上海香港麵家

营业中

休息中

近排愛上左食粢飯 開始打算尋找香港好食的粢飯今次就去左位於銅鑼灣嘅老字號試下坐低諗都無諗就嗌左最佳組合 粢飯+豆漿-粢飯係係舖面即叫即製 感覺好新鮮拎上手仲好辣手 熱辣辣--粢飯不外乎油條 肉鬆 同炸菜做餡不過一打開睇中間係有啲失望嘅餡嘅份量好少 米飯仲多過餡唔似之前食紅磡真真咁足料呢個食到最尾會變左淨食飯 感覺好dry之前有聽過呢間越來越退步 係幾失望的 香港已經無乜有粢飯嘅地方連僅餘的也在退步🙁$22我真係有更好嘅選擇

平民美食 ， 在銅鑼灣真的已經買少見少 。可能渣甸坊比較 少遊客 ， 所以仍然有小店可以生存。 這就是其中一家。晚上來到， 只有一點點肚餓 ，便叫了我最喜愛的 鹹豆漿和熱粢飯。 這家店子 的 鹹豆漿 ，入口順滑 ，豆味 濃郁， 甚得本尊歡喜 。 豆漿我還是喜歡喝熱的 ，喝下去立即把乾乾的喉嚨溫暖著， 感覺十分舒服， 潤潤的，最合秋天的 乾燥 天氣。粢飯送到檯面的時候 ，仍是熱辣辣的 ，黏黏的糯米 ，最合這個微涼的時節 用來進進補。 餡料的味道剛剛好， 不是太鹹， 油炸鬼也很好味道 ，令人再三回味。

天氣涼涼地，心血來潮想食粢飯熱豆漿，係銅鑼灣當然幫襯吓老店，呢間超多人幫襯豆漿粢飯㗎，十檯八檯都叫，好彩一個人易找位。即時叫個粢飯豆漿歎下先。點解退步左咁多，粢飯係熱，但飯起哂粒超乾，餡料油條又油又韌，肉鬆又少左，炸菜唔見，係咪無加到，22元一個超唔好食，唔抵食，我食左半個已經唔食，太難食，好似食硬飯，十級退步點解會咁㗎。太多人做唔切嗎？以前明明好好食㗎，最後只飲完碗豆漿算，唔會再幫襯啦，好失望。

呢間位於銅鑼灣閙市的上海菜，或者經常行過都未必留意到，因為門面似普通茶餐廳，但卻是一間歷史悠久的上海菜老字號。基本上每次到銅鑼灣都會拜訪。價錢親民，味道OK，平靚正！咸粢飯必食之選，暖粒粒的咸粢飯，包住肉鬆、油炸鬼同榨菜，糯米飯煙煙韌韌，飽肚又好味。咸豆漿咸咸地、酸酸地的口感，配料有油炸鬼、榨菜、？蝦毛同攪爛的豆花，愈食愈開胃，又唔會太咸，幾特別。小龍包熱辣辣的小龍包，肉嫩多汁，皮簿餡靚。而且頂部咬落唔會好硬好麵粉，係軟淋淋的。凍豆腐花凍食來講都夠滑，反而豆味好似唔夠濃。

這家麵家是我中學和好友的回憶，我們會一放學便會相約到銅鑼灣這家餐廳吃粢飯豆漿。朋友教曉我吃甜粢飯，即是砂糖餡料的糯米飯，口味獨特。而我們經常前來餐廳，主要是因為這裡的食物比較便宜，而且飽肚，重點是很味道不錯，適合學生時期的我們。今天我們俩都要加班，到晚上11點還未吃晚餐，而這家餐廳營業時間比較長，便再次相約前來懷緬過去。我們這次選擇了咸粢飯，以肉鬆，油條和炸菜作為餡料，調味適中，肉鬆夠香口，味道和以前一樣。另外，我們還點了一客鍋貼，鍋貼的肉汁鮮味，又夠飽滿，再加上香脆的外皮，非常可口。再喝一杯凍的甜豆漿，是夏天的消暑良品，喝完超級滿足。雖然味道不變，但百物騰貴，價錢已經上升不少。

