世界第2好味雪糕蜜瓜麵包 (已結業)

每次行過都見到好多人排隊，趕時間都冇得食 今日終於食到啦! 排緊隊已經聞到好香好想食雖然好多人等，但其實都唔算等得太耐因為出爐都幾快，如果希興趣去試下既話建議都諗定想試咩味雪糕啦 我今次Order 左朱古力味雪糕+蜜瓜包我覺得個雪糕比平時食過既雪糕好味好多掛住食雪糕爭啲唔記得左要連埋個包一齊食 連埋蜜瓜包上面既曲奇、蜜瓜包同埋雪糕一齊食真係會食完一個就即刻想排隊繼續買多個食 個人覺得蜜瓜味唔算太濃，但咁樣整體感覺反而幾好!

它們就是自稱(((世界第二好味)))蜜瓜包!!! 我購買當天不用排隊 (大約15:30),但都要等候十多分鐘才能拿到蜜瓜包... 一拿到手, 新鮮出爐的蜜瓜包是熱騰騰的, 是熱得燙手的那種熱騰騰!!! 一咬下口, 大如手掌的蜜瓜包的包碎像...炸彈被引爆時般四散 (女生們要小心儀容), 熱烘烘的的蜜瓜包又脆又鬆化!!! 配上凍冰冰的抺茶雪糕,  絕對令味覺上有冰火交融的感覺!!! 夾心雪糕的抺茶味也很濃郁, 讚!!! 但有一點女生要注意: 因為這個世界第二好味蜜瓜包太大個了, 建議 2 - 3 位女生才能吃下一整個世界第二好味蜜瓜包!

參加了服裝公司嘅活動，完成後會送呢間公司嘅雪榚包劵，我哋食完晚飯就來攤位換領我哋嘅包，男店員有禮斯文，話比我哋知有兩種新雪榚口味，我哋每樣要一個，店員好小心切開熱辣辣嘅蜜瓜包，夾入雪榚球包好比我蜜瓜包外脆內軟，熱辣辣，好味，我哋分享咗來食，雜莓乳酪：好大球雪榚，但雜莓味太甜，甜到無晒其他味，連莓味都食唔到！不過熱夾凍雪榚，兩種對抗嘅味覺又好得意！曲奇：曲奇雪榚有脆脆曲奇碎，牛奶味濃好味，唔會好甜，夾起麵包好味！蜜瓜雪榚包實在好味，不過要睇雪榚口味！唔係隻隻味都夾到！今次只有一種夾

這㒁蜜瓜飽熱辣辣，一口咬下去可以感受到飽飽的鬆脆，但一定要吃得快，如果掛住相機或手機食先，雪糕好快溶，所以他們會預備飲筒俾人啜啜的雪糕汁。蜜瓜雪糕飽（$38）蜜瓜飽很鬆脆，但雪糕就麻麻地，感覺是x記雪糕的口感，整體來說，冰火交融，一試無妨，但雪糕很快溶，要襯涷快D食。

之前係大阪食過呢個蜜瓜包，真係覺得好好食，個包熱辣辣，個面同個底都係脆既，夾埋中間d雪糕一齊食，真係好正，覺得應該係世界第一好味雪糕蜜瓜包😜見到香港又開左當然想再同佢再續前緣啦！點知真係相差太遠喇！個包又唔熱，外皮又唔脆，綠茶雪糕味又唔夠濃，真係好失望呢😩之前睇報導話佢地香港既社長去過日本受訓一個月，學習製作雪糕蜜瓜麵包嘅流程，但點解都同日本差咁多，真係希望佢地會可以再改善下，等大家可以食到日本既味道！

