上海三六九菜館

营业中

休息中

同朋友行完書展, 0黎三六九開餐~ 店舖位與位間都幾窄, 幸好一入0黎就有張卡坐~ 我地叫左雪菜炒年糕: 無乜味, 而且年糕有少少怪怪地0既味道酸辣湯: 酸味蓋過辣味蝦仁炒旦: 旦生熟剛好,蝦亦好味肉絲津白: 太油了炸銀絲卷: 好味宮保雞丁: 輕微辣, 味道可以豆漿: 甜味適中服務可以, 有個待應都幾好禮貌, 不過下次會選擇去第二間~

去呢啲老字號地方都冇諗住會有咩服務..但係都唔係可以差到咁架嗎地方迫要求換位阿姐話唔可以但都冇法喇點知我地一路食佢就不斷咁撞到我地仲要話我地最後嬲到爆佢仲要話"客大哂呀?"咁既服務態度點好食都唔得喇一定唔會再去而且啲野都唔係好好食之嗎

三六九座位又逼, 服務又一般(除非是熟客, 免茶), 但勝在好吃, 抵吃.午飯時間可來碗上海麵, 三十來元:排骨麵: 上海老字號的炸豬排, 剛炸好, 下湯餸麵別一流雞火麵: 不是用火雞, 是3大塊雞肉加2大塊火腿酸辣麵: 即酸辣湯加麵. 但麵會吸水, 那酸辣湯便很"傑" 了三鮮麵: 雞肉粒, 火腿粒, 蝦粒.... 我寧吃一整塊的雞火麵了雪菜肉絲泡飯: 我最愛之一. 湯濃, 材料足, 熱騰騰. 要留意伙計別錯單當了客飯客飯我推薦: 回鍋肉, 咸肉百葉, 蝦仁炒蛋(大推薦).不要叫小籠包/餃子, 那粗豪式的包/餃必定叫你失望.

外賣一客蝦仁炒飯，賣相好清。食落又如何?飯算是炒得可以，即以用新鮮飯炒來說，蝦仁被乸到很爽，但沒有蝦味，飯偏向多油，同區要食炒飯的，好多間好過渠，這裏真係一般，同上一次一樣，維持原判。

這間老店應該我未出世佢已經存在，但只是吃過幾次，而且對上一次已經是多年前的事。近來一直都想來，奈何沒有機會。今次機會終於都到了。有沒有裝潢不要緊，反正舊舊地才有味道。八時多左右正是人山人海，剛好找到個窄窄的卡位。1)膳糊客飯本人想點炒膳糊，但要成百元，反而膳糊客飯就只是五十元，有例湯加兩碗飯，更加不明所以。湯是粉葛眉豆湯，味精都幾重。膳糊也不算少，夠送兩碗細白飯。膳糊含量七成左右，味道幾重，但個汁就好送飯，韮菜與芽菜也夠多夠好。2)小籠包這裡的小籠包比起出面平好多，三十六元有十只，但素質沒有名店出品的好。每次到霸王、翡翠、阿拉等，都是廿多元得四只，一定唔夠喉。十只每人分得五只，不過皮就唔夠薄，依然有湯汁，唔算太差，這樣的出品唔夠競爭力。同區的拉麵小籠包店不多，也夠贏隔壁難吃的正隆。3)雞肉煨麵麵來的時候就知道叫錯了！煨麵本應是腍腍的，可能這款煨麵是上海傳統麵食，夠晒真實，但絕對唔對港人胃口。無論湯底、腍腍的麵與沒有多料的雞肉也是難吃的。4)素雜錦次次例必要叫點菜，這個素雜錦最好，有草菇、蘑菇、冬筍、冬菇、椰菜、小白菜及豆腐乾。菜料很多樣，最好的就是那些好久也沒有吃的豆腐乾！但似乎少了蘿

之前一晚我發脾氣,所以今日男友仔陪我食lunch...... 兩個人點左: 小籠包(普通+蟹粉):皮太厚,肉汁太少,麻麻地炒鱔糊客飯:呢個反而幾好,個鱔糊好香好味,個侍應仲好好人咁俾多左碗飯我地,等我地一人一碗,但其實食唔晒呢招牌麵:其實即係什錦麵,乜都有,不過不失咁啦三六九係舊式店,對佢0既裝修,服務都無咩期望,不過食物應該要再加把勁去進步啦!!!

