上海榮華川菜館

营业中

休息中

今日放工之後去咗觀塘APM行街，周圍搵吓有冇上海菜食，因為我今日突然間好想食回鍋肉，行吓行吓去咗崇仁街，見到一間老字號小店。青菜豆腐湯：好適合今日咁熱嘅天氣飲，簡簡單單好清甜，好有家嘅感覺。花雕醉雞：濃烈嘅酒香，雞身好滑，好有雞味，我係會連埋皮食。回鍋肉：炒得好有鑊氣，少少辣帶動到成碟餸，椰菜好掛汁，送飯真係好一流。八寶茶：我第一茶飲，甜甜地，好足料，飲完成個人好舒服。我哋兩個人去咁啱有個二人餐真係好抵食除翻開每人都係百零蚊，下次我會叫多幾個人去因為餐牌上邊好多選擇。

Immerse yourself in wonderful Chinese cuisine 🥢in the Shanghai Wing Wah (Sze Chung) Restaurant. You will really like the perfectly cooked 🍲 chicken dumplings soup 🐓 in casserole. The chicken is moist and tender. The Kung Pao chicken is highly addictive stir-fried chicken with the perfect combination of salty, sweet and spicy flavour🌶. It is a really nice weeknight dinner with a side of rice🍚. 🥢Shanghai Wing Wah (Sze Chung) Restaurant📍G/F, 15 Shung Yan Street, Kwun Tong, Kowloon, Hong Kong

喺觀塘街市出出入入, 成日經過都好好奇呢間餐廳, 今日終於可以一試喇! 好鐘意呢類懷舊冰室格局的餐廳, 不像商場餐廳般冷冰冰。牆上好多相同畫, 見到舊日觀塘樣貌都幾得意。叫了個兩餸一湯餐 ($258), 我地兩個大人一個小朋友都食唔晒哦, 呢個價錢抵食!蒜泥白肉, 蒜砌得好碎, 真係蒜泥, 做法無平時煮法咁落好多辣油, 無咁油膩。五花腩肥瘦均勻, 辣味好香, 太太就略嫌辣。糖醋排骨, 呢個必食, 叫碟唔辣的比小朋友食, 點知佢差不多食晒成碟, 佢個芡汁顏色味道炒得好靚, 酸酸甜甜送飯一流。雲吞雞, 雞湯足料入味, 大大件雞上碟上台, 一啲都唔孤寒, 雲吞飽滿, 呀仔都飲咗兩碗, 不過最後都真係太飽食唔晒, 好抵食!!八寶茶, 茶有驚喜, 清甜回甘, 足料有八樣材料, 可食可飲, 食到飽飽立刻消濟。

老店不老上海榮華川菜館店主保留左老香港原有貌，喜歡這種原味道喜歡懷舊嘅你地點可錯過丫😍呢到2人套餐都係200幾,價錢親民, 又食到老香港味道酸辣湯一定要點,真係好飲到停5到口, 酸尾尾好開胃🤩蒜泥白肉-多蒜蓉,豬肉又切得好簿一啲都5肥膩,用嚟撈白飯一流😍甜品方面豆沙鍋餅 - 每日新鮮出爐, 豆沙嘅甜度剛好，啲皮又做得好脆一啲都5油膩 最後整番杯八寶茶 - 飲完好驚喜丫一大開賣相好靚好清新味道甘甜的又健康養生

有日路過觀塘見到呢間餐廳，諗起以前學生年代成日嚟食，今次就再買外賣試下先。門面同印象中嘅差唔多，夠哂懷舊。今日就揀咗個二人餐，小菜、湯羹同小點各有一款。另外仲有兩個白飯，而八寶茶只限堂食先有。九王鱔糊 - 份量都幾多，韭黃爽口有口感，鱔肉都幾彈牙，個汁好好味，用嚟撈飯一流。雲吞雞 - 湯底好濃雞味，上海雲吞大大粒，餡料係雪菜豬肉。雞肉係成隻雞肶切開，食落啖啖肉。娃娃菜索晒啲汁好好味。春卷 - 即叫即炸好香脆，點埋紅醋更好食。白飯 - 粒粒分明軟硬適中有口感。

