世界第2好味雪糕蜜瓜麵包 (已結業)

之前去日本條隊長到嚇親放棄左，見香港開左當然去試下啦！某日下午去tea 一tea..見到職員放盒雪糕係室溫櫃枱度'畢'，腸胃非常敏感的我見到d雪糕好溶下，即刻掉頭走唔敢博。事隔兩星期，經過又去睇下，今日雪櫃無放出黎啦，決定一試。可能係平日唔算多人，排三個就到我。身為綠茶控的我當然揀綠茶味啦。包好好味，外脆內軟。綠茶雪糕係值得一讚，坊間除左h牌嘅綠茶雪糕味道比較正外，其他店都偏假，有d又得綠色一味得個甜。呢個世界第2xxxx嘅雪糕就近似h牌啦。放面嘅吐司我認為可有可無，作用不大，又不見可令賣相加分！唯一缺點係個包太熱，雪糕係秒速溶化，睇相就見到影張相個雪糕已溶成咁。一路食一路滴，食得好狼狽。

Vanilla雪糕蜜瓜包🍈🍞 $38好多媒體都吹捧呢個蜜瓜包 決定去試下🤗去到都好多入排隊😵個蜜瓜包熱辣辣 外面脆脆地 其實個包嘅味道有啲似墨西哥包🤔外面熱咬落去個雪糕凍冰冰 甜甜地🤓不過整體就無咩特別 又唔真係甘好味🤔食落亦都唔太方便🙈個雪糕勁快溶 又要食得好急🙄而且雪糕球都幾細個😵所以覺得呢個蜜瓜包試一次就夠😗下次不如自己買個墨西哥包夾個雪糕球落去😂😂可能去番日本食會開心啲😜🙈🙈

剛剛逛完附近的精品店，看見對面的人龍不絕，正是網絡吹捧的世界第2好味雪糕蜜瓜麵包，我一直都只是看介紹，難得有時間便排隊試試看。你問我值不值花時間排隊與38元買這個包，個人認為不值。如果說它唯一的可取價值應該是新鮮烤出來的「蜜瓜」麵包。它只是外形像蜜瓜包，沒有蜜瓜的香味，就像香港特色菠蘿包一樣只有形神俱備。除了冷熱交融的雪糕蜜瓜包外，熱騰騰的cheese ham salad與double cheese是這裡的另類選擇。double cheese的sample~ 我沒有看到食客購買~根據我的觀察沒有人買蜜瓜口味，朱古力與抹茶有部份人選購，最多人選購是期間限定的cookies and cream雪糕。於是我也隨波逐流買了cookie and cream口味~蜜瓜包外型不算討好出眾，剛出爐的鬆脆感稍微可讚，但吃起來與普通吃的包無異，沒有麵包香氣。至於曲奇雪糕味不太濃厚，加上雪糕沒有想像中綿密絲滑，甜度屬一般，只可以說此包雷聲大，雨點小，去台灣食店吃吐司雪糕會更好。

今日有期間限定嘅cookies & cream味，都係$38店員將雪糕鏟起，塞入麵包到軟熟嘅麵包微溫將雪糕慢慢融化，麵包好香牛油味，配埋夾係入面嘅脆餅用雪糕好正不過就無咩驚喜，感覺名過於實

試左兩款包。一個款雪糕包，一款cream salad. 兩款都太甜，如果喜歡甜到漏的朋友OK. 包是新鮮焗出來，所以要等15分鐘。但可惜沒有太獨特之處，兩個包共80幾元，似乎價值都係到

聽到有多啦美最鍾意食既蜜瓜包，心郁郁好想去試呀🙈但係一開張實超多人，為左唔想排隊，搞到以定先去食唔緊要！最緊要有得食😋黎到一樣要排隊！熱潮過左都仲係好多人食......一邊排隊一邊已經聞到好香噴噴既麵包味☺️佢係即整即焗，外形有少少似香港既菠蘿包。呢度既日本雪糕蜜瓜包售價為$38，分別有三款味，綠茶、雲呢拿及朱古力！現家每日限定600個，而我就簡左雲呢拿味，食落去既包溫暖鬆軟，兩塊包中間包住半溶的雪糕，又凍又熱，完全處於冰火兩重奏既感覺！！！

之前係東京食過呢個世界第2好味雪糕蜜瓜包，真係覺得好好味，成日想食返，終於係香港有喇，當然要去再食啦！蜜瓜包味道同日本一樣，香甜又脆，仲要新鮮出爐(之前日本食包係微暖)，雪糕比日本更多選擇，我覺得更容易設合大眾要求！店主為咗確保蜜瓜包新鮮出爐，所以每次焗一至兩盤，排咗大約20分鐘隊，等到熱辣辣蜜瓜包加埋雪糕一熱一凍大大啖食，好味程度真係隔幾日又想食過。之前睇食評有人話覺得日本好味d，其實我覺得味道跟日本係一樣，只係去旅行心情唔一樣，當然覺得所有食物都好食d啦！

之前見到雪糕蜜瓜包係香港有得食，知道一定要排勁耐。諗住都過左一陣，應該會好啲啦，點知都係排長龍呀。但我都係排左。。。不過冇我想像咁好食。雪糕超快溶，影左幾相之後已經溶到咩咁，可能係個包太熱啦，話哂個包都係新鮮出爐，超級熱辣辣！個包幾軟熟，但外型就唔太靚喇，個皮散散地。點解我見人地個啲幾好樣架，我地嗰個就。。。而食到最後，雪糕溶哂落張紙度，唔怪得佢有提供飲筒，但其實用飲筒係飲唔到啲雪糕架，要用飲筒個尾有個好似匙舀既野先得。同埋個抹茶雪糕味道唔夠濃，有點失望。

