上海婆婆336 (iSQUARE國際廣場)

营业中

休息中

突然想吃上海菜, 便來了上海婆婆, 這裡人流尚算多, 但又不用等位, 可以隨時來, 先點了一份小酸辣湯, 友人不吃, 我一人獨自享用, 我對酸辣湯的要求不高, 只要夠酸夠辣便可, 這份酸辣湯有豆腐絲, 木耳, 肉絲等, 不多不少, 反正我只是想一嚐酸辣的味道,  對湯料的配搭不講究, 這份酸辣湯對我而言值75分。另外, 還點了小籠包, 蘿蔔絲酥, 小籠包皮薄餡靚, 充滿湯汁, 我的慣常食法是先咬一小口, 把湯倒在湯匙上, 先飲湯, 再吃小籠包, 最後呷一口醋, 這樣能試清楚每一口味道, 我對這裡的小籠包十分滿意。蘿蔔絲酥的酥皮有點過厚, 但不覺油膩, 尚算合格, 蘿蔔絲也很清甜, 有加少少胡椒味, 十分可口, 如果皮再薄點便美滿了。

Worst Restaurant ever1) Fried rice was soggy when it came over. Seemed like it was either microwaved/or wasn't fried properly.(2) Food was cold. Not only was the fried rice soggy, the beef dish we ordered came over cold.(3) Ordered some dan dan meen (Which was supposed to have a spicy soup).What we recieved was noodles without any spicy sauce.  When we asked for it to be spicy, the chef just added the spicy condiment/sauce that was used for dipping.  I'm sure dan dan meen is NOT made like that.(

慶祝友人的生日, 主角選擇了上海菜作首選最後便定了于尖沙咀iSquare的上海婆婆336由於一早已電話訂座, 所以不用等很久就可以入座了很特別的MENU一行三女生, 點了以下食物都是著名的上海菜式, 就看看這店如何演繹了蒜泥白肉一片片薄薄的豬腩肉包裹著爽脆的青瓜條蘸上蒜泥和微辣的醬汁, 挺不錯的喔!!賽螃蟹不錯, 蛋白頗滑, 蟹肉的份量也不少 蘸上鎮江醋同吃更佳, 分量很足夠, 我們最後吃剩了一點松子黃魚魚身炸得有點過, 硬身了些, 幸好內裡魚肉還留有一點嫩滑甜酸醬汁調較比例尚可 奶油津白一般般, 沒什麼特別小籠包吃上海菜必點點心, 皮薄, 有湯汁, 很好吃蒸銀絲卷正常水準, 上桌時仍然夠熱, 配上煉奶吃, 不錯炒年糕醬汁味過濃, 不是很喜歡, 有點偏鹹總的來說, 這回的上海菜, 我們都覺得很滿足, 雖然有些菜味道一般, 但有幾道好吃的挽回了一點分數, 菜式的份量都很足, 我們都吃得十分飽,價格也不算十分貴, 可以接受

真係難食到唔想食！3個人一出Lift諗緊食乜接待姐姐行出門口親切咁叫我地入去order咗4樣野之後食物唔駛5分鍾送到1）上海抄麵：唔熱！（暖）啲䊢𠎀過你伯母。3條友真係食1啖之後唔想食2）沖油餅：又係唔熱！仲要用隔夜油炸定唔知点整之後个2碟唔想浪费时间再講去第二間食$230找數當買錯巴西对德国

一行三人於平日夜晚光顧，三人共點了五款食物加兩杯豆漿。此店在食物質素、服務、環境三方面都強差人意。先說環境方面，裝修時尚，座位之間都尚算闊落。但店員將檯面抹到一檯水，清潔馬虎，零分! 食物方面，三人一致認為難吃指數最高的：松子桂花魚松子魚賣相正常，但一夾起完全無肉，過份油炸，而且味道帶腥，完全不能接受。四小拼（脆鱔、小排骨、烤麩、肴肉）賣相也很不錯，可惜虛有其表，脆鱔一樣是過份油炸，而小排骨、烤麩則完全無味，唯一比較可接受的是肴肉。小籠包味道正常，但如果以主打上海菜為名的食店來說，是不合格的。相比起肥翠拉麵小籠包或頂泰豐，味道也相差太遠。炒飯炒飯炒得算乾身，不多油，但淡而無味，伴料亦不算豐富。蔥油餅蔥油餅是最好味的，乾身不油膩，又且還帶微熱，值得一試。價錢和食物質素不成正比，如果到尖沙咀晚飯來說，大可有更好的選擇。

