影片
更多
2013-03-29
164 浏览
話說今早上班途中睇openrice見到哩間麵包店~對於麵包holic既我一睇到其他食家既相片已經不得了，加上佢標榜健康食材酵素同無添加化學用劑~且款式種類獨特~實在忍唔住啦！！本身俾左錢今日放工去上course都唔去啦~特登冒住雨都要專程撘車去大開眼界！哩一刻麵包既份量比任何嘢都重丫哈！麵包麵包我黎NA!! 一入到去, 可能已經七點有多, 所以我就覺得款式唔算好多~而且陸陸續續啲人入黎買, 啲包買少見少~眼前既包略略影左大部分, 可以分為兩大類, 就係特色包同埋常見包包~~ 特色包包款裡邊有好多富有特色款既包~好多我都無點見過架！同一般連鎖包店唔同既係~佢既包睇起黎無一層artificial 既色素~無為左令佢地賣相吸引啲而額外抹上既油光同膠質~聞落亦無人造牛油或者豬油既濃／腥／膩既感覺~剩係視覺同嗅覺都令我食指大動na！ 常見包包款除左比較少見既特色包，亦有一般包點容易找到既款式。但同樣地，無其他麵包一聞落睇落就令我想像到既油膩同濟既可怕感！有機會都想買黎試曬佢！哩間麵包店本店在台灣，所以佢都有好多自家製既台灣餅點酥餅等等,雖然酥餅淀粉類都係我鐘意的~~不過相比麵包，佢地對我既吸引力
對於麵包holic既我一睇到其他食家既相片已經不得了，
加上佢標榜健康食材酵素同無添加化學用劑~
且款式種類獨特~實在忍唔住啦！！
本身俾左錢今日放工去上course都唔去啦~
特登冒住雨都要專程撘車去大開眼界！
哩一刻麵包既份量比任何嘢都重丫哈！麵包麵包我黎NA!!
一入到去, 可能已經七點有多, 所以我就覺得款式唔算好多~
而且陸陸續續啲人入黎買, 啲包買少見少~
眼前既包略略影左大部分, 可以分為兩大類, 就係特色包同埋常見包包~~
特色包包款
裡邊有好多富有特色款既包~好多我都無點見過架！
同一般連鎖包店唔同既係~
佢既包睇起黎無一層artificial 既色素~
無為左令佢地賣相吸引啲而額外抹上既油光同膠質~
聞落亦無人造牛油或者豬油既濃／腥／膩既感覺~
剩係視覺同嗅覺都令我食指大動na！
常見包包款
除左比較少見既特色包，亦有一般包點容易找到既款式。
但同樣地，無其他麵包一聞落睇落就令我想像到既油膩同濟既可怕感！
有機會都想買黎試曬佢！
哩間麵包店本店在台灣，
所以佢都有好多自家製既台灣餅點酥餅等等,
雖然酥餅淀粉類都係我鐘意的~~不過相比麵包，佢地對我既吸引力無咁大丫！
賣相我覺得一般JA~
其實仲有影到一款流沙華田包, 可惜唔夠相位POST佢出黎哩~~
玫瑰洛神、庫喱庫喱、酒香金提、亞麻籽孔酪紅豆
因為減緊肥..我要控制控制自己既食量..所以千挑萬選最尾只揀左四款，
分別係玫瑰洛神花包~
亞麻籽紅豆乳酪包~
庫喱庫喱~同埋養生酒香金提包~
四個包包成惠HKD$73~~~
仲大過我塊面既包包
剩睇價錢好似好貴咁.. 但係其實個個都好大件~我塊面由細食包食到成個大麥包咁大..佢地都仲大過我塊面丫！ 餡料又足~未食個味都覺得價錢合理丫！
至少抵過買個Freshness Burger 餐ya! (Refer to poor experience of Freshness Burger! )
為左等番屋企見證切開佢果一刻..
忍左我歸家回程成個多小時..
雖然唔係新鮮出爐~都凍左na..
