上海三六九菜館

营业中

休息中

每個下午，這裡總會人頭湧湧。靜靜地食，食完即走。大部份食客是附近工作的政府員工。大家欣賞的是: 水準穩定，大碗夠飽，價錢廉宜。客飯最多人叫的是蝦仁炒蛋及獅子頭。蝦仁炒蛋的蝦爽口，炒得有鑊氣，值得叫。獅子頭就一般，而且得一舊，姑寒d。另外回鍋肉不錯，eel就差d，咸肉百頁好咸。麵呢，排骨麵好正，是正宗上海菜的掛骨麵，排骨跟湯汁配合得天衣無繨，記住叫粗麵。叩大鹵麵就不如叫雞火麵–3大件雞肉加2大件火腿，男士一定夠食。女士就多叫酸辣麵–即酸辣湯加幼麵。雪菜肉絲泡飯都好味。小籠包同鍋貼只是一般，不要抱有太大期望。小食方面，燻魚勁炸，好特別，加餸一流。豆腐亁都不錯。另外湯圓好有水準，好大粒，好少見咁大粒的湯圓。杏仁豆腐是我的至愛，非吃不可。服務呢，呢度是sell食物，同環境一樣，要張就一下。同女仔就唔好去啦。當是食完就走的飯堂就一流。

糧尾, 又有野與母親交收, 父母主動來灣仔請我食晚飯.我到之前, 母親已order 咖哩土魷, 油炆筍及鳳尾魚. 除了咖哩土魷味道奇怪之外(因與上海好像沒有關係), 油炆筍水準保持, 與二十年前, 父母常帶我往看電影後再到灣仔吃宵夜時的味道一樣. 鳳尾魚炸得鬆脆, 不熱但不油膩. 我坐下後，選了獅子頭客飯(因為母親不懂做, 不會介意), 加$8轉菜飯(好大碟, 3個人也吃不完), 送一個例湯(有4碗!).另加醉雞一例, $48份量算不少, 味道與小南國的差不多, 紹興酒味道濃裂. 罐裝Coke Light及支裝可樂一律$10. 埋單$260幾, 比想像中平, 好像這麼多年從沒加價.

去睇concert前,食晚飯店舖人頭湧湧恰巧冷氣機前有張2人桌便入去食飯一坐低,見到侍應阿叔剪春卷聲音非常清脆於是叫了一碟ok啦,非常脆,不過無”鯨”油,好油酸辣湯-又唔酸,又唔辣老媽子話好鹹,我加了很多醋,所以唔覺得鹹小籠包-ok雜錦鍋巴-鍋巴炸得不透,雜錦汁太稀兼不好味結果用酸辣湯送鍋巴食物,我會俾ok(但老媽子就俾喊)最令我擔心就係我坐位與隔離大(木台)的距離只有半個身位其中一個侍應阿叔手震得好厲害,好怕佢淋落我個度另外一個肥嬸成日”bel”開我,來回穿插

老公在旺角shopping 完, 就算拎住大包細包, 都肯來灣仔陪我食晏, 我已經好感動. 佢早到, 我一就坐, 已經叫定我最喜歡食的菜式, 亦岩岩上哂菜. 正當我諗緊飲咩時, 佢幫我order的支裝可樂剛要送上, 就好似我同佢可以一齊一樣- timing岩岩好.Order:雞絲粉皮- 雞鮮, 皮滑, 夠凍. 而且不是太多麻醬, 岩我.窩貼6隻- 有埋我最愛的上海辣醬. 煎得香脆, 比此店之小籠包出色得多.雜錦粗炒- 黑漆漆的上海粗炒, 加上雞肉, 雞腎等, 好快清碟.席間老公說這是"港式上海菜", 我問此話何解. 我不是上海人, 亦未去過上海. 他說因為上海的粗麵都是刀削麵或用麵團即時切出來的麵條, 彈牙, 沒有鹼水味. 而香港用的是機製麵, 有鹼水味, 質感比較爽wor. 又知多一樣野.

自細已經常去三六九食飯, 因為我就住樓上.話須如此, 我最欣賞係呢度既酸辣湯同鮮hom, 因為呢度既鮮hom並非100%煮熟, 而係生生地, 極之鮮味.我食左十年都未肚痛過, 証明呢度既鮮hom好安全!呢度既鱔糊亦好出名!!!但小籠包就油膩左d, 湯汁唔多!!!

