丸十あぶり牧場 (已結業)

我都係睇openrice之後去食的一去到 得返bar枱 之後叫左set$1080二人餐有刺身 有和牛個d 仲有海鮮 全部都係自己燒入面既staff都唔知自己公司d餐咁 問有咩刺身 叫我地問返師傅 之後師傅都唔係好知咁最後睇單 刺身係有凡立貝 我地係無既 d蝦衰過放題個d 又細又唔新鮮d拖羅有根 之後到d和牛睇個樣。。都覺得好一般其他野無影na 因為全部都好唔新鮮嫁最後食晒所有野 其實都唔飽$1080呢個價錢 一定搵到其他好食好多希望你地唔好中伏

實在太奈無黎旺角呢個商場，完全變左另一個樣，啲鋪頭唔同晒，嘢食又唔同晒，行行吓見到呢間野，用日文名絕對係呃我入去嘅最佳方法。記得あぶり好似係日本神戶嘅一個地方名，所以呢間野就係賣神戶牛肉嘅。叫咗個二人餐， $680好似有好多嘢食咁，相當抵。先來前菜兩款，日本野有泡菜嘅勁得意～蟹籽沙律，非常清新。有一個好熱好熱嘅鐵板上咗枱，原來係攞嚟煎熱啲牛肉嘅，見到師傅係廚房入面不停咁整熱啲鐵板，個過程好治癒。而且一碟有6舊嘅牛肉，個鐵板係剛剛好可以整熱晒佢地就變返原本嘅溫度，你亦都可以選擇用眼前嘅網爐去燒啲牛肉，因人而異，如果你想慢慢食慢慢傾嘅話，建議用枱前邊來自嘅爐。另一個吸引我入呢間餐廳既位就係佢啲燒竹串，呢個餐既串都係偏海鮮類型嘅，個蝦真係好新鮮，而且唔會太油亦都燒得唔會太乾，剛剛好。玉子燒好軟滑！very surprise!!!天婦羅蝦值得一讚， 除咗啲蝦好甜之外，佢真係新鮮滾熱辣咁咋出嚟，即刻食加倍佢嘅美味。最後係牛肉烏冬，烏冬非常彈牙，汁燒牛肉亦都比我想像中來得驚喜，作為成餐嘅結尾非常滿足。

丸十繼朗豪坊店之後, 於旺角開設又一新店是次新店更有和牛燒肉提供, 不同的風格, 令人期待 二人前的SET感覺豐富也不俗, 和男朋友食就最好不過牛油果蟹籽沙律, 沙律上的大隻蟹鉗最為吸引, 入口鮮甜多肉, 牛油果打成果蓉作沙律醬, 蟹籽脆卜卜加上蔬菜的爽脆, 味道清新帶著豐富 自家製玉子燒玉子嫩滑且不過於干身, 入口蛋味香濃 刺身的新鮮令人更令人大愛, 蝦的爽口鮮甜、 三文魚腩的爽彈甘香、油甘魚的光鮮味濃, 都令人回味它們的美味!天婦羅蝦大隻之外, 新觧炸上, 炸漿薄而夠脆 鐵板石燒和牛板腱, 鐵板石燒上的和牛, 未食先知其香, 令人期待, 入口牛肉質嫩味濃, 簡單的烹調，原汁原味都已令我滋味非常 各種海鲜串燒令人更回味不已, 大大隻的帆立貝、生蠔, 燒得香而保留了豐富肉汁, 鯖魚、鰻魚厚身而嫩滑 和牛烏冬份量足料呈上, 和牛炒得香, 配上溫泉玉子, 飽肚亦夠美味

十年都唔行一次MOKO，所以就揀左間燒肉食下！因為見佢係燒肉出名，所以兩個人直接叫左個必勝燒肉套餐，$680/2人用！前菜有牛油果蟹籽沙律同三點刺身，牛油果沙律都有半個牛油果，份量都幾多，而刺身方面有三文魚、油金魚同甜蝦，前菜黎講都算幾豐富。燒肉拼盤方面有和牛肉眼蓋、和牛三角位，和牛肋條、和牛板腱同和牛肉腸，仲有雞腿肉，佢哋選擇嘅和牛雖然唔係入口即溶嗰種，但都有肉味同適量既油脂，反而雞腿肉有啲驚喜！而且配埋生菜包住嚟食，雖然唔係太明白點解日式餐廳會有呢種韓式嘅食法，但咁食法實在係無咁漏。跟餐仲有個泡菜和牛炒飯，雖然再一次唔明白點解係用泡菜又變得好韓式咁，但都幾飽肚既。總括嚟講，每人三百幾蚊食到和牛都實在唔會有太多既要求，仲要咁多野食，但如果你本着食韓式燒肉黎食嘅話會更加滿足！

