丸十あぶり牧場 (已結業)

出咗糧咁耐都冇同家姐食翻餐好既黎開旺角呢頭咪睇下附近有冇d餐廳係幾好既見openrice既正評都幾多下一於黎試下啦環境幾好既安排咗我哋坐卡位個邊 都好舒服個日成3點先黎食所以人唔係好多靜靜地幾舒服(部分既menu)唔係淨係得燒既仲有d飯呀udon個d飽肚既都有因為3點先食再加上之前食咗d所以都唔係叫咗好多野食叫咗一個飯同兩碟肉啫肉方面呢每碟都有5塊既可以見到d雪花好靚好平均最好就係會有個牌話你知邊一份係咩肉最怕叫到黎都唔知咩肉打咩肉呢個係牛肩肉呢個係牛腰脊肉個人黎講牛肩肉係好食過牛腰脊肉既牛味重d咬落個質感仲好d反而牛腰脊肉個味對比下唔夠出跟住就係呢個雪花牛肉丼份量係少咗d既不過我哋係本身食咗d野先叫一個飯share.肉既汁好夠味又唔韌為成個飯加哂分.飯就用翻日本米所以配撘一流回頭度: 8/10

數數下，對上一次去日本都成3個月前，而下一次再去就仲有成個月，好彩香港有好多日本餐廳，而燒肉我盡量都會揀有和牛提供的餐廳，止渴必備位於MOKO的丸十あぶり牧場，門口雪櫃放滿和牛，已經好吸引我既目光，加上之前都食過丸十其他餐廳，質素都唔錯，自自然然隻腳就行左入去食日式燒肉因為食燒肉，所以我選擇左坐吧檯，吧檯仲有個好處，就係可以近距離望住師父整野食，多樣野睇食飯都無咁悶呢度有提供宮崎和牛，而且仲係純血種和牛，餐廳提供的都係M9以上級別，有番咁上下質素，我咁懶就梗係又揀左套餐食啦，就係必勝燒肉二人套餐 ($680)燒靚肉其實好簡單加少少鹽調味已經好足夠，我鐘意沾上少少檸檬汁食，盡量食番和牛的原汁原味前菜先黎前菜同麵豉湯，三款漬物都可以用黎襯食燒肉，仲有一大盤生菜，用黎包住D肉食無咁漏又健康D牛油果蟹籽沙律用左牛油果個殼黎做器皿，牛油果係我好喜歡的食品，加埋蟹籽豐富口感，作為前菜好REFRESHING刺身盛食日本野總唔少得食下刺身吧，刺身有油甘魚、三文魚腩、甜蝦，油甘魚同三文魚腩都十分肥美喔必勝燒肉併盤點解叫套餐？就係因為可以用優惠價錢一次過試到幾款和牛，併盤入面有和牛板腱、和牛三角位、和牛肋

今日去開旺角食野, 突然想食日本野但又唔想食壽司, 就係MOKO 試下呢間日本燒肉點左個究極燒肉套餐, 兩位 HK$1080, 野食都幾豐富可以睇住師傅即席切開和牛醬料當然唔少得, 佢地燒肉醬汁做得唔錯首先有刺身盛, 味道都幾新鮮吞拿魚腩同帆立貝比較好味, 因為toro 要夠新鮮先好食, 佢呢件冇腥味, 唔錯雞泡魚乾正常水平, 但份量都幾多, 兩個人夠哂食火爐海鮮拼盤4樣, 有蟹腳, 海中蝦, 多春魚同蜆蟹腳都好食, 但同蝦一樣要自己小心控制火喉自己係度燒大蜆, DIY 睇住佢爆開再食好有成功感,食落幾有鮮味重點當然係4款牛+豬鞍扒啦日本同澳洲牛各有兩款, 個人比較鍾意澳洲, 因為較有咬口,而日本牛比較肥, depends 自己口味 各有所愛最後有和牛烏冬做主食，烏冬夠彈牙大大碗

