中華滙館 (已結業)

星期五晚的豪華盛宴需要珍饈百味來堆砌高級中菜廳當然有貼心的服務加茶加水不需要自己操勞先來蜂巢鳳尾蝦賣相精緻芋味濃郁炸漿包裹著原隻鮮蝦有別於爽實的泡水急凍蝦脆炸九肚魚香脆鹹香燉湯是豬蟲草花湯那是用時間找來的鮮甜話梅豬手以酸味帶出脂香再用上老薑帶出味道味道復雜最好用一碗白飯來佐食銀絲焗釀蟹蓋配蟹醋食用切開外皮內藏滿滿的蟹肉絲原隻北海道帶子煎香配上黑魚籽醬豪華食材奢侈配搭沙爹牛肉煎腸粉是貼地之選傳統粥店的味道五星酒店的價錢偶爾離地豪華享受是辛苦過後的安慰

最近有聞中環有間新開既中餐館，傳說老闆不乏達宮貴人，又好評不斷，上個月終於同屋企人去食，試個究竟餐廳位置並唔係對正車輛人群熙來攘往既皇后大道中，需要鑽入士丹利街，正門低調而高雅，位置具私穩度，唔需要係人群間穿插，更於鬧市中難得地得到一絲清靜。而餐廳氣氛舒適但典雅，枱與枱之間有足夠空間，整個氣氛好適合一家人或者朋友黎食飯傾計。雖然位於中環，價錢一定唔會好似油尖旺咁平，而期望一定比一般中菜館高，但最後不但冇失望，反而有幾地方更加喜出望外。非常欣賞廚師冇一成不變地只提供慣常餐廳會有既菜式。當中特別有幾樣想推介。玻璃蟹鉗，同屋企人食完讚不絕口，廚房用心先將蟹鉗起肉而保存本身既形狀，而蟹肉既質感彈牙，肉絲保留到蟹既鮮味炸鴨舌，同樣起左骨，食鴨舌可以唔洗有骨，除左感動外一隻一隻咁食簡直係異常痛快，鴨舌經調整後經炸處理後味道鲜香，外酥內軟又不失口感話梅豬手，比起坊間一般豬手用上話梅去煮理。話梅酸香味完美地滲入豬手軟淋既外皮，酸甜同豬手柔軟既油份同口感非常夾，完全唔會有平時食得多過膩同因太油而不適既感覺其餘既食物同樣好食，而當中薑蓉鴨胸同玻璃蝦更加係第一次食到咁樣既味道，如果想享受一晚清雅既中餐，非常

公公一向都中意食中菜, 適逢佢生日, 我地特登係中環搵左間門面較為有氣派既中菜館同公公食餐生日飯!本身自己唔太好去中式酒樓, 一般酒樓環境都過於嘈雜, 而且座位比較窄, 相反入到去, 呢度既環境清幽, 裝修典雅。檯面放著中式古典餐具, 更顯高貴。今晚媽咪發板, 為公公點左幾款佢至愛既菜式。菜式均由侍應一碟碟地送上, 唔會一次過黎哂, 令我地可以慢慢地逐一品嚐美食, 免得錯過食用時最佳溫度。 【涼伴海蜇頭】HK$180賣相很精緻, 跟一般平時食開既一條條海蜇有所不同。外形好像花瓣般大, 媽咪話呢種叫海蜇頭, 係海蜇既上等位置, 成本較高, 很少係出面可以食到。海蜇頭以常溫上碟, 口感超爽, 沾左D汁, 味道鹹鹹地, 酸酸地, 再有少少辣… 是一道很讚、很開胃既前菜。【脆炸九肚魚】HK$90炸皮好薄, 九肚魚嫩滑而且好林, 灑左d蒜辣椒粒係炸皮表面, 食起上黎不油膩。【四川麻香烤老虎班】HK$680老虎班上檯已見魚鰭升起, 可見老虎班有幾咁新鮮。以四川麻辣做調配, 底下有薯粉墊底, 老虎班經炸過, 能鎖住肉汁, 麻辣味沒有完全cover魚既鮮味, 反而魚皮索左d辣汁, 辣味係口中慢慢滲出…

