上海香港麵家

营业中

休息中

17/2/2019 @上海香港麵家今日跑完馬拉松來到呢間傳統老店， 叫咗個出名嘅粢飯同埋蔥油餅配埋個熱豆漿。蔥油餅個人覺得粉有啲厚， 唔算好有蔥味，但係煎得好香。粢飯入面好足料，好多花生肉鬆，仲有油炸鬼，口感豐富，見每枱客人都會食，店員會將粢飯分開兩份，好方便食，我食左半份已經好飽，所以同人share更好。餐廳最低消費每人$25, 一個粢飯就岩岩好~豆漿識飲一定飲熱嘅豆漿好滑，好香豆味，一飲成個人暖哂！

今日參加左一年一度嘅渣打馬拉松，好辛苦咁跑完10K之後，等埋女朋友就一齊去附近搵嘢食。喺銅鑼灣見到有間上海店，突然間好想食粢飯，就帶埋女朋友入咗去食。叫咗一個粢飯兩個人share，店員好細心咁分開咗兩份，不過拎上枱嘅時候啲粢飯已經林晒，唔似得啱啱整起咁脹卜卜，不過仲係好熱辣辣嘅。食落去嘅時候感覺到有好多肉鬆，當然仲有油炸鬼同埋榨菜。肉鬆同榨菜都係好食嘅，配埋油炸鬼同糯米一齊食有好多唔同嘅口感，不過油炸鬼唔係太脆，食落去冇咁香口。仲有叫左蔥油餅，不過唔係太特別，食到有蔥味但係唔太突出，上面既芝麻唔夠香反而呢個熱豆漿有驚喜，我叫咗甜豆漿，熱辣辣拎上嚟飲落去充滿豆味，下次可以試吓無糖豆漿，應該可以更加嘗試到豆嘅濃郁味道。係跑完步之後可以食到一個咁豐富嘅早餐已經好滿足。

銅鑼灣本身既宵夜選擇唔算太多除左鵝頸橋附近既小菜，如果想自己一條友食既就更少選擇平時多數買粢飯豆漿做早餐，已經覺得好好味夜晚就會食佢既獅子頭菜飯，跟餐仲會送碗黃豆湯獅子頭調味偏咸，不過岩哂本人既重口味同埋用黎送菜飯就岩岩好一定要黃金比例一啖獅子頭一啖菜飯一啖黃豆湯食到尾架～～有肉有菜有飯有湯，食完感覺好滿足順帶一提佢既豆漿勁好飲！最緊要係夠凍！！地理位置都好方便，唔好見佢門面唔吸引，經過一定要試！

這間餐廳我一直都只會幫襯外賣。因為聽說有最低消費。還會在非常多人時會吹你快點走的心態。自問唔係咩大豪客，所以外賣會比較好。所以只試過佢地的出名栥飯。超好食。雖然唔算街坊價，但都值一試。因為佢的份量足夠一位女士飽肚。本人放工後太肚餓。所以想在銅鑼灣吃點東西，但又唔想太飽。因為太飽會肥呀。所以來到這裡看看有沒有東西好吃的。原來這裡開通宵的。太好了。本來想去對面食粉麵。但因為太多人。所以轉戰這裡。這裡有最低消費，點菜時都幾驚唔夠數。但原來超易達標，因為唔平㗎。當然我本人覺得上海菜的角道就合理的。以下是本人的宵夜：因為我只想吃一點東西。因為晚上唔想吃太飽。所以只點了一個小籠包。小籠包皮唔太簿，湯唔太多。但我都覺得易入口。正宗上海小籠包。外貌都幾討好。不過如果再熱一點就會比較好。豆漿不過不失。好有豆味，一直飲開這間。因為已經夜深，所以人流其實唔太多。我坐了一段時間，服務員都唔太會講咩難聽說話。但我留意到佢地如果一開始多人就會做一些清潔工作。其實這些工作可以在無人時才做，好似做比客睇，佢哋好忙，唔好搞佢地一樣。

