上野酵素麵包生活館

营业中

休息中

我係一個麵包痴，要我三餐吃包，吃足一星期都唔會厭 而這間上野麵包一直係自己既必去list 中，可惜太子不是我常出沒的地方，所以久久未成行，直到今日！出發前先打個電話比店家看熱賣的洛神花包是否有貨，佢答覆剛出爐，快D 黎買啦。哈哈，太開心啦。難得來到，一口氣買了6 款包！ 回家後，急不及待與屋企人試食。與我同樣愛包的妹妹開心非常首先係店家大熱洛神花包果然是熱賣產品。粉紅色的外表已十分吸引加上淡淡的花香，誘人非常！洛神花乾與cream cheese 是完美的配搭，入口的質地軟滑，其香味在口中久久未散。Yummy!!! 紅豆麻糬方塊好似未見其他食家試過此包，但佢絕對有驚喜！相信有去過台灣的食家們對麻糬唔會陌生，真的很喜歡佢的口感，煙煙韌韌的，吃過令人有幸福既感覺，haha 再加上甜甜的紅豆就成為這美味的麵包了！養生歐克不知怎的，很愛吃杞子，即使是一顆顆的杞子也吃的津津有味，這滿佈杞子的養生歐克我又怎會放過呢？佢果然沒有令我失望！這個包很有杞子的甜味和香氣，而且佢的外皮是稍有硬度就如high tea 中我最愛的 scone 般，稍為實但又不損其脆度。這樣的組合簡直是 perfect! J

這麵包店放wish list已經一陣子了，這天經過太子來着，順道有機會光顧。店面不大，但裡面到處都放滿了不同種類的麵包，大部分都是沒有見過的，當然亦有一些比較普通一點。第一次光顧的時候，當然要從最有名的玫瑰洛神開始，另外多選了幾款買回家慢慢吃。玫瑰洛神 $25 (9.5/10)得各位食家熱烈推介，讓我對它非常有興趣。真的是很大一個，夠兩個人一餐吧，四個人分食也可以，所以以這價錢我覺得還可以。看到包裝袋有霧氣，證明麵包是暖的，呵呵，最愛暖乎乎的麵包了～刻意叫老闆娘幫我開了四份， 買完立馬試味。麵包身超級軟綿綿，有淡淡花茶味道，還有一絲絲的洛神在麵包裡面，口感度100分，棒！中間的cream cheese也是一絕，雖然標榜健康自然，不懂為何要加入cream cheese，但純以味道出發，濃濃的芝士味配上花茶麵包，不說也知道非常合襯。綠森林 $16 (6.5/10)整體最失望的一個麵包。失敗的重點竟然在於麵包，不夠軟熟又沒有綠茶味，反而中間的紅豆糯米更吸引人。菠蘿紅豆麵包 $28 (7.5/10)一整loaf的麵包，可以開6左右，以價錢來說可以接受。菠蘿意即麵包皮的做法像菠蘿包般，不算十分出

咁岩行街經過, 見到店鋪個名幾特別, 企係門口都會傳來陣陣香味,於是抱住好奇心入去望望~麵包種類果然特別, 都唔係普通麵包店既款式, 有d面頭有橙皮, 有d仲大過塊面,有d好似一舊木咁,千奇百怪,哈哈~因為鍾意食紅豆既關係,揀左一個叫"亞麻籽紅豆包"(HK$12), 以為黑黑既外面會包住滿滿既紅豆餡,點知中伏了><原來個包包d紅豆混左入去d麵包度,唔係紅豆餡, 取而代之既係好似吉士既乳酪, 令人感到失望..雖然係咁,如果再經過既話,我都會玥試下其他包款

剛剛到訪過台灣阿里山, 親身目睹那裡充滿靈氣的神木, 想不到返港後, 竟然於一家麵包店內發現神木的蹤跡。說的是位於太子的上野酵素麵包生活館, 同樣來自台灣, 本身已經是一家甚受歡迎的麵包店, 日前經電視飲食節目介紹過後,人龍更加不絕。是日晚上八時來到,雖然沒有人龍, 但店內依然人頭湧湧。當大部份麵包店已經接近打烊, 不再焗製麵包時, 這裡的麵包依然出過不停, 關門時間也比一般的晚,晚上十時半才打烊。除了這裡著名的玫瑰洛神麵包、養生歐克和庫喱庫喱外, 更發現了這款賣相特別, 對「檸茶」來說更是親切的台灣神木。台灣神木 ($20) 外表就像一頭樹木, 黑色外表源自竹炭可可粉, 據說是以法式牛角包的焗製方法為藍本, 加以改良而成。不要給其外表誤導, 以為是一款硬身麵包, 其實除了外層帶脆外, 內層質感甚為軟熟, 中央部份更含有流心朱古力和核桃粒, 增添口感, 整體感覺既新奇, 又具驚喜。

