上海婆婆336 (iSQUARE國際廣場)

营业中

休息中

晌香港食上海菜嘅餐廳多的是，不過，如果約朋友食飯，我會偏向揀啲食過嘅，因為質素大概知喺點，穩陣啲。其實，今次舊同學嘅飯局，地點都喺大家拋啲建議出嚟，選好嗰兩三間都訂位已滿，淨番walk-in位，唔穩陣，搏唔過。突然想起尖沙咀嘅上海婆婆336，好彩仲有位，不過周六要分時段，我哋又無乜所謂嘅。都成年無嚟過，依家少咗自由行，遊客區嘅生意可能差咗，但今晚周六所見，就算唔十足，都九乘幾滿。所以，話分兩輪，由於下一輪都唔喺多人得咁緊要，都由得我哋繼續坐 。除咗小弟，原來當中都有舊同學嚟過，所以，大家都建議咗一啲心水菜式，再加啲炒飯、甜品，就已經OK。 四小拼（脆鱔、烤麩、小排骨、肴肉）$102 喺小弟山嘅心水推介嘅冷盤前菜，一來可以一次高試到多款冷盤，二來脆鱔真喺好特別。賣相樣衰嘅脆鱔入口脆卜卜，酸香開胃；小排骨如平常食到嘅糖醋骨，肉質倒算做得鬆化；烤麩軟綿而吸滿醬汁，食落煙韌咬口；肴肉晶瑩的骰，口感爽滑。 魚籽煙燻蛋 $18 / 隻 專登點嚟推介比舊同學試試，因為真喺做得有水準及心思，金黃蛋黃半凝半黏，蛋香濃郁而溏心效果突出，蛋白爽口彈彈，蛋黃濃香而略帶煙燻味，賣相吸引，食味又

iSquare咁多間食肆裡面我最常去的就係上海婆婆，因為食物水準好穩定，環境算係幾好，又好彩我每次去都唔駛等太耐就有位。今日叫咗4樣：燻蛋（5/5）賣相靚之餘仲幾好味，好香煙燻味，個蛋黃中間有幾粒黑色類似魚子的東西，食完仲想再食。小籠包（3/5）唔差，皮薄，但唔算話特別出色，我還是喜歡鼎XX多一點 雲吞雞（3/5）用料豐富，雞肉唔“鞋”，個湯咸咗少少。擔擔麵（4/5）辣味和花生味比例很好，個湯唔會太“傑”，好味！

 好少係I-square食野...印象中個到既餐廳有babycafe, monster sushi, 丸龜製麵, 山頭火, 泰國同Vietnam 野, 滿記, 蟹, 炸豬扒同Te...今次黎到發現滿記轉左做茶木(上次都係, 但唔記得左), babycafe轉左做Luxe(Langham oyster buffet)...我地就去左茶木對面既上海婆婆336...上海婆婆我就食過一次, 記得有婆婆粒粒炒飯, 都OK既...但呢間就無呢個炒飯...我地叫左既有336炒飯, 婆婆擔擔麵, 336上海小籠包, 麻辣小籠包, 魚籽煙燻蛋, 凍什果酒釀丸子…魚籽煙燻蛋: 有得一隻2件咁叫都幾好, 唔會食唔哂…糖心蛋好靚, 有橙黃色既心…但無煙燻味, 咸味亦失奉…魚子有咸味, 但份量少, 無咩幫助… 336炒飯: 顏包同南小館既老干媽年糕一樣(可以睇我食評), 睇落去好似好咸咁, 但事實就唔係…有少少少少辣, 因為有紅椒絲, 青椒絲, 我仲見到有d黑椒(?)…仲加左d生菜絲, 所以無咁漏…飯粒粒粒分明, 而且干身…仲有好多蝦仁…不過有少少油…婆婆擔擔麵: 麵條好有彈性, 好好咬…又唔會太淋…肉碎無咩點

同男朋友係The One睇完戲, 豬仔話帶我去食至愛既高力豆沙 ，我仲諗起埋嗰擔擔麵呢 ！跟住豬仔行去Isquare既6樓, 有間食上海菜既餐廳，名字挺特別的，叫“上海婆婆336“。設於商場内既開放式餐廳，格局設計上已非傳統中國式，而係走台日韓式feel！都几大間吓，我地兩個人，可以坐到四人卡位，非常舒適自在呢 ！我地晏晝食左嗰buffet, 晚飯時段無咩胃口，清清地點碗排骨擔擔麵+香蕉高力豆沙share食喇1.排骨擔擔麵: 麵質過軟腍唔彈牙，排骨大大件但肉質比較硬實，炸得唔鬆化2.香蕉高力豆沙: 賣相算唔錯，脹卜卜，香蕉味香，但咬落去感覺嗰皮軟腍得濟，豆沙饀亦少！價錢並不便宜，感覺唔多抵食！侍應生服務好，收碟快，勤加茶

