上海婆婆 (黃大仙中心北館)

营业中

休息中

今晚約左屋企人食飯，就返佢哋近近地就揀咗黃大仙中心，通常有上一輩都會食中菜😅呢度裝修幾新淨，好多卡位，價錢唔貴👍👅菠蘿黑醋骨呢個可算係我嘅favourite菜式之一😁排骨掛汁，黑醋汁酸酸甜甜好好送飯😋👅蟹粉黃金炒飯我一心以為會有一pat蟹粉喺面頭，點知原來係撈咗落去一齊炒😂😂食落唔係好覺有蟹粉味😅但鹹蛋黃味夠濃郁，香得黎唔會膩👍炒飯粒粒分明👅酸菜炒福花菜老公好鍾意食呢兩樣菜花菜炒得啱啱好唔會太熟，酸菜開胃，又一送飯嘅傑作👍#黃大仙美食 #香港美食 #上海菜推介 #香港必食 #香港探店 #香港打卡 #上海婆婆 #香港旅遊 #香港必喝 #黃大仙探店 #香港中餐 #黃大仙中心 #香港好去處 #黃大仙推薦食品 #黃金炒飯

今晚再同老公食上海婆婆，2個人點了包點、小食、小菜同炒飯。蟹粉小籠包子（4個）$88冇記錯應該係第一次係呢度試，d蟹粉內既蟹黃、蟹肉好甘香鮮味，同本身肉餡比例恰當，湯汁鮮，皮薄，好滋味。松子雞米配叉子$95松子雞米味道又香又濃，肉碎唔會嚡同其他配料如芹菜、松子等一齊食好香又爽口。單獨食都唔錯，當然放落熱辣辣既叉子入面，配埋一齊入口，更好味，口感更佳。菠蘿黑醋排骨$85做法有點像咕嚕骨，不過用黑醋。酸既味道更加突出，新鮮既菠蘿帶出呢碟既甜味，所用既排骨都唔肥，加上炸過食落微脆香口。婆婆粒粒炒飯$82之前都食過，保持到水準。有臘腸加上醬油，味道食落有d似糯米飯，炒得粒粒分明，唔會太油。家鄉味道，好味又飽肚。

心血來潮想吃上海菜，同事建議到黃大仙中心北館的「上海婆婆」午膳，這裏的午市套餐，有我喜愛的餸菜，附送例湯及白飯，可加$6有豆漿，而加$18有多款小吃選擇，加$12還有酒釀丸子，性價比高。🔸清炒河蝦仁：粒粒蝦仁晶瑩剔透，超爽脆又入味！🔸松子大黃魚：炸過的大黃魚表皮鬆脆，配上酸酸甜甜的醬汁，真的越吃越滋味！🔸雞絲伴粉皮：粉皮彈牙亦好滑，配上青瓜絲口感滿足！🔸鎮江肴肉：這個小冷盤，口感清爽，點鎮江醋食好開胃！🔸酒釀丸子: 暖笠笠甜品，味清香，丸子煙靭，有淡淡酒味，不錯！

今日和同事到公司附近的“上海婆婆”午膳，餐廳地方寬敞，我們被安排坐於卡廂座位，環境舒適。🦀蟹粉小籠包～小籠包皮薄肉鮮，蟹粉鮮香味美。🦀🥬蟹粉扒豆苗～正值大閘蟹當造期，當然要點這道蟹粉系列名菜吧！豆苗爽甜，蟹粉鋪滿菜面，非常澎湃。🫕🥣淮揚酸辣湯～酸辣湯又是另一必點的上海菜式，加上今天氣温驟降，喝碗熱湯令人特別温暖！湯料足，包括荀絲、木耳絲，冬菇絲及蛋花等，味道微酸帶辣，口感惹味，非常醒胃。🐔陳年花彫醉雞(例)～醉雞充滿花彫味，雞肉嫰滑。

上海婆婆，顾名師義應該是上海家常菜，但這在外吃的家常飯並不便宜。上海粗炒，上回吃了，感覺似是炒時加水太多，或炒完蒸出來的感覺。這次吃的是多時未吃的炒鱔糊，鱔條比較短，可能是鱔本身比較小吧！野味不足，卻味道還可。

最近去咗黃大仙中心嘅「上海婆婆✨」，真係好味，呢間餐廳絕對能夠成為我既飯堂之一，因為佢哋嘅上海菜式味道實在夠正宗，選擇又多，而且價格合理，環境又舒適，食過返尋味！我點左佢哋嘅松子大黃魚，魚肉鮮嫩，外脆內軟，配上香脆嘅松子，真係一流！酸辣湯雲吞又係一個唔可以錯過嘅選擇，湯底酸酸辣辣，雲吞夠餡又大隻，令我一口接一口。仲有炸排骨拉麵，拉麵麵條彈牙，加埋炸排骨，外脆內嫩，好滿足！最後，飲杯豆漿，甜度適中，清新又健康。總括來講，「上海婆婆」真係一間值得推介嘅餐廳，無論同家人定朋友一齊去，都係一個好選擇！

