上海婆婆336 (iSQUARE國際廣場)

营业中

休息中

今日放工我和同事一起食晚飯，行經尖沙咀找上海菜館食飯，有間店名叫上海婆婆，門面非常清雅，感覺唔錯，於是我哋就入去食飯。我哋點咗一個蟹粉黃金炒飯$ 110，當店員上菜時，未行到枱邊已經聞到蟹粉飯香四溢，當放在枱上時，蟹粉飯味更加濃烈，聞到已經流曬口水好想食，你會見到每一粿飯都非常飽滿，每一飯粒好像都穿着黃金玉衣一樣，粒粒都晶瑩通透，圓潤光澤嘅飯身炒得夠爽口，蟹粉份量絕不欺場，蛋味夠香濃，調味適中，惹味非常。一客上海酸辣湯$43，湯味芬芳濃沃，酸味適中，調教得宜，辣味剛剛好，大多數人都會食得到，好滋味，材料夠豐富，肉絲好像食麵一樣咁幼細夠新鮮，筍絲夠爽脆 清甜，冬菇絲又林又滑，香氣撲鼻，還有多種材料，刀工都非常幼細，芡汁調教恰到好處。一個蒜泥白肉$72蒜味夠香濃 ，一件清甜嘅青瓜，爽脆又多汁，好有清新嘅感覺，被一片白肉包裹著，晶瑩通透嘅白肉，爽滑而不油膩，鮮甜味足，彈牙又脆口，再加上面層鋪上厚厚的蒜泥，蒜味嘅濃香，三重絕妙嘅配搭，色香味俱全，茶價每位 六元，有加一收費。