世界第2好味雪糕蜜瓜麵包 (已結業)

2016/12/27去左日本幾次都冇食過呢個包，開左黎香港都可以試下嘅~關於店名就唔再多講，相信前面嘅食家都唔多唔少講過~27號兩點左右黎到，雖然係假期，但都唔需要等，只有數位客人食緊~雪糕蜜瓜包 $38 (Cookies & Cream)固定3款口味：綠茶、朱古力、雲呢拿(當日兩點鐘，朱古力味已經售罄)石板街、Cookies & Cream就係期間限定嘅味道，冇寫會限定到幾時~佢地嘅包據說係喺鋪頭即焗，新鮮出爐再熱辣辣夾住雪糕，享受冰火。不過事實我當日食…揀左限定嘅Cookies &Cream口味，等左幾分鐘已經整好，一到手我心諗：喂大佬唔洗溶成咁下？急急腳拎部電話出黎快手影左兩張相，老實講我覺得啲雪糕溶到咁都幾核突有一秒懷疑係個包太新鮮熱辣，熱到啲雪糕頂唔住，但事實個包都唔熱，只係好微暖，類似出爐一段時間冇人買嘅菠蘿包。事後見到下一個客人買，並冇發生雪糕溶到咁嘅情況，原來我果啲雪糕係成盒入面最後嘅部分，所以唔多唔少會有啲溶，如果你見到雪糕淨番唔多，建議你點其他味道！講番個包，外皮都脆口，但稱唔上唔香，包心都算軟綿綿~不過始終都係一個非常普通嘅包，再加上非常普通嘅雪糕，並無驚豔之處。

呢間第2好味既蜜瓜包 大家都知 有幾咁出名未開之前已經有好多MEDIA 做晒宣傳我相信唔只我一個好期待呢個蜜瓜包係香港到開好多日本迷都好期待 因為係日本食真係好好味 但係結果我諗好多人  包括我 都好失望我有個朋友好鐘意食日本既蜜瓜包 所以專成係第一日開張就去食FEEDBACK返黎既就係 好好味 個包真係又熱又脆所以我都一直好想有機會去食不久 我就親身去左食 結果真係有點失望先要講既係SERVICE><基本上完全無服務 笑容都無 好似完全唔想你幫襯咁既樣.. 不過無理由因為佢既SERVICE 以放棄左食好西之後食落去 我就覺得 同平時麵包加雪糕無乜分別我簡左抹茶雪糕  雪糕既奶味都幾重 抹茶都幾好味 但唔太特別濃郁另外 個包一拎上手係微暖 但過左5-6分鐘就已經唔熱了食落去都變得冰冰的 包既外皮都唔脆( 

蜜瓜包之前勁HIT，網上話要排超過1個鐘，今日路過，見人少少就排下啦，話曬都好好奇世界第2好味嘅包係咩味。排左20分鐘，得番雲呢拿味同抹茶味，揀左抹茶味。首先個包新鮮焗出黎，好熱好香蛋味，配上凍冰冰嘅抹茶雪糕，一冷一熱口感幾特別。不過抹茶雪糕勁快融，雪糕味道普通無茶味。整體覺得普通雪糕面包，唔能夠稱得上係世界第2🙄🙄🙄講真，茶記菠蘿油仲好食，又平又唔洗等咁耐。任何面包新鮮焗出黎，加雪糕都好味嫁啦😂

#抹茶雪糕蜜瓜包🍵(HKD38)✔️👅：6/10✏️ 蜜瓜包香氣十足之餘外層非常脆身 熱辣辣滋味十足 但抹茶雪糕味道實在唔過關 冰感十足 奶味唔算太突出 最重點係綠茶味呢😂 溶得無比地快 可能因為個包本身比較暖身啦#朱古力雪糕蜜瓜包🍫(HKD38)✔️👅：6.5/10✏️ 呢款相對比較好 朱古力雪糕味道正常 包本身係唔錯 但性價比實在唔高 加上要排隊