我認我好阿婆好鐘情Ｄ養生食品依到既麵包就可以做到喇用既料都好多元化又有益一入到去見到好多新奇出面冇既款第一次睇都幾興奮架樣樣都好似好好味又特別好有選擇困難症呀佢地既麵包多數都要１０幾蚊一個比起出面唔平架，但以佢用既心思同做法黎講我覺得可以今之忍手買左３個最想試的因為怕放耐左唔新鮮玫瑰洛神麵包我最推介的，果然係皇牌要成＄２５個但拎到上手就知好足本，重到呢。。。如果細食既可以大到做兩餐佢個外形冇得講啦，羸哂個ＳＨＡＰＲ同顏色都好靚仔切開仲靚見到入面有忌廉芝士一粒粒既洛神碎好浪漫既粉紅色用洛神黎做材料已經好吸引好新穎原來仲咁好食佢唔太甜，食落會有好香甜既洛神花香仲咬到佢地既酸酸地味，好開胃中間有忌廉芝士既質感加強左個口感同時加強左甜味，好夾佢個麵包發酵得好好，佢唔係好鬆軟果隻係好實在既麵包質地得黎又唔會乾唔硬如果烘烤番黎熱食仲好食，忌廉芝士微溶！！真係好好味值得一試亞麻籽乳酪紅豆包又係比佢個樣吸引＞＜比較上黎冇咁好食佢又係有好靚既橫切面入面係乳酪，鐘意佢既酸同奶味但紅豆唔夠，已經食唔出有紅豆味個包係黑色但對味道方面一Ｄ影響力都冇既所以普通左Ｄ，如果用濃郁Ｄ既食材可能會好Ｄ個樣係咪好搞鬼呢係啦

集集追小儀金剛節目的我, 見到他們介紹這間麵包店的綠茶麵包, 而綠茶精的我一睇就想試環境店舖以綠色為主, 有「綠色生活」的感覺。服務服務員快手, 友善食物 ($16)作為早餐, 一個似枕頭細版的「綠森林」已經很足夠。「綠森林」外面如一個枕頭, 但它是軟稔稔, 並非硬枕頭, 面頭舖滿芝麻, 非常可口。先只咬麵包一口, 沒有連饀一起食, 因為不想被紅豆搶去綠味的味道, 結果沒有令我失望。啖啖綠茶香, 聞下去有茶香味, 食下有適度的綠茶味, 很棒!當與紅豆一起食, 當然被紅豆的甜味搶了綠茶味, 但幸好中間夾有麻糬, 故中和了紅豆的甜, 整體甜度適中。而口感也給人一種特別的感覺, 外層麵包鬆軟、中間有細細的紅豆茸粒、再深一層有"煙un"的麻糬, 一次過品嚐三個口感, 不錯!______________________________總括而言, 環境和服務都ok, 食物美味!這裏還有其他很多特色的麵包, 有排試

又來到太子附近, 同樣不自覺地走到這裡 (即使不順路)今次買左4個包, 1) 蕃茄吐司 (已評論過) 2)洛神花包 (好多人評過, 不評了) 3)養生歐克 4)綠森林 (定綠精靈?)養生歐克 ($15)第一次試呢個包, 之前好多次唔試, 係因為佢個外表吸引唔到我去夾佢,但見網上又有唔少人講, 店員又落力推介, 就即管一試,真係包不可貌相, 呢個包表面白雪雪, 睇落好似無咩味,原來個包係好香, 係奶味? 仲要材料充足, 每啖都食到料 (nuts, 芝麻, 杞子...)真好味, 又鬆軟, 食一個好飽足!綠森林包細細, 餡多多。呢個包係綠茶包做皮, 裡面有豐富的紅豆及糯米磁好有口感, 面頭的芝麻豐富左個包既味道幾乎每啖都食到餡~ 又唔會話好甜~ps: 似乎排隊人潮已過~ 好彩唔駛排隊~呵呵

