丸作食茶 (禮頓道)

营业中

休息中

1. 黑芝麻珍珠綠拿鐵(微糖去冰)（＄24)🍵飲到幾重黑芝麻同綠茶味🍵，入面仲有唔少黑芝麻粒，但奶味同咖啡味☕偏少，珍珠嘅糯米口感好重，好有煙韌咬感👍🏻👍🏻👍🏻彤樂評分：8/102. 奶蓋黑糖珍珠奶茶(少甜少冰)（$38）☕奶蓋鹹味啱啱好，同奶茶嘅甜味中和，鍾意味道較濃嘅朋友仔，應該幾鍾意，怕甜叫微甜就可以啦😂彤樂評分：8.5/103. 黑糖玳瑁鮮牛奶（$30）相比下較淡，加左黑糖都唔會太甜，唔想飲茶或咖啡嘅人可以試下啦🙈彤樂評分：8/10提提大家，佢地嘅黑糖系列每日分3個時段限量發售，賣完即止架啦！

放假接肥髀放學，先去買佢喜歡嘅珍珠奶茶，呢間人氣台式飲品店，今日閒日無乜人，見到新出嘅黑糖系列，可惜剛好售馨，所以店員介紹呢款近似嘅比我！好快做好，要膠袋要比$1捐款！手燒焦糖奶茶加焦糖珍珠（$27）透明密封膠杯，珍珠比平時見嘅細粒啲同淡色啲，食落煙韌彈牙，奶茶叫了半少甜，飲落奶茶好重焦糖味，比平時叫半糖甜啲，茶味奶味都唔強！自己就感覺一般！後生女店員有禮斯文，而且會比意見，出茶嘅女店員同我講要膠袋錢時好禮貌的！感覺舒服！都係喜歡水果味嘅台灣飲料🥤！

一返黎香港，好多野食好多野飲要去試，台飲店唔但止愈黎愈多間，直程係愈來愈多花款，普通既珍珠奶荼已經滿足唔到香港人，依家珍珠唔可以再係普遍珍珠咁簡單，要出唔同味唔同顏色，我都仲未試過，咁岩出左黎銅鑼灣，最新開果間「迷XX」已經賣哂招牌，又要排勁耐，我又唔係有好多時間，於是就黎呢間撞下彩，幸好真係唔洗排隊！前後幾分鐘野飲就到手！又係台灣過江龍連鎖店，主打仙人掌、白玉、焦糖、竹炭、黑芝麻珍珠你揀，人手製造珍珠，標榜無添加任何科學原料防腐劑，用食物原材料做天然色素，我猶豫左好耐都唔知點邊款，叫左店員介紹，最後點左「仙人掌珍珠綠拿鐵」仙人掌珍珠綠拿鐵  $24店員提醒要攪匀先好飲！原來係粉紅色既珍珠！用上天然仙人掌汁調製，日本奶混上綠茶，冇叫半糖/少糖，但個人認為甜度剛好，完全唔會死甜，奶味較重，但茶味轉薄，有少許點醇香味道，加上特別既仙人掌粉紅珍珠，有嚼勁，煙煙韌韌，粘糯又帶微甜微酸，有驚喜！我自己會想再試下其他特別味道既珍珠！

去開銅鑼灣，見到呢間珍珠奶茶舖排左長長既人龍，逼左好耐先買到飛，之後仲要等好耐先有得拎，所以就係附近行左圈先翻去拎。我叫左杯手燒焦糖奶茶加三款珍珠（焦糖、紫薯、仙人掌），奶茶認真唔好飲，好甜之餘，無茶味亦都無奶味，完全係一杯奶茶色既糖水。不過好彩，呢間鋪頭sell既手作珍珠都唔錯，夠煙韌之餘亦都軟軟地，雖然焦糖/紫薯/仙人掌味唔重，但係口感幾加分。唔同顏色既珍珠用黎影相呃like係幾好既選擇，但個奶茶就......

(^▽^)從來我都係一個台式飲品嘅忠粉同2位朋友都住係九龍區但見到這間丸作食茶係instagram同facebook都推得火熱於是就決定今次遠征銅鑼灣之旅了這間店舖的位置都不太近地鐵站到銅鑼灣地鐵站再行15分鐘左右先到💀💀係St Paul's附近~好好彩，我地到嘅時候不太多人(下午5點左右)等左15分鐘就有了同同行友人每人叫左1杯其中2杯係一樣嘅宇治抹茶白玉 $28叫左少甜，結果真係有少到嘅混合之後完全係Starbucks green tea latte嘅味白玉還好嘅，夠彈口但下次我就未必再飲這杯了~黑糖珍珠鮮奶 $28朋友係跟據黑板黎簡嘅黑糖珍珠夠曬味如果鐘意甜+黑糖嘅不妨試下總結我覺得試一次就夠了，宜家仲有好多新嘅飲品店可以試