如果你有睇我另一篇文<燈光下的對答>，你就知道，去辦館睇場試一下食啲野飲杯野前，E和Y有一段小小的插曲。 經過了銅鑼灣的Y看到很多朋友試過的世界第二好味雪糕蜜瓜麵包，Y提議不如試下。 當然E從來不排隊，不過又不太趕時間，於是，E竟然也肯排。 十個人係前面，十分鐘到排完。 也算快，不過Y想不明白，其實咁多麵包已經焗好，將雪糕放落去又不是好耐，等咁耐係乜玩法。 我又真係唔太明白，難過諗點解特朗普做到美國總統。 看附近的人即買即食，Y也不明白，點解要用飲管食雪糕。 蜜瓜包冇得選擇，雪糕有，朱古力，綠茶，雪尼拿，任你選擇，我選擇的綠茶，全因其謀殺菲林的功力，強得多。 攞上手的一刻，個包真係勁熱，好熱，超熱。 而雪糕流到隻手的時候，那又冷又熱，就如男人欲仙欲死的冰火，我意思係如在夏天熱到嘔的時候，入商場感受到冷氣的情況，不是你想的壞東西。 蜜瓜包真係幾好食，好鬆軟，我吃完突然想到那個上野的菠蘿包。 包著經典味道，不太甜又不算茶香濃度高的綠茶雪糕，你可以話好，可以話唔好，看你對甜品的定位。 如果你覺得杜如風推薦的定必好的狂迷，我想你會很喜歡吧。 我會覺得佢剩係有個蜜瓜包買

肥髀考試完成，特登請假帶佢同同學仔出遊放鬆，同學仔媽咪話落山先去食呢間，因為平常好長人龍，今日閒日，仲要開店前10分鐘到門口，店面唔大，綠色好光鮮，無座位！捲閘半開，見到入面店員預備中！11點多開門，第一位買包，麵包得一款，差別在夾嘅三款雪榚！店員在焗爐攞出麵包，外型似菠蘿麵包，切開夾好雪榚，再袋入一個三角袋！因為其中一個係兩個小朋友分享，我問店員可唔可以幫手切開一半，佢好好小心切得好靚仔，再分開袋比我，讚！抹茶蜜瓜包（$38）麵包外脆內鬆軟，脆皮甜膩，麵包熱辣辣鬆軟！雪榚抹茶味唔濃，香滑正常！只係少了甘味！又熱又凍撞埋有驚喜！好味！雲尼拿蜜瓜包（$38）朋友食，佢話雲尼拿雪榚香啲（佢兩款雪榚都食咗）好味過抹茶！店員有禮有耐性，我嘅少少額外要求都肯配合！謝謝！唔排太耐隊都值得一試！

今年9月係大阪旅行的時候見到「世界第二好食雪糕蜜瓜麵包」，心諗「咁冒閉」？但係今晚個時大阪實在大多野食，到最後唔記得左幫襯佢。番到香港冇幾耐，就見到瘋狂係度講銅鑼灣開張。亦都不負眾望，開張頭半個月勁多人排隊，所以去到今日先打算去幫襯佢(貪冇咁多人麻)12點去到，可能重早時間，冇人排隊，但係門口就聞到好大陣的面包味，心中自然開下心頭大石，起麻聞落去味道已經OK，唔會係雷聲大雨點小，只係Sell名氣的食店。總共有3款味道，朱古力丶雲尼拿同埋綠茶，我就當然叫番個最大眾的綠茶口味啦！雖然就遲左少少，但終於係冬天食到蜜瓜麵包做早餐了麵包好香，而且口感幾好雪糕唔算好濃郁，味道都幾好。但是38蚊一個嘅話，其實真係有少少貴(冇計啦，銅鑼灣的租金真係呢....)雖然係咁，但總體黎講味道我覺得都算唔錯，達到預期的味道。大家可以一試！

為左趕上潮流，必須要去趁下墟。排左半個鐘。好中意呢種青bb㗎色。全店三人，個個無停手。雪糕蜜瓜包（綠茶味）$38呢個沒有蜜瓜味的蜜瓜包熱辣辣，令到個抹茶雪糕好快溶左一半。由於個包新鮮出爐，香噴噴，外脆內軟，比起平時食開㗎常温麵包好食好多。雖然雪糕只係普通抹茶雪糕，但超冷配超熱，口感特別。整體來說，雖不至宣傳所講㗎世紀級，但亦不錯，貪得意可以一嘗！

