串Grill 自助燒烤專門店 (譽發廣場) (已結業)

我同男朋友都好鍾意食串燒，經常會出去食串燒，今次都係第一次用呢個自助形式去任食串燒。佢勝在有冷氣，地點方便！已入到黎坐低，用QR code 落單，佢好快就會上菜，等緊嘅時候亦都可以去拎嘢飲。一串串串燒卡落去部燒烤機度就會識得自己燒。枱面仲有好多唔同嘅調味料，有孜然粉、椒鹽、鹽、照燒醬、柚子醬。我最鍾意食佢嘅雞軟骨、和牛、豆卜、冬菇、五花腩、台灣腸。全部都燒到卜卜脆。五花腩落少少照燒醬，再燒到佢脆卜卜，真係好好食。豆卜就將佢燒到脹卜卜之後，再落椒鹽，都好好食！我覺得自己真係一個出色嘅廚師🤣🤣🤣最尾仲有Häagen-Dazs雪糕送！好滿足。