自從「上海婆婆」於黃大仙中心開設分店後，我便成為常客；今天到店享用超值下午茶，$60 便可享主食、小食及鮮豆漿，更免去茶錢及加一服務費-🔹下午茶套餐 $60▶️四川擔擔麵麵條頂上肉沫及花生碎肉沫鮮味細緻，麵條細滑軟身且掛湯，微辣的濃稠湯底配搭花生碎及麻醬，足夠滋味▶️上海小籠包 3 隻外皮輕韌，咬開時湯汁隨之流出，豬肉餡軟滑帶肉香▶️豆漿微甜帶不錯的豆香-🔹下午茶套餐 $60▶️北京炸醬麵麵條份量十足，足夠二人分享先淋上清湯，撈勻後享用；甜辣平衡的炸醬，配搭清新爽甜的青瓜絲及細軟的麵條，是正宗的味道▶️京蔥牛肉包 2 個煎至微金黃的牛肉包外脆內軟，牛肉軟滑鮮味，肉汁豐富-🔹蟹粉炒河蝦 $178加入毛豆炒成；蝦肉份量充足，鮮爽彈牙，配搭滿滿細膩而鮮香的蟹粉，回味無窮-🔹清炒豆苗 $88炒得毫不油膩，豆苗翠綠鮮嫩，加入上湯令豆苗更香甜

好耐冇食上海嘢，今日行過商場見到上海婆婆，咁一定要encore啦。餐廳裝修得幾靚，晚市都幾full下。兩人都可以安排細卡位，坐得好闊落。除咗晚市menu，從傳統上海嘢到川味辣嘢都有提供，好難揀TIM。可樂，叫隻可樂配辣嘢，汽水接辣一流。江南小排骨，排骨切到一口大小，先炸再燉煮。排骨肉質厚實緊致，糖醋汁酸甜惹味，作為涼菜黎講唔錯。上海小籠包（4只），即叫即蒸，送上來仲熱笠笠。小籠包皮薄肉嫩，湯汁鮮美無比，最好再點上鎮江香醋，簡直係人間美味。韭黃炒鱔糊，鱔糊已經預先脫骨，切到兩寸大小。用大火爆炒方式烹飪，好有鑊氣。鱔糊皮脆肉嫩，韭黃啱啱斷生，同埋調味偏上海香甜口味，食到停唔落口。農家小炒肉（辣），五花肉肥厚相間，切得好薄身，再落入豆瓣醬大火爆炒，逼出五花肉油脂，食落唔會好滯。調味偏香辣，唔會好辣，同埋配料豐富，有豆干，青椒等配菜，全部食曬真係超飽！

價錢抵食 份量適中 選擇多多 好啊乜都想試吓嘅朋友🤭今次一家👨‍👩‍👦‍👦四口去食 我哋點咗四川擔擔麵 🐔 雞絲海蜇青瓜 黃鱔羹 蔥油餅 炸饅頭 先講擔擔面 拉麵底 麵條煙韌 湯底香濃 有花生同芝麻碎 仲有一啲香蔥 唔會太辣 雞絲海蜇青瓜係一個比較特別嘅組合 但味道上中規中矩 就係雞絲海蜇青瓜嘅味道🤣 黃鱔羹 係黃鱔配京蔥 仲有啲甜醬 平時比較少食 蔥油餅係即叫即正 上枱時仲係熱 鬆脆 最後炸饅頭絕對係經典小食 配煉奶一流每碟嘢價錢都唔算好貴 好方便客人鍾意每樣都是一下☺️

我要宣布上海婆婆正式成為我近排嘅飯堂，餐廳環境寬敞乾淨，嘢食一啲都唔貴，而且食物嘅質素有絕對嘅保證！非常推介！北京炸醬麵🍜$65每一次嚟食上海婆婆我都一定會嗌北京炸醬麵㗎！手拉嘅拉麵，口感特別好，配埋炸醬同埋上湯，真係幾好味！婆婆粗炒 🥘$82呢個粗炒嘅配料都幾多，醬汁嘅份量適中，唔會太鹹，而且麵條幾有咬口，幾個人一齊share，每人少少都幾好！美極油爆蝦🦐$98非常推介佢哋呢一個美極蝦，連蝦殼都整得好脆，可以連埋蝦肉一齊食，無論係味道同口感都一流！唔使$100就已經有十隻肉質勁新鮮嘅蝦，抵食！砂鍋雲吞雞（小）🐔$102呢一個砂鍋雲吞雞嘅雲吞幾好食，入面仲有勁多娃娃菜，配埋湯底一齊煮嘅娃娃菜好入味好好食，雞肉就略嫌嚡咗少少～

之前試過上海婆婆其他分店，覺得唔錯。今次試黃大仙店。前菜叫咗江南三小拼，包括水晶肴肉、江南小排骨及三喜烤麩。水晶肴肉口感爽滑，江南小排骨味道濃郁，三喜烤麩亦入味。另外叫咗酸辣湯，酸辣味道適中，湯底濃郁，飲完之後感覺暖胃。食上海菜梗係有叫小籠包，肉餡大汁多，值得一試。主菜叫咗糖醋魚塊，酸甜適中，魚肉外脆內嫩，幾好食。酸菜炒福花嘅酸菜味道同福花菜嘅清甜配合得幾好，幾開胃。總括嚟講，上海婆婆嘅菜式味道唔錯，性價比高，值得一試。