上星期去, 兩個人叫咗1.蟹粉小籠包(5個, $60)完全冇汁!係完全冇汁!又冇咩蟹粉味......一定唔會再食.2.上海粗炒3.沙爹金菇肥牛煲4.炒豆苗呢三樣都冇咩特別...仲有, 伙計招呼ma ma...應該唔會再去.

同老公睇完show, 佢未食飯, 都成十點幾, 是但啦, 入黎試試。地方一般, 舊式地方, 老侍應, 冇咩service 可言。先叫一個獅子頭客飯, 有一碗中湯跟, 獅子頭有一粒....不過鋪面既白菜仔都幾多。獻汁幾濃, 好勁味精。再黎一個5個既小籠包(上海叫小饅頭), 皮幾厚, 有豬肉汁, 味道適中。之後仲有一個炸醬幼麵, 唔得, 麵餅上時仲係一舊舊, 都未煮開!!! 味都係幾濃, 感覺係煮濃左既酸辣湯+ 麵餅...唔, 都唔太貴, 81蚊!

上星期六因遷就朋友行完書展所以一行六人就去左呢間好差既食店.總結如下:1. 7:20pm入座, 人未齊已經被店員催促點菜, 話人多會好耐, 又真係好多人所以我地4人點了3味菜. - 3分鐘後就到! 回想係因為要我地快d吃完就走.2. 好明顯係一張4人圓台,一邊貼住隔離台,後來來的兩位朋友坐得好迫. 其實佢地張張台都好迫.沒有預留生路比人及自己行.3. 我坐有椅背座位, 後面的男人坐圓櫈, 每個侍應都沒有從唯一的生路- 收銀櫃台前面行,而是叫我起身讓路給他們. 第一次都算啦,到第三次我扮聽唔到,個女的叫左我好多次,我忍唔住起身話佢, 問佢何解不經過收銀櫃台前的生路行而要我起身?你知嗎?今次佢帶左一批客人入座,成村人呀,我咪要等佢地入晒座我才可以坐下來吃飯?!4. 無高力豆沙.5. 好喜歡叫人order聖子,好多沙呀.6. 未吃完dessert,但無端端叫我地快d吃埋佢,趕客!7. 隔離台既客人比我地遲入座,但早走過我地. 我地都係8時走人. 共吃了6味菜, 勁快!8. 好多味精,我地事後飲了好多水都仲好口渴.以後都不會去!! 各位朋友,對唔住呀,我下次會安排好d既restaurant.

我常常搞飯局及打電話book 位, 點知今次“乃”o野, 因為此店欺騙小妹有book 位服務, 令我非常憤怒同埋阻左成班朋友的時間!!我8:10pm入到去同至少2位伙記講“唔該book o左8:15pm 6位”, 都冇人理我; 心知不妙….因為場內已一早坐滿, 即是冇留位俾book 位的客人一位貌似老闆娘的指向一張大檯, 但已坐了大半, 好明顯是要我搭檯--- 有冇搞錯, 明明book o左檯都冇幫我留到仲要搭檯!?!?!?我同老闆娘講: “我book o左檯o架wor,”“坐住先啦”(我當然是唔坐…..5-6 位朋友企o向度等)…之後等了5分鐘竟然冇人理會我呢班企o向大堂中間的女仔….當我地透明!!我好“興”啦, 同老闆娘講: “依家來到冇留檯, 好浪費我時間lor; 如果你地唔接受book 位, 應該o向電話度講清楚, 咁我就去第二度食”佢仲抵賴話唔知邊個聽我電話, 我仲嬲–即是唔認je!! 我記得好清楚是當日下午4點幾打去, 有個女仔聽, 知我book 位佢隔個電話問佢老闆(是男聲) “8:15 留唔留位?”之後老闆話ok, 個女仔仲記低我電話等資料……下午6點幾我再打去話由4位

