我地驚人多，刻意早少少食，入到餐廳，環境光猛，而且抽風做得好好，完全無煙霧彌漫，亦唔會聞到好濃烈嘅燒嘢食味。
🍡食物選擇ok多，台灣腸、芝士腸、雞翼、雞軟骨、雞皮、雞腎、和牛、西冷、牛舌、牛肋腩、羊肉卷、黑毛豬、燒賣、魚蛋、墨丸、蝦卷、魚肉年糕、貢丸、秋葵、甜薯、車厘茄、菠蘿、翠肉瓜、冬菇、雞脾菇、豆卜、多春魚、最特別係有綿花糖同雞蛋仔(但記住一定要睇火， 雞蛋仔好快燶、綿花糖我地試過燒耐左，成粒融晒😅) 😍
🧂枱面調味亦有很多，魚露、柚子醬、和牛汁、椒鹽、辣粉、孜然、仲有海鹽。柚子醬最特別，甜甜地，點香腸、墨丸、雞蛋仔都好好味。
呢度好多評語都讚侍應好，呢樣真，佢地都好有禮貌，雖然開場白教你落單，介紹醬油等係會講得好快，不過我聽唔切再問佢，佢都無黑面，仲會慢慢再講俾我知。
有漏單情況，如果落單軟件程式可以改善就更好!我點左大約三-四輪嘢食，第一輪嘢食唔齊，第二輪直情無嚟過，不過我欣賞侍應嘅服務，侍應留意到我地嘅食物架無野食一段時間，主動問我地有無再落單，然後立即同廚房跟進，雖然我地完全無投訴過，不過佢主動多次向我們表示歉意。態度值得大讚!👍
