串Grill 自助燒烤專門店 (譽發廣場) (已結業)

上星期三朋友生日，所以特登book左間任飲任食燒串燒既餐廳 — 串Grill 黎慶祝。餐廳環境好舒服，座位好大好闊落而且夠晒乾淨，未食已經加足分！首先餐廳會安排一盆串燒比食客，有不同款式既串燒比食客試下。店員更禮貌地講解燒串燒既方式，非常細心。雞軟骨：每粒雞軟骨同樣大大粒，燒起黎幾快熟，更加可以燒得有金黃色，有點脆又有咬口，推介！雞腎：估吾到雞腎燒後完全吾硬口，反而易於咀嚼又爽口！個人喜歡加入少量既鹽黎調一調味，令整體味道昇華。雞中翼：雞翼吾算難燒，燒得夠熟仲有少少雞翼汁滲出黎，又系吾乾身的。棉花糖：朋友不停order甜品串燒！燒兩燒就食得，溶溶地口感幾好。雞蛋仔：好開心依度有得食甘特別既甜品，放上燒爐燒至外邊脆脆地，味道也不錯！芝士腸：燒既時候要小心，因為會爆出入面既芝士出黎的。燒菠蘿：切成幼條燒好快熟，又可以原條食，方便！餐廳提供左好多款串燒比食客選擇，款式好岩食，地方又好乾淨，加左吾少分數。而且仲有任飲飲品，岩晒食串燒會口渴既我地。最後每人一杯雪糕。

鍾意食燒肉既我，之前已經一直好想試呢種串燒放題，朋友食過呢間串grill話唔錯，今日終於的起心肝試下。環境好闊落而且乾淨企理，座位同座位之間都有一定，而且全部卡位，坐得非常舒服。枱面有部風扇，應該係俾熱既朋友用，不過當晚覺得冷氣同通風都唔錯，所以唔需要用到。醬汁同調味粉有好多種，完全可以發揮自己小創意來調。入座後店員會細心同你講解樣用呢種爐，睇落好似好簡單，但其實都有注意點嫁，就係一定放係齒輪上，唔係就唔識自轉了。之後店員就會先上一盤食物，可以一邊自動燒住，再用QR code落單。食物種類都算多，豬牛羊、海鮮、菜類都齊，食肉獸既我地當然叫一大盤肉先啦。食過晒想試既後，我地都覺得牛舌、牛肋腩、鯖魚特別好食，所以叫左好多串。呢道仲有雞蛋仔同綿花糖叫，中間味變下唔錯。最後仲有每人一客雪糕做ending~整體覺得質素對得住個價錢，自動串燒唔洗自己郁手燒，的確幾舒服，唯一覺得唔太好係飲品選擇比較少，無糖既飲品只有茶一款，如果想飲無糖飲品既人，就只可以揀茶飲。但整體同朋友食飯都唔錯，因為兩個人都有大既卡位坐。

任食任飲兩小時串燒放題($208)，論食物質素、上食物速度、火力、清潔度，整體係非常好嘅用餐體驗，可以形容為物超所值😊✅串燒爐火力強勁: 限時下非常重要嘅一點！串燒爐火力令人滿意，容量同時間放到10+串，絕對食得飽。轉鏈行得順，唔會kick kick，其實睇相都睇得出爐具好新淨👍🏻✅食材大小適中: 店家細心將每款每串食材，都切割整齊，均勻大小符合串燒轉動時所需嘅空間，唔會撞到隔離，又唔會每串佔用太多位置😀食材拮得穩固，夠實淨，唔會一路燒一路自轉🤣✅推介食材: M6和牛牛柳固然係重點😌但紐西蘭牛西冷更有驚喜！油脂豐富肉質嫩滑☺️配海鹽食係正嘅！牛舌軟腍🤤一流豬五花一層肥一層瘦😎香而不膩焦香雞軟骨、墨魚咀超爽脆🤫爆醬芝士腸😬魚肉年糕煙韌口感好好😚燒燒賣國民小食無得輸啦🤩燒菠蘿juicy豆卜燒到脆卜卜原來好正🤪粒粒雞蛋仔 最愛之一 🥳 中心柔軟嘅雞蛋糕無得彈！棉花糖燒到黃金色 溶化之後黏口嘅糖漿口感❤️✅環境乾淨+無煙燒烤:爐具餐具新淨又乾淨，枱凳地下無痴笠笠，以上全部都好重要🤓抽氣好，同時呢款屬於係無煙燒烤，唔會食完成身一陣味🥰✅多款味粉+醬汁: 燒汁建議邊燒邊塗上蔬菜類食物至於丸類我就鍾意點