在商廈林立，名店滿佈的銅鑼灣，較為寧靜的渣甸街一家上海食店仍然屹立不倒。店子雖小，地方淺窄，但似乎這裡是充滿回憶和人情味的小店，朋友家人圍在一起，吃著滬式美食，十分溫暖。店舖內一個包粢飯的角落，多年來店員都在默默的包粢飯，看到熱騰騰的糯米還在冒煙，真的敬佩店員的專業。堂食的粢飯店員會即時替客人剪開一半，方便進食。糯米煮得軟硬適中，內裡包著榨菜肉鬆和油條，冬日吃著熱呼呼的粢飯，溫暖又飽肚，感覺非常暖和。香港比較少地方有的咸豆漿，是上海人常當早點吃的美食。碗內先放入蝦皮、榨菜，油條、蔥醬油和麻油。再用熱的淡味豆漿沖入碗內制成，美味可口。小店內經常人頭湧湧。長期有不少顧客外賣粢飯豆漿。由於百物騰貴，近年內店內的美食加加價不少，但相比起一般餐廳，這裡的價格還是非常大眾化。

人生第1次飲咸豆漿，琴日終於試左喇比我想像中好味好多，加左少少炸菜落去，有d口感跟住嗌埋個粢飯，簡直係絕配...響依家呢個涼涼地嘅天氣，呢個組合係早午晚宵夜都適用架如果個粢飯入面嘅油炸鬼可以脆d嘅，我相信會更加好味喔

今晚行過聞到豆漿同粢飯味，即刻入去買一份粢飯拎走店內坐滿人，遊客佔較多，原本想買熱豆漿加蔥油餅，但排隊的人不少，最後唯有一份粢飯拎走。對上一次已經係上年食，今次發現價錢略貴，$28一份，加肉鬆就$35，可能做遊客生意較多了拎上手仲係熱到出煙，眼見都幾足料。咬開後，油條有啲”林”，但可接受範圍，酸菜份量恰到好處，肉鬆夠多加分整體感覺為涼風加了一份暖意，飯和料的比例剛好(大約1比1.5)，唯價錢略貴，等於一個平價粉麵價

接女朋友收工 餓餓地就黎左食呢間野叫左豬扒粗炒 鍋貼 小籠包 豆沙鍋餅粗炒大大碟 豬扒都幾大舊下 唔算咸 幾好食 推薦！鍋貼大大舊 皮較厚 不過不失小籠湯好正 勁多湯汁 熱辣辣 推薦！豆沙鍋餅 甜甜地 正正常常 不過不失 中意甜野既可試

今天跟朋友酒過三巡後來這裡吃個食宵。點了鹹豆漿、熱豆漿、五香牛展及粢飯。很多人光聽到鹹豆漿三隻字就立刻退避三舍，還沒嚐到味道就已經卻步，但其實鹹豆漿甜中帶鹹，有著微微豆花或蛋花湯的口感，而且十分好喝，容易上癮！這𥚃的鹹豆漿加了豆花、榨菜、油條等，甜味加上鹹味一點違和感都沒有。反而在上海吃到的經常覺得辣味太嗆，而這樣就調教的剛剛好！相反這裡的熱豆漿就淡而無味，完全沒有甜味也沒豆香，要再加一點糖才感覺好一點五香牛展不過不失，還算入味，可惜有點乾粢飯不錯，悠記得從前在附近工作經常會員來作早餐，實是懷念

過咗lunch time入嚟呢間傳統小店都有7成滿，有老友記又有後生仔，食客年齡層都幾廣泛，所以開咗幾十年仲喺度應該係有原因嘅。我自己對上海菜就冇研究，但就鐘意食煎包同鍋貼，不過呢間就唔啦⋯⋯ 呢間除咗豬扒外菜飯外，最鐘意就係粢飯同熱淡漿，今次都係食呢兩樣，可以話冇得輸。粢飯餡料有油條肉鬆同菜脯，饀份量算多，由頭到尾都有，不過唔平均，頭尾少啲。一件都算大大件，女仔嚟講，lunch都夠飽。淡漿有豆香，有水準，兩樣加埋可以當一餐。

