串Grill 自助燒烤專門店 (譽發廣場) (已結業)

成日見到有人post呢間嘅串燒，覺得好盞鬼，今日終於得閒一試啦！呢間串燒店特別之處係，佢嘅串燒係「自轉」嘅，唔使我哋人手成日轉來轉去，十分之方便！另一個好重要嘅地方就係，每一台上面都有一個煙囪，所以唔會太大油煙味，地方都好闊落，坐得好舒服，的確好chill！食物種類都幾多，會有豬牛羊雞海鮮蔬菜等等，最特別係佢有埋甜食，例如係雞蛋仔，棉花糖等等，個人覺得一定要是雞蛋仔同棉花糖，棉花糖燒烤好味大家都知，但係雞蛋仔真係值得一試，喺出邊食唔到嘅味道！飲品嘅種類都唔少，汽水豆奶檸茶等等一應俱全，食完啲熱辣辣嘅嘢後飲番杯凍冰冰嘅飲料消滯又解渴！食完之後仲會每個人送一個Häagen-Dazs雪糕杯添～順帶一提，呢度係自助落單，只要掃一掃QR code就可以，店員上菜嘅速度亦都十分快！另外都要讚下呢間店嘅服務態度，店員都十分有禮貌而且喺入座前都會同我哋詳細介紹用餐嘅方法同埋調味料嘅選擇，影真抵讚！

平時想燒烤要約埋一大班朋友特登入去燒烤場，依家平時收工想BBQ都好方便，呢間串grill有自助轉轉架，只要放串食物上去會自動燒，唔使用手好方便，可以同步燒好多野食！而且自助落單，分左類叫野食好方便，叫完野食都好快到。飲品方面出邊有雪櫃自助拎。 肉方面推薦一定要叫豬五花、雞軟骨、雞皮、牛舌、牛肋腩，雞軟骨同雞皮燒到微燶，外層脆卜卜好好食。牛鍾意唔好燒得過熟，食落口感好軟稔就岩岩好。菜方面我最鍾意食雞髀菇、車厘茄、翠玉瓜同埋菠蘿。車厘茄同菇燒完好多汁，而菠蘿食落好甜，可以不斷encore！呢度最特別係有原味雞蛋仔，雞蛋仔少少甜，燒完外脆內軟，好食到同朋友每人食左四串！兩個鐘放題食完仲有一杯haagen dazs 雪糕，成餐飯好滿足。❤️

最近好多BBQ場都關閉太耐冇食燒烤 就約埋啲朋友一齊嚟串grill食串燒平日晚市時段就$248一位餐廳採用手機落單嘅形式既方便又環保餐廳亦提供唔同嘅醬料同埋調味料食物上菜嘅速度都好快落咗單唔使3分鐘就送到過嚟一串一串吉好晒真係好方便而且亦都唔使整污糟隻手喺食物方面 推介大家食牛舌牛舌好彈牙 可以媲美出面嘅日本餐廳台灣腸同燒賣都唔錯燒賣燒到外皮香脆別有一番風味而雞翼方面 我哋用咗餐廳提供嘅柚子醬去燒食落有啲似蜜糖BBQ雞翼正食完咁多肉類梗係要食返啲甜品啦餐廳有棉花糖同埋雞蛋仔雞蛋仔比想像中更為出色燒到外皮香脆 而且好重蛋味好香最後仲每人有一杯Häagen-Dazs雪糕作為一個完美嘅句號