最近串燒癮發作，諗起之前係廣華街食過既串Grill，覺得好吾錯，今次就book左另一間分店試下一睇呢個門面，就知道呢間分店大好多而呢到係用QR code落單，好方便一坐底，店員都係首先會擺低一盤食物，仲會細心教我地點燒，醬汁既味道等等。店內環境闊落，座位又好坐，而且景觀開揚，個人心情都好d呢個係串Grill好特色既濕紙巾點完野食，吾使好耐店員就會送到，十分有效率，而且排得好整齊。上次食過牛肋腩同雞蛋仔係好好食，今次一定要encore 啦見住d食物一路轉，一路慢慢脹既感覺，真係好得意，尤其係個年糕，會變得好煙韌，食落口感好好。燒賣既外皮燒到脆卜卜，又係好味到停吾到口吾可以吾提呢個貢丸，好有驚喜，我食左好多粒。香菇味重，而且丸質彈牙一定要落埋呢兩隻粉，好惹味，可以令串燒既味道再提升點少得雞蛋仔，外皮脆，入面既蛋糕軟綿綿，真係食幾多粒都吾會厭最後食番杯雪糕，為今餐作一個完美既句號

夏天想bbq又唔想熱，人就係咁矛盾🤪上網搵到間有得嘆住冷氣嘅BBQ，食法仲好新穎呢到環境都幾舒服，坐位好闊絡一坐低就有店員講解食法、醬汁同教你燒，好細心醬汁同調味粉方面有咖喱粉、辣椒粉、椒鹽、海鹽、泰式魚露、甜酸醬同韓式梨汁燒烤醬，想要唔同口味都係自己搽/加上去豬🐷💠美國豬肉眼、荷蘭豬五花、美國豬肩胛、豬大腸我就鐘意食佢個豬五花，肥瘦均勻，燒到脆卜卜，同食燒肉一樣，皮脆肉嫩，非常香口牛🐮💠M6和牛牛柳、紐西蘭牛西冷、美國牛肋腩、牛舌牛都有幾款揀，最厚肉就係牛柳，食完仲想再食，燒到幾多成熟都係自己控制，搽埋佢隻燒烤醬唔錯雞🐔💠雞腎、雞中翼、雞皮、雞軟骨、雞卷肉、烤雞粒雞翼果啲都有齊，當中雞卷肉比較特別，入面軟身，無骨啖啖肉，推薦⭐️海鮮🦑💠鯖魚、墨魚咀、蜆肉、多春魚特別鍾意佢個墨魚咀，好爽，加埋辣椒粉食好惹味腸仔都有幾款，最正係有台灣腸，平時燒野食都少見。棉花糖，丸類果啲都有齊，丸類就推薦魚肉年糕，燒到年糕溶溶地，口感軟軟最推介係菠蘿🍍，鮮甜多汁，好開胃，仲幫助消化食物款式都好多，雞牛豬每樣都有幾款肉揀，全部都係一串串，串好晒先上，一擺上去齒輪上面就燒得，唔識吉野食嘅人啱晒，懶人必去另外想

