上海榮華川菜館

营业中

休息中

有一次夜晚放學~ 係學校上網睇下有咩好食, 食下宵夜la~咁見到呢間個 有127個就食下~其實我成日都行嗰個街市, 但係我住左咁多年都唔多覺眼有間上海店~本人好鐘意 豆沙窩餅~ 就去試下~入到間店裏面, 好乾淨, 因為總係覺得餐廳係唔多唔少係有油同塵係牆到...我係拎走的, 好近我屋企, 同埋都好夜了~ 叫左個豆沙窩餅 同 八寶茶~睇落d野就好小, 好似唔低食~但係食落 豆沙窩餅 係好多豆沙, 同埋d豆沙 冇+到d番薯蓉~我阿sir話出面d人, 因為要平就會係d豆沙到 +勁多番薯蓉, 食落係好"傑"同冇豆沙味~但係呢個d豆沙就流得出黎~另外 杯八寶茶 都好多料, 真係有八種料以上, 係冰糖煮~ 有d我都唔識係咩料...P.s. 個老闆好nice架~ 我坐左係到等5-6mins 佢仲比左杯香片我地飲~

同屋企人行完街, 亞媽話想食上海野 見open rice 觀塘來說這間是首選就去試吓5個人叫咗4個餸銀牙鱔糊~ 好大條~ 好多汁~濃味~ 送飯幾好口水雞 有d 辣 但係好香~ 我一個食咗5件粟米羹 好大碗 抵食 食咗咁多濃味野 清清喉嚨 啱晒奶油津白 幾特別...唔似上海菜 個奶油有d 似西式菜 見到嗰d ~ 有fushion 感覺最後有杯八寶茶飲....甜甜哋幾得意~ 美中不足 係有d逼 始終唔係大舖就無坐得咁舒服

一行4個人 行完mk 再去apm行行到超累 朋友想起有間人氣上海鋪咁我地就特登走上去試apm行過去都要7分鐘 都ok的我地叫左口水雞 wawawa.... 我食一件已經頂唔順 朋友食得辣 話超好食 成碟食光光糖醋魚塊 我最鐘意的 酸歿甜甜 d魚又整得剛剛好雞絲粉皮 用個麻獎汁 好特別 好味酸辣湯 好足料 好好味上海粗炒 都幾好的 唔係太油 又好足料豆沙窩餅 本身叫左一個 最後因為太好食 我地叫多左一個 唔太甜 味道剛剛好!最後仲有4柸八寶茶 wawawaaa 好岩食完野飲 很棒!!一間細細的菜館 可以咁出色 我一定會再去

假日和家人一起吃晚飯。經婆婆的介紹下帶我來到這間菜館。開頭還以為是老人家的口味。我平日吃慣的多數是西餐。不太喜歡中國菜色但當我在首度小菜 (蝦仁炒蛋) 的第一口，既然發覺不是自己來之前心所想的老人家口味了．．．炒蛋配上一碗"靚仔"(即白飯)................正正正！！！還有芝士火腿and豆沙餅，推介！！！！！

今晚同女朋友去左食.....之前聽朋友講話呢間期好食口水雞，味道好好味：辣得來有d酸，好開胃！回鍋肉，味道濃鬱，用嚟送飯好好食小籠包 皮不煙韌餡多汁 唔肥全晚最欣賞的是尾隨奉送的八寶茶，味道清甜，芬香撲鼻，最後再叫多咗一杯。

係地鐵站行過去係有少少遠,但係d食物ge品質真係超好...我地有10個人,都叫左唔少野食,我最鍾意以下3樣:1.小籠包皮厚薄適中,唔會太厚,又唔會薄到一夾就穿.d豬肉餡料很多亦十分鮮味.係d湯汁比較油...2.糖醋排骨:朋友點ge,上菜時以為係咕嚕肉.店員之後先講返係糖醋排骨.,=,=,醬汁十分配合排骨...3.奶油津白:店員推介,奶油配合津白又有奶油的香味又有爽口的津白,食完濃味ge野再食e個真係正!!

