上海三六九菜館

营业中

休息中

為明天展覽會，差不多10:00才離開會展。一行四人各order，鱔糊客鈑OK，有同事叫了排骨麵，太多油而麵太淋，結果吃不完。去年展覽會期間來過一次，覺得差了一點點。

之但係我又食唔出兩邊有咩分別，同埋兩邊d裝修都係差不多......不過點都好都執左咁耐了......

果間都開左十多年，但同呢度係兩間舖，食物是不差，但講歷史當然唔及呢度咁耐。而家都變左萬寧了。

細個個陣試過俾阿媽日日order我落去買野食當dinner，間唔中上去食晚飯tim。質素兩邊都差不多，不過個時合和近屋企多d所以成日去個邊。最鍾意叫佢地個獅子頭客飯，幾惹味不過d菜就煮得過左籠黃晒，anyway我都幾鍾意食。另外全家都鍾意叫上海粗炒，不過我就覺得油左d所以麻麻地鍾意，呢度個個侍應我都買野買到熟晒咁滯，我一去買野食實同佢有排傾傾到走，可惜又係做唔住執埋。而家呢度我每次都見到幾旺，都幾戥?開心的，唔好執呀!!

呢度以前叫杏花村，位於修頓球場對面的舊樓。傳下來到呢一輩經營易名三六九，亦搬左來柯布連道，兩間舖由細食到大都食左幾十年。多數上海舖菜色都有，如鱔糊、獅子球、回窩肉、雞骨醬、窩貼、小籠包、花卷、銀絲卷等都有得供應。味道屬傳統上海手法，濃味而足油水，個人覺得比很多所謂新派上海菜的長龍店好吃及有意思得多，當然裝修這裡就略遜一籌了。客飯都係廿零三十塊，包菜及湯及白飯兩大碗，包食符飽。個人推薦的是小籠包，覺得絕對不比其他地方差。另外油炆筍亦足油夠味，但要到黃梅天時筍才最當做。當然我食左咁多年梗有少少感情分加左落去啦！