上海榮華川菜館

营业中

休息中

有日去觀塘行街，突然間想食上海野，Search到呢間黃得來又係老字號。Walk in去試吓，等咗差唔多成個鐘先有得食。入到去，坐就真係坐得唔舒服，好迫好窄，係舊式舖頭嘅感覺。由於佢哋嘅侍應廚房好似都唔係好多人，所以都係佢哋得閒主動行埋黎先有得落單。喺呢度食嘢都要啲耐性。嘢食嘅價位同出邊食上海野差唔多，二人餐都叫OK。所以就叫咗個二人餐。男朋友好鍾意佢個酸辣湯，好開胃，足料。醉雞，啲雞夠晒滑，不過我就嫌佢唔夠入味，亦都有可能係我自己鍾意酒味濃d！獅子球，我覺得普普通通，不過不失。跟餐仲送咗2杯八寶茶, 有好多唔同嘅養生植物材料，味道幾新鮮。