陪朋友去「YM² 裕民坊」選購太陽眼鏡，之後一齊食晏。由友人帶路，嚟左崇仁街呢間以紅磚、白紗簾作門面嘅食肆「上海榮華川菜館」。唔好睇佢店面細細，地方不大，一派街坊格局，原來係一間有超過四十多年歷史嘅老店，而且仲要係米芝蓮優質推介食府之一。👍🏽👍🏽我哋點左個二人餐 ($258)，套餐包兩款小菜、一款湯羹、兩客白飯同八寶茶兩盅。小菜揀左糖醋排骨同韭黃鱔糊。糖醋骨用上腩排炮製，食落肉質好酥香，鬆而不韌。糖醋汁嘅味道亦調校得啱啱好，入口酸酸甜甜，超級開胃。另外呢碟韭黃鱔糊 (+$38)  製作亦唔馬虎，選用傳統濃油赤醬，加入芡汁同韭黃炒香。鱔肉膩糯又不失彈性，加上條條都均勻地沾滿了醬汁，用嚟送飯真係一流！湯羹選了雲吞雞 (+$40)，雲吞雞以砂鍋盛上，用料十足。雲吞大大粒，內餡用上豬肉和蔬菜製成，蔬菜嘅清甜中和左豬肉嘅油膩，咬落去超有口感，皮薄餡靚。雞件肉質嫩滑多汁，一點也不柴，而且份量亦不欺場，加上湯底清澈鮮甜，入口溫潤順喉，飲完亦唔會覺得口乾，美味。最後飲埋杯八寶茶，內有菊花、杞子、蓮子芯、果皮、龍眼肉等等，入口甜甜地，味道溫和，用嚟潤喉很不錯，為今餐劃上完美句號。

今次我食左佢個二人套餐$258八寶茶🍵 。 佢個材料好足㗎有紅棗、菊花🌼、杞子、 蜜棗 、 果皮等等.... 。 店主話一杯可以冲兩次飲 ， 所以你飲完之後可以叫佢比熱水你 。佢個裝修個地板成個環境都好有6十幾7十年代黑社會講數feel 😹🤣😂 令我諗起港產片 。咸肉豆腐湯🐷 。 成個湯唔洗落雞粉唔洗落鹽都好夠味 。鎮江肴肉🐷 $58。 好似啫喱咁跟住又一啖一件 。衣個就另外正價叫既 。 姐係二人餐果度冇得叫既 。韭黃鱔糊 。好抵食好大碟 。 😋😋個汁好入味送飯一流 。香港畫家畫衣間鋪 。 都畫得幾靚 。 大家 follow 下啦 。糖醋魚塊 🐟。 佢有個糖醋排骨㗎但係我果日唔想食有骨嘅嘢所以揀咗魚 。 個魚好似咁洗咬咁 😂🤣😹 。 一把年紀或者個口好攰就食衣樣啦 。衣個係佢既其他野食 。

小店好有香港情懷，原來已經開左接近50年，淨係睇門面就已經感受到歲月嘅歷練。酸辣湯，個湯都幾大碗，兩個人都飲咗好幾碗。夠酸夠辣，入面有木耳、豆腐，幾開胃🙌🏻糖醋排骨，好熱辣辣，佢地用左無骨排骨肉，所以食落去唔會咬到骨，做法同傳統嘅醬料有啲唔同，冇落咁多醋但係又有酸酸甜甜嘅味道。招牌回鍋肉，選用肥肉片配椰菜同椒絲爆香，又脆又嫩，個汁好好味，用嚟送飯一流。推薦佢哋個八寶茶，好足料之餘飲落甜甜地，解渴又好飲❤️