想食串燒但係又唔想自己落手煮，黎依間串Grill就啱哂啦！串Grill主打懶人串燒，限時任點任食，串燒放落有齒輪嘅爐上，就會自動滾動，唔洗自己動手燒，夠哂方便！ 餐廳位於大廈中層位置，靠窗嘅座位可以包覽到熱鬧嘅街景，而且非常寬敞，坐得好舒服~  以QR code黎落單，餐廳建議唔好點多過3盤，驚啲野食放得太耐會唔新鮮。點開黎睇發現串燒嘅種類非常繁多，唔同肉類嘅部位都有。個人最中意牛舌，有口感又好香口，和牛牛柳同埋西冷嘅肉汁都好鮮甜。  丸類方面，台灣腸、蝦卷、燒賣係我嘅至愛，最中意燒完之後外皮焦焦嘅感覺。 另外仲有棉花糖同埋雞蛋仔，雞蛋仔燒完後外脆內軟，蛋香味濃郁， 飲品任飲，食完最後仲有一人一杯雪糕~ 本身以為要燒好耐先熟，但係原來個爐好夠熱，唔洗好耐就熟，可以食到好飽！ 

最近真系成日都落雨⛈🥲吾想濕身，當然留系戶外啦😆最近發現左一間懶人系列自動串串燒😋🤭位於旺角真系非常方便呀！入到去座位好闊落大約每邊坐到3個人職員細心介紹，落單是用QR code 落單枱面上放上4瓶，有孜然粉，海鹽，淑鹽粉，同埋自己調味辣粉😆仲有醬料方面，泰式魚露，柚子醬，牛肉汁職員說牛肉燒到7成左右先塗上最好👍🏻飲品仲有好多選擇！落完單，職員放上個架到，好多種類選擇😍有分左豬，牛，海鮮，蔬菜🥬，腸仔，丸，甜品牛肉燒到6-7成就可以塗上牛肉汁一開始仲未掌握到要燒幾耐為之可以，所以第一轉比較乾身啲，所以真的不用燒太耐！！燒到好靚既雞軟骨😋燒到有啲過左既魚旦，硬得滯🥹最鐘意食台灣腸仔，甜甜地又辣辣地，紫薯仔好甜😋仲有甜品最特別係一款有雞蛋仔，燒完嘢雞蛋仔脆卜卜，恰到好處.仲有最愛BBQ時嘅棉花糖🤣記住唔好燒太耐🤣

平時食飯人地一串串燒好既串燒，今次就試下新玩法，自己串燒自己燒，唔好食就冇得瀨啦入到黎坐低之後，店員都會細心問你係咪第一次黎，然後佢會簡單介紹一下點樣燒同調味料。第一盤佢先會提供唔同的食物，之後自行再scan code 落單，非常方便。食物方面，選擇都算多。先講下肉類，M6和牛牛柳粒只要唔好燒太耐，同沾上燒肉汁雞類每款食物都值得叫，雞軟骨、雞皮同雞翼燒到外皮脆脆，再灑上椒鹽粉，好好好推介，雞翼就需要花多啲時間去燒，每款我地都忍唔住encore左兩round 腸類都有好幾款選擇，當中我哋就叫咗台灣腸同芝士腸。兩者之中我地比較喜歡台灣腸。因為佢比較有肉汁，而且唔會易乾身。蔬菜之中我就推介翠玉瓜同菠蘿。兩者燒完都好juicy，特別係菠蘿，d汁係多到流出黎甜品之中當然唔少得棉花糖啦，燒到外皮焦焦地，開始慢慢長大嘅時候就已經食得。另一款甜品比較特別嘅就係雞蛋仔，燒到外脆內軟，唔會太甜，係外邊比較少有嘅甜品。除咗自選甜品之外最後仲會有哈根大師雪糕作為完美嘅結束題外話：呢度非常之寬敞，能夠坐係落地大玻璃既卡位，窗外面嘅景色一覽無遺

