影片
更多
2020-10-08
79 浏览
串Grill 自助燒烤專門店 💛旺角黃店💛-係想試好耐嘅自助串燒放題！仲要係黃店，喺門口已經見到文宣，店內更加有連儂牆💛 入到去坐就見到一個自助串燒爐，第一時間已經忍唔住即刻擺定啲肉上去煮定先🤪 唔同出面嘅燒烤，只要你擺咗上去，串燒就會自己轉，只要你睇返個時間拎上嚟就食得！絕對適合懶人，同埋都係一路掛住同朋友吹水等食嘅我地🤣 而且佢仲有張紙睇返每一樣食物需要燒幾耐，所以只要留意番時間就唔驚未熟或者燒燶咗啦🤣 -未食嘢之前就梗係去睇吓有咩嘢飲啦！多數放題都係罐裝飲品，但估唔到呢度竟然包埋咁多支裝飲品仲有鴻福堂百香果蜜，食串燒飲番支，即刻覺得冇咁熱氣！-由於我同朋友都係食肉獸😈 一嚟就叫多勁多牛肉食🤪 特別係和牛牛柳粒，食落有肉味又有肉汁😋 仲有其他好多唔同類型好似雞肉豬肉羊肉等等，而且仲有魚肉年糕，芝士腸、台灣腸等等。-除咗肉食之外覺得必食嘅一定係燒菠蘿同燒棉花糖！兩者作為甜品一流🤩 特別係燒棉花糖BBQ一定要食嘅嘢！燒到外脆內軟，少少金黃色面，拉出嚟見到拉絲嘅感覺🤩 食到熱辣辣？係甜品方面仲有Haagen Dazs雪糕送添！-📍串Grill 自助燒烤專門店 (旺角)旺角廣華街2-20號
-
係想試好耐嘅自助串燒放題！仲要係黃店，喺門口已經見到文宣，店內更加有連儂牆💛 入到去坐就見到一個自助串燒爐，第一時間已經忍唔住即刻擺定啲肉上去煮定先🤪 唔同出面嘅燒烤，只要你擺咗上去，串燒就會自己轉，只要你睇返個時間拎上嚟就食得！絕對適合懶人，同埋都係一路掛住同朋友吹水等食嘅我地🤣 而且佢仲有張紙睇返每一樣食物需要燒幾耐，所以只要留意番時間就唔驚未熟或者燒燶咗啦🤣
-
未食嘢之前就梗係去睇吓有咩嘢飲啦！多數放題都係罐裝飲品，但估唔到呢度竟然包埋咁多支裝飲品仲有鴻福堂百香果蜜，食串燒飲番支，即刻覺得冇咁熱氣！
-
由於我同朋友都係食肉獸😈 一嚟就叫多勁多牛肉食🤪 特別係和牛牛柳粒，食落有肉味又有肉汁😋 仲有其他好多唔同類型好似雞肉豬肉羊肉等等，而且仲有魚肉年糕，芝士腸、台灣腸等等。
-
除咗肉食之外覺得必食嘅一定係燒菠蘿同燒棉花糖！兩者作為甜品一流🤩 特別係燒棉花糖BBQ一定要食嘅嘢！燒到外脆內軟，少少金黃色面，拉出嚟見到拉絲嘅感覺🤩 食到熱辣辣？係甜品方面仲有Haagen Dazs雪糕送添！
-
📍串Grill 自助燒烤專門店 (旺角)
旺角廣華街2-20號翠苑大廈2二期10號舖
张贴