觀塘呢間唔顯眼嘅上海菜館食物質素有驚喜! 裝修風格帶香港地道懷舊風味, 入到去先知原來曾經獲得米芝蓮推介呢!我就外賣咗【二人套餐】, 可以揀一款湯, 兩款小菜, 另外會配兩碗白飯。小菜選擇好多, 有5款湯羹供選擇。《花雕醉雞》呢個好食, 要推介👍🏻! 醉雞好入味, 酒味好香, 又夠濃, 雞肉肉質嫩《獅子頭》肉質軟腍, 配埋香濃嘅醬汁, 送飯好正! 《雲吞雞》個湯拎到返屋企仲係熱辣辣! 裏面有雞、雲吞、小棠菜, 份量十足! 個湯調味剛好, 清甜又好喝, 雞腿大大舊, 雲吞大大粒, 粒粒飽滿, 皮薄餡多~

今日又來到盡孝嘅日子啦，得閒梗係要帶屋企人食好嘢㗎啦，榮獲米芝蓮上海榮華川菜館，位於觀塘崇仁街，今日帶咗爸爸媽媽嚟食個三人餐，坐落去環境舒適，舊式餐廳風格，老闆仲好好人😍可以揀三餸一湯😋😋或者兩餸一湯一小點，仲送埋三個白飯同八寶茶，都係三百零蚊😛超級抵🥰我哋就揀咗招牌菜花雕醉雞，花雕味香濃，浸透整個雞，香滑美味，食過反尋味😍，另外我哋重點左另一道招牌菜奶油津白🥰，奶油配上菜，每一條都充滿着奶油，入口即溶，簡直是舌尖上的享受，最後就係糖醋排骨，軟硬啱啱好，唔會太淋太脆！十分推介🥰🥰🥰喺湯方便我哋就揀咗青菜豆腐湯，適合老人家或者鍾意健康嘅你的健康之選😙😙😙好嘢梗係要擺喺最後就係八寶茶啦😍😍超級推介呢個百寶查，混入左八種嘅食材，大家記得去探究下啦！😍😊整體上舒適放鬆，適合一家大細，我哋去食嗰陣仲有時間可以俾我哋傾吓計，唔使趕住走，推介大家可以試吓😍😍

古色古香既上海菜榮華川菜館，餐館保留了傳統風味🕺🏻上海菜，唔少得既當然係雲吞雞🐥今日我自己一個人挑戰2人餐🫵🏻🫵🏻奶油津白超級多奶油 ，再加上金華粒火腿，令到每條津白都沾上了奶油🧈🫵🏻雲吞雞四隻大大件嘅雞，再加上六隻大大粒雲吞，雲吞入邊有原隻鮮蝦配搭少少嘅蔬菜🥬再加上成煲湯，唔會邊飲水邊飲湯，真材實料，無添加味精😋我自己一個都已經飲哂了😂🫵🏻口水雞麻麻辣辣，極之開胃，口水雞嘅份量已經足夠兩個人食用🙌🏻雞肉嫩滑🐥而且10分入味，啲麻辣味道慢慢深入喉嚨😋自己一個人都可以食到兩碗白飯🍚🫵🏻八寶茶可以消除油膩感之餘，仲可以下火🍵🍵焗一陣先飲，甘甘甜甜嘅味道更加特岀👍

好耐冇食上海野啦🥲好彩仲有呢間係黃😆呢間懷舊小店原來開係裕民坊附近~座位唔算多 勝在價錢平民 人均百幾蚊都可以試到唔同既野~✨小籠包 $48一籠有四隻~ 雖然唔算好多汁 但皮夠薄 熱辣辣 倒啲醋入去超正🤤🤤✨二人套餐 (湯一款+小菜兩款) $258我同男朋友揀左花雕醉雞 九王鱔糊 (+$38) 雲吞雞 (+$40) 套餐仲包左兩盅八寶茶同兩個飯~ 醉雞好入味!!好重酒香☺️鱔糊啱哂餸飯 鱔都夠爽口 其實真係好抵食 成個餐咁多野 雲吞雞份量十足🙈我個日lunch打完邊爐 夜晚已經唔算食得多 鍋雞我淨係食左一件餃子同雞 我男朋友食哂淨低個啲然後話ok飽😐飲埋八寶茶好滿足😆

