上海香港麵家

食完下午茶有啲飽就skip左晚餐，大約11點就去左銅鑼灣食宵夜。

揀左呢間上海野黎食，因為上次食過粢飯覺得好好食，今次就再黎食多一次。

凍甜豆漿

$10

首先黎既係凍甜豆漿，個豆漿唔算太甜又無渣，我覺得好清好好味。

小籠包

$32

小籠包好多汁，個皮唔厚又唔會好易穿。入面啲肉好新鮮，我覺得最正係夠哂多汁。我最鍾意先喺個頂到咬個窿，然後飲哂入面啲汁，再食埋個小籠包。啲汁好香甜

五香牛肉麵

$40

呢個一到嘅時候先嚇一嚇，因為見到佢啲牛肉切到好薄...... 初初仲以為會好難食，點知食落係勁勁勁勁勁好食！

雖然佢切到個牛肉好薄，不過其實有好多片，好似食極都仲有咁。同埋個牛肉好香好腍，少少肥，諗起都仲好掛住個牛肉。
至於個麵同個湯都好不錯，麵唔會好腍，湯本身好清香，加埋牛肉味超正，我都不敢飲左好多啖。

腐乳通菜

$10

超級推介呢個菜，因為好抵食。
呢碟菜只係$10，一啲都唔貴，望落唔好食又細碟。不過又係食落超正呀！
佢啲通菜超嫩，唔會好多油又唔太鹹，啲腐乳都好香。如果點太多腐乳就太咸，點少少腐乳就fit到漏。