上海香港麵家

营业中

休息中

因為買左飛係附近睇戲冇咩時間食飯以前食過一次，就得都幾正常就去左呢間上海香港麵家鍋貼 鍋貼個皮好厚有一隻個皮仲要已經穿埋上碟既時候都只係暖暖地個底又唔夠脆，完全唔合格豬扒菜飯本來就好鍾意食菜飯呢到既菜飯算係無誠意果隻無咩麻油香，同D菜好爛豬扒都算酥脆，但就油膩左少少跟飯送既黃豆湯最好飲有屋企煲既感覺津白炒年糕係3樣野入面最好唔會過咸而且年糕好煙韌無奇怪味食物又未去到難食不過就真係無咩誠意咁如果趕時間想快食都還可以既

年初一無乜嘢開，收貴都預左，入到呢間上海老店唸住食少少嘢醫下肚，點知真係食到不是太開心。秶飯 ($23)中等，即造所以都算熱，入面酸菜油炸鬼肉鬆份量都啱啱好，飯又不會多得滯，食完暖胃又飽肚，不錯。呢個鍋貼 ($35/4隻), 本身出奇點解有一隻個樣變左做生煎飽，原來賣哂。鍋貼完全唔熱，入面餡好難食，好咸好多味精，肉餡又好梅，個皮又厚，以上海的小店黎講，價錢貴都算不過真係唔合格 。生煎飽，食完一肚氣 。個皮厚不特止，雖然唔係貴不能要求太多，不過比小朋友食到真係好危險，希望小店留意一下吧。

每年農曆新年前，行維園花市是指定動作，想食得簡單同快啲，去此食店都係一個不錯既選擇上海粢飯，$20粢飯饀有基本的油炸鬼，肉鬆，炸菜，即叫即做 ，可按個人喜好加減饀料，糯米軟硬適中，個人覺得肉鬆唔夠多，下次可要求多肉鬆先，糯米相對較飽肚，一件都好足夠韮菜鍋貼，$25$25有4隻，韮菜味不太突出，鍋貼皮偏厚，同埋拎出黎唔熱的凍豆漿(忘了影相）$10，夠凍，豆味好香，鐘意佢唔太甜，難怪每枱食客都飲返杯

餐廳名稱：上海香港麵家地點：銅鑼灣渣甸街29號地下菜式：上海甜粢評分：9／10份量：一人小食味道：粢飯份量十足，口感煙韌。裡面包著油炸鬼及配沙糖，故甜味適中。價錢：～$20評價：坊間既粢飯林林總總，但好多時粢飯易學難精，飯會過霖，硬或沒有粘度。但呢家店舖已有數十年歷史，而且甜粢飯不是常能吃到。除了咸甜粢飯外，還有各式各樣的上海美食，本人推介豆漿，上海粗炒，小籠包及煎鍋貼!

上海美食黎到銅鑼灣行街，係就係好多餐廳簡，但都係以食西餐或者連鎖餐廳為主🤔。司令個日行街，食上海菜個條癮又起，即刻黎左呢間餐廳試試佢。 叫左粢飯($20)同酸辣湯($25)，酸辣湯偏酸，超開胃！忍唔著飲完一啖又一啖，而且料好足。好飲嘅酸辣湯真係可遇不可求架😍。仲有好出名嘅粢飯，大大個，餡料有油炸鬼、肉鬆同炸菜，少少可惜嘅係佢個油炸鬼淋左，因為係一早包定嘅，但食落都係好好味！係細個嘅味道❤️，同場見到個個都叫粢飯，睇黎捧場客都唔少！

睇完戲已經好夜,九點幾搵地方食野,想食下有湯GE野,就黎左衣到.搭台冇問題,一入去就有位坐,不過都有人氣.落單上菜快靚正,好似一落單轉個頭就已經有得食咁.我叫左上海幼麵加豬扒.第一次食幼麵,以前係屋企成日BO粗麵,原來幼麵GE口感咁得意!好味!!麵係條條分明,都吾會有生粉GE稠.個豬扒比我想像中好味,吾似拉面個D扒味,第一次食到衣種味...可能係因為直接放係湯入面,比D清湯搞到件扒都清清地,個皮林林地,但口感又吾UN,啖啖肉.朋友叫左醉雞飯,好得意,一叫就兩碗.飯我食左兩啖,我幾鐘意佢GE軟度.衣到GE飯吾似酒樓或者大家樂個種硬飯,佢係好有濕氣GE飯,應該係因為加左菜,菜GE水比米飯吸左.我本身都鐘意食菜飯,不過兩者比起黎我會鐘意上海面多D!!豆漿非常之好味!!