大家好！今日又係我銅鑼灣食神微服出巡嘅時候，今日好開心收到米芝蓮嘅邀請寫食評，出發尋找穩世食店，今次嚟到觀塘崇仁街，這間榮華川菜館。睇開我食評嘅都知道，我要講吓四周圍環境先，如果地鐵站行上嚟到金金地，當做下運動啦，如果揸車嚟，街王冇問題，小心抄牌。講返啲餐先，佢呢個套餐二人餐，二百零蚊，都好抵食。睇開我食評我其實好少寫菜式，都話希望睇咗嘅人，來自己試吓。我中肯講一句，他們的味道，不是大集團味道，這樣令我最開心，他們的味是小店的味道，味道沒有因為年代而改變，那個醉雞，幾好食值得一試。開頭看裝修，都有點錯愕，開了餐就明白點解曾經兩屆入選米芝蓮。因為我哋做食評嘅，都會因為價值而評論。他這個二人餐是2xx元，有湯有兩個小菜，有甜品，還有八寶茶。以價錢來評論，曾經入選米芝蓮當之無愧。他這家餐廳，好適合遊客，那些深度遊的，絕對看到香港的真正一面。

觀塘嘅特色小店，門面睇落都好有歷史感，代代相傳嘅感覺店入邊唔算好大，舊式茶餐廳的設計我地揀了2人套餐，夾款小菜同湯一款，如果平時一餐半餐可以食下懷舊美食我覺得價錢可唔接受小菜熱辣辣，第一款糖醋排骨，佢地用了無骨排骨肉，所以食落去唔會咬到骨，排骨肉吸入甜酸汁，顯得入味醬汁唔佢太酸，有自己特色香口的宮保雞丁，小小辣但超級開胃，配料用肉片挺夾，可以中和油膩感，終於明白人地講一道菜有味道嘅層次感因為火腿煙肉咸味重，到奄肉再到青椒最後雲吞雞，睇落有油，但都好正常有娃娃菜，雞同雲吞大大煲兩個人岩岩好雞肉嫰滑大大舊，一人可以食到3舊雞肉雲吞吸入湯汁，係韮菜皮薄餡靚湯睇落有油但一點都唔油膩，飲落清雞湯，配娃娃菜十分鮮甜食完飯飲杯百寶茶，菊花香帶有小小甜，應該係話梅味，加紅棗好養甜。地址小小遠但都唔難行，值得食一次嘅上海特色食店，傳統嘅手法唔係到到都會有，價錢嚟講唔會係普通茶餐廳嘅價，值小炒嚟講都算唔錯

平時在觀塘見客都只留在地鐵站附近， 最近先知原來有間隱世川菜小店！這間上海榮華川菜館 原來已在觀塘數十年，年紀都大過我😆，始於1975年，見證住觀塘發展！但人情味仍在，而且廚師👨‍🍳廚藝好，菜式仍保留風味，今日幫襯完都覺得下次要再來呢！我們下午時來幫襯的二人餐只係$258便有湯有配小菜兩款連白飯！更有特色的八寶茶！招牌菜式我覺得確係必點，特別係時菜獅子頭 ，出面比較難有，煮法用心，入味又好味😋另九王饍糊，新鮮惹味，順飯一流！加上湯品都配料十足， 我和同事都食到好飽，最後一讚八寶茶 ，是天然菊花、紅棗等花茶製成，十分清甜，夏天天氣炎熱飲咗好舒適的感覺！