影片
港铁湾仔站 A1 出口, 步行约2分钟
继续阅读
电话号码
25278611
25272343
特色
适合大伙人
营业时间
今日营业
11:00 - 04:00
星期一至日
11:00 - 04:00
以上资料只供参考，请与餐厅确认详情
应该有5-6 年冇食过呢间喺湾仔有60年历史老店原来有日本人会来捧场架㖞或者老店始终有返自己风味嘅~ 回锅肉够镬气好惹味红烧狮子头几嫩滑又系惹味之选小笼包皮就厚身左D肉馅干身少少鲜肉锅贴系最好食够哂香口点下黑醋同夹埋姜丝一齐食好味🥟店舖环境以大枱为主难避免要搭下枱落单同埋单依然全人手处理仲要衹收现金呢下够哂传统同怀旧嘞~其实论食小笼包还是喜欢台北的鼎泰丰🥰🥰
继续阅读
今晚到上海三六九食饭，先是被安排到后巷门口的一张枱坐，望著那些收拾碗筷的桶和厨房内的脏乱状况，可想像食客会是何等的坐立不安，若不是奶奶在场，要食饭，真系想立即走。点了肴肉、粗炒、担担面、炒鳝糊、小笼包。那碟肴肉的皮系绿色的，面还有猪毛。叫了侍应来问为何绿色，他们大大声，大言不大惭地答：「那是猪的印，系咁嫁啦」我立即上火，明知是猪印，还可以给客人食？！可想而知食物质素唔方会好。于是理论完，换了另一碟来，无猪印，但很仍多猪毛，刺到一口都系毛。那个担担面，以为无可能难食，谁知那个面，不是拉面，像是幼身公仔面，煮到太霖……一句难食，贴钱买难受，无可能会再去。
继续阅读
恨咗食三六九既担担面好耐，终于今日做完野，顺路去食到啦😋 份量真系唔多，不过汤靓、面更靓, 好好食呀😍! 呢道咁多日本游客嚟食, 学吓日本人食拉面传统, 食完仲差唔多饮晒D汤😋。我牙隙阔，一碗面唔够摄，一次过叫埋小笼包，早知叫10个啦。今晚人多, 等位都预咗。 好彩单拖, 被安排摄入「主家席」个吉位，用红枱布, 四个party搭枱。见隔离个婆婆叫酸辣汤，个细酸辣汤其实一个人都KO到，不过废事麻烦人加单啦，夜D再食宵夜啦。
继续阅读
同一班同事一齐食lunch, 成班都有八个人，每人叫咗一份嘢，嘢食很一般，员工态度又差而且仲系用手写落单，都唔紧要，但埋单时又乱又多人，睇住张手写单笃计数机，成张单计多我哋几十蚊，出咗门口先知，费事返去。成间野旧式管理，出错又多，以后都唔想再去。
继续阅读
上海三六九饭店 🏢今日约左朋友去湾仔食晚饭,🍽️ 上OpenRice 揾下有咩好食,见到上海三六九饭店,以前成日返工路过都见到呢间餐厅系湾仔桥底,但就从来都未试过,所以就决定拣呢间试下。 🤔去到门口见到有几个人喺度等紧位,🕰️ 点知我地二位可以直入,入到去见到全场都坐满人,我地就被安排搭枱坐一张8人的圆枱,但坐落都唔算迫。 🙆♂️睇完餐牌发现原来呢间餐厅除左上海野食仲有港式小炒的。但招牌系上海菜当然主攻上海菜试下啦,叫左10粒小笼包,一碗酸辣汤面同埋一碟上海炒年糕。 🥟🍜🍝小笼包味道几好,汤汁饱满好味,但10粒有8粒一夹起都因为痴住个底漏哂汤汁。 😋 酸辣汤面就不过不失,味道算淡口,不酸不辣咁。上海炒年糕上枱色水几靓,但年糕入口系无味,但质感唔错。 🤔整体嚟讲都合格,价钱都唔算贵,久唔久都可以再嚟encore一次。 👍👌💯
继续阅读