好耐無黎中環 突然發現陸羽茶室對面開左間中菜館 門面摩登簡約而不失貴氣 令人有種一探究竟既魔力  《訂了6時正的枱》 晚市由六時正開始 我地係第一組晚市既客人  侍應非常殷勤 先問我地想要酒、水定茶 我呢啲傳統人士，當然選擇左飲鐵觀音 <花雕醉乳鴿 $180> 第一碟，已經太好吃 皮爽脆，酒香入味 肉質鮮嫩 <潮蓮燒鵝(例牌) $280> 皮脆肉嫩，每口都充滿肉汁 味道偏咸，配上一碗白飯就已經非常完美 好食到番唔到轉頭! <銀絲焗釀鮮蟹蓋 $220/位> 金黃色既蟹蓋相當吸引，旁邊附有陳醋為蟹肉提升味道 用匙更一按金黃表面 感受到非常香脆既外層蓋住滿滿蟹肉！ 一絲絲既蟹肉混合粉絲，增加煙軔口感 <杏汁燉白肺 $120/位> 平日唔太喜歡杏汁味道既我，都十分欣賞呢碗湯既味道！ 杏汁味好香而唔會過份濃烈 入口帶奶既鮮味而且十分順滑 軟綿既白肺亦值得一讚 < 鮮蝦子柚皮 $120>  如果唔係朋友鐘意，我都無緣欣賞既呢碟咁精彩既柚皮 本來對柚皮既印象停留喺點心既蒸柚皮 無諗過柚皮可以咁多

朋友請食升職飯，揀左呢間佢之前試左覺得好正嘅中菜餐廳請我試試。餐廳裝修同佈置都好典雅別緻，古典得黎又帶點現代感，睇到啲餐具就知，有碟、紅酒杯，又有中式茶壺同筷子，大廳仲有一大幅酒牆，添加氣派。朋友落左order之後，侍應立即送上茶水，為各人斟上。好快嘢食上枱啦！首先係個冷盤，花雕醉乳鴿（$180）。平時食花雕雞就食得多，花雕醉乳鴿真係第一次食！乳鴿較雞肉嫩滑，而且都好多肉架！滿滿花雕香味，出色！跟住係懷舊八寶鴨（$580）。八寶鴨大大隻漲卜卜，入面塞滿各種材料，包括元貝、咸蛋黃、蓮子、栗子、金華火腿等，各種材料煮得軟淋入味，與鴨肉、鴨油的香氣融為一體，色香味佳全！再黎多個清湯蘿蔔和牛（$360）。呢味似係高級靚料版清湯腩，蘿蔔軟淋入味無渣，牛腩一啲都唔韌，充滿牛味，湯清澈透明，但味道非常濃郁！最後黎返個欖菜肉碎炒飯（$180），飯炒得乾身粒粒分明，欖菜同肉碎份量幾乎同飯粒一樣多，非常足料，整個炒飯非常出色！最後要讚讚呢度啲服務，真係好殷勤好貼心，適時會幫你加茶、換碟，仲會用心介紹menu同嘢食👍🏻

黎得中環玩，緊係要醫左肚先喇，為左費事走出揾野食，一上openrice就見到公司有間舖頭未食過，於是就去左試下有咩好食，行行下見到呢間舖個名叫中華滙館，見到好似裝修幾靚嘅我地，就走左入去開飯。花雕醉乳鴿一開始就緊係要簡個前菜先喇，呢個花雕醉乳鴿個味真係好濃，入口有濃濃的花雕味，淨過都唔錯，而且乳鴿嘅份量絕對唔小，令人驚喜。潮蓮燒鵝燒鵝好有口感，夠晒大件，加埋佢本身果種淡淡嘅燒汁味，唔需要任何嘅調味都已經好令人滿足。清湯蘿蔔和牛未入口之前已經令人覺得非常驚喜，因為比較少餐廳用和牛腩黎咁樣煮，入口後令人感覺滑身好夠牛味，仲入口即溶。鮮蝦籽火腩粒炒飯炒飯粒粒分明，而且有火腩粒，入口夠晒口感，餐廳仲用左蝦籽舖面，個樣都已經加好多分。餐廳比起一般嘅舖頭所有野都更精緻，食材亦都更加新鮮，有機會都要再黎