今次係第一次試食呢間餐廳～ 女朋友話有同事食過話好味想去試咁話喎～雖然個環境比較舊式～鋪面亦唔算大～不過d 服務又唔差喎～由於唔係太肚餓的關係～只係叫左三款餸～個蝦仁抄蛋好足料～D蝦食落爽口~三鮮抄年糕味道又真係唔錯～D 年糕既軟硬度岩岩好～煎餃子食落OK～ 只係好似同出邊餐廳分別唔大～可能我預計會有驚喜結果無既關係啦～下次一定要試下傳聞中的八寳茶至得～

間野雖然難搵左D,但都唔算遠，地鐵站行多十分鐘左右就到！講返野食先，真係相當有水準，我地大概8個人到，叫左唔少野食首先講下小籠包，D肉汁好多好好味，我覺得甚至好食過鼎泰豐個Ｄ ..然後係膳糊，我最中意食既菜之一，呢度整得超好食！D膳咬落去唔會淋，相當有口感！整個菜配起黎都好好食！！！必點！之後奶油津白，Ｄ奶油真係和香，又係必點菜！再跟住有醉雞口水雞都叫左，兩堤個味都好好，雖然我比較中意吃辣而個口水雞唔係好夠辣，但都係好食，朋友唔係食得辣的就話剛剛好！而酸辣湯，由於我本身唔係咁好呢味菜，所以無飲到，但朋友就話都好有水準！估唔到好戲在後頭，豆沙窩餅！！雖然外表睇落去麻麻，又好焦咁，但係一食！唔係誇張，朋友同我都不約而同話食食過最好食既豆沙窩餅！一碟有六塊，我地唔夠分，初頭其中一個FD話唔食都得，但係由於太好食，其他人食一塊唔夠，於是總共叫左三碟！而我就食左三塊…但係其實都唔夠喉，不過由於要關門，所以就咁就算！為左個豆沙餅，我一定會再黎！加上其他野都好好味！仲有差Ｄ漏左個八寶茶，好清，去晒剛剛食野既油膩，好飲！

2個人~ 7點多去到~ 開始無乜人~ 但好快又滿晒~叫左小籠包~ 有8粒 雖然個樣比出面的鋪頭唔夠靚~ 但食落d肉好鮮~ 仲有湯的~再叫左糖醋排骨~ 個汁超好味~ 酸酸甜甜 超開胃~ 這個菜真的值得推薦~~ 仲叫左個銀牙鱔糊~ 個汁又係好好味~ d鱔都好新鮮~ 唔錯唔錯~!最後有2柸八寶茶~ 第一次飲~ 好特別 好飲!!唔知係咪我地好彩~ 我地叫的菜都好好味~我地一定會再去試試其他菜~ 我覺得都會好好食的~

唔知係咪換左老闆, 小時候所見既老闆不見了, 換左2個年輕人, 但食品質素,得一個字形容, 就係差, 超差, 琴晚食左1. 酸辣湯 (唔酸,亦唔辣, 材料超少,其中豬皮, 鴨紅完全唔見有, 只換來木耳, 紅蘿蔔絲,旦花)完全係偷工減料2.雞絲粉皮 (粉皮係碎濕濕, 夾都夾唔起, 雞唔係絲, 係粗條, 個醬汁唔係杰,係 好希,冇咩麻醬味, 最慘係,撈完d 醬後, 碟粉皮出水)3.什錦炒粗(材料只有, 肉片, 豬肚幾片, 但居然有橙色魚條, 又冇菜, 完全冇獲氣好言,只係算是一碟有顏色既撈麵, )4.豆沙窩餅(係預先做好再回鍋, 表皮焦黑)最頂氣就係,執台超快, 當你夾起最後一件豆沙窩餅時, 個年青侍應就執晒全部碗碟, 包括我食緊既碗仔, 當我放低筷子之後, 年青侍應就用1.9秒既速度收走我既筷子, 真係估唔到,呢間鋪食左幾十年, 愈來愈差, 唔去都唔算咩損失

系唔系咁黑, 叫3樣野. 3樣野都咁差!? 系官塘想食野, 上網睇睇, check 到呢間, .多好評, 唔貴. 天寒地凍, 想食暖胃野. 咪去試下囉.佢系上面街市再行上去, 都幾隱蔽. 叫左個 2人套餐.1. 雲吞雞~ 要 +$20. 個湯好清. 但滿是雞油. 雲吞唔好食. 雞好滑. 好重胡椒粉味. 但都仍然有點腥. 早知要酸辣湯算.2. 回鍋肉~味道無問題. 但個汁好'杰'. 一上枱熱住巳起膠狀. 食食下涼左, 湖成一堆. 有點嘔心3. 宮保雞丁~ mug 野來 ga. 差!!! 呢個就離晒譜! 都唔系 黎. 系另一個不知名菜式! 應該叫:' 胡椒粉抄雞片' . 雞丁變片唔緊要. 但唔系宮保做法. 只系落大量胡椒粉抄雞片. 奇奇怪怪裡面