和朋友們有些事情要談，但去Coffee Shop之前打算先醫飽肚子。提議吃這家~朋友們都贊成就決定定好了。這晚人不算太多，一會兒便有位坐~! 點了一堆來大家Share  上海粢飯 ($20) 每次來這家必吃的! 不過沒想到現在來吃已經漲價到要20元..... 雖然還是很好吃啊QAQ但遲下沒得再升價時會否是餡料變少了呢(? 平時都是一開二~但跟侍應說一聲可開三。油豆腐粉絲湯 ($35)因為不知吃什麼好~所以點了一個朋友說之前吃過覺得OK的粉絲湯不過我們放到最尾才吃~雖然粉絲吸收了湯很惹味~但吃落有點撐肚咸豆漿 ($13) 這是我一次試~因為飲開的都是甜豆漿 如果不喜歡甜食但又想飲豆漿的可選這個味道很特別~有油條等等，是讓人覺得驚喜的一碗豆漿呢鮮肉窩貼 ($25)皮很厚~也很大隻! 不過不似是新鮮現煎的 >__< 上桌時已經是暖的了但餡料很多 

現在想找豆漿栥飯都真難! 我知道的只有這間, 這天好懷念小的時候食豆漿栥飯做早餐, 就來食。其實這裡我比較喜歡他們的咸豆漿, 但今天點了甜的, 甜的都可以不是很甜但不是很滑。栥飯裡面的榨菜比較少, 剛看了其他食評才知道原來可以加錢加榨菜。如果可以多一點榨菜, 這個栥飯會好食點。說好食也算不上, 來都是只想找回以前上學前食豆漿栥飯的記憶。

天氣有點悶熱，怕熱的我嚷着要喝凍飲。素知我要求多多的阿姨說不如找間小店坐下吧!這正中我下懷呢，剛好經過渣甸街的這間，而正好我倆都愛喝豆漿的。     這一帶的食店，租金貴得咋舌，也貴得有道理。以前是外國遊客，現在是自由行，都愛在此尋味。這間上海香港麵家也有不少歷史了，門前有不少遊客在探頭觀看，也難怪，店的陳設就跟一般的老派上海食店無異，紅紅黃黃的，很傳統的感覺。       只點了兩杯豆漿，難得阿姐並沒有黑臉，於是膽粗粗再坐一會。        這兒的豆漿最好的便是夠凍，十分消暑。不過感覺是來貨的貨色，略甜，豆味不夠濃，只能說是普通的水準。      臨走時順手外帶一份粢飯($18)，想不到這粢飯竟令她念念不忘，大讚美味非常。下次經過，我一定要親身試一下它的粢飯，也外帶一個孝敬她吧!

正在覓食，走過看到九成滿座，相信不會差吧，就入內找個位子~二人點了一件粢飯、一份煎鍋貼、一份醉雞、一碗豆漿~粢飯是預先包好的，切半上碟，剛好一人半件~ 整件粢飯肥肥的，其實是飯層厚厚，餡料並不多，油條又腍又韌，肉鬆和榨菜份量都少，味道不夠~ 在大埔墟和紅磡吃到的都比它優勝得多~ 不明白為何還可以售$19一件  實在不值...煎鍋貼底部煎得有點燶，皮粉粉腍腍，韮菜霉霉黃黃，肉餡鬆散無味，整隻鍋煎只吃到油味，不點醋真的難以嚥下 醉雞是整餐中最好的了~ 雞肉嫩滑有鮮味，酒香不太濃，但肥膏偏多~甜豆漿甜度適中，滑而無渣，但豆香不夠~以這樣的價錢，有更多更好的上海小舖選擇，不會再來了...

