丸作食茶 (禮頓道)

营业中

休息中

睇名都知道丸作係以珍珠為主打，初營業時已經幫襯過，當時試左推介嘅黑芝麻珍珠綠拿鐵，完全唔係我杯茶。今日因為有同事last day, 同事以丸作散水茶代替散水餅，由於麻麻地丸作嘅珍珠，於是平平地叫左琥珀鐵觀音就算。原先都無咩期望，但收到時有少少意外驚喜，因為茶色比平時飲開嘅鐵觀音深色，非常漂亮。再試試個味，雖然今次甜度同冰都係正常，但鐵觀音味十分香濃，並無比甜味蓋過，亦都無比冰溝淡，茶味除左香濃亦十分甘香，飲一啖整個口腔充滿回甘，而且久久不散，所有野都十分配合，茶控必試。

因為它們不同顏色的珍珠，所以決定來試一試。其實本身我不太喜歡太鮮豔的食物，感覺好似落了很多色素。所以試了看似比較平凡的白玉珠珠和焦糖珠珠，因為好奇仙人掌的味道也加了仙人掌珠珠。白玉跟焦糖和岀面吃的一樣，有焦糖味都不錯。仙人掌珠珠我只飯到甜味，有點怪怪的感覺，幾新鮮的。

之前銅鑼灣間老x堂排到開哂行，落雨又排， 好天曬又排，試過排到爭啲中暑。之後有朋友介紹呢間台式飲品~丸作都唔差，我上網打呢間舖頭名，原來喺台灣都好出名，大有來頭， 每天自製珍珠，多款口味任君選擇 ，最重要嘅係~熱潮過咗冇再咁多人排隊了(但唔代表佢唔好飲)，同埋呢度等攞嘢飲嘅時候，係有冷氣涼嘅，真令人感動(夏天都係多得佢)。兩杯飲品試哂5款珍珠，左邊有白玉、仙人掌、焦糖。右邊有竹炭同芝麻。多款推介現場製造珍珠價錢都唔係好貴

在附近食媽咪雞蛋仔，想買杯飲品，在附近找到這一間。第一次飲諗住試d招牌飲品，叫左焦糖虎p珀latte。打算叫三分甜，但係店員話只能七分😅 結果真的太太太太甜到有d牙痛，不過真的有濃濃焦糖味，愛甜的話可以試下，我就只是飲左1/3... 最近開的好多飲品店都規定甜度有幾多分，本來見店鋪出名所以試下，但是飲唔慣真的無辦法，而且太唔健康了，喝一杯都應該糖分超標了吧🤦🏻‍♀️若果flexible 一點就好了下次都係叫杯無糖茶吧🤭 價錢不算太貴 試一下無妨

宇治抺茶白玉由於本人是位綠茶控，想又不想就點了呢杯綠茶🍵白玉味道有點似Starbucks嘅GreenTeaLatte，唔會太淡，白玉都幾彈牙，整體來說我會再飲。

喜愛珍珠奶茶不容錯過！黑糖珍珠奶茶旋風直捲香港，除了大熱🐯外，這間台灣有名的飲品也不容小覷，因為珍珠用純黑糖熬煮製作，據聞口感很好，特地和無珍珠奶茶不歡的朋友來試喝🙊黑糖珍珠紅茶拿鐵$34由鮮奶製作，茶味香濃，半糖奶茶甜度剛好，既不過甜，也不讓茶味蓋過奶味，而黑糖珍珠也煙靭好咬口，有純黑糖甜味，整杯飲品色澤不遜🐯啊！價格比一般奶茶稍高，但不常喝的話，真材實料的丸作食茶是心中之選！

Bubble milk tea and fruits drinks are popping up everywhere nowadays, but do they taste good actually?  This really depends on which restaurants you have bump into, and, no doubt, your habit and your preference.  I am a sugar lover and anything sweet will catch my attention.  Luckily, I have a few colleagues who are just as into trying out new bubble tea places as I do.Usually most of the soft drink restaurants would remark the level of sugar and the amount of ice for each order.  Just like most

翡翠檸檬同蜂蜜檸檬都係冰沙，喺呢個烈日當空嘅時候，飲一啖霎時降溫。兩杯野都想酸酸地亦甜甜地，好開胃。翡翠檸檬就加咗焦糖珍珠，果然好有焦糖味 (是廢話嗎？) 加上珍珠令到成杯野變得更有口感，佢哋仲有多種珍珠口味，可以再一試。