今晚請姨媽食飯，姨媽鍾意食中菜，又比較識飲識食，男友就搵到呢間評語非常好嘅餐廳，希望姨媽唔會失望啦。餐廳位置離中環地鐵站D2出口步程5分鐘內，非常方便。建議由D2出口出，橫過皇后大道中直入德己立街，第一個街口右轉入士丹利街，行唔使一分鐘就見到餐廳啦。餐廳裝潢設計非常有心思，貫徹中國典雅風格，由牆身、燈飾、大小擺設，至餐具、茶具都一絲不苟，用咁靚嘅餐具食飯，真係令人食慾大增！餐牌都好用心製作，圖片非常吸引，令我地好想叫曬黎食🤣🤣唔使10分鐘，野食逐一送上。頭盤係頭梅南瓜，係冷盤黎。南瓜塊擺設成花型，南瓜係出乎預料地爽口，而唔係軟淋嘅，每塊南瓜都充滿話梅嘅酸酸甜甜，非常潤喉醒胃。脆炸九肚魚$90， 呢味係我至愛，薄薄脆粉非常酥脆，魚身非常嫩滑。重頭戲係懷舊八寶鴨$580。呢味餸唔係度度有得食，因為真係好花功夫！鴨外皮應該被炸過亦上満調味，有少許焦香，鴨身裏面釀左好多好多材料，令其非常飽滿，入面有火華火腿、蓮子、瑤柱、冬菇、栗子、咸蛋黃等，非常足料，鴨肉鮮美，肉汁同鴨皮脂肪融入醸料之中，非常美味！另外我地仲飲左個杏汁豬肺湯$120/位，可惜唔記得影相，呢個湯太花心機，都係出去食飯先飲到。呢度

媽媽生日想和她吃一頓豐盛的大餐，不過老人家要求嚴格，帶她去吃中菜是最安全的。今次選中的中菜地點便利，對老人家來説不用走太遠。蟲草花燉豬𦟌$120先來兩位燉湯，選擇了以蟲草花清燉的養生湯水。其中以豬𦟌燉湯，湯水不會肥膩而帶有清甜香氣。脆炸九肚魚 $90炸品最重要就是炸粉漿，他們家的粉漿份量剛剛好。炸過的九肚魚十分香口，咬下去外脆內軟，裡面的魚肉仍保持濕潤滑溜。香茅蝦球煲$320材料十分豐富，算一算裏面有大概八隻大蝦球。以香茅、辣椒、香葱，芹菜煮的大蝦煲，香氣撲鼻。吃下去大蝦彈牙而且香辣可口。四川辣子雞 $260先把雞丁去骨走油，再以幾種不同香料、辣椒、花椒爆炒的，增添香辣惹味。相信愛吃辣的朋友一定很喜歡。雪菜燒鵝燜金銀米 $230平常外面吃到的是肉絲燜米，但今次吃到的是升級版。以燒鵝作為主角，香味提升不少。而且其中以粉絲和米粉兩種麵來燜煮，把口感昇華不少。蛋白杏仁茶 $48最後以甜品作總結，不過不失的一道甜湯。

中秋佳節聚會朋友選中華匯館，餐廳裝修中國色，入到去一級中菜館格局。待應殷勤有禮貌，詳細介紹菜式，食物有水準。餐具富有中國色彩，精緻優雅顯出貴氣服務非常好，不時加水前菜流心蛋魚子: 流心蛋口感滑，有蛋香，魚子醬天然的咸鮮味做調味一流涼拌花甲: 花甲肉大，配上醬汁，非常鮮味蜜汁叉燒: 叉燒肉質軟腍嫩滑帶少少肥，肉味香，齒頰留香松茸豆腐湯松茸具有護肝，養顏，抗衰老，提高免疫力的功效，配上菊花形態的豆腐，浸於松茸湯中，非常精緻，帶來視覺享受。除了視覺，味覺也享受！松茸清香與豆腐豆香十分配合西施牛尾牛尾用意大利蕃茄、桂圓、紅棗熬製，中西合璧醬汁熬製出牛尾肉味香濃，肉質軟腍，如果添碗白飯更好！石窩海味撈粗麵用鮑魚、海參、花膠切絲混入粗麵，月料名貴，而且石窩可保持溫度．Menu

