上海弄堂菜肉餛飩 (歌賦街) (已搬遷) 新店位置

食素既朋友今日話想吃上海餛飩，帶左我黎上海弄堂嘆上海菜。呢間裝修好有中國色彩既上海弄堂，古色古香，相信無論遊客或本地香港人，都會中意呢渡既舒適氣氛。體諒中環不夜天既節奏，呢渡午市套餐伸展到5pm , 適合late lunch 既朋友。套餐有不同選擇。我叫左 一人午膳套餐 98元。前菜選擇酸辣湯，主菜則要葱爆牛肉配麵湯，熱豆漿。酸辣湯真係既酸又辣，係濕熱既初夏有排汗作用，不錯。葱爆牛肉好有韮菜同葱香，牛肉柔熟美味。小菜一碟，無論配白飯、菜飯同麵條都好正！既叫即做靚湯細麵，大滿足也！吃素的朋友把紅油抄手轉素餛飩 HK 50， 也吃得津津有味，佢係上海弄堂的熟客，盛讚呢渡既上海菜正宗又好食。今日真係多謝佢既好介紹！

過開中環區剪頭髮，緊係要去歌賦街搵食，一整條食街真係令人眼花撩亂。離遠見到上海弄堂嘅招牌，忽然想起已經好耐無食上海野，於是就入去食返個lunch先再去剪頭髮。Lunch原來有午餐供應，而且價錢仲好抵食。先叫咗2個午餐再加一個湯花雕醉雞配湯麵雞件嫩滑而且滲出淡淡花雕香味，不太濃。湯麵湯底清甜，上海麵軟硬適中。上海炒粗麵材料豐富，肉片份量多而且鮮嫩，加上小唐菜，椰菜同炒，好濃味而且香口，超正砂窩餛飩雞 1/4隻雞湯底非常鮮甜，雞肉嫩滑多汁，仲有6隻大大隻嘅菜肉雲吞，雲吞饀料鮮味，菜肉清甜好好味呀！2個人食真係超大滿足！

今日突然收到畫圖妹WhatsApp， 話要買支table wine今晚年30團年，叫我介紹， 我話不如我買俾你啦！（唔駛煩！）又問我喺邊度返工， 我話乜你唔知架咩！？佢話唔記得， 咁都難怪， 因為我同佢其實都好耐冇聯絡， 對上嗰次係因為佢D common friend 嗌燒嘢食， 但佢唔得閒，點解呢? （後尾問返先知）原来係因為佢公司annual dinner 要飛返上海食， 但係竟然係食日本嘢，真係O晒嘴！心諗：喺香港食又平又正啦！ 不過，可能佢老細話， 唔係俾你哋食架， 係俾我啲客食架！Anyway， 就好似葉Sir D 飯局咁， 唔係飲Bordeaux 1st growth， 就係飲DRC， 點解呀！？ 因為一睇就知係貴嘢同好嘢， 人人都識！ 咁你話係咪真係咁好飲， 見人見智啦， 不過好多人會覺得： 呢個價， 大把選擇， btw 喺蒙瓶嘅情況下， 好多名酒評家都飲唔出呢個價位， 咁證明佢哋絕大部份人(包括好多名酒評家)其實都係label drinker， 正因為咁，我最鐘意同d唔知酒為何物， 淨係知好唔好飲嘅人飲酒，因為佢哋係毫無bias！ 正如好多HR 同你講，係一張白紙今

黎到中環既食街，今次試下依間睇落精緻既上海菜。入面都幾細下，放得6，7張枱左右，我地兩個人叫咗一籠小籠包，一碟煎餃子，沙窩雲吞雞，醉雞同一碗酸辣湯。都幾多野食下，一黎就係酸辣湯，味道幾好，但辣味如果再多啲就更加好。前菜醉雞酒味濃郁，但雞肉就有啲實, 質地麻麻。沙窩雲吞雞就好普通，湯味唔夠，淡咗啲，雲吞普普通通，反而隻雞都仲有啲味。小籠包就有啲失望，唔好食，皮厚肉實，完全唔係個樣野。都最後一樣菜就係煎餃子，估唔到依個反而有驚喜，新鮮熱辣之餘，咬落裡面仲充滿肉汁，味道濃郁。總括而言，不過不失啦。