星期三既夜晚都幾多人去ISQUARE食野。平時成日見到上海婆婆咁多人去食, 於是就同男朋友去試下啦。好好彩我地唔駛等位, 而且坐係窗口邊梳化位, 暗暗地幾舒服。我地叫左3樣野: 一碟黃金炒飯, 一碗雲吞面, 四隻小籠包。一開始黎碟飯先, 個樣好似好令咁禾。跟住食果時, 好蛋黃味, 同EXPECT有差距, 不過都幾好食。食食下, 黎左個小籠包。因為太熱, 所以食埋碗飯先慢慢食。跟住襯仲算熱熱地暖暖地, 食埋個小籠包。我食過好多小籠包, 但唔係個個都咁好食。 呢個溫度岩岩好, 仲要一入口D肉汁就出左黎, 好好味。睇黎上海店食小籠包先好食既。跟住食碗雲吞面。 D雲吞隻蝦都幾大隻, 幾好味。不過食完小籠包, 始終食返碗面好似差咁D野咁。整體黎講都幾滿意。

溏心蛋味道清淡，只有蛋香和淡淡薄荷味，入口即化，卻又不會像溫泉蛋一樣黏口。當作主食的家常蔥花薄餅外脆裡嫩，鹹淡適中，蔥花的香味與餅的酥香共存，讓人吃完一角後欲罷不能。鹹香蝦球的外層裹滿了金黃色的鹹蛋黃，炸過之後外層變得鬆脆無比，蝦仁十分新鮮，口感爽嫩，整個菜配飯簡直一流。

想講講上婆婆336嘅一道菜---黃金蝦仁。因為有鹹蛋黃嘅關係，加上佢醃得比較耐同甘，蝦肉上面滿滿嘅鹹蛋黃碎令到呢道菜嘅味偏鹹，就咁食可能真係太濃，要用嚟餸飯先會好少少。蝦身都幾大隻，食入口都幾爽身，可惜真係鹹咗少少，唔太接受得到。

小窩向日葵和局外人都很喜歡上海菜。這天去到上海婆婆336的時間已經很晚，但還是要等位。好像很餓，我們點了好多食物。冰鎮醉黃油雞 (78元)賣相很美，很夠冰很好吃~雞肉嫩滑，讓人忍不住一塊再一塊。四小拼 (脆鱔，小排骨，烤麩，肴肉) (98元)最特別的是脆鱔，吃起來一點都不像鱔魚~下次要直接點一碟~乾煸四季豆 (68元)小籠包 (38元)湯汁滿滿~好吃。黃金炒飯 (75元)最平平的一道菜~~~~~~~~蔥花家常薄餅 (58元)一點都不會油油的~香香脆脆~~酒釀丸子 (28元)

以前對上海菜既印象係老土又守舊，而侍應都多數係外表固執既長者。所以我好少去食既。月頭條女出糧佢請D朋友去食，仲話請埋我去食，順便帶我見下佢D朋友 我問點解食上海菜，原來佢係上海人。D杯碟都唔係油立立，環境係新潮既，只少唔係老氣橫秋。奶油津白，味道好清但係又唔淡口，食洛口係好鬼清新好味。豆干紅燒肉，大舊肉好鬼好味，濃味又唔滯口，肥肉一D都唔滯既，連我條得98磅既女都話like。雞絲粉皮，麻醬好正唔會太漏口，粉皮撈麻醬去食好好味，雞絲撈埋更正。呢度既侍應係年輕人而且態度好好，今晚勁開心! 一黎，係條女請我食。二黎，係原來條女既朋友係好鬼靚女而且仲同我好啱key。今次貞係有SO。

昨天去了上海婆婆336我們有9位所以~我可以試曬我想試嘅野食啦銀絲卷$23好好味~外皮脆卜卜內裏軟綿綿唔錯小龍包$48麻辣小龍包$48Ok啦～湯都唔算多又唔算少肉就一粒大粒狀~唔算鬆上海粗抄$大約60唔算香~多油~我就一般上湯沙鍋雞$172啲湯~無咩味道~雞湯無咩味雞肉唔算滑京醬牛肉與义子$大約78抄得唔算香~味道唔出又只得肉~無咩菜~好膩义子又唔脆~比較硬黑醋排骨$78好香醋香味~味道唔錯~ 惹味回鍋肉油油油蜜汁火腿$98好得意用饅頭包住火腿加脆片口感得意火腿有好香嘅桂花味但就太多蜜糖义子甜品香蕉高力豆沙$48好得意~原來係熱架軟綿綿~裏面有香蕉，豆沙，幾好味豆沙鍋餅$48好正呀～脆卜卜熱熱的加上豆沙好好味~鍾意紅豆嘅一定鍾意