嗜牛嘅男友人見到呢間食牛嘅牧場餐廳，當然唔放過要入去試下啦。橫掂都係食，唔爭在食好啲，我地叫左個好豐富嘅究極燒肉餐。個餐由小食，刺身，海鮮，牛肉到豬肉都包羅萬有，舖滿成枱能夠滿足到大家飢餓嘅心靈。豐洲直送刺身好新鮮呀～有好肥美嘅中拖羅！仲有金目鯛同帆立貝。成餐飯都比較忙，因為好多野要燒，個海鮮拼盤有松葉蟹腳，有天然咸味。仲有海中蝦，夠彈牙。多春魚同尤魚都ok。燒完海鮮就燒肉，先燒豬扒，都算容易燒。跟住就燒牛，個盒入面有4款，有日本同澳洲嘅和牛肉眼同紐約客。其實真係塊塊都好好味，作為和牛有應有嘅油香，加上少少鹽同檸檬汁仲好食。而檸檬汁個造型好似成枝搽面嘅精華咁，可以按喜好滴落牛肉度。食到呢度男友人已經肚突突，個餐仲有個二人前和牛烏冬，就由我處理左佢，和牛炒得甜左啲，但個烏冬好幼細，湯底又清甜，估唔到自己可以食個咁大碗嘅烏冬～

約朋友去 MOKO 食晏，想食日本嘢，見呢間好評都多，環境又幾靚，就來試試行到門口，Receptionist 耷低頭寫嘢我對正佢嗌咗三次「唔該」佢先懶懶閒抬起頭... -_-朋友怕熱氣，所以無揀燒物，坐和食 table落單時叫卷物，店員先話未有唔知淨係呢日定係平時都無呢？餐牌設計簡單清晰，選擇唔算非常多，但揀菜式就無咁苦惱 XD牛油果蟹籽沙律一上桌覺得的骰咗少少，不過食落又 OK係用牛油果皮盛住，好得意，味道正路和牛三文治睇 menu 張相好似好生，落單時問可否要熟啲店員話係慢煮，雖然係紅但都已熟的裏面有芥末醬，感覺減去一點油膩感鹽燒豚腩丼望落細細碗，但都好夠兩個人食豚腩好惹味如果飯再熱啲就好了同朋友一人嗌咗一杯 500ml Sapporo$48/杯真係幾抵飲！

前排約咗位老死去食日本嘢，不過仲未諗好食邊間，就話出咗去先諗食咩啦，約到去旺角Moko睇吓有邊間啱，行行吓竟然俾我見到呢間日本嘢，又見佢出面好多人排，咁就人排我又排啦，都幾快可以入去食。門口就見到佢啲師傅喺攞啲肉出嚟燒呀又切肉咁，感覺好似喺日本當地咁食嘢，仲差啲想用日文同佢講嘢打招呼0.0好有親切感👍🏻之後睇吓個餐牌，睇咗一陣，就叫咗個二人餐都感覺唔錯，又唔會話太貴，都唔使等好耐都已經開始上菜。先嚟咗刺身先，哇！佢個吞拿魚好正抖！！超唔錯！鮮味滿分啊！！🤤🤤🤤再嚟就到咗啲鐵板和牛，自己自行去燒，要快食嘅，咪會燒唔熟，喔！我都未食過和牛，原來係咁好食，唔怪得啲人話要偷佢啲國寶嚟養0.0真係好好食呀！！🤤🤤🤤😊之後再有啲燒物，魚永遠係我致愛嘅食材，所以必定食咗魚先，嗯！！不愧係我揀中嘅食物呀，果然好食到無言語對呀！！再有碟炒和牛配烏冬，真係好好食嘅牛，質感都已經超哂標準，對比起平時食啲牛肉嚟講，食哂咁多樣都真係飽飽！！🤤🤤🤤🤤

今天想聊一聊「和牛」這個課題。牛肉種類五花八門，隨便在 Google 打「牛肉種類」便可找到數十萬個網址，其中「和牛」大家都應該不陌生。它就像冠冕一樣，標籤着一個品質，而且好像世界各地都有出產，名字高貴又可以賣貴幾個錢。我的答案是 - Yes and No，因為要放大睇清是什麼的「和牛」。執筆時剛好看到葉一南先生的報紙專欄，原文節錄一小段： ========最被過譽食材，和牛排第二，舉腳贊成。當高檔快餐漢堡包及意大利粉都用Wagyu Beef的時候，大家應該知道有古怪。看到和牛便興奮的顧客，對不起，今天我玩踢爆，九成半的澳洲所謂Wagyu，皆是混種，真正fullblood的不到半成，Blackmore是其中少數優質品牌。即是說，在日本的和牛才是真正的純種和牛，正宗方法飼養，美國、加拿大、阿根廷、英國的所謂「和牛」，和澳洲一樣，只得虛名一個。譬如說，美國的「和牛」便與Angus混種，既不似日本和牛般入口溶化，亦未如原種Angus味道澎湃，想點呢，卻賣貴一截，這是甚麼道理？========我解說一下。以澳洲和牛為例，所謂100%全血種 (fullblood) 澳洲和牛是非常罕有，每一隻和牛