終於食到高質日本餐廳！睇食評啲相見到爆丼飯好吸引，所以特登過嚟試🤤 餐廳環境好靚呀～ 地方好大坐得好舒服。就算我地二人入座都會分配個大嘅四人卡位比我地，所以大聲啲傾計都唔會阻到人。 由於覺得自己手殘驚唔識燒啲肉，所以今次冇試燒牛。首先我地叫咗一個慢煮和牛爆丼🤤 賣相真係好吸引，啲牛多到蓋住哂啲飯。牛嘅質素亦十分高，肉好嫩，食落軟稔稔咁～ 爆牛舌丼，呢個亦都不得了！牛舌好爽口，亦重牛肉味。每塊都肉厚，仲要舖滿咗喺飯上面，好full～ 特上和牛三文治，麵包烘得好香脆，配埋芝士同牛肉喺極邪惡組合😛 但係份量又做到啱啱好，唔會食到太漏。 自家製明太子玉子燒，玉子燒好嫩滑。第一次見玉子燒上菜時喺岀哂煙～視覺效果滿分。 門口有個櫃仔賣和牛，食到意猶未盡可以買走。 雖然冇燒到肉，但眼尾睇到餐廳好貼心提供衣物噴霧～😍 店員服務態度都好好，總之overall嚟講都好高質！

行過moko見到呢間餐廳外放滿咁多和牛係外面即刻比佢吸引左入黎試下晚餐，返工咁辛苦同朋友黎到要奢侈一下點左份二人燒肉餐。套餐包三款漬物前菜，牛蒡爽脆，其他都係泡菜類漬物。刺身三點，油甘魚好新鮮甘甜得黎又香，三文魚唔夠肥但尚算新鮮。燒肉係自助式，2人用一個細爐但火力強勁，除左和牛之外最吸引既係餐廳有各款醬同配料食牛肉，餐枱上有枝試管式點滴檸檬汁，酸酸地之餘又解膩。和牛附上一大份蔬菜用黎包住牛肉食呢種比較韓既食法完美地融入係日本餐廳，沙律菜塊塊都大新鮮爽脆。牛肉自己燒，燒爐有坑紋，牛肉拼盤有晒特別部位可以一次過試晒咁多款。牛肉質感同油脂分佈都十分完美但牛味較淡，大多要加配調味料。大食既我地就算食完泡菜和牛炒飯唔太飽所以決定要再加一份厚燒原味玉子。玉子好軟熟入口少少甜得黎又有蛋香，每塊十分大食完已經十分滿足。

自從旺角MOKO MALL重新裝修後，個商場真係靚佐好多，亦都好行佐好多，間接令我多佐黎呢個商場。除佐黎多買衫買鞋買袋外，亦都多佐過黎搵食，因為有多間餐廳自己都想試，而今日就試佐呢間日式燒肉餐廳。餐廳主打既係燒肉，所以基本上每個座位前面都有一個燒爐，而可以面向廚師既吧檯位當然就最正啦。望向餐牌，餐廳有宮崎和牛既選擇，而且價錢都唔貴。除佐燒肉外，其實都仲可以order 刺身盛，丼飯，等等。二人套餐相信係最抵食之選。酒類飲品，同埋甜品既選擇都有唔少。餐牌都真係幾多，好易讓人花多眼亂。每個座位前面都會有各式調味醬料，可以喺燒肉既過程裡面加鹽加醋。最後我地都係order佐個二人套餐，因為比較簡單，唔駛費神用腦。必勝燒肉二人套餐 $680味噌湯點菜完畢，首先來到既係味噌湯，佢做得好濃，熱辣辣，飲完即刻成個胃暖哂。三點漬物漬物分別有泡菜，日本准山，同埋蒜頭，個人最鐘意食辣辣地既蒜頭，辣得黎帶甜，好好味。生菜醬料盤生菜盤有2款，包括佐生菜，同埋 紅毛菜。而醬料就有 生蒜，泡菜， 同埋辣醬。生菜用黎包肉食，可以減低油膩感，而生蒜同埋泡菜又可以加多一份層次感。牛油果蟹籽沙律呢個牛油果蟹籽沙律都幾我得意，