兒子因課程上需要攝影，工欲善其事，必先利其器，父子倆齊齊去看相機，選購後，兒子心靈得到慰藉，又到了我飢腸需要慰藉的時間。年青人不喜歡上酒樓，但我又不喜歡吃快餐，結果我們走進這間 336，不明所以，為甚麼以號碼為店名，原來 336 諧音是上海話謝謝儂，即謝謝你的意思。相機是要分期付款還給我，所以不用說多謝，但兒子肯陪我吃飯，我也感到高興，多點些東西讓他吃個痛快。上海小籠包，是他的摯愛食品之一，一籠有四個，算得上是皮薄餡靚，內裏有很多湯汁，餡料是很細緻的肉丸，熱騰騰的，要小心熨嘴，很有水準。露筍炒百合，份量頗多，露筍非常爽口，百合也炒得爽脆，家中少吃，兒子很喜歡。三絲兩面黃，煎香麵條，以肉絲，菇絲，銀芽，紅椒青椒絲加個茨汁放面，材料豐富，也許我們放得久了一點，吃時麵條部份脆，部份有些韌，美中不足。椒鹽小黃魚，炸得很酥脆，魚肉雪白，味道甜美，我最愛吃炸脆了的魚皮，加上椒鹽十分惹味，難得是沒有用千年油來炸。韭黃炒鱔糊，鱔糊切得很粗條，能嚐到鱔的質感，新鮮無腥味，韭黄香口，茨汁不太稠，不錯。香蕉高力豆沙，兒子愛吃香蕉的甜品，見餐牌有，點一個讓他滿足，一碟有四個，圓圓的像個雪球，香蕉與豆沙是合拍的

336，你想起什麼? 那天和朋友說想吃上海菜，問她有什麼建議，她提議去369，但外面下著滂沱大雨，又沒有帶雨傘，她很快又彈出另一組數字，「336吧！」「336？」「上海婆婆336呀！」「什麼上海婆婆又336，是怎麼樣的餐廳呀？」還未攪得清336，便走進尖沙咀地鐵站，在I square 的出口搭上扶手電梯再轉𨋢上6樓，很快就到了朋友口中所說的上海婆婆336，因為時間倘早，才6：15pm，顧客不是太多，帶位員把我們帶到窗邊的四人梳化卡位座，坐位舒適，一座下已立即奉上熱茶，商場內冷氣冷冰冰熱茶暖身提神，盡舒疲勞。服務員並不會急著要我們點菜，我們拿起像畫冊的菜單，中英數字相片對照，分了前菜，湯，飯麵，點心，雞鴨豬牛海鮮，豆腐，菜蔬，甜品，一目了然，有很多想吃，因為只得兩個人，所以我們通通選了餐廳推介的食物，魚籽煙燻蛋，阿蘇大籠包，蜜汁火腿，冰鎮醉黃油雞，松子黃魚。 魚籽煙燻蛋煙燻蛋在很多上海菜館都吃過，品質都有差別，煙燻最重要的相信是火候時間的拿捏，時間太長煙味太多則會苦澀，蛋白變韌，時間太短則如吃溫泉蛋，名不符實。有些地方更會用上liquid smoke，拿捏不好則有如吃了一包香煙落口。普

每逢近節日的日子外出食晚飯慶祝, 阿爸總會說：「又多人又要等, 啲食店又忙又求其, 最唔鍾意。」氣憤憤駡完一輪都會出去食, 但大家都已一肚氣, 食乜都冇味! 所以今年我醒目一點, 早兩星期慶祝父親節, 訂好座位, 果然沒有發嚕囌。到達食店門口已見堆滿了不少食客在等候, 相當旺場! 爸爸一知道是上海婆婆便說曾經帶過他來吃。又話記性不好, 咁多年前還記得…… 是! 幾年前住在將軍澳亦曾光顧過該區的上海婆婆, 放在牆上的手繪中式公公婆婆大頭小孩畫像仍記憶猶新, 但位於尖沙咀iSQUARE這間上海婆婆336則煥然一新, 裝修和傢俱都很時尚, 數塊黑板貼在牆上, 以白粉筆畫寫上店名和畫上菜式, 很有藝術色彩。開放式的店子, 可讓外面的途人看到食客吃得津津有味的樣子。內裏有大圓枱、兩人座位及四人卡位, 大部份都是軟墊櫈, 最特別竟有吧枱連不同設計的高腳櫈, 相當新潮。我們被安排了一張窗邊的四人卡位, 位與位之間有許多空間, 坐得又舒服, 外景又正!安坐後便有服務員送上暖茶和餐牌, 他們還不時主動為我們添茶、上菜和執拾, 很有效率, 加上忙碌中仍保持有禮的服務態度, 值得一讚!看看硬咭封面的餐牌,