上個禮拜日去左食依個過江龍，排左成大半個鐘終於食到雪糕蜜瓜麵包!食後感幾失望，因為我覺得味道普通姐，唔值排咁耐~ 個包暖暖地帶住微溫開始融化夾住左嘅雪糕。外皮少少脆既，但講真我覺得香港D菠蘿包仲好味，至於雪糕揀左抹茶味，正常一般，唔算好濃茶味~

蜜瓜包真係太出名，聽朋友講排呢個包排左一個鐘，早2日（平日3pm)見到只有7-8個人排隊，就即管試下，點知都要排足30mins先食到。要排咁耐因為佢真係即焗即整，所以一定新鮮。終於到手，新鮮熱辣，$38咁大個包其實唔貴。食落口其實又無人地講到咁好味，感覺港式菠蘿包加舊雪糕，可以做到一樣效果，只要個包夠新鮮，做到外脆有冰火感覺就可以，係好味但我覺得如果要等超過1小時，我覺得唔值，如果香港人可以等熱潮過左先食都未遲。

Le 個包連我媽都識，佢話佢隔離鋪事頭收工特登過去試喎，佢都好想食咁話！但當然佢就未就到時間去啦～我就咁岩有日朝早響銅鑼灣，順便緊係去試下！早上11點幾去，唔多人，不過咁岩賣哂一轉要等，佢即焗即整即賣架，之前未響日本食過，食之前都知無蜜瓜味既、因為電視機有講lo~第一啖咬落去，d牙軟一軟，因為咬正雪糕木，跟住牙齒適應左就ok,同埋個包熱辣辣，同雪糕出奇地夾喎，幾好味，不過要快食，因為唔係好快就溶了今次食左雲呢拿味，下次要試埋抹茶同朱古力先得！

一去到見到總統戲院前有一人龍，排左半個鐘左右就到我地，蜜瓜包係熱辣辣出爐香噴噴，睇住佢切開再加雪糕球。面包鬆軟，面頭啲粒粒脆卜卜，同夾心雪糕一冷一熱好配，不過因此雪糕好快溶。男朋友食既係雲呢拿味，感覺奶香較重既雲呢拿比起抹茶同蜜瓜包更夾呢。

我排了30分鐘先食到個包。有雲呢拿，朱古力和綠茶味。我叫了我其待的雲呢拿包，個包新鮮出爐好熱好脆，但沒想像中的鬆(有D扁），味道也偏甜，再加上雪糕又甜，成個感覺就變得太甜了本人覺得沒什麼特別，應該不會再吃....

成日見人講蜜瓜包，見未食過就試下先，食完飯8點去到條人龍勁長，好彩只係等左大約15分鐘，原來雪糕有三款味，（我一路以為蜜瓜包係配蜜瓜雪糕添）最後叫左雲喱拿同綠茶味。個包新鮮岀爐真係熱辣辣，所以個雪糕勁快溶，對我呢啲食得慢既人黎講有點吃力。我仲以為個包係有蜜瓜味，原來我幻想多左xD。不過個包係幾鬆脆，甜甜地，兩款雪糕相比下，綠茶味太濃搶左個包既味道，所以我覺得雲喱拿會同個包夾啲。不過整體感覺有啲普通，無咩驚喜，未食過叫做試下啦

2號開張，3號試朱古力味， 6號再試抹茶味，這個抹茶味比朱古力味好吃，抹茶味夠濃，與 I creameria 的不相伯仲，蜜瓜包依然外脆內軟而且夠熱，的確滋味無窮！與日本不同的就是少了塊菠蘿🍍我還未試過日本的，但朋友試過說與日本差不多😁雖然好多人話好普通，但越簡單嘅食材才能食到食物原本嘅味道，款式不需要多只是一樣已經夠做！這是日本帶來的特色，只專注做一樣菜式，才是店舖吸引之處，如果乜都有嘅話根本就沒有店舖特別之處，也是因爲咁而成功！