襯著新年的氣溫回暖，和月巴到銅鑼灣見識一下世界第2好吃的雪糕蜜瓜包，店鋪離地鐵站不太遠，但到了街口已看到長長的人龍和陣陣撲息而來的麵包香氣~~~目測至少有二十多人在排隊，但還好的是麵包出爐很快，排了10-15分鐘熱辣辣的雪糕蜜瓜包($38)便在我手上了！雪糕有三種口味選擇(綠茶、朱古力、雲尼嗱)，雖然我是個朱古力控，但偏偏直覺覺得這包要配雲尼嗱味的雪糕，因為不會太濃味搶了包的風頭…香脆厚實的麵包夾著冷冰冰的雪糕，嗯~好一個冰火配搭！口裡由半冷半熱的狀態慢慢溶為一體，吸收了雪糕的麵包漸漸軟化有雲尼嗱味。**PS：不要只顧相機先食！不要只顧相機先食！不要只顧相機先食！(因為真的很重要，所以要說三遍) 由於麵包實是太新鮮出爐，所以雪糕會比相像中溶化得更快，好像下圖一樣，明明還未放進口中，卻不見了三分一...老實說，價錢而言是貴了點，若沒有世界第2的噱頭不但門可羅雀、甚至無人理睬，但幸而質素也不算差，第一次食會覺得新鮮、有吸引力。

之前11月去大阪已經食過綠茶味無乜特別感覺 所以香港開我都無意欲再食不過呢日見得幾個人排重點係有期間限定既cookies & cream味就等我再試下啦等左5分鐘左右蜜瓜包出爐攞上手又唔太熱喎 但明明啱啱出爐雪糕舀得唔好 貌相唔靚影相果陣已經溶溶地 更加唔好睇個包面就好脆 入面好軟熟雪糕就無乜特別係志在攞個一凍一熱 冰火交融既感覺

近來每次行過呢條景隆街，都會見到'呢間世界第二'聚集左一堆人。每次都會心諗總有一日要會一會你既……終於機會到啦，平安夜晚去深水灣B B Q完10點幾出返銅鑼灣，見到人堆尚算合理水平就埋位突襲佢先，結果發現“世界第二”呢個店名非常合理，亦可以話無乜驚喜，三十八蚊一個，出爐既蜜瓜包同新鮮既雪糕係可以預期既好食，而加起泥一齊食既化學作用又未可以話到世界之顛！總結：值得一試亦未到非試不可 我就預計同附近既芝士蛋糕同芝士撻一樣 大家熱潮一過就

難得男朋友肯陪我食d咁港女既野~ 梗係要去試下呢個世界第二好味既就蜜瓜包啦~!星期日都無人排隊 似乎熱潮已經過去~有三種雪糕可以揀 雲尼拿 綠茶 朱古力我地揀左綠茶味~雪糕綠茶味濃而且好滑蜜瓜包外皮鬆脆 微暖 同綠茶雪糕好夾但要小心食到成隻手都係雖然價錢有d貴 但久唔久奬勵下自己都唔錯~

日本名物蜜瓜飽夾雪糕🇯🇵終於黎左香港喇！😍想朝聖？話咁易啦😏呢間舖頭認真夠哂謙虛～😂哈哈個個都爭住做第1位🥇但佢話自己係世界第2好味😛咁搞笑？朕緊係要去一探究竟啦😎蜜瓜雪糕飽總共有3款口味任君選擇 ($38) 🤗▫️抹茶🍵▫️雲呢嗱🍦▫️朱古力🍫作為專一抹茶控緊係唔洗諗啦✌🏻一於try try抹茶蜜瓜飽！💪🏻蜜瓜飽係即叫即整架🙇🏻一拎上手真係好熱辣辣🔥面層一格格食落散發甘甜味☺外層香脆入面軟熟👍🏻淨係咬一啖已經好有層次感喇！💯重點係入面夾住抹茶雪糕🍵熱辣辣蜜瓜飽crossover凍冰冰雪糕❄️冰火交融。冷熱錯配👻抹茶雪糕質感嫩滑creamy👏🏻整體配搭出奇地夾呀！😛不過因為蜜瓜飽真係好熱🔥所以抹茶雪糕好快就溶喇😳但係小店細心附上飲管👏🏻可以品嚐微溶的抹茶雪糕😊果然夠哂創意呀！😛

They called themselves the second melon bun in the world. Waiting time: 30 minutes Melon bun with green tea ice cream Unfortunately it's very difficult to handle on the street, the warm of bun melted the ice cream all over the wrapping, kind waste!

On a previous trip to Japan, I visited the city of Kanazwa. As any foodie, I had to search out what was popular and this shop 世界第2好味雪糕蜜瓜麵包 (English name: The World's Second Best Melon Pan Ice Cream) was on top of the list. It wasn't too hard to find and there weren't that many people. The Japanese man pulled out a chair for us to sit and poured us some tea while we munched away at our warm toasty melon pan and sweet ice cream that melted lovingly inside.They now have branched out to Hong Kong. C