新世紀廣場最近難得開了一間轉吃和牛的店，對於在附近上班的我來說是一個喜訊，因為這裏的餐廳都幾乎吃厭了。Facebook message問了他們有沒有lunch Menu，員工也很快的我lunch Menu send了給我，態度不錯。他們本身有做新開張優惠，本來也想叫的，但員工友善提點，還是lunch Menu比較抵吃，所以最後選了和牛肉飯還有牛舌飯。牛肉飯跟普通的沒什麼分別，有點overcook，個人覺得吉野家還比較好吃。反而牛舌飯頗有驚喜，九大片鋪在飯上，完全看不到飯。有時也煮得剛剛好，很有咬勁，推薦 👍🏻飯後有在跟店員提及到感想，店員也有禮貌回覆。還沒有試過烤肉跟其他菜式，會再來的

‪旺角新開燒肉店‬🥩—Lunch time 發現MOKO開左間新日本燒肉，朋友生日就梗係食好啲，但唔食燒肉咁heavy, 試下佢D丼飯。—燒和牛肉丼（伴溫泉玉子）定食（💲148）大概有六片和牛，七成熟，因為慢煮牛肉，所以好淋好入味，每一啖加D溫泉玉子，滑身好多，醬汁唔係好多，有朋友會覺得比較乾身，同埋份量唔算多，飯亦可以熱少少。—

放工同朋友約咗去MOKO食飯，經過一間新開既高級和牛燒烤店。咁岩有個半價優惠就即管試吓啦！只要喺Facebook或check-in就可以用半價試到和牛拼盤啦！ 😍睇返OpenRice先知原來丸十係有三間分店分別喺葵芳，朗豪坊同埋MOKO。每間都係有唔同嘅主打，呢間就係食和牛既。我地咗係bar台，可以望住職員準備食材，感覺好舒服。 前面有一個爐，自己self-serve燒。我同我朋友都唔太大食所以淨係叫咗一個慢煮牛肉飯($148) 同埋牛肉拼盤($580)。因為燒和牛都幾heavy所以我哋都叫咗個生菜拼盤夾著黎食。呢個慢煮牛肉丼啲牛肉好嫩！玉子蛋加埋牛肉飯食好正！和牛盛合黎啦！有九款和牛，每一件有兩塊。我地由最瘦食到最油花最勁既。最鍾意和牛腰脊同埋和牛舌。腰脊肉既有肉味，油花分布適中，入口即融，正！ 厚切牛舌燒完好爽，肉味濃郁得很。可以用呢個價錢食到咁高質既和牛....推介推介！

商場裝修完後有新餐廳進駐，其中對呢間燒肉有啲興趣，就搵左一日放工去試。今次坐係吧枱前面有塊鐵板，不過驚燒肉套餐會好大陣味，最後係叫極上二人餐。漬物+刺身。三款漬物都幾濃味，係每道食物中間可以用黎轉換下口味。刺身新鮮，size 都幾大片。牛油果蟹籽沙律。牛油果足半個，無打成蓉保留口感，配上蟹籽同青瓜，清爽開胃。玉子燒。好大份！足足有六件，甜度適中，口感偏厚實。雜錦天婦羅。有蝦，菇同南瓜等等，炸粉有點厚，但都做到酥脆口感。鐵板石燒和牛板腱。用鐵板燒和牛，生熟程度容易控制，和牛牛味好重，油脂均勻，輕輕燒熟表面已經有油脂香味。海洋串燒。有蝦，蠔，帶子，魚。整體味道中規中矩，最鍾意其中既燒魚，外皮脆口，內裡肉質嫩滑唔乾。和牛烏冬。烏冬爽滑彈牙，湯底清甜，和牛醬汁煮過非常濃味，但配上烏冬味道中和番，好好味。整體表現唔差，係商場鋪呢講味道算中上，位置都方便，係會再回頭既餐廳。

