影片
更多
2019-03-01
68 浏览
觀塘區返工，喜歡捐窿捐"la"發掘新餐廳，今日黎到呢間小店，好有特色！有種懷舊老店既感覺，雖然唔係酒樓，但都係茶樓既碗碟上枱，仲有碗水俾你洗野，好有感覺！我地三個人叫左幾樣野食share，分別係涼伴海蜇、獅子頭、炒鱔糊再加小籠包，獅小頭同炒鱔糊係一人餐，會配飯+湯，其中一個轉左擔擔麵。食上海野最喜歡食小籠包，店員都好細心，拎小籠包黎既時候，特別提醒我地小籠要襯熱食，所以我地都即刻食～皮既厚度適中，唔會太厚，但都唔會薄到好易一夾起就散，肉同湯既分配都合宜，唔怕因爲湯太多太熱會整親，正😋😋獅子頭配有白菜，肉質都幾好，唔會因爲一大個球狀就熟得唔均勻！煮得剛剛好，肉質唔錯。炒鱔糊係朋友黎到就話叫既，我好似第一次食鱔糊，覺得幾好味，食落唔un，有咬口，加埋個汁，送飯超正！海蜇因爲我地後叫，所以都變左唔係飯前小食，但都食得好開心，我覺得海蜇有時容易變得好鹹，但佢又冇喎！擔擔麵有辣同唔辣揀，因為我地唔太食得辣就叫唔辣，擔擔麵係好味到我不停再添😂差啲搞到有人食得好少！野飲方面我同另一個朋友分別叫左豆漿同八寶茶，豆漿係pack好左既，飲落唔太甜，幾好！八寶茶就係我好少見到，而且之前飲過覺得好飲，所以見到
有種懷舊老店既感覺，雖然唔係酒樓，但都係茶樓既碗碟上枱，仲有碗水俾你洗野，好有感覺！
我地三個人叫左幾樣野食share，分別係涼伴海蜇、獅子頭、炒鱔糊再加小籠包，獅小頭同炒鱔糊係一人餐，會配飯+湯，其中一個轉左擔擔麵。
食上海野最喜歡食小籠包，店員都好細心，拎小籠包黎既時候，特別提醒我地小籠要襯熱食，所以我地都即刻食～皮既厚度適中，唔會太厚，但都唔會薄到好易一夾起就散，肉同湯既分配都合宜，唔怕因爲湯太多太熱會整親，正😋😋
獅子頭配有白菜，肉質都幾好，唔會因爲一大個球狀就熟得唔均勻！煮得剛剛好，肉質唔錯。
炒鱔糊係朋友黎到就話叫既，我好似第一次食鱔糊，覺得幾好味，食落唔un，有咬口，加埋個汁，送飯超正！
海蜇因爲我地後叫，所以都變左唔係飯前小食，但都食得好開心，我覺得海蜇有時容易變得好鹹，但佢又冇喎！
擔擔麵有辣同唔辣揀，因為我地唔太食得辣就叫唔辣，擔擔麵係好味到我不停再添😂差啲搞到有人食得好少！
野飲方面我同另一個朋友分別叫左豆漿同八寶茶，豆漿係pack好左既，飲落唔太甜，幾好！八寶茶就係我好少見到，而且之前飲過覺得好飲，所以見到有得叫，即刻點！八寶茶顧名思義有八樣材料，驟眼所見有紅棗、果皮、菊花、杞子等等，飲落去甜甜地，係清甜既味道！仲要有得再加水架！！值得一叫！！
最後叫左個甜品，豆沙鍋餅，黎到時係熱辣辣，所以大家要小心辣親呀，食落冇死甜既感覺，係真係豆沙既甜，冇其他加工味道，食得好開心！！
總括而言，食得好滿足🤤
张贴