上次同外國朋友晚餐，試過灣仔上海弄堂，菜肉餛飩一試難忘。今日趁旅行回來要派手信，順便相約朋友來中環店食個午飯聚一聚。餐廳地方唔算很大，但環境清潔優雅。午市有多款套餐選擇，適合有選擇困難症既我！原來午市套餐於星期一至五中午12時45分前埋單，仲有九折優惠。但我地今日好肚餓，order左份量比較多既1人套餐。1.     涼拌小黄瓜+上海炒粗麵 ($98)涼拌小黄瓜 ~ 開胃、爽脆、入味，唔會太辣，健康又美味！上海炒粗麵 ~ 炒得夠乾身，粗麵彈牙，配料有小棠菜、椰菜及豬腩肉片，醬油入味，好味！2.     菜肉餛飩+回鍋肉菜飯 ($98)菜肉餛飩4隻 ~ 上次試過好好食，今次當然亦不負所望。即包菜肉餛飩內饀飽滿實在，滿滿既小棠菜與肉香一入口，滿足既感覺又來了。回鍋肉菜飯 ~ 回鍋肉炒得有鑊氣，唔會太油，帶有少少辣味。豬腩肉片爽口，椰菜又不會過軟，的送飯真係一流。

週日的中環好寧靜，逛逛街之餘搵間有特色餐廳食午飯。午餐比較簡單不用食太多，只要清清淡淡己足夠， 忽然想起上海菜夠清不肥膩。牛腱煨麵煨麵的湯底比起其他湯麺淸淡，是清甜上湯, 麺條卦滿湯份外滋味！還伴以蔥粒，増加香味。牛腱爽脆有嚼口，不過有點過鹹，好彩有清淡的煨麵中和味道。小籠包熱辣辣，即叫即蒸。店員還提點小心熨口好窩心。皮好薄，咬了一小口，嘩啦！內𥚃肉汁滿溢，鮮甜有肉香，勁正！蘸少許陳醋可提鮮。不加任何調味更能顯出原汁原味。

中環歌賦街是出名的美食街，遊客和本地客都鐘意在假日來到歌賦街覓食。今次與男友一試街角盡頭的上海弄堂菜肉雲吞，食一餐假日的休閑午飯。店內環境古色古香，簡單的書香佈置予人恬靜閑適感覺。套餐選擇多元化，就算一人前來都有多種選擇。男友和我各自選了個全日套餐。無錫排骨酸甜開胃，入口鬆化，醒胃的醬汁搭配菜飯剛好。菜飯有雞湯咸香，份量十足。菜肉雲吞不愧為店家招牌菜，白菜粒爽口，豬肉肥瘦適中，而且饀料有用紹興酒餣過，吃起來香濃不油膩。相比之下，我點的醉雞較失色，肉質不夠嫩滑，份量偏少。而上海湯麵彈牙爽口，喜歡它的湯底有胡椒香，味道有層次。油菜和豆漿中規中矩，菜葉份量增加會更好。上海弄當的菜肉雲吞相當出色，而其他菜式表現不俗，期待店家繼續進步！