今日同朋友黎試下呢間新開既燒肉店，野食選擇好多，唔想煩最後揀左食2人餐。頭盤有幾款漬物，幾開胃。之後既刺身三點好吸引呀！有厚切吞拿魚腩，好肥美。而帆立貝亦新鮮。然後有燒雞泡魚干，送酒一流。之後就到燒海鮮既部分，套餐包左4隻蝦，大蜆，松葉蟹腳同多春魚，大蜆好大隻，亦好鮮甜，而松葉蟹腳好厚肉。蝦都好爽口，唔洗點醬都好味。重點燒肉拼盤黎啦！賣相好吸引，包括有日本和牛紐約客，和牛肉眼，澳洲和牛紐約客，澳洲和牛肉眼同豬鞍扒。肉類分量好多，當中日本和牛肉眼最正，油脂豐富。不過豬鞍扒就有點鞋~食到呢度已經好飽，仲有個和牛烏冬，呢個烏冬好有誠意，和牛肉片配左洋蔥同菇炒香，食落幾惹味，而烏冬都彈牙。整體食物質素唔錯。

今日同朋友約咗去新世紀食一間新開嘅燒肉店到食晚餐啱啱入門口已經見到幾大舊未切嘅和牛放咗係個透明雪櫃到我地叫咗個和牛set, 包咗前菜，小食，刺身，燒肉同炒飯呢到啲味噌湯好香濃，材料都好足刺身好肥美好厚仲好新鮮，特別係三文魚同油甘魚，一擺入口就勁香魚油味超正呢個牛油果蟹子沙律真係好好食，佢係將部份牛油果打成醬混埋落沙律醬到同啲青瓜絲撈埋一齊，食落去有好香濃嘅牛油果味，仲有好多一粒粒好大粒嘅牛油果口感好正，牛油果愛好者必點和牛拼盤有4款唔同部位嘅和牛，每個部位都各有特色，和牛三角就最肥美,食落去入口即溶和牛肋骨就油香同肉味比例最平衡，板腱位就肉味最重，牛眼肉蓋就肉味比油花味重，我自己最鐘意就係牛三角位 雞肉係日本直送，食過日本嘅國產雞肉就知雞味濃就唔駛講，而且好嫩囗同彈牙個條好長嘅香腸係和牛腸嚟，呢個可以燒耐啲有小小焦香會好食好多泡菜和牛炒飯好惹味，好香泡菜味，好醒胃

最近旺角開了間新的日式燒肉專門店，今日難得放假，當然相約好姊妹來食lunch。餐廳環境闊落，坐位寬敞舒適，餐牌選擇非常多，店員先奉上熱茶，每枱均有茶壺方便添加，可以慢慢邊飲邊看餐牌。餐廳主打和牛，原隻由牧場直送抵港，以不同部位分類，還有前菜、刺身、炸物、串燒等任君選擇。午市套餐可選擇和食或燒肉定食，配味噌湯、前菜、日本米飯和一杯飲品。餐廳供應的全血和牛全都是M9以上級別，拼盤有牛腰脊肉、牛肩肉和牛胸肉，肉質嫩滑，牛味濃郁，油脂分佈平均，油香而不膩。配冷/ 熱餐飲，或可以半價優惠轉其他特飲。

今日約左朋友去新世紀食燒肉，叫左個set2份食先講下前菜，d魚生好新鮮，油甘魚尤其出色，切工好，夠肥美😂 入口融化牛油果蟹籽沙律係必食，食材新鮮，青瓜絲粗切，牛油果大大粒，個醬好夾我食燒肉的次序，係由最靚雪花的和牛三角位食起，之後和牛肋肉，再之後和牛眼肉蓋，最後後和牛板腱！呢度Ｄ牛的油份剛剛好，口味有多種層次，近乎日本當地水準！件雞都好好味，好香好juicy和牛泡菜炒飯好醒胃，再激發我食慾叫咗燒鵝肝to wrap up the day，同朋友一人一半，正！