呢日出開旺角想食串燒，記得有人介紹過呢間又有Style, Yellow又乾淨舒服，而且地點都好方便，係彌敦道譽發大廈(即a.m. p.m. 隔離)，就上黎試下啦～一入去都有個好醒目的招牌，地方亦比想像中大同舒服。而且場內有好多風扇，開晒爐都唔會太熱。特別鐘意場內幅壁畫，相信係搵designer design的，當中好多details同心思，岩晒一路燒一路慢慢欣賞  整體的送餐速度其實都好快，未電子落單前已經送定一盤可以燒住先。自動燒呢個賣點真係好好！而且就算肉類都係燒10分鐘內，好快就已經有得食。中間都有漏單/送錯單既情況，不過職員好友善，枱上又keep住有食物，其實OK. 場內有提供4款醬汁。不過其實梨汁同燒汁既味都幾似，個人就prefer魚露酸may may用黎點丸類，梨汁/孜然粉用得配肉類。野飲可以雪櫃自己拎，少少失落冇涼茶下火添 haha心水推介：肉類——牛、雞皮、雞軟骨、墨魚嘴蔬菜類——菠蘿、車里茄、秋葵丸類好多選擇，食完都唔肯定邊款打邊款XＤＤOMG, 兩條友食下食下，食左成66串-0- (目測其他人正常3-40幾......)最後仲有甜品送：本身以為係頹廢雪米滋都已經好滿

好耐冇食過串燒，近排有friend介紹旺角一間自助串燒店，可以仼食慢慢燒，緊係要去試下啦。餐廳裝修重要好有本地特色💛💛💛一坐底，店員就拎咗1盆食物黎教我地點燒，好貼心，重提我地會脹嘅食物，要隔一格先好燒，唔係好易kick住。點餐係掃描QR code，唔洗用紙，好環保，重要好快捷，落完單一陣就送到。👍🏻有好多款食物揀，牛肉都有4款，全部細細串，一人一串，啱啱好。😋重有幾款醬汁同調味粉揀，實有一款啱口味。我鐘意食美國牛肋腩，重牛味，又冧！燒牛要計啱時間，千奇唔好well done呀🤣🤣🤣男朋友就鍾意食雞軟骨，encore咗幾次，香脆又爽口。😆燒菠蘿清清甜甜，可以解油膩。雪櫃有好多飲品可以揀，另外重有手調茶可以點。呢杯柚子烏龍茶好好飲，清甜又有茶味，非常推介！🥰店員重推介我地燒雞蛋仔同棉花，甜品重有Häagen-Dazs雪糕食，配雞蛋仔，幾好食。

之前睇過網上及飲食雜誌介紹電爐串燒任食放題，概念新穎又可以食得豐富，心動不如行動，今日就夥同友人去試一試。餐廳環境都算幾寬敞，空間感好大。座位與座位之間距離都足夠，放題最怕密麻麻坐得好壓迫。安排座位坐低後，侍應好細心地教串燒爐用法，講解串燒應該點樣擺放，亦介紹餐廳提供多款調味料供燒烤用，調味料都相當多款式，孜然粉、海鹽、椒鹽、辣椒粉、泰式酸辣汁、燒烤肉汁等等，自己可以按個人喜好調味或混醬。今餐主角當然係串燒啦，大約有幾個類別。包括牛，雞，羊，豬，海鮮，蔬菜等等，款式都算好多好齊全，基本大路類型都會有。我個人就特別鍾意五花腩、牛舌、豬柳腸，自己燒完自己調味，食得非常過癮！最好約埋三五之己一齊食。一路燒，一路傾計，絕對係一個唔錯嘅聚會好地方。餐廳係串燒任食之外飲品亦係任飲，一路燒，一路傾計，絕對係一個唔錯嘅聚會好地，最後食埋杯 Haagen Dazs 雪糕，非常完滿。 