難得放工後搵媽子放鬆下🧘🏻‍♀️😎 今日帶佢去朋友極力推薦既串grill 專門店試下！呢到係譽發廣場上面 地理位置非常方便🤗入到去地方都好闊落 我地2個人坐係張6人卡位到 😎今次我係第一次用呢啲自既轉既串燒爐到食 覺得好有新意 🃏而且佢地可以平均受熱 唔使怕一邊燶哂既情況出現😁要點串燒係用手機落單既 見佢啲款式都唔少 有丸類 雞類 牛類 羊類 海鮮類 更加會有甜品類出現👏岩哂我口味🥳用串燒爐咁燒住啲丸類 ☄️令佢地非常脆身！好似食緊炸丸咁 同時餐廳有提供到唔同既醬料同埋 調味粉 🤗 媽子最愛是點韓式柚子醬 酸酸甜甜咁 好開胃🍯 仲可以加埋生菜🥬咁包住食👏我自己最鍾意就係食呢到既和牛粒同埋羊卷肉 🤭 羊卷肉既羶味好香 認真一流除外 我同媽子都特別鍾意呢到既 甜品系列 有棉花糖 同埋 雞蛋仔 輕輕燒幾燒就食得 🥳 好滿足！呢到既野飲都多種類 可以任飲 食完口乾都唔怕喇！☺️同埋想大大力讚下呢到既服務😎 餐廳員工都好熱情！同埋都盡力配合我地需要☺️😆而且上菜時間都非常快！比個tips 大家😎燒果彈最好間住咁燒 有時啲肉太大舊會頂住隔離既串燒轉 👏同埋有小朋友就最好家長睇實啲呀🤗呢到又好食又好玩 真係

夏天又想食燒烤但係又怕熱，朋友就介紹我黎到位於旺角串Grill食自燒烤，店內環境寛敞，全部都係卡位，好闊落👍每人大約二百元左右巳經有三至四十款，可以每樣都試小小，飲品方面都好齊全，涼茶都有！點餐用手機婦QR code方便快捷，完全沒有漏單情況！食物大部份沒有醃製過，枱上放了大約七種調味粉及醬汁，可以按照個人喜好加入調味😋肉類方面我們點了和牛、羊肉、雞肉粒切到一粒粒容易燒熟，方便入口，特別鐘意食和牛，咬落嫩滑多汁，其餘樣樣都好新鮮！仲有雞軟骨、豬腸、香腸、雞翼、魚蛋、貢丸和台灣腸等….特別堆介豬腸咬落帶點油脂又爽口，雞翼同雞軟骨加入串grill辣粉好惹味！燒菠蘿、棉花糖雞蛋仔做甜品，菠蘿多汁好鮮甜，正！最後食埋杯Häagen-Dazs雪糕🍦超滿足！

早幾日放工同朋友去旺角搵食，朋友忽發奇想話想食串燒，之後搵到呢間自助串燒燒烤店🤣🤣見佢幾特別，於是去試下！餐廳都好容易搵，交通都好方便。我地到既時間仲算尚早，唔算太多人，都幾舒服。不過去到晏dd就坐滿曬😂😂入坐之後發現原來自助既意思係有個發熱光管，烤熟食物，有少少似微波爐加台式香腸個種轉圈燒烤🤣雖然可以放串燒既位置，但係都尚算足夠。雖然烤熟過程唔算快，但係都可以慢慢食同朋友傾住計食，時間都有120分鐘！😋😋👍🏻👍🏻至於食物方面，種類都好多，有唔同肉類，丸類同海鮮，至於蔬菜就略嫌少d，個人推介五花腩，牛腩，同羊肉！呢幾款用燒烤黎處理真係絕配，而且有唔同種類既調味可以夾啱自己口味！高度推介😋😋