平時出街食飯，唔係西餐或者日韓，就係泰國菜，所今日放工特登去咗上環，試下呢間上海菜館，可能始於係中國人，食中菜永遠唔會嫌悶尢其是上海菜，選擇多，由小籠包、餛飩、上海粗炒等都是我的最愛！而間舖叫「上海弄堂餛飩」，係歌賦街，門外有黑色小牌大大隻字，十分親切。入到去環境舒適，有卡位，方枱同圓枱選擇仲要有不少畫，字畫及屏封做裝飾，十分別緻及具中國風睇下餐牌有咩食先因為太多選擇，挑選咗好長時間，好彩可以食住前菜花生，歎住茶咁揀最後點咗碎雞擔擔麵（$78）擔擔麵配上花生醬，辣得黎又有花生同葱的香味，唔錯！分量大之餘仲有醉鷄，一次試哂二種菜式另外，仲叫做餛飩雞（$98）超級大碗，大大粒餛飩，入面包著菜同肉，小唐菜同雞湯，又係其中一款我上海菜top favourite! 我地兩個人差D食唔哂再黎就梗係小籠包同煎餃兩款我都鈡意，不過特別推介煎餃，咬開入面充滿肉汁，放入口時，肉香同熱肉汁混合餃皮，令人食指大動最後，點咗個酸辣湯作完尾句號酸辣湯味道唔錯，加上配料有我特別鈡意的冬菇！下次如果再黎上環，一定會再來！

朋友嚟中環做開嘢, 相約一起晚飯, 唔想同人迫, 行上少少食上海嘢, 傾到計又抵食. 兩個人本來話食少D當keep fit, 點知叫叫吓都叫咗唔少嘢....脆皮素鵝, 回鍋肉炒年糕, 煎餃, 醉雞同荳沙鍋餅...果然天生餓底!脆皮素鵝 ($58), 即叫即煎, 嚟到熱辣辣, 皮香餡爽口, 蘿蔔絲, 冬菇絲, 雲耳絲清甜爽口, 一D都唔肥膩.回鍋肉炒年糕 ($89),  豆瓣醬味道濃郁, 五花腩肥瘦適中, 我就最鐘意個年糕啦, 咬落煙煙un un, 十分惹味.煎餃 ($38), 呢度最好係樣樣食物都夠晒熱, 煎餃又係熱辣辣上碟, 肉質嫩滑帶有肉汁, 餃子皮底亦煎得香脆可口.醉雞 ($75), 涼涼嘅醉雞肶咬落啖啖肉, 帶點微微紹興酒香, 食食吓又KO咗成碟.荳沙鍋餅 ($40), 份量十足嘅荳沙鍋餅, 厚厚荳沙蓉, 甜度剛好, 餅皮煎得剛好, 十分香口.另外一提, 呢度嘅服務員十分友善, 令人感覺好似當我哋係熟客咁招呼, 又不時幫我哋添茶, 不失為聚餐好地方.

因為朋友想吃中餐, 所以來了上海弄堂菜肉餛飩試試。我們點了菜肉餛飩, 十分大舊和足料。很喜歡一口食一個菜肉餛飩的感覺我們又點了小籠包。一咬下去小籠包中的湯汁就滲出來, 太正了!!我們點了雲吞雞。雞十分新鮮, 也有很多菜, 十分健全。湯也十分入味。我們又點了擔擔麵。擔擔麵的湯十分濃郁, 麵質也十分彈牙。我們又點了黃金排骨菜飯。排骨炸得十分香, 我和朋友也搶住吃呢今晚十分滿足,下次一定會再來試試其他食物

Shanghai cuisine normally will be one of our least preferred cuisine whenever we chose to dine out, but my wife suddenly have a change of heart today. She suggested to have Shanghai food today as it has been a long while since  we have last eaten.We decided to go to Shanghai Lane and it has few outlets in Hong Kong. We went to the outlet at Central and it was located just beside the famous beef brisket noodles, Kau Kee. They served a wide range of Shanghai dishes, and can be available for lunch