食過番尋味既我又再突登去上野買包!今次門口冇人龍了但入面都係充滿住人的!!今次都係買左4個包分別係:1. 亞麻籽紅豆乳酪 $ 12 (左上)個包一入口就苦苦的覺得黑色果D位係burnt 左, 有食緊碳既感覺唯一可取既係入面黃色既野 (佢所指既乳酪?!!?!)軟軟既質地, 有少少似蛋既香味, 好特別!呢個包我係一買完就一路行一路食, 仲熱熱地所以已經係以佢"最佳"既狀態黎見我, 都苦!我未必會再買呢個包LU ><2. 黑麻花 $15 (右上)呢個包係似芝麻湯圓/ 芝麻糊咁, 冇一粒粒既芝麻 (正!)但又有啖啖既芝麻香感覺好正!! 會想再買!3. 鐵板青蔥 $9 (右下)呢個包好香, 但唔係我杯茶感覺同其他包店都差唔多4. 芝麻餐包 $6呢個包上次都有買, 但食果個唔係我 (我唔鍾意食一粒粒芝麻)但會再買係因為有人食完覺得好正又想再食証明呢個包有佢既魔力!! XD

在店子未有現在有名, 也沒有賣任何雜誌訪問時, 我已經吃過幾次, 都是因為剛好要由深水步買貨沿路經過.那幾次的印象不錯, 太太們員工會介紹新鮮出爐面包, 也會講解每種面包餡料的益處, 再因個人喜好選購.因為她們的用心, 這次我再光顧. 橫看包類選擇有新舊交替, 最終還是選了最喜歡的兩款. 柴魚燒看上去皮皮無奇的柴魚燒就是有它的吸引之處.面頭的柴魚飄飄很生動, 即是想到廣島燒內夾了八爪魚碎, 蔥花...外皮與內面都有沙律醬, 黑椒用來調味, 有火腿粒. 火腿粒數量蠻多.把它一開二, 同老公一人一半. 洋蔥芝士火腿包單來名字就呼之欲出~這是長面包類, 可請員工切開6份. 切開後清晰可見用來上乘, 夾了厚片火腿芝士味濃郁, 也看到芝士薄片, 是橙黃色.面頭灑了洋蔥絲, 也有削開絲狀的奶黃色芝士一起焗, 已跟面包黏實.隱約也吃到黑椒味.店子小小, 主張用另一烤焗法的獨立店, 值得回味.

琴日睇完金剛小儀介紹太子有間麪包店咁今日約左人在旺角食飯就諗住買完個包就行去旺角去到, 見到一條長長的人龍都幾surprised!估唔到買包都要大排長龍.....入面D包比人買到得返幾個而金剛小儀介紹既款色就冇晒所以大家只好等出爐麪包我地都最終決定排一排...結果就排左35分鐘左右入到個店門口....中間有位師父出黎同後面既人講話佢地做到冇晒材料了我好好彩咁買左4款包不過唔知佢地係咩名堂 (早知同阿姐講話要拎單, 咁就會有包既名同price係上面了!><)我見D包咁新鮮就忍唔住即刻食左個先 (左2)藍梅something... 好軟綿綿, 感覺超正!!!其他包都等到第2朝先食左1 - 完全唔知係咩佢個包入面上高有D紅色既果子?!?!都正!!!紫色果個係芋頭yogurt (問個阿姐的)正啊佢既yogurt係入面D白色流流地咁野不過成件事搭埋一齊唔多似包, 似台式既酥餅多D 最後一個係芝麻包, 我個人唔鍾意芝麻咁既食法但媽媽就超鍾意佢話呢個最正 (佢仲steam左一陣先食)小插曲: 可能由於大家都覺得排左咁耐先買到包無理由買一兩個所以有人都買5 6 7 個包咁有個姐姐就咁將

5-4-2013(五）無須甚麼承諾或見證。。。長情 --- 始於 1999 年！身子弱，今天又有些感冒，唉。。。終日在床上攤躺著，沒有太大的胃口，整天沒吃過東西。已是晩上七時多，他放工後買了一個麵包給我，真好! 今天，我不想吃太多東西，吃麵包最好! 三文治我不喜歡，但就超級喜歡吃麵包啊! 我不知道這個麵包是甚麼名稱，其個子頗大，看見外層有朱古力漿及多片杏仁。我把它拿在手上輕按，噢。。。質感很鬆軟呢；吃下一口，外脆很鬆脆，有點像酥皮般；整個包都帶有朱古力、咖啡及少許椰絲味，它讓我想起，像吃著已多年沒有在巿面發售的嘉頓層層椰絲包，那是我小時候的回憶，令人回味！此店應用上優質的麵粉製作，使整個包的感覺也很輕身，很鬆軟，真的很好吃！ 一個看似簡單的麵包，讓我拾回兒時的記憶! 14 年了，你，最了解我! 謝謝你多年來低調的配合。。噢! 我沒說謊，我真的很長情!