邊個話食上海野一定要去高級餐館？今次介紹呢間上海餐館係位於銅鑼灣渣甸街，價錢經濟實惠咖！今次介紹嘅全部都你小食，但其實店內仲有好多唔同嘅主菜！睇完之後如果大家對呢間小店有興趣的話，都可去試下咖！呢間上海餐館嘅店內環境同普通大排檔差不多，價位相對都會較平。座位唔多，但人數都算多！由於入面嘅小食份量唔算大，價錢都合理！今次都試咗幾多樣嘅小食咖，逐樣介紹比大家先！首先要講下個餈飯，店內有兩種；有甜餈飯同咸餈飯。今次呢款係咸餈飯，內餡有肉鬆同油條，口感扎實，唔算太咸，份量都幾大份咖！蔥油餅，有點太硬太乾，食落有少少油膩感，但係大件夾抵食，有淡淡嘅葱香！生煎包，新鮮熱辣，有肉汁，咬落去個包都幾鬆軟，唔會dry！小籠包，唔知係咪蒸得太耐，外皮好易夾爛，內裡有湯汁但係因為好易夾穿，而汁就會倒曬出黎，但味道總算ok！豆沙鍋餅，呢個我幾中意，上枱嘅時候剛剛炸起，佢外脆中間有少少麻糬同埋豆沙，唔會太甜，口感幾豐富，不過望落去油咗少少！相信大家都好少試過咸豆漿呢樣野，我初時都好好奇，於是就嗌咗一碗！咸豆漿大概係水狀豆腐花+蔥花+油條，食落咸咸地，有少少酸味，平時好少見，係一個幾特別嘅小食！另外，仲嗌咗豆腐花

每次去銅鑼灣上堂, 唔想食麥當勞就會去呢間食！ 人流黎講, 都好多！ 每次都會嗌一個粢飯同豆漿！ 今次再叫多一個小籠包試下～ 其實小籠包就不過不失～  其實不算是特別好味～ 不過食落去都有肉汁～而都係鍾情那個粢飯！ 大大件！ 每次咬落去都好多肉鬆 ！ 必飽！ 而地點好就腳～ 而且通宵開～  宵夜食都可以！！！

香港貴為美食天堂，高中低價位都有不少美食選擇，即便在銅鑼灣這旺區，名店林立，也可揾到價廉物美的食物。這天想吃上海菜，便來了這裡。已經是第3次來，我喜歡這裡價錢相宜，食物分量夠，味道不錯 豬排菜飯($42)：原來菜飯是包2碗飯這安排很好，食量大的人夠飽足；食量小的可退回一碗給廚房，不至浪費；二人同行開心share不用自己動手分飯菜飯有很香的菜乾味，豬排不肥，但略嫌過油，不過整體味道不錯另外還配中湯。$42，CP值很高。有時候，簡單平凡的一頓飯，不用大魚大肉，都很令人滿足

夜晚同寶寶游完水去銅鑼灣食飯，忽然好想吃上海菜，就記得上次經過見 forever 21 隔離有間就入去試下。每次食上海嘢我都必定嗌豆漿，今晩也不例外。豆漿十分冰凍，但有點偏甜但甜度還可接受。寶寶嗌了醉雞菜飯，貪佢俾兩碗飯，仲有湯跟。我試咗件醉雞，唔錯喎，夠酒味又啖啖肉，份量都唔錯。我就嗌咗個豬扒麵，喜岀望外！麵質竟然唔係淋而係有咬口，而豬扒並不是成舊粉係表面，味道什佳，份量又多，下次必定再 encore。係銅鑼灣有呢啲價錢同質素既餐廳十分掋食呀！

I have been here for pork chop noodle long time ago, I remembered the pic was super good but I forgot the taste. Due to the pic I came back to tried again.I ordered the same pork chop noodles, it cost $52, which was a bit expensive, I added a $10 soya bean drink.The soup was so thin like I was having normal wanton soup. It had no taste at all, I could not describe it, no spicy no taste of peanut. The pork chop was small, no crispy, very soft.It completely broke my dream and I will not come bac