提起歌賦街通常我們首先會想到九記和勝香園，但其實該條小街近年都進駐了不少有質素的食店，好像日本拉麵、上海菜和雪糕店等，儼如區內一條小食街。你以為跟兩大龍頭食店一起是找死？意外地，其他食店也有它各自的捧場客，今次我就是專程試親友讚不絕口的上海弄堂。＊＊＊＊＊＊＊＊＊＊＊上海弄堂是一間新派上海菜館，店內乾淨企理，不再是七八十年代的上海餐館模樣，食客亦不需要步步為營怕弄髒衣服。食店有超長午餐時間，由11:30至17:00都有午市套餐提供，價錢由$48至$70，已經包括一個主食和一杯豆漿，比單點抵食得多。我們各點了一個午餐，再單點其他甚麼的share。凍豆漿是午餐包的，所以另外加錢，但如果要熱豆漿，則要另加$1。說是凍豆漿其實不是真的凍，只是微涼罷了，正好適合秋天的中午。豆味不算得別濃，勝在甜度適中，味道不過不失。花雕醉雞($62)花雕醉雞是一道冷盤，入口花雕酒味非常突出，雞肉調味適中肉質亦不過鞋。菜膽獅子頭($62)食上海菜不能沒有獅子頭，想不到午餐也有。獅子頭就是炸肉丸，每粒肉丸有乒乓球般大，旁邊伴以菜膽。獅子頭由於浸在湯汁內，外面其實已經不太脆，但裡面肉質卻非常軟嫩，吸滿湯汁，味道著實不

係中上環其實都有好多水餃專門店，但係講到味道同食物用材，呢間係我首選之一。呢度水餃雖然款式唔多，但係水餃皮超滑又夠薄，餡肉比重適中，豬肉新鮮有肉汁。另外，午市套餐最驚喜就係碟醉鷄，超好味，讚！鷄肉滑嫩，花雕酒味又夠香。另一選擇係擔擔麵，麵夠爽，傳統上海麵，配上香濃醬料，唔會得個辣字。溫馨提示，唔食得辣就唔好試，少辣都唔似平時食開既bb辣。午餐時段免茶芥，跟餐仲送豆漿。啲侍應叔叔好nice架，假如餐廳可以大啲放多啲座位就好了，我見好多人都係買外賣走，否則人多真係要預時間等下位。

欣賞完甘棠第大宅古典風格的健築，朋友和我在歌賦街找了這間店名和店內都帶點點古色古香的小店吃午餐。店子不大，但都坐得算舒服。有午市套餐，價錢比之前在旺角食過的一間上海店貴，但在中環來說好經濟了。而且，食完之後你不會後悔，會寧願貴少少吃好西！外國客人多，也有英文Menu ，而且價格同中文的一樣。我聽得多那些"好多食店給外國遊客的Menu價目上會貴一點"的傳聞，看來這間好有良心啊。散叫可以看這本。朋友在OpenRice看食評知道這裏出名餛飩，特別是西洋菜餛飩。我們當然想試。怎知賣光了。好可惜。吃到中段的時候，有人專登入來外賣西洋菜餛飩，想必一定很好吃了，搞到我們更想吃。唉~所以我們改變了策略，要了$82套餐裏的小食菜肉餛飩(4件)。主菜就加$6要獅子頭跟菜飯。菜肉餛飩放到好像一朵花。餛飩大粒，皮很滑又不厚。餡料很新鮮。肉質鮮甜。而獅子頭放了一會兒仍然是熱騰騰的。想起上次在旺角吃的凍獅子頭加又梅又咸的菜，熱騰騰的獅子頭好味好多！而且菜又新鮮又清爽。所以我剛才才說寧願貴少少也要選這裏了。外層香口，內層軟嫩，豬肉也是很新鮮。菜飯也不會只有少許菜作點綴，是貨真價實的菜飯！我們也散叫了別的食物。酸辣湯

下班在公司附近閒逛，發現上海弄堂在歌賦街都有分店。此餐廳在香港可算是老字號了，出品未必正宗，偏向住家菜少油鹽調味，正合心意。進來點了香樁菜伴豆腐，主角軟稔香滑，配菜惹味，最喜歡少油鹽，只需用上新鮮食材即可。跟餐前菜拍青瓜同樣少油，主要以蒜蓉和醋調味，青瓜爽脆，十分開胃。排骨菜飯，豬排略嫌炸得太乾，可幸真材實料，少油少糖，配合混入新鮮菜蔬米飯，整體還不錯。菜肉雲吞多菜少肉，且白菜清甜爽脆，雲吞皮薄結實，十分出色。小籠包表皮略厚，肉汁豐腴但不油膩，平穩之作。可幸中上環有此出品不俗的滬菜小館，區區會一再光顧。