4點幾睇完醫生口苦苦，特登走去試下個日本進軍HK的雪糕melon bun,在日本真系每次都要食。呢度每個要$38，平過日本小小添，我叫了個抹茶味。我見到有一盤melon bun 就咁放在收銀機旁，今天雖然話最低溫度有13度，但系有包架吾放，放系前檯對住馬路食塵，始終吾衛生，又減低左個包的溫度，雪糕melon bun都系食熱與冷的交溶及反差吧。比完$，店員切包，再切雪糕，盒抹茶雪糕又係就咁放在雪櫃面，可能吾想雪得太硬易整D啦... 但系雪糕咪好快溶？咪做吾到熱與冷的交溶？？店員背著我用身軀擋住我視線，但我看得一清二楚。她來回2次才把雪糕放到包裡去。包比日本店細小小，到手時包是暖的，但的確欠溫度，外脆內軟微甜，抹茶雪糕的確吾夠凍，開始溶化，抹茶味很淡而無味，是下等貨色，日本店的抹茶雪糕是切到及雪到如雪糕磚一般，故賣相好吸引、溫度保持冰凍，而且抹茶雪糕入口濃滑。若果$38是買個包和無抹茶味的雪糕，又經歷吾到熱與冷交溶的滋味，末免是叫人失望。去過日本店食過真正的雪糕melon bun的，HK店賣的絕不會收貨。

經過在西灣河吃過平價又美味的蛋包飯，和在筲箕灣吃過大隱隱於市的馳名雞蛋仔格仔餅後，我轉車到銅鑼灣的「世界第2好味雪糕蜜瓜麵包」，一嚐日本有名的，蜜瓜麵包夾雪糕甜點美食。不過麵包夾雪糕的食法，我在上年西貢的天后關帝廟百年寶誕夜市上，已經親自品嚐過一次。當然，那時夜市用的並不是日本的甜味蜜瓜包，只用一般的硬身麵包來夾雪糕來食，感覺沒今次的「雪糕蜜瓜包」般深刻。「雪糕蜜瓜包」是近年日本堀起的流行熱門小食食法，先將甜味脆面的蜜瓜包加熱劏開，再把凍冰冰的雪糕加進蜜瓜包夾縫內，讓食客可以在同一時間內，一次過享用蜜瓜包和雪糕兩款不同溫度，冷熱強烈對比的美食。「雪糕蜜瓜包」主要有三款不同雪糕口味可供選擇，分別有雲呢拿、朱古力跟綠茶三款味道。我純粹憑個人的直覺，選擇了試食綠茶味雪糕蜜瓜包，盛惠港幣三十八元，付款後等候時間不算特別長，只是等了大約十分鐘左右，綠茶味雪糕蜜瓜包就到手了。其實，不是說那塊夾在蜜瓜包之間那塊雪糕，單是那個蜜瓜包，表面呈格仔形狀的坑紋圖案，已經令我立刻想起平日會吃的「菠蘿包」。既然菠蘿包也可以有「菠蘿油」的食法，那麼「雪糕蜜瓜包」這想法也值得一試啊。等候期間，我看着店員用刀把蜜瓜包

開業時帶台灣朋友來試, 一吃之下...喜愛菠蘿包又喜愛雪糕的我, 就愛上它了, 上星期帶我的空姐妹妹來, 由於飛遍世界各地, 當然也品嚐過不少美食, 她一吃便大讚了, 還説下次回港定必拉大隊再來。

由見到雜誌介紹後一直都好想去試下👯畢竟小妹仲未有機會(no$)可以去日本🤷🏻‍♀️～但都知一堆出一定又勁多人搶住飲頭啖湯=排長龍！為左個包排咁耐並唔係我既作風，因為我係懶蟲🙆🏻所以等熱潮過後2017年既2月我終於食到啦😂（會唔會耐左d呀🤦🏼‍♀️🤦🏼‍♀️）38$一個有三款口味：綠茶🍵、云尼拿、朱古力🍫依加仲好似有特口味：士多啤梨🍓不過今次我選擇左綠茶味🙂熱潮過後人流不多完全唔洗排隊就買到😏店員首先將個包切開一半🔪再𢳂d雪糕入去切開個包既時候已經見到有小小煙出黎😆姐係個包係真係熱架♨️～～～唔洗兩分鐘就搞掂！包包到手係暖既😊綠茶雪糕都幾濃茶味(其實有小小似抹茶)但係係好味架！夾埋個包，一流👍🏻個包方面表面脆內軟，如果有得就咁賣個包我都會買架！店員最後仲加多左塊曲奇餅..不過有點硬..個人喜愛軟的😋但整體而言十分滿意🙆🏻