歲晚將至，阿叔請大家吃飯，為了遷就小雞，去了尖沙咀的上海婆婆336。魚籽煙燻蛋，上碟時燻蛋已一分為二，橘子黃且晶瑩剔透的蛋黃半凝半黏，溏心效果甚為出眾。一小撮黑色魚籽除了更顯高貴外，更能進一步提升燻蛋的味道和層次。煙燻蛋的流心蛋黃味道濃郁味美，蛋白Q爽彈牙，略帶微微的煙燻味，以及少許鹹香的魚籽味兒，水準不俗!四小拼一次過可盡嚐四款的前菜小吃，黑古勒突的脆鱔入口鬆脆，厚重帶酸香；小排骨較為普通，略感乾身；烤麩軟綿綿的，索滿濃香醬油；肴肉晶瑩的骰，爽滑啫喱夾著紅色的肴肉，味道濃郁，咬口不錯，是四小拼中最好吃的一道。涼拌皮蛋豆腐，堪稱是滑溜之選也﹗豆腐切得片片大小均一且薄身，入口十分細滑，且沾滿香甜的醬汁，煞是美味可口。吃時，一口嫩滑豆腐，一口Q爽甘甜的溏心皮蛋，清清爽爽，味道蠻搭配的。小籠包的賣相一般，摺痕清晰，惜未算十分工整均稱。然，小籠包皮薄餡鮮，且夠熱騰騰，入口時汁在口腔四濺，已十分好味了！薺菜豆腐羮煮法簡簡單單，材料也僅有薺菜、豆腐和蝦仁等，然，入味十分甘甜鮮美可口，健康之選，也教人甚為滿足也。黃金炒飯，即鹹蛋黃炒飯也。膽固醇超高，但十分好味道。長而尖的飯粒炒得極為乾身且粒粒分明，

哇！今日同朋友去完ala遊玩 帶著疲憊的身軀 尋找美食 。第二次吃上海婆婆，又有一番新驚喜。尖沙咀上海婆婆的室內環境比起其他分店更為優美，裝修別樹一格。絕對是與朋友閒談佳選。上餐快速，服務一流，保持一貫良好的食物品質。此外，最為驚喜個一道食物是蒜泥白肉。食物擺盤精緻，光是看已叫人賞心悅目。

餐廳裝修好有舊式餐廳feel 而且好有空間感 冇咁易覺得迫 坐起近窗果邊既沙發度 更加舒服 不過有限時呢樣就唔太好蟹粉黃金炒飯 蟹粉唔多 普普通通薺菜豆腐魚羹 聽落普通 但飲落又幾好 真材實料 有d驚喜黃金四季豆 所謂黃金其實係咸蛋黃 唔錯啦 四季豆本身幾難炒336上海小籠包 同其他餐廳小籠包差不多 上果陣唔夠熱

野食都幾濃味同埋都幾貴性價比唔係太高酸辣湯有d杰 不過不失炒年糕幾好 煙un咸香蝦球 送飯一流 但真係好咸個汁燒茄子 又係好濃味Overall食完係會口渴無咩事都唔會再去

大概半年前嚟過上海婆婆336食飯，由於菜式帶點新派，又做得有水準，所以，對該餐印象唔錯，記憶猶新。從雜誌知道佢哋出咗啲蟹粉菜式，就搵埋幾個朋友一齊試吓，初次邂逅佢嘅蟹粉菜式，唔知水準又如何呢？「上海婆婆336」跟「上海婆婆」有咩關係？336又點解呢？環境、菜式類別……依啲晌上次食評都介紹過，所以，都唔多費唇舌。雖然，聽講尖沙咀食肆嘅生意差咗，不過，仍有不少食店嘅生意不俗，就好似今晚所見，婆婆嘅生意認真唔錯，睇落估計都有九乘幾滿，當然都仲要睇人均消費額先準，食肆就最怕旺丁唔旺財，可是作為食客，人哋嘅生意額就難知啲喇。既然一心嚟食蟹粉菜，自不然聚焦晌個創意蟹粉系列餐牌上，由於我哋唔咩蟹粉狂熱份子，而且，有啲上次試過嘅心水冷盤又想介紹俾朋友，所以，眾多蟹粉菜中我哋只點選咗其中兩款。此外，再按大家喜好加啲富特色嘅菜式，樣樣有啲，就成為今晚聚餐嘅選擇。四小拼（脆鱔、小排骨、烤麩、肴肉）$95之前試過佢嘅脆鱔，超正，正想介紹俾朋友，朋友就心多多不如揀個四小拼，因為一次過試到多幾款冷菜。黑掹掹嘅脆鱔依然脆卜卜，沉厚酸香；小排骨喺幾款冷菜中較平實啲，肉質倒算做得鬆化；烤麩軟軟綿綿，索滿醬油；肴肉晶瑩的