放假最啱做同屋企人出去食嘢，媽咪鍾意食上海菜，今日嚟到黃大仙中心，行咗一陣街就到上海婆婆食嘢，餐廳裝潢明亮，座位舒適，傾偈都好舒服😌🌟 蔥爆牛仔肉牛仔肉鮮嫩，加上醬汁，醃得好惹味，而且份量好多，加上大蔥，香氣撲鼻，送飯一流😋🌟砂鍋花膠雲吞雞我哋嗌咗半份，但用料十足，雲吞大大隻，皮薄餡靚，花膠彈牙，雞肉鮮嫩，湯底濃郁美味，抵食！🌟川渝小籠包特色上海必點菜式，小籠包皮薄餡靚，表皮一半係帶着紅色，顏色鮮艷，吸引💗🌟一口炸小饅頭每次嚟到會點的小饅頭，炸得香口，沾上香甜的煉奶醬，美味可口🤤🌟排骨擔擔麵排骨大大件，炸得酥香，非常厚切，擔擔麵湯底濃郁微辣，花生醬味突出，份量充足，非常抵食👍🏻

帶朋友去參觀黃大仙祠的後花園「從心苑」，小橋流水行了半天，之後便返回黃大仙中心食午飯。上海婆婆就在中心北館地下，闊落明亮，最方便也最具人氣。（午）銀芽炒鱔糊+白飯+例湯（$78）（午）婆婆牛肉麵+上海小籠包（$72）黃金四季豆（$78）青花椒小雲吞（$58）高力豆沙（$58）鮮豆漿（+$6）三喜烤夫（+$18）銀芽炒鱔糊是我最喜歡的上海菜，炒好的鱔糊口感滑嫩，銀芽則爽脆，兩者既對比又融合，加上鮮美醬油，色香味俱全，可以送一大碗飯。相對來說，婆婆牛肉麵則比較清淡，湯底甘甜，沒有濃烈的藥材、醬油或辣椒，只有清燉牛肉湯和軟腍牛肋條，簡單好喝。清甜四季豆用鹹蛋黃醬來烹調，更添風味和口感。師傅煮得適中不過鹹，一口接一口好快清曬。青花椒小雲吞麻辣鮮香，小需吞皮薄而滑，好好食。高力豆沙質地柔滑，入口即化，豆沙餡甜而不膩。可惜它一早便上桌，稍為涼了點，下次記得食完飯才叫這款甜品呢。

黃大仙的上海婆婆，木質桌椅散發出溫暖的光澤，每一處細節都透露出經典與時尚的交融。服務員微笑迎人，讓人感受到家的溫馨。餐廳經營上海菜式，上海的特色菜應有盡有。這裡的上海小籠包，皮薄而飽滿，肉餡鮮美多汁，一口一個，滿滿的鮮甜味道！生煎包底部外皮酥脆，內餡鮮嫩，搭配特製醬料，更是提升了生煎包的整體的風味。上海大雲吞，個大料足，雲吞皮滑嫩，食落清甜鮮味，配有菜心和雞蛋絲，帶來了獨特的清新。婆婆粗炒，是一道色香味俱全上海特色粗炒。配料有白菜仔、冬菇絲、椰菜等等……，粗麵入味，夾著肉絲與蔬菜，炒製得宜，再點上辣椒醬，色香味俱全。雪糕冰粉，口感细腻，甜而不腻，夏日消暑佳品。在黃大仙的上海婆婆，每一道菜都是廚師對菜式的精心製作，讓人回味。

［📍 黃大仙｜上海婆婆 ］黃大仙中心北館勁多野食，一上到去睇到上海婆婆裝修好靚，環境都好闊落，睇完個menu仲要勁多選擇，咁就不如坐低試下佢。首先叫左排骨擔擔麵，塊排骨酥炸出黎勁香口，而且大塊得黎仲要係厚切。擔擔麵夠哂花生醬味，麵既口感夠彈牙，唔會一坺嘢咁。另外叫左個上海菜必食既蒜泥白肉，肉片切得夠薄，蒜蓉嘅份量足夠，配埋秘製既甜豉油，夠蒜得黎又唔會好辣。好想食酸辣野，於是就叫左個熱辣辣既酸辣湯雲吞，雲吞有5粒，皮薄餡靚，酸辣湯都有少少辣，而且湯料都好多，酸酸辣辣幾開胃。最後叫多個琥珀合桃芥末蝦球，蝦球炸得外酥內嫩，口感鮮脆。芥末醬係會有少少辣，但配合埋合桃中和返個辣味，味道層次豐富。成個環境好寬敞同坐得好舒服，七點幾嚟到都差唔多滿，好多捧場客，上菜速度又快，食物選擇又多，員工都好有禮貌，整個用餐感覺良好。蒜泥白肉片 $78酸辣湯雲吞（5粒） $68排骨擔擔麵 $72琥珀合桃芥末蝦球 $148茗茶@1 $6