昨日去了三六九菜館慶祝父親節，叫了兩個客飯，分別係鱔糊及回鍋肉，轉菜飯，要加八元。還有油炆筍、小籠包、醉豬手。菜飯中規中矩，鱔糊幾好味，回鍋肉都可以；油炆筍幾正，夠味、多汁；小籠包皮厚、好粉，肉汁不夠多，但還可以；醉豬手好正，酒味濃郁，好爽口，味道夠。服務幾好，侍應殷勤。埋單$197，上海菜來說，食物質數，算抵食。整體上都好。

三六九在灣仔已經好耐, 有時我都會在該處打躉.今晚沒有叫小菜, 簡簡單單的叫了滑蛋蝦炒飯, 炸銀絲卷, 還有一客菜肉雲吞.滑蛋蝦炒飯的主角不是蝦, 反而是蛋, 炒得很香滑, 非常好. 蝦雖然不是新鮮蝦, 但數量搭夠. 飯不像我們吃開的炒飯那樣乾身, 不知是否一般上海舖都如是. 炸銀絲外皮炸得金香, 內裡非常鬆軟, 不用煉奶已很好吃.菜肉雲吞皮薄肉多, 一共十隻之多, 非常足夠.晚飯時見到其他枱的小菜亦相當吸引, 以前試過沙窩雲吞雞亦相當不錯.有時都唔好睇少阿叔, 店內都有幾多外國客, 店外阿叔都應對自如, 我地搵食, 人地都係搵食.整個晚餐都是75 元, 真是相當經濟, 當然裡面貴菜亦有, 總之豐儉由人.

2月28日迎新活動有新同事加入, 一行四人去了吃上海菜, 叫了三個客飯,炒三鮮.(麻麻)鱔餬(OK)回鍋肉(鍋氣夠, 但太多油)一寵小寵飽.(OK啦)一條銀糸卷.(熱騰騰,好味道)客飯有兩大碗飯.(男仔夠飽)(好想叫酸辣湯,太貴了$40又想叫高力豆莎, 一定要叫八粒$64)最後沒有叫,午餐不用咁豪.總括午餐來說太貴了

去完會覽，咁就唔覺意去左呢度食野。我地2 人係下午叫左2 個客飯。送個例湯，沒味精的，好正，好好火喉。可能今日星期日，下午無乜人，招呼都好d ，見我地飲哂之後，問我地要唔要多d ，咁就"不"左一大碗比我地2 個我地叫左個麻婆豆腐，同一個菜心炒菇。麻婆豆腐都ok ，唔太spicy ，未道岩岩好。個菜心炒菇就唔知點解比左個白菜炒菇。算，繼續食d 白菜炒得好淋，d 菇就唔夠淋。食哂d飯之後，佢好似見我唔夠飯又問我夠唔夠飯。真係好態度。d 地, table 都幾clean 。又唔係好貴

今晚叫o左6樣野, 最好味的是賽螃蟹。我未食過咁好味的。

有同事想食小籠包, 與其去附近那不倫不類的"正隆", 不如去老字號"三六九"好了."三六九"都可算由細食到大, 小時凡在京都睇完戲就去宵夜, 近年一睇完會展的concert都係去呢度, 最鍾意呢度o既油炆筍.今次第一次在此食lunch, 2 男3女叫了2個客飯, 1客小籠包及1客窩貼. 每個客飯有2個白飯, 已經夠分, 小籠包不是翡翠版本, 味道比較懷舊, 肉味重, 皮會穿. 鱔糊及獅子頭都掂, 如果咁BASIC都唔掂, 應該已執笠十年. 豆漿是百福, 可以不喝.

有次無意中去左食，覺得都幾好~小籠包好食，裡面好多汁!!

為明天展覽會，差不多10:00才離開會展。一行四人各order，鱔糊客鈑OK，有同事叫了排骨麵，太多油而麵太淋，結果吃不完。去年展覽會期間來過一次，覺得差了一點點。

之但係我又食唔出兩邊有咩分別，同埋兩邊d裝修都係差不多......不過點都好都執左咁耐了......

果間都開左十多年，但同呢度係兩間舖，食物是不差，但講歷史當然唔及呢度咁耐。而家都變左萬寧了。