丸十あぶり牧場 (已結業)

今晚唔想煮,所以出左黎食飯, 點知原來食飯中間掛左黑雨, 都唔係話唔黑仔, 好彩既係今次宜間餐廳無令我失望其實餐廳就主打日本野同燒肉,因為唔想食太飽就揀左前者. 睇完menu揀左4樣野咁豪華既三文治一睇就覺得好吸引, 一黎到緊係相機食先啦, 食落口多士口感好脆, 而再咬落去牛肉肉汁同油脂就出哂黎, 多士又吸返汁同油, 唔會太油膩而多士吸完味道反而更加正!牛舌飯係第二推介, 牛舌多到你唔信, 而且燒到好香口, 食完飯仲淨左幾舊可以慢慢食, Like!再黎就係海鮮串燒拼盤, 最最最推介你兩款燒魚, 完全唔會overcook, 啖啖肉. 蠔既味道太重就唔係好岩我, 但鐘意食蠔既朋友不坊一試最後就係主角壽司拼拼啦!, 未上相機已經準備等食,相機食完就到我食. 望落去真係超級靚, 睇倒都覺得味道唔會差, 食材真係好新鮮, 唔會好像出面有啲鋪頭係梅既口感, 而已鮮咪十足!重點大推 帶子壽司, 真係甜到不得了!!味道對得住價錢, 唔怪得黑雨都咁多人排隊幫襯, 大家仲唔快啲去試下XD