第一次寫openrice竟然係我與女友在ISQUARE裡的戲院看完電影後便去搵食，來到上海婆婆336門前等位入座。上海婆婆336店面設計裝修革新，洋溢新穎帶有復古風格，更會吸引路人的目光停留在外，繼而想踏入店內飽滿一番。我見過一些店舖的招牌都有著一組不明解意的數字，於是也在想此店中的「336」這組數字有什麼含意，當我看見紙墊上的文字才恍然大悟，原來是隨自上海話的諧音「謝謝儂」的意思。門牌充滿古英色彩燈光光暗度增強店內設計效果336上海小籠包小籠包裡面一半是湯一半是肉，好夠熱差點燙到，肉汁鮮味，蘸上醋酸味更增添一種味道。對不起，被女友先吃了一隻，求不及拍照。冰鎮醉黃油雞用陳年花雕浸製黃油雞，雞肉入味嫩滑，脂肪層很薄，入口滲出陣陣芳香酒味，舖上面層的碎冰更令口感涼快。紅油抄手香口惹味，入口滑溜，皮薄肉嫩，少少辣味令人開胃。煙熏溏心蛋賣相吸引美觀，黑魚籽鮮味帶出蛋的香滑，蛋白夠熟又有半熟半凝固溏心效果，味道出色。香蕉高力豆沙以蛋白炸成的甜品，豆沙幼滑配合香蕉的香甜，入口溶化，清新甜美，飯後必食之選。

唔知係咪旺區關係, 大部份餐廳都係限1.5-2小時, 雖然是晚並唔係星期五或者假期前夕, 真係唔明白點解仲要限食, 你話人多咁樣做係好正常, 亦都好啱, 等人人都有機會食, 唔會比部份人霸住, 但果晚都唔算多人, 所以唯有等齊人先入去................我同個朋友第一次去都, 諗住入去坐住等, 但門口個亞姐話限時2小時, 咁我地唯有唔入去住, 諗住叫佢比張飛我地當等位啦~ 佢竟然用唔太禮貌的語氣同我地講, 仲有位我地係唔會比飛架噃~ OK冇問題, 咁我地咪企响門口等lor~ 終於等到人齊入去, 雖然都等咗差不多十分鐘, 但中途係冇人入去, 所以都唔駛急~我地張枱係中間果d圓枱, 其實都夠坐6個人, 好似隔離枱咁, 就係因為咁, 本身呢張枱d櫈比人拎哂過隔離枱, 有d係坐, 有d係放袋, 只係淨返啱啱好3張櫈比我地, 我地仲係度話有冇櫈放袋, 但d亞姐都冇理我地........ 算~ 我地諗食乜, 當朋友諗食乜時, 我發現佢有個大黑板, 畫咗好多公仔, 又解釋咗佢地個"336"即係上海話的"謝謝儂", 真係夠意思, 而佢呢度d裝修唔似一般上海鋪咁古式, 係比較新潮d, 啱哂

在葵芳已經食過多次上海婆婆,但質素越來越不穩定,已經放在不錄用既LIST,而今日在ISQUARE睇完哥師奶,忽然有個想食小籠包既衝動,原因不明.那麼就順路試下上海婆婆336吧.BTW套哥師奶睇完真係估你唔到,原來隻哥師奶係好既怪獸,好乖好可愛價錢比上海婆婆每樣貴幾蚊左右啦,咁呢度裝修比較好,當係食裝修啦$32 魚籽煙燻蛋 ,其實$16/1隻,圖為2隻,煙燻味點到即止,不會太OVER,蛋黃濃厚,魚籽既咸味剛好把整個味道調節得更好.薄荷葉多餘裝飾來.$52 沙参玉竹燉螺頭,味道當然鮮甜,什麼湯下螺頭也好飲.沙参玉竹迫出甜度,瘦肉加添肉香.選擇呢個既我只係想尋回飲湯既樂趣,屋企個工人鬼識咩$38 上海酸辣湯,偷飲左一口,覺得辣度酸度比較高,有種辣椒粉既香辛味,亦有類似辣椒乾既獨特風味,幾惹味.早知叫呢個比自己啦$30 阿蘇小籠包,應該改名叫巨籠包,有點似菜肉包既SIZE.點解叫阿蘇小籠包?算啦唔理啦.呢隻野可能等於人地既一籠4隻我一拎去個碗度,已經爆炸了,只怪自己無技術.無計,只能當灌湯餃享用.湯夠鮮甜,肉味香濃,皮夠薄,水準幾好.但肉味不足.服務員見到我,話其實要用飲管飲左湯先,只係遲左拎