這店地點位於觀塘街市區內﹐離地鐵站有一段距離﹐在寒冷的天氣下從地鐵站行到這裡雙手已有點冰冷﹐幸好店員讓早到而又拿了一袋二袋的太座不用到齊人便進內坐下等著。店內環境僕素﹐沒有什麼裝修﹐整店大概能容立二十人﹐圓臺當多人幫襯時會坐得有點逼。打開餐牌﹐見到這家唯一觀塘區的贊助餐廳將本網頁的介紹放在第一頁﹐暮求我們這些隱世食評多留意見。花了一段時間研究他們散叫及餐的餐牌後﹐發覺價錢相若﹐所以選了二人餐 $115 再加一籠小籠包。 銀芽鱔糊 +$20 – 是日沒有韭黃﹐所以點了銀芽鱔糊。 上海食品的特色是濃味及味道通常會較甜﹐這道菜亦不列外﹐顏色深色﹐銀芽跟鱔肉與濃杰的醬汁混在一起﹐ 味道不像其顏色般那麼鹹。味道不錯。 但黃鱔的肉質不太爽口﹐厚切了些﹐因而雖要煮內一點才完全熟透﹐另肉質有點兒過火而霉口。 但汁醬味道不錯﹐如黃鱔能切細條及薄一點便很好。回鍋肉 – 這道菜很香很辣﹐嗜辣的朋友會很喜歡。爺菜跟豬肉都被厚厚的辣油復蓋﹐跟白飯一起吃才能頂下這辣度。如不太吃辣能叫他們小辣。沙碢雲吞雞 + $20 – 吃上海菜多數都是喝酸辣湯﹐沙碢雲吞雞或砂鍋醃竹鮮。但擔心前者過辣﹐後者亦沒有提供﹐所以選了這中

有時突然間想約人，想同佢出去食飯，莫名其妙就唔會想食高級野wwwww感覺比較真切之餘，食物既本味會成為人同人之間既橋樑。上星期約左灼觀塘，一來觀塘就黎要重建，好多古早味好快就會係呢兩年內無左，二來，呢間係好食既。我地兩個人唔算好大食，不過因為天氣太凍所以叫左兩味中規中矩既:擔擔鍋麵:老實講，係兩人個人岩岩好既入量，我個人覺得比出面個d就多左d花生味，酸左少少?係咪因為有加少少酸辣湯既料?冬天飲一流!!...咦，個麵就普普啦。紅油抄手:辣品，還可以接受的辣度啦....同想像中有少少分別?唔知係咪因為有係酸左少少呢?乜滬家人咁中意加酸既咩?回憶之中又好似唔係...最後，因為太飽所以沒叫紅豆餅同酸辣粉不過紅豆餅炸既...唔想食。總之，是日呢間隱藏在柳暗花明之處既小小上海鋪，小二服務的確唔錯，而且似乎因為人唔係好多，大家食野無乜顧忌，呢一晚，小小靜，小小辣。哎呀，我都係唔記得左個八寶茶呀!!!!

今天覓食的地方是這間上海榮華川菜館.點了套餐, 可選一個餸或兩個餸, 因為只相差$10, 所以我們兩個人點了兩個餸.酸辣湯: 非常足料, 大大個鍋, 足足有4小碗份量!菜飯: 個人比較喜歡多油, 這個不夠油份, 沒有拍照花雕醉雞: 雪藏貨色, 沒有期望, 但酒味香濃, 調配不俗.糖醋魚塊: 醬汁美味, 魚塊鮮嫩, 正!甜品需另點, 要了豆沙燒餅, 外層煎得很香, 豆沙餡不會太甜, 正正正!!(原來套餐不包甜品, 埋單時才知道, 有點混淆...)八寶茶: 有紅棗, 杞子, 菊花等等, 味道清甜, 吃完濃味的飯菜, 再喝這個, 實在不錯.侍應很勤快, 上菜時間也算快, 值得再來.

去到觀塘特然想食上海菜，用電話上openrice.com Search出呢間【上海榮華川菜館 】，見openrice.com show左收晚上11點，但係自己又唔信喎，因為見今日係聖誕節，試下打去問下收幾點？接線先生：收１１點呀！係唔係想黎食野呀？你地幾多位呀？我：２位呀！接線先生：照黎啦，可以依家叫埋野食都得！我：我５分鐘內到架啦，係街市行緊上黎，黎到先叫啦！感覺好好，服務態度ｏｋａｙ！食完都冇趕客，不過自己都覺得唔好意思，食哂就即刻埋單走人！一定會再黎平、大碟