今晚食飯揀左間環境好，坐得舒適，服務非常好既餐廳非常推介（特別係有長輩既場合）餐具精緻，擺設都好有心思一坐低已經感覺好好當然，食物質素先係重點！麻辣口水雞～～～一問下知道師傅黎自四川，所以非常正宗！川椒味好重，好香金磚豆腐～～～酥炸過既皮香口就一定啦但係個皮非常薄，好考功夫去炸八件只係$80，必試！清湯蘿蔔和牛～～～～無錯，係和牛啊！和牛好鬆化蘿蔔又淋又清甜湯都俾我飲左幾啖三蔥爆炒黑豚腩~~~今餐有牛，有雞，就緊係試埋豬肉啦😋😋爆到勁香非常有咬口石窩海味撈粗麵~~~非常細心，可以安排幫我地分埋先上食撈粗麵都可以好名貴😎😎😎入面有海參，而且啲海味既鮮味都滲晒入啲麵度雖然已經好飽，但絕對唔可以錯過甜品！金沙奶皇馬拉糕，十勝紅豆軟卷，椰汁馬豆砵仔凍糕，每樣只係$14@精緻之餘，都好好味，我好鐘意個奶皇馬拉糕，甜得黎又唔"漏"今餐真係物超所值，食物有水準，服務非常好，會不時加水，上餐時亦非常細水整體感覺好好！

誰說中華料理不能華實並具？坐落於中環士丹利街的中華匯館，證明了家常中菜亦可登大雅之堂。餐廳內部裝橫沒有金雕玉砌，簡樸中卻顯出貴氣。餐桌上器具精緻優雅，餐牌亦有如畫冊一樣，別具風格，可見餐館堅持細節、一絲不苟。看見餐牌上的話梅南瓜賣相吸引，於是點了一份作前菜。「南瓜」口感不像啫哩鬆散，而是帶有一種結實感。南瓜的甜味突出外，還有微微的話梅酸味，使人生津，挺令人開胃的。街外大大小小的中菜館都有在做口水雞，而這裡的麻辣口水雞亦看似平凡，但味道卻相當出眾。先從材料上說，新鮮雞肉嫩滑而 juicy 已經比起冰鮮或雪藏雞贏在起跑線。蔥、油、薑、辣椒，調味相宜，辛中帶香。美中不足是份量有點小。平平無奇卻使人念念不忘的，定必是這道清湯腩。清湯蘿蔔和牛頭湯鮮甜，帶肉骨香，蘿蔔不帶半點渣。最讓人難忘的當然是其牛腩，選材日本種，肉香獨特。其牛腩紋路清晰，一咬就開。筋膜位置相連，嫩滑無比。絕對能媲美華姐與九記之輩。最後當然需要一點米飯下嚥，才算完成了一頓中菜。於享用南瓜鮮鮑魚泡飯前，灑上脆米以增加品嘗湯飯時的口感。湯汁裡南瓜的濃稠甜味裡伴隨了海鮮的鮮味。鮑魚件頭需不至於大，口感彈牙而質地非常之腍。上品也。最後以