話說小弟就黎生日， 女友比左個好大驚喜我哦佢帶左我去旺角買PS4仲帶左我黎新世紀食燒肉..佢帶左我黎呢間丸十唔知咩咩(唔識讀) 牧場度食預祝生日飯.. 佢知我好鍾意食牛肉佢特意叫左個好豐富既究極燒肉二人餐.呢個餐超多野食有豬鞍扒，澳洲和牛肉眼，日本和牛肉眼，海鮮拼盤，燒雞泡魚乾同埋豐洲刺身盛.. 個豐洲刺身盛好新鮮！ 有拖羅， 帆立貝 同埋金目鯛.. 個金目鯛好特別好脆口！係時令魚黎..其他都係自己燒既野， 我燒和牛既時候發覺個爐好正好容易控制火候燒網紋牛肉一流,佢d牛肉靚就唔洗多講.. 佢d海鮮都好新鮮. 我燒佢d蟹腳黎食超入味唔太鹹,食到咁上下仲有個和牛烏冬,又係好正原本仲驚唔夠食，之後佢黎埋個烏冬就岩岩好..成餐飯所有野既份量都岩岩好.. 好滿足的說

在MOKO開了新日本餐廳, 有日本燒肉, 刺身, 熟食,平日7點無人等位,餐廳大,座位多,點了燒肉套餐$680前菜漬物是蒜頭,牛蒡,大根味道咸咸地, 配酒一流~味噌湯夠哂熱, 味噌味道濃厚, 暖暖胃再吃刺身三文魚, 油甘魚, 牡丹蝦三款刺身很肥味, 也沒有雪味牛油果蟹籽沙律的牛油果熟透了,很creamy, 蟹柳加牛油果口感有層次燒肉拼盤包括：和牛肉眼蓋,和牛三角位,牛肋條,牛板腱,雞肉,牛肉腸牛肉的油脂很多,一燒已搶火,燒得太熟有點硬,吃了一半肉才記得還有一個菜拼盤, 問店員才送來,用菜包住肉一起吃無咁熱氣最後的泡菜飯有很多和牛, 泡菜味剛好, 辣辣地酸酸地很開胃

上星期放咗工約咗人喺旺角睇戲，睇戲前打算醫咗肚先，點知行行吓發現左MOKO mall開咗間新餐廳，食燒和牛🐂，又見到佢門口有啲廣告牌話有折扣就想話揀呢間醫肚。可能因為6點鐘都算早，所以餐廳裏面嘅人唔算多，我同我朋友就被安排到吧枱上面坐。我同我朋友睇完個餐牌之後，心大心細咩都想試😍，所以我哋就點左佢哋嘅極上一頭純種和牛拼盤🐂🐂🐂，上面咩部位都有兩件，咁我同我朋友兩個就可以一齊分享，呢個拼盤都唔錯可以滿足晒我哋兩個咩都想試嘅要求。個拼盤價錢又好合理又加上做緊promotion，我哋仲加咗一個生菜醬料盤🥬可以試埋韓式嘅食法添呀！我哋怕自己真係食和牛同食菜唔夠飽，所以我哋都叫咗個佢哋推介嘅慢煮和牛爆丼伴溫泉玉子🍚，咁就有啲飯氣，唔怕唔夠飽啦！入咗單冇幾耐，好快就有得上菜，先嚟嘅就係慢煮和牛爆丼。個丼個賣相非常吸引，上面鋪左滿滿嘅慢煮和牛，加上上面嘅溫泉玉子，真係令我忍唔住馬上界開隻溫泉玉子，等啲蛋汁慢慢心滲落去啲和牛度，加埋下面啲白飯同佢哋啲秘製醬汁一齊食，感覺超正、超美味，啲和牛又嫩又滑，又有濃濃嘅牛肉味，超級好味！之後當然係我哋非常期待嘅極上一頭純種和牛拼盤🐂，個拼盤一放喺我眼前，我就好開

今日午餐與閨蜜去吃和牛，好像有點兒奢侈。😆餐廳門面不錯，雪櫃內的牛肉很吸睛。一行入去看見牆上有介紹牛嘅部位，可惜不懂日文🤣。午餐選擇很多，選了一個和牛之盛拼盤定食，包括牛腰脊肉、牛肩肉及牛胸肉三款；另一個餐選了牛菲力柳套餐，兩個餐都包括前菜、麵豉湯、沙律、日本米飯及餐飲，甚是豐富呢。🥰上面那一碟是牛菲力柳，下面那一碟是和牛之盛拼盤。燒嘅時候有油和汁爆出，聞到已經流口水，10分期待。😌不愧是和牛，牛肉味10分濃郁，而且質感柔軟，很快已經吃光光了！🤤餐飲點了凍檸茶及可樂，Cheers！