我在附近上班，所以上班前叫了個鹹豆花堂食，鹹豆花非常足料，有好多菜甫粒，而且價錢便宜，食完還點了豬扒菜飯及黃豆排骨湯外賣，豬扒炸得好鬆軟，菜飯有好多菜，非常惹味，黃豆湯有濃濃的苦瓜鹹香味道超級好飲，下次一定會再惠顧

My coworker brought me to this place as I am not familiar with CWB at all. We were looking for a place to grab a quick lunch. I got the pork chop with vegetable rice ($42) and a glass of cold soy milk ($10). Thought it was interesting that they served the rice in two small bowls (they’re not as big as it may seem in the pic!) it was probably the equivalent of one normal serving of rice. It comes with a free soup as well and surprisingly didn’t taste like the typical MSG soup you get in cha chan

宵夜見人小小入去試下,環境老舊吾緊要諗住食完就走,叫左個牛肉擔擔麵同粢飯,都係正常味道花生粉味重,粢飯就暖既值得來試,食既同時外賣多碗五香牛肉麵,食完催左兩次終於拎出來,咁岩有客埋單,佢就係另一枱客到包裝set我個外賣,我問多次岩吾岩,佢話岩架啦冇找錯錢,答非所問就走人,比完錢過海番到屋企,夾舊牛肉見有魚骨,佢完全比錯左碗好腥既魚骨麵比我,我係吾食魚我連魚湯都吾會飲既人,我打番去鋪頭同佢地講番有件咁既事,我都未講完,佢就問番我:咁點?一樣價錢架wo先生 , 我其實只求簡單一句吾好意思就足夠, 仲要比錢買難受好7串,以後吾會再食呢間

今日收工後五知食咩好，路經呢間野，以為老字號 有翻甘上下質素啦，點知錯曬😅 呢間麵家餐牌上 麵呀 飯呀 窩貼呀之類既都有，一坐低見到對面果個人食菜飯，d 菜飯既菜 又老又黃，整個外觀睇落都五多想食，果個人最後碗菜飯食左一啖都冇就走左，所以我決定叫個麵食... 以為叫個麵食應該五會太伏掛？點知錯曬！ 我想講佢碗麵 食落去啖啖生粉味，而且總要 軟淋淋既情況下都可以啖啖生粉味...佢個雲吞都叫正常少少，起碼食落去 d 肉餡都有味，不過雲吞裡面包既菜又系又老又黃... 我另外再叫多碟菜心，好彩單獨既菜心五系又老又黃，又好彩唔係苦既 至於服務方面，我會比差評，事因d 客人岩食完 念住拿紙巾抹嘴時，佢已經收曬人地 d 碗 總叫其他客人過黎坐，話呢個客人就走，結果個客人一面不爽甘走左，最後我自己食完個雲吞同菜就急急走人，呢間野五會再黎第二次

呢間鋪係銅鑼灣已經開左好耐，難得服務keep 到 —- 差！ 咁多年都冇咩變過。講真，食物唔算特別好食，價錢亦都唔算平，服務又唔好，都唔知點解咁多人幫襯。今晚同老婆睇職業特工2， 散場後差不多夜晚10點，懶得四圍搵野食，老婆就提議食呢間，咁我就⋯唯有就範啦。叫左凍豆漿，有豆味，甜度適中，而且夠凍，我覺得係成餐最好味⋯鍋貼，大隻但唔好食，皮大厚，煎得唔夠香口，都肉醃得夠味。酸辣湯，算足料，味道不過不失。加再$10 叫碟油菜，d 菜芯百烚，太老，完全冇味！