一聽到世界第二好味蜜瓜包登陸香港已經想食,但真心唔想排隊,所以最後等到呢段時間先去買,我仲特登揀12點呢D時間早到無朋友,真係未有人排,正!蜜瓜包裡面可以揀原味,綠茶同朱古力,身為綠茶控的我當然係綠茶.order完店員會立刻製作,原來蜜瓜包會熱左先,跟住order完就會立刻切開,再放雪糕入去.$38一個size唔算細,對一個女仔黎講有機會太大添(細食的話)我先要講上面o個條長長的面包條可以話係精華所在,又脆又甜~雪糕我覺得無特別,但好彩佢唔太甜,夠凍,同熱熱的麵包剛好互相平衡,反而係個面包我真係真係真係好喜歡!!因為麵包夠熱所以夠軟熟,亦都有相當的奶味,而"蜜瓜"部分亦然脆卜卜!!佢間中會推出特別味道,大家不妨經過留意下~下次再去試原味~~~

世界第2好味雪糕蜜瓜麵包... 開左一段時間..係佢初開店時... 我曾經黎過... 10點都未夠就關左門我相信因為大多人試... D雪糕麵包一早比人賣哂所以早收食完飯.. 同朋友行過去睇下...好開心..終於開左雪糕蜜瓜麵包有最base既3款味道...朱古力、抹茶、雲尼拿仲呢期就有期限定既士多啤梨味每個$38, 都幾大個~我同朋友叫左一個雲尼拿味SHARE一羅到手既時侯其實覺得賣相比預期有D出入而個包羅上手仲係暖既.. 可能天氣凍既關係... 我地影左陣相個雪糕都唔係好溶而個包同雪糕其實味道又唔係話好特別但皮脆內軟, 凍既雪糕加埋暖既包一齊食.. 冷熱交融係唔差既但都係試一次就夠了

Heard from most people saying that their melon bun with ice cream taste really good and popular, so let's just give it a try😇Ordered the green tea ice cream with the bun, and the melon bun is soft enough and u can bite with crispy things on the top in which the combination is great😋but maybe I got too high expectations from it cos it just tastes like normal ice cream wrapped with the bun, and it keeps melting after holding it for few minutes, but still, it's a good stuff!

同朋友係銅鑼灣食完飯，意猶未盡就想食埋甜品先咁啱佢話想食"世界第2好味雪糕蜜瓜麵包"，個名都夠哂gimmick，又就腳，就去左試啦！朋友話之前10點黎已經關左門，今次我地好彩10點半黎仲有得食，仲唔駛排隊添(因為見有人話都要排架，而我係好無耐性排隊既人)見佢入面有好多部大型機器，佢係即焗然後即放入雪糕享受個口感有3款口味，朱古力、抹茶、雲尼拿，仲有期限定草莓味(其實唔明有幾特別)雪糕包到手！個包仲熱，但雪糕又凍，隻手有D唔知點既感覺個包仲係好脆好脆，雲尼拿雪糕就無咩特別，如果再試我會試抹茶味世界第二好味，初頭其實我唔係好明咩意思，係咪中國人既講法咁「我敢認第2，無人敢認第1」呢? 但原來係因為老闆認為師父先係第一名，所以自己開既店稱為第二名，藉此表示敬意啊

聲稱世上第二好味嘅蜜瓜包我來了！未食得等緊嘅時候先黎欣賞哥仔嘅切包刀功。。。等緊我嘅蜜瓜包包❤終於黎啦蜜瓜包！ 個雪糕望落好大舊，但其實唔夠！雲呢拿味雪糕好食，個蜜瓜包又好蜜瓜味。但係。。。我都係食返菠蘿包算喇！起碼抵食啲。蜜瓜包就，一次夠啦，thank you🙄

Who doesn't like a hot crispy Japanese melon bun with a touch of ice cream!!?! Here I came to this claim-to-be world's second best melon bun store. It was a weekday afternoon so no need for a long queue! Wow!!! Lucky me!!! 😎 The melon bun is standard but you may choose from different ice cream flavor: vanilla, chocolate, matcha. However I saw this special edition: cookie & cream and I thought, why not a try?! I have to say the bun was quite nice! Hot and crispy outside, soft on the inside. Of co