疫情關係，好耐無燒過嘢食啦，朋友搵到原來燒嘢食都可以有放題任燒，仲可以涼住冷氣嚟燒，真係幾正。 我地驚人多，刻意早少少食，入到餐廳，環境光猛，而且抽風做得好好，完全無煙霧彌漫，亦唔會聞到好濃烈嘅燒嘢食味。 🍡食物選擇ok多，台灣腸、芝士腸、雞翼、雞軟骨、雞皮、雞腎、和牛、西冷、牛舌、牛肋腩、羊肉卷、黑毛豬、燒賣、魚蛋、墨丸、蝦卷、魚肉年糕、貢丸、秋葵、甜薯、車厘茄、菠蘿、翠肉瓜、冬菇、雞脾菇、豆卜、多春魚、最特別係有綿花糖同雞蛋仔(但記住一定要睇火， 雞蛋仔好快燶、綿花糖我地試過燒耐左，成粒融晒😅) 😍🧂枱面調味亦有很多，魚露、柚子醬、和牛汁、椒鹽、辣粉、孜然、仲有海鹽。柚子醬最特別，甜甜地，點香腸、墨丸、雞蛋仔都好好味。 呢度好多評語都讚侍應好，呢樣真，佢地都好有禮貌，雖然開場白教你落單，介紹醬油等係會講得好快，不過我聽唔切再問佢，佢都無黑面，仲會慢慢再講俾我知。 有漏單情況，如果落單軟件程式可以改善就更好!我點左大約三-四輪嘢食，第一輪嘢食唔齊，第二輪直情無嚟過，不過我欣賞侍應嘅服務，侍應留意到我地嘅食物架無野食一段時間，主動問我地有無再落單，然後立即同廚房跟進，雖然我地完全無投訴

味道😋😋😋😋環境😋😋😋😋服務😋😋😋😋😋衛生😋😋😋😋抵食😋😋😋😋今日唔知點解好想食d燒烤野，搵左好耐，比我搵到串grill！見個價錢又唔係貴，所以就一於去試下啦！鋪頭環境寬敞，冷氣夠大同埋唔會好勁燒烤味！依樣野做得好好！職員都好有禮貌，埋位後仔細介紹成個爐嘅操作、落單同埋醬汁。食物方面有超過40款以上嘅野食可以揀選，肉類款式都算多，質素唔錯！其中仲有雞蛋仔、棉花糖依d特別嘅野食可以燒，不過我好鍾意佢有雞皮可以燒，好正😍😍飲品種類都好多！全程我都係就咁放左上去佢就自己轉，唔駛理佢，岩晒我d懶人！真係食足2個鐘，最後仲有雪糕送，正野😍😍整體黎講，價錢唔算貴，但又多款野食揀，而且質素良好，超值之選！我會再返黎食多幾次😋😋

譽發廣場多嘢食就係人都知㗎啦，今次就試試呢間任食串燒！店面招用磚牆加霓虹燈牌，Sharp！室內燒烤店最緊要就係個通風系統，如果做得唔好客人就好易成身油煙味，食落又身水身汗勁唔舒服…但睇相都知呢間勝在空間夠多，枱枱都係卡位設計，身在高層睇曬景色不特止，每枱都有相當嘅私人空間，一班Fd暢所欲言都無問題！一入到已經先收到一盤～ 肉類丸類蔬菜咩都有！連台灣腸都有，金黃酥脆每條串燒叉都有個齒輪，扣住燒烤架，自動轉～保證燒得均勻～肉類方面，個人最推介牛舌，切得夠厚，令口感更煙銀！不過記得要睇住火喉，燒到5成熟嗰陣查上牛肉汁，灑上孜然粉同辣椒粉～再燒至7成熟就最好～食肉食膩咗之後可以試埋呢啲～填返個甜品胃！有棉花糖同雞蛋仔！好似新鮮出爐嘅蛋糕咁！最後一人送返一杯Haagen-Dazs！

啱啱解禁限聚令第一餐嘅晚市就即刻book咗嚟燒嘢食，平時燒嘢食要一炸人先可以食好多嘢，今次唔使啦兩個人都可以食自助燒烤！一上到嚟店員嘅熱情招呼同埋講解令成個入咗過程好舒適順暢。開頭見燒烤盤自己轉轉吓驚好難控制同埋會等好耐先燒得熟啲串燒，但原來10分易上手亦唔駛等好耐就有得食啦！好鍾意佢哋嘅QR code點餐，有幾十款串燒花多眼亂，我哋一埋位店員就即刻上咗一部全消俾我哋燒住先呢個位覺得佢哋好貼心因為可能知道客人要考慮點咩嘅時間要好耐，可以俾我哋燒住少少嘢食住先。 上菜嘅速度好快落單一陣店員已經成盤串燒送到枱面有好多唔同款式嘅調味料，啱晒我哋呢啲鍾意試唔同味道嘅人。個人來講最鍾意佢哋個燒雞皮同埋豬大腸，燒到脆晒嘅口感有啲似食緊薯片。呢度亦都唔需要驚食食吓會口渴，因為雪櫃有好多款唔同嘅嘢飲俾我哋揀，所以我哋可以盡情叫嘢食同埋嘢飲。