我並不是一個純正上海仔，不過一開始來這裏吃的時候，上海粢飯只賣＄8-12。時至今日，這裏的粢飯已經要$22一個。由此可以知道我幫襯了這間店多久。不知不覺日月如梭，亦都不得不慨嘆物價租金狂升帶來對市民的影響。尤其對這間開業幾十年的老店更巨挑戰。今日中午去了銅鑼灣，所以就坐下來吃個簡便午餐：熏魚菜飯。以前小時候不懂欣賞熏魚，因為多骨。人越大越來越喜歡食熏魚，亦都吃過好多不同做法的：有酥炸香脆的、有軟諗的丶有偏豉油咸的丶有偏甜的...說不出哪種才是真正上海傳統，不過我想應該各有捧場客。叫一客熏魚菜飯，你會得到兩碗菜飯丶一碟熏魚、跟一碗黃豆排骨湯。這裏的熏魚屬於比較乾身同偏甜，係我非常喜歡的質感。另外作為一個飯桶我特別喜歡食菜飯，兩個酒樓碗仔的菜飯對我來說簡直濕濕碎。不過對一般女士來講應該已經足夠有餘。意猶未盡，我食完個飯飲完湯都仲係想食多少少。就叫左呢個菜肉雲吞，感覺清淡而不失菜肉雲吞嘅鮮味。隔離一位老太太叫了「咸粢飯」，唔好以為係一個鹹味粢飯，佢其實係一個術語。「咸粢飯」即係鹹豆漿加粢飯。下次可以試試。要試這間老店要留意環境會比較地方淺窄侷促也有一點不太衛生，繁忙時間都好有可能需要搭枱，敬

呀姐落單態度十分差 明明佢係我面前 我叫左唔該幫我落單講哂要食咩 居然叫我搵第二個落單 話你可以搵其他人落 唔一定要叫我已經唔該前唔該後仲要態度咁差野又唔係好食 比錢買難受以後唔會再幫襯

「我中學的時候，每逢學校的派對後，例如聖誕聯校派對後，我和一班同學會專程到這裏來。我會叫一杯豆漿和一客醉雞菜飯......」每次我的先生帶我來，也會把這個故事重新說一遍。這裏充滿着他的那些年回憶。豆漿 豆味不夠 豆香也欠奉但是吃上海菜總不能少了豆漿豬扒菜飯（新鮮豬扒）$42豬扒是新鮮的 而且弄得甘香鬆軟 雖然偏鹹 但配上餸菜飯很滋味這裏的菜飯套餐是跟兩碗菜飯 菜飯甘香像是用上湯煮一樣清炒有機小棠菜 $27這個小棠菜出奇地好吃 清脆爽口 一定是炒鍋夠熱才可造成這個效果花雕醉雞（新鮮雞） $6x醉雞用上新鮮雞，雞肉軟綿綿滑嫩，酒香可以再香濃一些蔥油海蜇 $6x不過不失食物的質素或許不是頂級，但是，我們還是會不定期回來，一起尋找他那些年的味道。

食完下午茶有啲飽就skip左晚餐，大約11點就去左銅鑼灣食宵夜。揀左呢間上海野黎食，因為上次食過粢飯覺得好好食，今次就再黎食多一次。首先黎既係凍甜豆漿，個豆漿唔算太甜又無渣，我覺得好清好好味。小籠包好多汁，個皮唔厚又唔會好易穿。入面啲肉好新鮮，我覺得最正係夠哂多汁。我最鍾意先喺個頂到咬個窿，然後飲哂入面啲汁，再食埋個小籠包。啲汁好香甜呢個一到嘅時候先嚇一嚇，因為見到佢啲牛肉切到好薄...... 初初仲以為會好難食，點知食落係勁勁勁勁勁好食！雖然佢切到個牛肉好薄，不過其實有好多片，好似食極都仲有咁。同埋個牛肉好香好腍，少少肥，諗起都仲好掛住個牛肉。至於個麵同個湯都好不錯，麵唔會好腍，湯本身好清香，加埋牛肉味超正，我都不敢飲左好多啖。超級推介呢個菜，因為好抵食。呢碟菜只係$10，一啲都唔貴，望落唔好食又細碟。不過又係食落超正呀！佢啲通菜超嫩，唔會好多油又唔太鹹，啲腐乳都好香。如果點太多腐乳就太咸，點少少腐乳就fit到漏。

細個放學之後媽媽會帶我黎食粢飯加豆漿，今日帶男友來懷舊下。一個餐跟一碗黃豆排骨湯同兩個菜飯。菜飯唔熱，菜焗到黃曬，飯太爛又唔香。湯有好多黃豆，好淋好香。紅燒獅子頭客飯 $46 獅子頭好咸，肥瘦豬肉各半，幾鬆軟。排骨客飯 $42食左幾啖先見到豬扒邊粉紅色未熟透，俾返佢，隔一陣俾返我咬過塊豬扒番炸俾我。嗯，好衞生喎？ 豬扒入味，幾爽口。另外，男友喺飯裡面搵到一粒不知名的藍色粒粒。甜豆漿 $10甜度適中，夠熱！因當日年30，好多人去行花市，本店生意超好，服務態度不太好，有點呼喝客人嘅感覺。食物質素同服務都比連鎖快餐店差。