美魔女用以形容年齡看上後生的熟女,上海婆婆是個保養得宜的潮婆婆今日因為有CASH COUPON ,與家人來吃晚餐!尖沙咀彌敦道63號iSQUARE國際廣場6樓605-606號舖四小拼$92 (肴肉烤麵脆鱔小排骨)喜歡涼盤小併, 能帶出食慾肴肉雪得夠冷, 彈牙的豬皮,果凍層是肉汁精華, 難得唔會太鹹。整得夠結實唔會食到半途散開,蘸著黑醋己欲罷不能。脆鱔炸得脆身又香口,酥脆的油炸小食咬下利落,鱔肉帶酸甜的醋香。擺設都見到有心思,烤麵切成大小樣的正方形再排成金字塔形,然後放上香菇及黑末耳。烤麵吸了豉油的鹹香,沒有煮過爛,食到烤麵的彈性。小排骨的汁有點像山渣汁,顏色呈橙鮮明又吸睛,炆煮時間充足,一吃就骨肉分開,同樣是甜中夾有酸咪咪的滋味。魚籽煙燻蛋 $16 一隻對所有的半生熟蛋都鍾愛萬分,用茶葉煙燻令蛋白表面上了啡色,蛋黃徐徐的溢出, 蛋液甘香而濃郁,放上矜貴的魚籽, 提昇鹹甘鮮味。366上海小籠包 $32 (一籠4隻)阿蘇大籠包 $30 一隻別出心裁的放大版,大籠包味道同366小籠包一樣,一隻抵上差不多4,5 隻小籠包,中間的湯汁透徹飽滿,精湛穩紮的包功, 公整的摺口皮薄卻有承載力,注入了甜

星期六一行8人同婆婆去ISQUARE搵食, 見6樓上海婆婆唔駛等位, 餐牌價錢又OK就入去試下, 食物味道OK, 但服務就一般, 叫左十樣野, 埋單六百幾, OK啦, $60-$70 per head, 點左黃金炒飯, 炒得好乾身, 全部米黃色一粒粒, 軟硬適中, 個366小籠包好JUICY, 一籠四件, 要叫3籠先夠分, 最LIKE佢個南瓜餅, 如果人多想搵地方食飯又可以坐耐少少, 336真係一個好地方, 佢招呼唔多, 但又唔會趕客 !  不過今次唔記得影相. 

小弟家住美孚，曾幾何時都有一間「上海婆婆」，其實質素都唔差，裝修又夠時尚，不過，最後都結咗業；亦曾經幫襯過牛頭角道淘大商場嘅「上海婆婆」，仲記得一大班人食得好滋味添。今回老友吹雞叫開飯，地點喺嚟尖沙咀國際廣場嘅「上海婆婆 336」，知道佢喺「上海婆婆」嘅副線，針對年輕朋友，當然好有興趣啦。又再次掹住食友衫尾，小弟就老實不客氣，多謝老友請客！查實都未嚟過上海婆婆336，嚟到先知咁唔同，一反傳統老派滬菜店嘅格局，若非門口有大大個招牌，否則都可能以為自己搵錯地方。餐廳嘅用餐區以環形設計，正正中間喺廚房，近門口左邊嘅卡位似足西餐廳，而近門口另一列吧位已夠晒有型，繼而再進入大廳，不規則花紋地磚搭水泥地、水泥牆身、鎢絲燈膽、木枱木椅，懷舊得嚟型格唔老套。最意外喺晌尖沙咀依啲黃金地段，枱椅排得一啲都唔密，所以，坐落輕鬆舒服。主餐牌印刷精美，分門別類有齊冷菜、湯類、豆腐、河海鮮、豬牛、雞鴨、小炒蔬菜、飯麵、手造拉麵、點心、甜品及飲品，選擇過百款，可謂一應俱全。除咗有列明一啲「本店推介」，等大家減少選擇困難，仲有一啲「辛辣」提示，而部分菜式又有圖片以供參考，確實喺依家對食肆嘅要求。雖然，上海菜嘅基本特點

早前，我到訪尖沙咀 iSQUARE 國際廣場7樓的 <古法烘焙> 試食其出品；然後，我沿扶手電梯走落每一層，經過 6 樓的 <上海婆婆336> 型格裝潢，令我印象深刻！ 恰巧！4月尾那天晚上，謝謝食友 Annie 邀約，跟好幾位相熟的食友來到 <上海婆婆336> 品嚐上海菜！  可是，我在 iSQUARE Lobby 那層等兩部 lift，也等上起碼 3 分鐘！怎料一部 lift 不停那層，而另一部 lift 卻 full 了！  建議大家在 MTR 那層搭 lift 或沿扶手電梯逐層走上去。這間分店佔地四千多呎！   以上海菜館來說，確實很大！環境寬敞舒適，空間充裕！  鎢絲燈配合木餐桌椅子，別具一格！牆上黑板的粉筆圖案也是人手繪畫，(店方以光油之類物料塗層，以免弄花圖案) 更加入型入格！  另設有吧枱及卡位，迎合不同食客！型格裝潢佈置有別於其他 <上海婆婆>！原來有「336」的 <上海婆婆> 是新支線！怪不知風格也較為突破不同吧！  此外，「336」是上海話「謝謝儂」的諧音，謝謝的意思，別