第一次去食室內嘅燒烤店，感覺非常新奇有趣。平時食韓式燒烤就食得多，今次呢個係好似港式燒嘢食咁。有冷氣，每張枱仲準備咗兩個小風扇，非常貼心，而且每個爐上面都有抽風系統，所以就算過路長期開着都唔會覺得好熱。食物嘅選擇好多元化，鹹嘅甜嘅肉類海鮮蔬菜都有，最特別係有雞蛋仔，燒到脆卜卜，咬落去好正。有幾款調味粉同埋醬汁可供選擇，一邊燒一邊加調味粉同醬汁，其實都幾好玩。比較推介嘅係五花腩，脂肪較多，所以少出嚟嘅時候可以保持肉汁同埋唔會咁乾柴。最咪每人仲會有一杯Hagen dazr雪糕。

當然啦，200幾蚊串燒放題，同散叫串燒店比係好抵；不過你要留意散叫係有人幫你燒，每樣野控制好調味，燒好係用竹籤上，你可以直接拎上來咬。但哩度既用餐體驗真係一般，個爐會令你覺得好熱，而且有陣時d野食轉得唔好，好易其中一邊窿左。最大問題係肉既質素，真係有d難接受，調味選擇亦都比較少。自己係哩度最鍾意食既係魚肉年糕，菠蘿，多春魚，墨魚丸，全部肉都唔好食，好多牛肉咬唔爛要lur返出來🙈之所以唔負評係因為我覺得比較多係形式既問題而唔係餐廳質素既問題，至於肉就我覺得可能係將貨就價啦。

油尖旺區超多餐廳選擇，今次嚟到一間樓上嘅自助燒烤店上到去見到都滿座，如果怕冇位就最好提早book位啦！唔好諗歪咗啊🤣係濕紙巾嚟架！呢間餐廳啱晒懶人，因為佢嘅燒烤爐設有齒輪，食物放係上面就識自動轉，唔洗自己用手燒，完全係懶人首選！而且燒烤爐熱力充足，唔洗等到天荒地老食物都未熟餐廳提供多款醬料，供食客自由調味，包括海鹽、味椒鹽、辣粉、孜然粉，醬汁包括泰式魚露、燒汁、韓式梨汁燒烤醬，任君選擇柯打食物係透過手機QR code落單，好方便😙 食物種類繁多，大約有30種，包括肉類、蔬菜類、即食食物等，當中大推菠蘿，燒完都非常juicy，另一款比較特別嘅係豬柳漢堡腸，好少見最欣賞嘅係呢個擺串燒盤嘅鐵架，可以一層層疊起，唔使一盤盤分開放喺枱面，超慳位！

旺角餐廳多到爆，不愁冇嘢食，係驚多選擇到揀唔到。聽人講有間串燒店有啲花臣嘢，去開旺角就去睇下有咩特別。一入到去見到座位都幾闊落，同一般燒肉店差不多，都係有個抽油煙機喺爐上面。特別嘅地方係個爐。普通串燒店就燒埋俾你食，自助型式嘅就要你落手落腳，呢度就係半落手落腳，要你自己放串燒落個爐上面，個爐會幫你轉啲串燒，你坐喺度等食就得。餐廳用QR code落單，食物款式好多，肉類、海鮮…… 連甜品都有。飲品就有個大雪櫃任揀。想盡興啲仲可以加錢飲啤酒。店員講解咗啲操作同介紹下啲調味料，再攞咗一盤食物俾我哋。我哋都再嘟個code加單😜落完單，食物好快就送到，一串串排喺木架上好整齊。一開頭梗係乜都試下啦，豬大腸、雞皮、牛舌等等嘅特別嘢當然唔可以放過。其中最有驚喜係豬柳漢堡腸，其貌不揚，不過幾好食😋但由於個爐火力唔太大，後尾都係主要食牛肉，可以唔洗太熟😂燒到咁上下，就試下甜品類嘅雞蛋仔同棉花糖，發現兩樣加埋原來更好食！去到最後，店員送上häagen-dazs雪糕杯，作完美句號😍