同朋友行完街, 肚餓轉到黎呢間鋪頭就入左黎, 點知都幾後悔因為d食物都偏貴我叫左個秶飯加杯豆漿已經成三十蚊!先講個秶飯, 又痴牙, 問題係好咸!!! 想飲豆漿中和返啦, 對我黎講又太甜朋友就叫左湯鮫, 價錢都成三十四十蚊 今次佢碗湯鮫竟然冇乜味. 望住我朋友一次又一次倒豉油就知道真係幾冇味! 但係要讚嘅係個皮都幾好入面啲料又夠足

早前在銅鑼灣做完嘢，個日又好想食油豆腐粉絲湯，所以就一個人去左位於渣甸街29號地下的上海香港麵家了！這試老鋪，不要寄望環境好，服務質素好！只求味道就OK了！今次一個人吃，點了油豆腐粉絲湯，浄水餃同灼菜心，盛惠＄80 多元，在銅鑼灣都差不多了！油豆腐粉絲湯 － 有幾條菜，油豆腐（即豆腐卜）同粉絲，味道不錯，湯夠濃又不咸，粉絲爽口，吸收了湯味，不錯不錯！浄水餃 － 喜歡上海水餃沒有韮菜，只有白菜同豬肉，一碗八隻都，size一般。個人喜歡落醋食，特別美味！灼菜心 － 只有一句，沒什麼特別，點它，只為食菜！沒有很大的評價，難得的是這些旺區還有老鋪，得閒來一下，因為不知何時會被急速發展的城市取化了

我對上海菜一般般, 不愛吃也不是討厭。可是這天晚上特別想吃餛飩。而距離呀肥上班地點又要近, 就查openrice 看看有甚麼好吃。最後看到這間老店, 食評原來幾多的。來到時, 已是晚上8時多。很港式的一間上海老店, 門面裝修到店內, 都舊舊的, 感覺很傳統。進入店內, 人很多, 看得出來很多自由行旅客在。我們找到位子之後, 就全店滿人了。晚飯時間的銅鑼灣, 這樣的一間老店, 必定要搭枱。幸好, 座位不是太逼, 仍有伸展空間。坐下立刻看看有什麼好吃。咦...不便宜喔。但坐下之後, 人流不斷, 客人不斷!應該是不錯吃, 所以才這麼多人光顧。姐姐店員相當忙。呀肥點的豆漿, 好飲是好飲, 但呀肥說有渣, 他不是太喜歡。他的豬排担担麵(新鮮豬排) $48他說一般, 担担麵的湯底味香太農稠,一開始吃的時候還可以, 但是吃不多兩三口就很糊。另外, 担担麵會有點肉鬆灑在上面, 如果不吃, 要記得落單時說明。而豬排嘛...就吃不出來新鮮...就是很一般的豬排。之後來的是菜肉餛飩麵 $40這個一定要推介, 餛飩超好吃。吃了幾口才記得拍照, 太好吃了!餛飩的餡料調味調得很到位。咸甜度恰當!而且每隻都包得飽滿

位於渣甸街西環小巴站既呢間廿四小時上海野。真係細細個就食到大。冬天買個栥飯先上小巴。一路暖手一路食可以暖到西環。中秋同做冬就係到買芝麻湯丸。到而家人大了。飲酒小不免。係銅鑼灣飲完個胃寒就一定黎呢到叫一碗咸漿。暖胃。解酒。醒神。又唔會好似食個面咁返到屋企頂住訓唔到。呀姐一收到ORDER就會拎個碗。一匙炸菜混蝦皮。一匙醬油混醋。加多一嘜豆漿就OK!仲會加D蔥花同三兩片油條。兩分鐘都唔洗仲快過淥杯面。等三十秒到豆漿就會比醋凝結左一層好似蛋花咁。入口都幾熱要小心D。輕輕既咸加輕輕既酸加濃濃既豆味同豆香。炸菜同蝦皮令味道層次更豐富。好多時都唔夠喉要整多碗。胃暖了。係時間返歸眠一眠

去親銅鑼灣唔想食咁貴嘅野, 又要好味嘅, 次次都係諗起食粢飯, 因為食過唔同舖頭嘅粢飯, 始於都覺得呢間最好味, 我由10幾年前嘅$9隻, 食到宜家$18隻, 值唔值? 上枱嘅粢飯熱辣辣, 雖然中間嘅油炸鬼係唔脆, 但係勝在好多肉鬆, 再加上少少炸菜, 口感仍然一流, 再加杯凍漿, 正到爆!!! 之後再嚟碗熏魚麵, 甜度適中, 一D都唔腥, 麵底只係簡單嘅上海麵, 但係麵質好滑, 加埋甜甜地嘅熏魚, 絕配!!