一入座侍應就放低咗一盤有肉有腸有丸嘅串串1️⃣侍應叮囑我哋用QR Code落單 最好用同一部電話落單 同埋睇完所有版面先一次過落單 否則分幾次落就會有機會食單 會漏單咁我一次過㩒哂之後 友人話要食雞腎 唔記得咗幫佢落 咪㩒多幾串下一秒個侍應就即刻行過來講多次唔好分開落單😑😑😑其實我哋唔係唔明嘅….咁真係㩒漏咗嘛😦….然後當然就真係漏單喇 咁都唔緊要 咪再叫過囉🤗但請問會唔會係店鋪諗下解決辦法 而唔係叫客人就返你哋轉頭？？？？？！？2️⃣個一盤有肉有腸有丸嘅串串入面有串幾好食但盤上面無卡仔寫佢個名 Menu又無相🤔又唔俾人地連續落單 要落完單睇吓係咪個串 唔係又再落過 （仲要擔心陣間又被話分開落單到最後完全都係搵唔到….3️⃣重點問題來了🫡四個人用一個爐 爐入面似電焗爐咁慢慢焗熟 大概放到10-12串燒一串肉都要用唔少時間 發現根本唔係好食到野先唔好講啲野好唔好食….坐低咗15分鐘覺先食到幾粒野至少每兩人一個爐先係真係食野Menu只有串燒 無任何熟食 只可以齋等🤥🥵🥵🥵4️⃣調味料有泰式汁（好酸好奇怪😵‍💫）、黑椒蜜糖汁/水？、椒鹽、辣粉等調味粉中途大約一個鐘左右 個枝黑椒蜜糖汁/水？用哂我哋叫侍應麻煩

📍旺角真係個覓食好地方，唔好放過任何窿窿罅罅。你地上到一間樓上舖，好早嚟到，可以影到餐廳環境好闊落。🔻嗌食物之前，餐廳會率先供應一set串燒俾你，唔怕餓住點同等食物，但佢用嘅電子落單系統都好快上菜。🔻嘢飲係任拎。食串燒餐始終會有少少熱氣同kick喉，加上去到中段又瞓好重，我就鍾意飲茶消滯解熱，拎烏龍茶一定冇異議。😌而且可見佢地嘅選擇都唔少！🔻枱上面有三款醬汁：柚子醬、泰式醬、牛肉醬，而調味粉有：孜然、鹽、辣粉、椒鹽，好欣賞佢地欣賞唔同調味料嘅細心，令同一款食物有唔同風味。🔻細細串，以放題嘅份量嚟講係啱啱好，而且唔洗自己燒，只需拎出拎入就得。見好多人都推介牛舌，果然名不虛傳！牛味鎖住喺牛舌上。另外我認為五花腩、雞皮都唔錯，我哋試過燒到皮好脆口，入口即溶。燒到點樣嘅質感，確實係豐儉由人。而我自己覺得台灣腸確實係安全保證。唔洗怕燒到某個時間會即刻影響質感。其實燒嘅同時，啲肉類串燒會一直滴油，舖頭選用嘅路底有盤水幫你承載多餘嘅油，令自己少咗少少罪惡咁😂都係佢哋嘅細心位之一。臨尾餐廳會比每個人一杯Häagen-Dazs雪糕，雪糕選擇：士多啤梨 曲奇 朱古力 哈密瓜🔻餐廳服務都唔錯，一入座店員好細