今日放學咁啱經過銅鑼灣，同學介紹話有間好出名的珍珠奶茶，仲話一試難忘，飲過翻尋味，於是就被佢拉左去試。唔知係唔係係fb,ig到太多人講，放學時間去到竟然大排長龍，點飲品都要排成10分鐘隊，驟眼見都好多學生、OL係到排。我就叫左杯丸仨醇奶茶，專登叫左（少糖），因為我不嬲都唔鐘意飲太甜的奶茶，但結果一飲第一啖，發覺都仲係好甜，可能台式飲品真係要叫走糖先係=啱啱好有三款唔同色的珍珠係入面，咬落係幾Q，但食唔出有咩大分別。同學叫左黑芝麻珍珠綠茶拿鐵（無糖），飲過佢個杯一啖，甜度okay，但黑芝麻我個人唔太好，有興趣既可以試下。

同frd去銅鑼灣行行下口乾就OpenRice下有乜飲😂🤔Search到丸作 好似見過下人飲 一於試試佢😤😂叫左宇治抹茶白玉嘅熱飲（微甜）冇計感冒介口😷天氣熱都照飲🤷🏻‍♀️😌抵讚的是 唔記得講微甜 後尾講番 職員落左糖都照換俾我👏🏻👏🏻👏🏻28$熱飲算貴左小小嘅 但Starbucks嘅抹茶牛奶米仲貴😂😂老實說 味道其實也是和Starbucks差不多😂😂好飲嘅 但冇白玉珍珠真係冇特別lor🤷🏻‍♀️😂我就當係 平d嘅抹茶牛奶加白色好食珍珠😉最後提一提 熱飲係真熱 太快飲熱到條唎🤪絕對不是暖飲🤨個frd果杯黑芝麻珍珠綠拿鐵試左一啖都係芝麻味出 茶味唔算濃 不過不失🤷🏻‍♀️身為一個做過兩間台式飲品嘅員工 天天飲的人的食評😂😂

為了珠珠，去過2次，第一次摸門釘😅，第二次去，買到了！可能平日，人不太多。好可惜睇唔到珍珠制作過程。選好限定黑糖珍珠黑糖奶茶n焦糖琥珀拿鐵，有甜度同冰量選擇，不過要排隊之前揀好，如果唔係個職員面立刻變黑（本來已經無咩表情🙊）黑糖珍珠好有黑糖味，算多，夠彈牙，奶茶少甜少冰，但都仲好甜，茶味唔夠！焦糖琥珀拿鐵，半糖走冰，無珍珠影響下都飲到少少咖啡味！不過最怕係，擺飲品張枱有點污糟，攪到個杯底痴笠笠😓黑板上亦沒有寫限定的飲唔價錢的

台式飲品店比比皆是，但每當有台灣過江龍遠道而來都定必引起一陣熱潮，無它是因為「隔籬飯香」的道理，不過即使擁有「過江龍」的光環，要穩操勝券也絕不能因循守舊，定必要以新噱頭吸引大眾目光——畢竟單是過江龍間的競爭已經不小，更莫說是全港所有飲品店的一番鬥爭，若不標新立異實在難以突圍而出。丸作食茶登陸香港不久後已經廣被傳媒大肆宣傳，顧名思義「丸作」是指其招牌創作珍珠（丸子），分別有焦糖、白玉、竹炭、仙人掌和黑芝麻味，開店初期更由台灣師傅駐場監督，每日人手搓製粉團，新鮮製作。光顧當日大約是新開張後一星期，傍晚時分等候人數比想像中少，不消十五分鐘飲品便已到手，不過有數款口味的珍珠都已經售罄。黑芝麻珍珠抹茶拿鐵 ($31)從網上圖片所見，抹茶拿鐵本應呈上層深綠下層純白漸變的夢幻效果，但事實上我的不但沒有任何漸變效果，顏色更只是呈淺綠色。不出所料，其味道與外觀可謂表裡如一，抹茶味以至奶味同樣欠奉，味淡如水，充其量只有砂糖帶來的甜味；可幸的是黑芝麻珍珠軟硬適中，芝麻味香之餘能嚐出當中混有黑芝麻顆粒，真材實料。朋友所點的翡翠檸檬配竹炭珍珠($25)同樣不見得出色，味道過酸而且竹炭珍珠軟腍之餘完全沒有任何味道