這家店雖然無老虎堂咁多人排隊，但來頭也不少。丸作食茶也是台灣嘅過江龍，在台灣也有成20間分店！有聞他們手工珍珠出名，口味多變，有白玉、焦糖、竹炭和黑芝麻珍珠，而且每日新鮮製造。他們供應的茶飲有幾種，分別為原味、果物、獨味、乳茶同特別調合選品等，約有廿八款，價錢由$14-$30，仲可以加奶蓋或各款珍珠等。黑糖珍珠黑糖奶茶$34這杯奶茶賣相不錯，幻化的虎紋掛邊，賣相不錯。鮮奶香滑有奶香，仲有美味嘅黑糖珍珠，大大粒，口感煙韌。這杯奶茶味道香甜，茶香奶滑，雖然無老虎堂的黑糖鮮奶醇厚濃香，但味道不錯，可以一試。

肥老鼠🐹同舊同事係銅鑼灣食完飯，講起旺角有間丸xxx既奶茶又靚又唔錯，於是就去附近又叫丸既奶茶店。🐹叫左杯焦糖琥珀拿鐵 加仙人掌同焦糖珍珠。因為實在係太好奇仙人掌咩味，另外竹炭都想試下，不過估計係冇味既。對於相機食先既肥老鼠🐹黎講，一拎已經好失望，未搖已經係呢個樣。對比起另一間，個樣真係差天共地。打唔落卡呀真係不過🐹唔係淨係睇樣既，都要試下俾下機會佢。點知仲失望，冇咩焦糖味得甜味，拿鐵味又冇，另外仙人掌同焦糖珍珠既分別係：仙人掌係粉紅色比較甜；焦糖係淺啡色冇咁甜。如果唔係特登分開飲，都分唔到飲緊邊粒打邊粒。🐹：銅鑼灣有咁多選擇，飲其他都唔飲呢間，可一不可再

行銅鑼灣行到攰，天氣實在太熱好想買杯嘢飲解渴，經過呢度就買咗杯嘢飲！貪佢呢度唔使大排長龍又好似幾有特色，呢度嘅嘢飲好似最特別係佢嘅珍珠係用粉圓做嘅嘢，同埋每杯唔同嘅嘢飲都用唔同味道嘅粉圓。呢個黑芝麻珍珠綠拿鐵係用想綠茶拿鐵綠茶味就比較清淡一啲而珍珠嘅黑芝麻味超級濃郁，真係第一次食黑芝麻味嘅珍珠，好Q彈有咬口，又幾得意喎！

最近愈來愈多珍珠奶茶店都加入左黑糖呢個旋渦😂出名既有，唔出名既都飲👀依家見到黑糖珍珠都怕了😞anyway~黎開銅鑼灣，行過又冇人排，一於就試下呢間曾經都好出名既丸作啦！👉🏿✨黑糖珍珠奶茶拿鐵 Hkd 34 💸📌拎到上手，其實呢杯既紋都唔算好令，飲落啲珍珠好軟糯，又冇乜咬口🤢同埋整體都偏甜，係好甜！奶味唔算出，嗯...真係好普通，唔會覺得自己飲緊珍貴奶茶😂只會覺得係糖水加左珍珠呢⋯⋯好彩唔洗排隊啦，要排隊飲到呢杯野就非常不值😅

珍珠是現製的。丸仨醇奶茶包括三款珍珠仙人掌珍珠、白珍珠和黑糖珍珠。一口吸入幾種也真能吃出分别，質質Q Q軟軟的。黑糖香、仙人掌fresh、白珍珠清。雖是奶精也夠滑(當然沒鮮奶的健康)，不乏茶味。p.s.店部份空間放置了造丸機器，所以店比較細。

近排台灣既珍珠奶茶好hit，好多間都聽人講話好好飲。同日食完雞翼想飲番杯珍珠奶茶，友人話呢間係IG都好出名，我地就緊係又要去啦！呢間主打手造珍珠奶茶，我都好期待。叫左一杯焦糖珍珠奶茶，排隊都要等15分鐘架，再等10分鐘左右拎野飲。因為店面唔大，排隊同等待時都有小小逼。珍珠選擇有幾款，好好咬口，手造既係唔同。至於焦糖鮮奶我就覺得一般，味道偏甜。不過呢間仲有好多款飲品，經典款仲有好多，下次都可以再黎一試。

黑糖珍珠紅茶拿鐵（$34)大熱黑糖系列飲品唔好比佢停🤣 可能因為同區太多競爭，所以完全唔需要排隊👍🏻 呢間既珍珠又係大大粒😍，珍珠係直接加入左黑糖做成既，所以黑糖既味道係已經融入喺珍珠入邊唔係齋糖漿味，呢個位有少少加分，質感就係飲過咁多間最淋最軟身果隻，呢個口感就無咁有嚼勁，但對於我黎講都算唔錯。不過奶茶既茶味同奶味都比較薄弱，黑糖甜度適中。整體不過不失，價格偏貴，但都可能因為唔洗排隊再飲☺️