶化感，高度推介。另外點了一個燒豚飯，豚肉厚，但一點也不韌，肉質好有質感。還點了一些壽司和串燒，不過反而覺得壽司沒什麼特別，不過不失吧，還是覺得熱飯類比較出色。店員好親切又幽默，有問必答，而且好好笑容。當天有客人生日，見到店員還為客人唱生日歌。是在朗豪坊內比較出色的日本餐廳！

早前在網上看到一則介紹丸十的訪問。得悉這家日本餐廳是標榜「當店精米」。每天把日本糙米磨成精米。我才第一次聽什麼是精米。所謂精米，是把糙米外層的米糠磨走，做成白米。但因為做成精米後，水分和米香都比較容易隨時間流失，所以我們一般在家吃到的米都不新鮮。於是本著好奇，決定一試!丸十位於朗豪坊12樓，晚上7點多去到，已經看到長長的人龍店內以淺色木為主，一室和風，再加上樓底高，感覺很舒服。我們兩位，點了四樣:丸十壽司盛合+三文魚牛油果壽司漢堡+燒雞泡魚乾+自家製玉子燒先講壽司盛合，米是明顯的精細，但味道沒有驚喜，反而是海膽不夠新鮮，其他魚生平平無奇。再到商個三文魚牛油果壽司漢堡，米飯中有黑芝麻海苔碎等配料，口感煙韌香口，味道略嫌偏重，完全蓋過了三文魚和牛油果的味道，而且整體極乾，要不停喝茶。起初以為單單因為飯味太搶，但吃到一半，一不小心，裡面的牛油果掉了出來，我夾起一咬....牛油果根本未熟，口感似膠刷，味道帶青，接近無味!!!是我不幸運，今天的熟的牛油果已用完了嗎？然後到自家製玉子燒....厚厚的有蛋味，但邊位太硬 還加插了師父的頭髮!!!!至於這個燒雞泡魚乾，燒得不錯，很香口。但整體來說，性價

行左好耐搵緊食咩，跟住見到就入去試吓！開頭睇相都唔錯，跟住就叫咗一個差唔多$400嘅拼盤！等左勁耐先有！點知質素一般！4個人埋單，要二千！唔會有下次！不過另外一樣野就可以讚！就係員工嘅服務態！個個都好好！好有禮貌！不過食物就有待改善！

壽司食堂顧名思義應該要食壽司，等咗二十分鐘有位。入內裝修極之普通，打開餐牌，一個 10個壽司既拼盤，已經298蚊，但係睇圖片無乜貴價魚生做壽司，再睇下其他壽司，段件計，每件十幾蚊一件起步，較貴的和牛壽司80蚊/件。想改行order魚生拼盤，七款每款兩件$480，在猶豫的時候，忽然有個職員話專程同我哋介紹今天可做刺身的日本冰鮮魚，有700蚊一條的天使 kinki，亦有200蚊一條細細的針魚，仲即刻去攞過黎我地睇辦。攞得出黎畀客睇，我地一定唔系等一個，攞出攞入，衛生成疑唔敢叫，之後個職員就冇再來我哋張枱。我們order了三個丼、三個蒸蛋，還有一客赤貝。 赤貝雖然爽但冇乜鮮味，而且都比較乾身，好似已經開咗好耐，正常即開要用水沖洗，咁乾身的赤貝，更加之不要講有海水味。

整體上呢間野嘅食物我都覺得OK～但係飯類同埋甜品一般般～同朋友一同四個人你識點左右14樣嘢，當中叫咗個牛肉飯同雞飯，覺得好普通，尤其是係個雞飯～個雞飯冇乜味道..亦都食唔到燒雞嘅香味..個飯嘅汁亦都唔係好出～其他魚生好新鮮，都OK幾好食～👍🏻最後食飽，就order個甜品，由order到甜品上嚟，足足有45mins!!!!!!摧左2次，但店員每次都係篤下部機，然後就繼續做野，唔知佢係咪覺得等45mins好正常，我哋有表示如果未整就唔要取消佢因為趕住走，等左好耐，佢同我講依家整緊，整咗㗎啦～😪同事亦都冇表示過歉意，一句唔好意思都冇，淨係同我解釋講話：因為甜品先得一個，同埋佢哋嘅甜品所有步驟都係即刻整，所以係要等耐啲，但都唔係要等45mins呀嘛😂😂😂😂😂食飽哂坐係度，等左45mins，成餐飯食左3個幾中～痴線😂呢個級數既日本餐廳其實服務態度黎講真係好一般，啲員工做到木口木面，唯獨開頭介紹你開酒咪好啲笑容咯😂

過去既星期六，同朋友去左呢間餐廳食飯。一去到旺角超多人，塞左半個鐘先去到朗豪既停車場。Book 左7點半，上到去遲左2分鐘，好彩職員都比我地入去。一張長枱，坐7個人，傾計超唔方便。坐低後，店長介紹我地食愛女魚。嘩，聽都未聽過，不過當日5點新鮮送到。咁我地就叫左半條黎試($250/半條)。條魚上左枱，味道真係好鮮，重點係個柚子醬汁，令到魚片更新鮮更提鮮。兩個串燒拼盤(雞之盛宴，田園盒子)，味道就普通D。個廚師辦壽司盛合，唔係太出色。另外既彩虹壽司，都係一般。因為有朋友唔食魚生，所以叫左個牛肉漢堡。佢話幾清，唔會太重口味。裝修設計的，好有日本既風格。