夏日炎炎，燒烤迷想叉住燒嘢食都有心無力😅～朋友便提議去串grill享受下夏日BBQ🤣!!!串grill譽發嘅分店新開，位置好方便，喺油麻地站出行5分鐘就到👍🏻門口招牌好cyber~串grill只有一個任食套餐，唔同時段收費有平貴。星期六午餐黎都有得食👍🏻餐廳環境寬敞，大部分係卡位，坐得比較舒服😊。飲品自助形式，鍾意飲咩就拎咩😏有樽裝檸檬茶喎，正呀👍🏻。每張枱都有一套醬料同調味粉，當然有燒烤必備嘅孜然粉同辣椒粉😍😍，韓式燒烤醬甜甜地都唔錯，泰式魚露好清新🤩!!!串grill嘅賣點就係可以撓埋雙手🤣，輕輕鬆鬆食串燒，將串燒放喺轉帶上，佢就會自轉，火力都好均勻，而且又唔會燒得好耐~☺用QR code點單，選擇都唔少，竟然有牛舌同澳洲和牛牛柳💖💗大愛中間三層肉💗燒得外層香脆，內唔會乾，有汁😋加上孜然粉同辣椒粉，好有串燒店嘅風味呀🥰牛舌爽口加軟嫩，推介!!!記得記得留肚食燒棉花糖呀😜BBQ必備嘅棉花糖，喺串grill都有得食👍🏻👍🏻👍🏻燒棉花糖最驚就燒到一邊燶，串grill就唔會有呢個問題。好簡單就燒到金黃色😊 P.S. 都要留意燒嘅情況，會燒到好軟身，跌落個爐😓每人都會有一杯Häagen-D

有一段時間冇去BBQ，但甘熱嘅天氣下，如果想去BBQ，未食已經熱到溶，朋友話油麻地地鐵站附近開左<串Grill自助燒烤專門店>，甘當然要去食番餐BBQ串燒放題啦！！～以任飲任食的放題價格來講，都係二百蚊左右起，串燒款式有成四十幾款，飲品都有好多選擇，仲要食足120分鐘，價格都算幾抵食。香料調味粉有四款，有辣有吾辣，能夠帶出串燒的鮮味。醬汁亦有三款，中間白色樽的醬汁可以一邊燒一邊加，出來效果更惹味。Order串燒用QR code便可，真係超級方便，而且下單後5分鐘內就送到枱上，效率勁高，仲要全程冇漏過單，真心抵讚！！串燒一串串甘放係木架上，非常整齊企理，都算好乾淨衛生。店舖服務員係開始燒之前，會細心講解點樣放串燒上去個自動燒烤機上面燒，值得一提嘅係，自動燒烤機燒食物既速度都幾快，所以都要留心吾好燒過火，大約燒幾分鐘就已經食得。由於餐廳供應的食物冇乜調味，建議燒時可以按照個人喜好，自己調味，甘燒出來效果會更好食。我地燒完一轉又一轉，實在真係回曬本！食物選擇有好多款，啱曬大胃王！！美國豬肉眼：肉質比較實在何蘭豬五花：半肥瘦腩肉，燒出來好好味美國豬肩胛：肉質不太多油脂，口感不錯

朋友話好想bbq，但係又懶唔想自己燒，所以我地就黎左呢間唔洗自己動手燒既餐廳玩～之前都有去過旺角店，但因為油麻地呢間新開，所以今次就去左呢間試一試。新店乾淨企理，感覺好舒服。食物選擇唔算好多，但豬牛羊雞同菜類都會有齊哂，而且仲會有綿花糖同雞蛋仔燒添！我最愛同最推薦既係牛舌，菠蘿，五花肉，雞皮。牛舌雖然細細粒，但都係厚切，而且超彈牙多汁，勁好食！！燒菠蘿就不嬲都係我必食既一款，佢地既菠蘿夠新鮮，鮮甜多汁，我自己一個都食左8串～五花肉同雞皮建議可以燒耐啲，五花肉可以燒到略焦，會迫左啲油份出黎，而且會更香口。雞皮更加唔洗講，燒耐啲佢會變得脆身，脆卜卜又香！最後仲會有哈根大師食，超滿足～成餐有得食又有得玩，係開心既😊