星期四(28/3)果日收工特登堂都唔想冒雨走去試包包, 結果一試難忘...爸爸媽媽開始俾我既為食感染了一點點, 見到我吃得LAM LAM 脷既樣子亦十分羨慕想一嘗包包的味美, 因此我地星期六(30/3)決定特登出去, 重臨上野啦！今次去到, 見到好多上次無見過既包包喲！媽媽二話不說叫爸爸幫佢先夾一隻玫瑰洛神~ 佢果晚見到我食已經覺得好香被佢深深吸引想試~而爸爸哩就鐘意我上次食既亞麻籽~對佢好有興趣, 覺得包包個樣幾靚幾特別想買個黎試~而上次好想試但無買到既養生歐克~我今次都決定要買個黎試下喲！睇下睇下！咦？我見到有兩款包幾特別~叫做荔香裸麥同酒釀桂圓~上次無見過架~一問之下~先知道原來係逢週六日先會整的！我同媽媽一聽到「期間限定」雙眼都發曬光！即刻想買曬...點知俾爸爸控制住..話最多只可以揀多一個.. 最後我地揀左酒釀桂圓..我仲想買埋冬日之戀~流沙華田同祼麥胚芽架..媽媽亦想試火腿芝士吐司既特大條長方包~同魔棒...但都俾爸爸turn down 了.. 爸爸掌握左托盤同拎包夾大權喲... (｡-_-｡)最後我地買左四個包包！分別是玫瑰洛神 ($25) (左上), 酒釀桂圓 ($28

話說今早上班途中睇openrice見到哩間麵包店~對於麵包holic既我一睇到其他食家既相片已經不得了，加上佢標榜健康食材酵素同無添加化學用劑~且款式種類獨特~實在忍唔住啦！！本身俾左錢今日放工去上course都唔去啦~特登冒住雨都要專程撘車去大開眼界！哩一刻麵包既份量比任何嘢都重丫哈！麵包麵包我黎NA!! 一入到去, 可能已經七點有多, 所以我就覺得款式唔算好多~而且陸陸續續啲人入黎買, 啲包買少見少~眼前既包略略影左大部分, 可以分為兩大類, 就係特色包同埋常見包包~~ 特色包包款裡邊有好多富有特色款既包~好多我都無點見過架！同一般連鎖包店唔同既係~佢既包睇起黎無一層artificial 既色素~無為左令佢地賣相吸引啲而額外抹上既油光同膠質~聞落亦無人造牛油或者豬油既濃／腥／膩既感覺~剩係視覺同嗅覺都令我食指大動na！ 常見包包款除左比較少見既特色包，亦有一般包點容易找到既款式。但同樣地，無其他麵包一聞落睇落就令我想像到既油膩同濟既可怕感！有機會都想買黎試曬佢！哩間麵包店本店在台灣，所以佢都有好多自家製既台灣餅點酥餅等等,雖然酥餅淀粉類都係我鐘意的~~不過相比麵包，佢地對我既吸引力

之前跟朋友在中環 Gooday Cafe 吃過洛神花包後一直念念不忘那味道，在一個非常偶然的情況下到這裡買了一個洛神花包回味。果然這包沒有讓我失望，真的非常好食。整個包都非常重手，是因為包的餡料非常充足，有時候還會發現整朵洛神花在包裡面，而且洛神花的微酸與芝士非常配合。最重要這個洛神花包少了一般麵包舖所買的麵包的油膩感。但是這個麵包真的是太大個了，如果有小一點的選擇給女生就好了。

坊間常說「食包包食飽」，這句諺語十分實用， 麵包與我們的日常生活息息相關，早午晚三餐也可作美味食糧，手頭拮据又可作救命符，不單只滿足裏腹要求，更可說是一種享受，看現年很多外國的麵包集團紛紛擁入香港市場，就可以理解人們對它的熱衷程度從來沒有退減。麵包在筆者心中由小到大都佔很重要席位，因它的味道與款式千變萬化，隨著年代轉變與進步，現今的麵包用料質素更注入健康元素，務求要做到食味與營養並重。看到樓下食家前輩Snoopy講述有關玫瑰洛神麵包的食評，雙眼不禁在發亮、口水分泌也在增加，原因同樣是對在GOODAY CAFE吃過的常繫於心。這天就的起心肝到上野酵素麵包一趟，目標除了玫瑰洛神麵包，其他特色包類也會納入為具潛質的名單之內。首次造訪的筆者望著門舖內林林總總兼甜香撲鼻的麵包氣息已不其然被迷醉了，也難怪吧! 店內自設工場每天也鮮製各款包點，新鮮熱辣的怎不教人心動?先說來基地就在台灣的上野，來港發展已兩年光景，獨到之處除了是引入新穎與新鮮感十足的台式包點外，最大賣點就是注入酵素這健康指標的材料。對於酵素這名詞，筆者沒有太大研究和心得，只知道無色無味的它能將麵包纖維變得鬆軟有彈性，加上酵素可幫助消化