黑糖珍珠鮮奶 $30.丸作都跟風出左黑糖鮮奶 飲左3次 今次係我覺得最難飲😂‼️好傷心😂😂😂其實我記得唔係哩個名 不過我真係唔記得左😂反正都差唔多咁飲法.可能宜家多左選擇 條隊唔算太長 等都好快 我諗15分鐘就搞惦🤣我就叫左少甜走冰 估唔到有得揀甜度 賣相我都好滿意 不過飲落真係唔得☹️☹️☹️.首先最大敗筆係淋既珍珠 我明明飲左兩次都冇失手 何解今次咁樣對我😂明顯煮耐左啦🌝味道就唔知係咪因為我叫左少甜 所以奶味重過黑糖味？杯野真係唔太甜 不好似得返奶味咁 其實係冇味 算啦 珍珠唔得杯野好飲都冇用 .好失望 見到個個話好飲點知我買個杯唔得😟唯有帶住遺憾咁講句有機會再試啦 拜拜

夏日炎炎🔥🔥又係瘋狂飲奶茶嘅時候喇🤤🤤 近排好鍾意同friend周圍去瘋狂試奶茶🙈 有日就比佢帶咗我黎呢間叫丸作既奶茶店🙈 佢嘅特色就係有係有唔同味嘅珍珠🌝🌝-呢杯係奶蓋黑糖奶茶再加仙人掌珍珠🌵🌵唔知點解我對仙人掌呢種植物情有獨鍾🤣🤣 因為好欣賞佢生命力點解可以咁頑強🤙🏻🤙🏻 另外佢獨特嘅外表令我由細到大見到佢都會想摸下佢😳😳 (咩癖好黎...) 我揀完呢隻味 我朋友o左咀問我你唔驚伏？ 好彩最後隻味都唔伏 可以揀得過👀佢奶蓋唔係好厚好creamy嗰隻 帶小小甜同鹹味 質地好滑身 唔會飲完覺得好膩 而奶茶就一般 味道偏甜冇咩特別 到個珍珠啦！ 仙人掌珍珠個感覺真係比較fresh 食落去甜甜地真係有少少似植物嘅味🤣🤣 而且幾有咬口 感覺不錯 價錢偏貴但可以黎trytry🔥🔥-

唔煙銀之餘，哎落去仲粉粉地。唔知係咪五好運。。終於本身係第二度專登行過嚟都見到幾多人睇到，但係香港我飲過最唔好飲嘅珍珠奶茶第二名就係佢，第一名曾經係機場飲過，以為啱啱新開未到應該可以，下次都係用返天x算，今次真係伏左！失望死我啦！！！！我飲嘅香芋味珍珠奶茶，你都有啲架我飲左一半就掉了，俾咗咁嘅價錢我覺得唔應該有呢一個質素。需要多多改善珍珠嘅水準唔知係咪因為太多人排隊所以水準麻麻，呢樣野都好重要，下次加油啦！

手作珍珠sell到周圍都係，都係嘅～真材實料總好過化學野，香港人又咁講健康😅的確冇咁多塑化劑，口感煙韌好多！望住個師傅真係親手搓緊粉團再用機切成粒粒珍珠！宇治抹茶白玉 $28 😋 凍飲冇得輸。不過每次嗌熱飲都唔係真係熱，係室溫咋⋯哇冬天果時凍到傻，但杯野只係室溫真係不太開心😣我明唔想隻熱飲杯同啲珍珠遇過熱而變質（我都做過依行），但溫度真係可以再調得好啲呢😣

唔知幾時又開始一堆珍珠奶茶嘅潮流，但賣得越黎越貴，家下閒閒地都要差唔多30蚊一杯，係咪真係咁把炮呀？呢間都係見到有介紹，所以黎試一下。舖位都比較遠，要行到好入先揾到。以為今日會好多人，都唔係，唔使等就可以買。叫左去冰同半糖，中杯28蚊，都貴架。所以講真飲過呢次我都未必會回頭。味道黎講都唔錯，半糖對我黎講甜度啱啱好。珍珠唔係出面一般舖頭咁硬硬嘅，我覺得佢煮得啱啱好，軟身幾有咬感。係值得一試嘅，但我嘅回頭率會係好低。

今日咁岩經過搵間野試下！平時已經超級愛飲珍珠奶茶☕️而間仲要超級特別，連珍珠都有好多款揀！！無理由唔試下佢架 hahaha 其實我自己最想試既係焦糖珍珠。。。可惜我地太遲去了Ummm。。食完晚飯大概七，八點我地仲要搵左好耐先搵到間舖頭所以去到已經賣哂左啦！咁我地就決定轉白玉珍珠啦 其實黑芝麻都想想地試，但有d驚伏 所以無要到！白玉珍珠唔錯，好有咬口食落去仲有d甜甜地同出面d珍珠真係有分別架！！奶茶又夠香滑 甜度適中 下次試埋其他珍珠先