呢度o既抄上海年糕好正!做得比街外好，特別煙韌，味道又唔會話好濃，雖然對香港人o黎講都係太多油。另外佢o地o既小籠包同生煎包都唔錯，皮算薄，同埋有湯汁。佢o地o既冷盤幾好味，我鍾意佢o地個竹筍&"窄"肉~ 通常我食飯一定要嗌碟菜，不過佢o地抄菜真係唔係太好食，試過奶油津白，唔啱香港人口味，好漏。火腿津白，太鹹。普通抄菜就好一般，但係千祈唔好食白菜仔，超多沙!我媽媽次次都話要食高力豆沙，好好味，但係一碟有8個! 我o地end up每人要食2-3個! 救命! 如果可以叫半份就好啦!

　11feb06　又到灣仔做野，聽老人家說三六九抵食，經過無理由唔試。　　老式餐館與茶餐廳風格的混合體，大圓檯旁是卡位，面對門口，見到一盆盆的上海「打冷」小食，感覺是「打冷」滬用。　　食上海菜，是心理作用一定會叫小籠包，見熱熱地，也就點個三鮮冷麵。小籠包即叫即蒸，上檯煙霧瀰漫，試一口，肉鬆但唔會爆汁，是傳統的本幫菜特色，「潮人」會嫌汁太少，我說「爆汁」才是走火入魔。　　三鮮冷麵，一如所料，是淋patpat的上海麵，「麥味」足，配料都是大路貨，省去不提，主打麻醬、花生醬，味道不錯，但非人人都可以接受。　　走時見到「打冷」小食有田螺，不敢憶起兒時到河邊摸田螺的歲月，心郁郁再試．．．．．．

年廿九晚上和家人外出用膳, 很多食店也提早收爐,不做生意了。不本打算去「正隆拉麵小籠包」, 但已收爐了,不想找下於是便來了「三六九」。之前也有幫襯過, 但已有一段時間沒來了。這次點了:砂鍋雲吞雞蒜蓉豆苗蔥爆羊肉小籠包半客菜心獅子頭麻婆豆腐豆苗比較「老」,不算是好貨色。小籠包也做得比較差, 皮很厚, 咬落只是一團「粉」。最好的是蔥爆羊肉, 夠獲氣得來羊肉仍很鮮嫩，有肉味而沒多「騷」味, 而且數量很多, 很不俗的一度菜。其他的都不算突出, 但總算不過不失。整體而言, 都是令人滿意的一餐。

琴晚同一班舊同事黎左灣仔三六九到食飯,好少食上海野,吾知邊D係正中上海餐,定港式上海餐,但係吾僅要呀,好食未得.食左回鍋肉麻婆豆腐獅子頭同菜飯同叫左D少食,小籠飽,蔥油餅等.....食物都算幾好,但太多油,可能係上海餐呀服務都過得去

今日(15/11)，原本lunch諗住食通粉算，同學突然打黎話一齊食飯，見咁0岩有時間，所以就一齊食啦。行行下，無意中經過呢間，諗起好耐未食過，所以就入左黎。兩個人坐卡位，但後來變左四個人(因為搭檯嘛)(但同檯唔識0既兩個女人猛話好迫，講左好耐，都無侍應會理架啦)，幾迫下。叫左蝦仁炒蛋同獅子頭客飯，送例湯。兩樣其實都幾好食，蛋就咸左少少，但唔會太老或太生，剛好。獅子頭就幾入味，d菜都係，但得一舊，真係少得滯。d湯同以前一樣咁0既味，無變。d"食送"算細碟。兩個都各加左八蚊要菜飯，加八蚊真係貴左d，唔係好抵。下次想試下小籠飽、上海粗炒、豆沙煱餅，同埋炒年糕。多謝哈同學!