但依然滲出陣陣包香..沿途聞住包包香味..個肚就越黎越餓...
不過哩個等待係值得架哈！
回家衫都未換就拿拿聲拎架罉啦！
一切, 一睇...果然名不虛傳丫！
我四個包輪住邊切邊食.又試下放同唔放微波爐加熱既口感同味道既分別.
俾我唔覺意壓扁左少少既玫瑰洛神 4.5/5
包既餡料又多又香, 粒粒洛神花清晰可見, 包身洋溢滲透住玫瑰花既清香, 女生們真的會很喜歡喲！清清甜甜少少酸酸, 配上cream cheese唔太濃唔太淡, 彼此襯托得剛剛好！洛神花唔熱就咁食比較好~花既清香唔會比熱左既cream cheese蓋過~而且個包底本身係少少酥脆皮的, 就咁食唔放入微波爐熱佢可以保持番個鬆脆口感~
個包面層可能因為放耐左~開始有啲縮起~證明佢裡邊空氣偏多~如果可以充實啲就更好啦~個包身個皮平均啲亦會好啲~角落頭位微微可以硬番DD, 做番少少鬆鬆脆脆感會更好~
有我超喜歡既紅豆既亞麻籽乳酪紅豆包 4.5/5
亞麻籽紅豆乳酪甜甜滲少少乳香~配唔膩唔油既包身剛剛好~個包身本身唔甜, 如果佢配既係黑芝麻包或者朱古力包就會太搶了~現在這個亞麻籽淡淡的剛剛好~哩個包要熱少少咁食~個味道會出啲~乳酪微微熔番開, 同埋紅豆同包一起吃整個味會濃郁啲, 混在一起~
可惜佢既紅豆就略微少左啲丫~
* 佢頂層既外皮其實有少少似微微硬硬層層既OREO.. 所以如果熱左佢就會變左食唔到鬆化既口感~
因此哩個包建議新鮮出爐即食最正~或放焗爐焗焗佢好啲丫~
只係我實在太餓~懶得預熱焗爐啦~~
沒有澀味既橙橙庫喱庫喱 2.5/5
庫喱庫喱同其他麵包唔同在佢比較鬆香丫~可能佢用既高筋麵粉比例較少~不過油分可能多啲~佢個包身既質地有少少蛋糕同牛角包混合既感覺~但食得出無刻意加太多既糖~所以個橙味比較出~橙應該泡水處理過~所以無乜澀味哩~不過哩種包放多一陣個包心就會好快乾~我食果陣已經唔得軟熟啦.. 有啲乾.. 叮完都仲係微乾~ 包裡面既水份因為空孔多既關係流失得好快哩~
除左個橙皮做賣點之外.. 哩個只屬中下既包丫~可以唔試都得~
有我喜愛既提子乾既酒香金提 3.5/5
而酒香金提聲稱無糖無油架~似麥法包農夫包既整法.所以外皮比較硬身~叮熱左佢軟身番少少食唔錯喲~而且有我鐘意既合桃同(金)提子乾~淡淡既酒香同青提子乾本身就好夾丫~！ >u<
哩款包一樣熱食會好D~
如果凍左買番黎, 建議叮/微蒸熱個包身之後微微焗/烘脆脆硬身佢個外皮食就會好正~~
题外话/补充资料：
本身諗住留少少聽朝食....
點知....四個包輪住邊切邊食.又試下放同唔放微波爐加熱既口感同味道既分別.....
外加我極速煮左斤菜芯同一個西蘭花~...
食呀食...轉眼間KO曬！！！Σ（ﾟдﾟlll）
哩幾個月減緊肥...以為自己個胃有變細番少少... :(
不過真係好好味~好豐富好滿足既晚餐丫！
意外既係食完無好口渴既感覺..好正正丫~ d(^_^o)
等我再去試埋其他先！
特登撘車去食都值得喲！!! GOGOGO!!
(以上食记乃用户个人意见 , 并不代表OpenRice之观点。)
张贴