近期係網上經常見到九十食堂賣廣告開新分店主打食燒肉,見今日咁啱經過旺角就去試一試先,餐廳係moko以前一田既位置夜晚黎人流暫時未算多,新開將有半價優惠十分抵食.必勝燒肉套餐二人前有4款前菜,一盤和牛盛合有4款和牛部位各2塊及雞肉同自家製和牛香腸,最後套餐附泡菜和牛炒飯.牛油果蟹籽沙律以半個牛油果殼上沙律內有解籽青瓜蟹柳,每啖都充滿住濃郁既牛油果醬,再配埋一隻細蟹拑略嫌唔夠鮮甜.到主菜和牛盛合全部都係列明稀有部位,牛肉油脂分佈好平均,油脂相對較多既部位係三角位同牛肋條,整體肉質軟淋入口牛油脂香突出但有少少失望係欠缺牛味.自家製牛肉腸香草味香但熱力令牛肉腸內餡迫左出黎牛肉腸腸衣少少靭但味道係不錯的.雞肉有感比牛肉出色肉質嫩滑味道香又唔全鞋.泡菜和牛炒飯份量十分滿足,食完炒飯後已經好滿足泡菜唔會太酸,和牛有驚喜既係一片片牛肉而唔係肉碎,炒飯用珍珠米粒粒彈牙.

今日女朋友話想食日本野 就俾佢捉左黎丸十食😂😂一去到見到門口有2枝類似香水嘅野係俾人食完走果時噴下 令啲3唔會好大陣燒肉味餐廳都好細心 👍👍👍服務態度又好好員工好有耐性甘介紹啲野食 同有咩二人餐俾我地揀去到重點就緊係食物質素啦我地叫左個極上嘅魚生丼🥰🥰拖羅好香油脂味 夠肥食落口好香🤤🤤🤤叫左個豚肉丼豚肉燒得好香 又吾會好油配埋佢啲飯 冇得輸😍😍😍再叫左個吉烈牛牛味好重 啲粉吾會好厚岩岩好👍👍

終於有得放假了👏🏻👏🏻所以今個星期同老婆要出街行吓搵嘢食😋😋講起都好耐都冇食過燒肉所以今次同老婆出去晚上要食燒肉，等我搜尋一下比我搵到呢間叫丸十燒牛店人氣超高仲有我好鍾意食嘅和牛😍😍呢間丸十都有好多款食物有自己燒嘅和牛同和牛三文治，烏冬或丼等等.....我同老婆都選擇咗極上純種和牛拼盤😍😍呢個拼盤可以食晒全隻牛9個部份非常之吸引👏🏻👏🏻食晒九個部份可以分別唔同嘅層次肉汁軟硬度非常之開心而我最喜歡就係脊部份同后腿肉都非常之彈口重肉味😋😋😋另外在叫咗一個燒牛肉丼伴玉子，因為我同老婆都想加少少飯伴下和牛食咁先開心😘😘

最近同朋友去左呢間餐廳食正野😋！登登登！就是和牛！我自己就一次和牛都未食過，所以就來呢到試下，同食下呢間的和食！感覺好像也不錯喔呢間餐廳有bar table ,可以睇住師父一路整野你食～但我地最後都選擇左普通台，因食和食都方便點😋同朋友一起叫了個二人和食餐！又幾多野食，刺生生鮮唔洗講，仲要超級鮮甜！真不錯！近照睇就更靚仔😋之後來了個蟹鉗牛油果沙律！牛油果都幾多～蟹鉗都好鮮甜！套餐入面有5款串燒！而當中的燒白鱔係我最最最愛！肉質爽脆！仲有燒得薄脆口感的魚皮，少少咸，但完全食到魚的味道！真係太了，呢個絕對是100分和牛烏冬～烏冬份晒超級多～2人食絕對夠！流心蛋味道濃郁，加上醬汁煮過的和牛，夠晒入味！肉質又滑！另一主角來了！即燒鐵板和牛！第一次食ia,幾成熟由你自己話事！味道比較濃厚，唔會韌，油脂分佈平均！天婦羅又係一個傑作！唔會太厚粉，薄薄地，外脆內軟、由其係南瓜天婦羅最正！南瓜剛剛好！