丸作食茶 (禮頓道)

营业中

休息中

一返黎香港，好多野食好多野飲要去試，台飲店唔但止愈黎愈多間，直程係愈來愈多花款，普通既珍珠奶荼已經滿足唔到香港人，依家珍珠唔可以再係普遍珍珠咁簡單，要出唔同味唔同顏色，我都仲未試過，咁岩出左黎銅鑼灣，最新開果間「迷XX」已經賣哂招牌，又要排勁耐，我又唔係有好多時間，於是就黎呢間撞下彩，幸好真係唔洗排隊！前後幾分鐘野飲就到手！又係台灣過江龍連鎖店，主打仙人掌、白玉、焦糖、竹炭、黑芝麻珍珠你揀，人手製造珍珠，標榜無添加任何科學原料防腐劑，用食物原材料做天然色素，我猶豫左好耐都唔知點邊款，叫左店員介紹，最後點左「仙人掌珍珠綠拿鐵」仙人掌珍珠綠拿鐵  $24店員提醒要攪匀先好飲！原來係粉紅色既珍珠！用上天然仙人掌汁調製，日本奶混上綠茶，冇叫半糖/少糖，但個人認為甜度剛好，完全唔會死甜，奶味較重，但茶味轉薄，有少許點醇香味道，加上特別既仙人掌粉紅珍珠，有嚼勁，煙煙韌韌，粘糯又帶微甜微酸，有驚喜！我自己會想再試下其他特別味道既珍珠！