今晚係我地兩老結婚25週年，老公話要帶我去一間高級中菜。（佢話之前同客人去過，知道唔錯）係中環中華匯館。去到門口，大門唔似一般酒樓睇到入面的。係一道大木門。睇落真係幾高級。不過忘記影相。酒家入面燈光火猛。每個職員好好禮貌。點菜時間到了，見到菜牌好好好美味餸菜。樣樣都好想食。紅酒雪梨~美麗的一朶大紅花。其實係用紅酒浸雪梨再鋪成一朶大紅花。雪梨爽，紅酒味香濃。低層係青瓜爽脆。涼拌花甲~花甲肉大大粒，配上秘製醬汁，非常鮮味銀絲焗釀鮮蟹蓋~蟹蓋裡面全部都係新鮮蟹肉。脹卜卜。鮮甜蟹味。杏汁白肺湯~香濃杏仁味，似足成碗牛奶。三蔥爆炒黑豚肉~洋蔥，京蔥，大蔥野味。黑豚肉，唔好以為好肥，其實一d都唔肥，肉質軟。唔靱話梅豬手~味道唔錯，但煮得過淋，變咗骨肉分離。有少少失望金貝雞米炒粉絲~雞米原來就係將雞肉切到好似米咁細粒加上蛋碎。味道唔錯最後，甜品叫咗我最鐘意嘅芒果布甸。芒果肉唔太多，但勝在唔太甜。還可以今晚餐晚飯總算唔錯。食完仲去咗蘭桂芳行咗個圈。

公司有外國客飛黎香港傾生意, 我特意搵左間之前去過既中菜餐廳一齊食晚飯。位於中環地段, 單看餐廳門口已有非一段的氣派, 入到餐廳, 立即有侍應招呼帶位, 餐廳內裝修很典雅, 就連每張檯上既餐具都很有貴氣。侍應先送上茶水 "菊花" (茶芥@HK$25/位), 味道很清香甘甜。在用餐期間, 侍應們更不停為我地加茶, 服務絕對是招呼周到!先來一個三色前菜:流心蛋上加了少去飛魚籽, 流心蛋既蛋黃入口即溶, 反而不太有蛋香味, 但口感很滑酥炸芋頭蝦 酥炸外層不油膩, 口感極鬆脆, 少少芋蓉包住隻蝦, 雖然唔太食到隻蝦既爽口感, 但食到棉棉的芋蓉, 點上酸辣醬, 酸酸辣辣很開胃口水雞 入口時只覺得辣辣地, 而且有少少芝麻香, 但食完之後, 口中既辣慢慢滲出, 愛辣之人一定喜歡【Crab Shell Stuffed w/Crab Meat&Onion】 HK$220外面炸得金黃, 入面滿滿既蟹肉絲, 味道很鮮甜juicy【Garoupa Fillet w/Black Traffle】 HK$480班腩很嫩滑, 不過黑松露味唔太突出【Wok-Fried Sweet and Sour Pork】 HK$

中環有著眾多出名的中餐食肆，筆者都算有幸曾光顧過好幾間，馳名燒鵝、黑豚叉燒、懷舊點心和古法小菜各有其招牌菜式和捧場客。最近由朋友帶路試了該區一間新派中菜，座落於士丹利街陸羽荼居對面，門面滿有英式殖民色彩，天藍色的馬賽克配以藝術花紋的磨砂玻璃，古雅光鮮，低調中見氣派。甫進店內，貫徹風格一樣以深淺不一的藍色馬賽克鋪砌成牆身裝飾，配以優雅的枱燈，悅目的掛畫，還有枱上精緻的瓷器餐具和擺設，裝潢高貴典雅。 長方形主廳的一旁牆身設有倘大的玻璃酒櫃，裡面豐富的酒藏極其吸睛，廳內設有多張四人圓枱，襯上淺藍色高背座椅，座位空間闊落，地方寬敞，坐得舒適。餐牌以黑色為主調，設計頗為精美，印有多款大廚的巧手小菜，選擇十分多樣化，大都是選材上乘的矜貴菜式，相當吸引。先來的是兩款前菜，蔥油花蛤，大廚選用了較為鮮甜厚肉的油蛤，更貼心地將花蛤去殼，輕輕灼熟後肉質仍保持嫩滑爽彈，以蔥蒜油拌勻調味，入口鮮甜滑嫩，惹味可口。麻辣口水雞，大廚將雞拆肉處理，取連皮嫩滑部位，爽嫩而不油膩，拌上自家調製的辣汁，入口先是辣椒加上炸蒜香所帶來的辛辣刺激，有點像潮州辣椒油的風味，跟一般口水雞的麻辣有點不同，隨後是一陣麻香回甘，味道鹹香，