三門仔漁夫火鍋點心專門店 (已結業)

之前過嚟吃過午餐飲茶，都覺得這店的點心味道不錯，所以今次諗住吃晚餐就和朋友一齊過嚟試一試，因為之前都見過桌面上面都有好多唔同類型嘅雜誌，都有介紹這餐廳，一睇之下原來海鮮十分出名，所以今次我哋當然就要過來試一試啦，來到這度朋友都覺得坐得都幾舒服，而且選擇晚餐款式都不少，今次當然叫石窩金銀蒜蟹飯，再加上一個有鹽水浸蕃薯蜆。不用等好耐食物就來到了，見到都有唔少嘅粉絲浸住喺湯我度，味道十分好食，十分之入味。蕃薯蜆係食得出有鮮甜味，唔會話好多沙，口感十分之好，又夠大隻，用油鹽水來整，食到蜆的原汁原味。金銀蒜蟹飯都嚟到，蟹十分之大隻，而且下面有炒飯底十分之討好又吸睛，蟹肉都唔少，而且係蟹膏不少，有絕對嘅驚喜，好鮮甜好新鮮。飯因爲在蟹下面，所有嘅精華都落咗去啲飯度，蟹味濃郁而且吸收左蟹肉嘅味道好鮮甜。整體來講配合得十分之好，絕對有驚喜同推介嘅一個食物，最後再食埋啫喱，唔會十分之甜啱晒我哋。

放假得閑久唔久都會同肥仔出去周圍遊下、食下，有時屋邨野都未必差，所謂寶物尋歸底，咁岩呢次比我同肥仔搵到間正野，係民居同工業區附近，都唔係話個個都知。我地就點左少少點心同個午市孖寶，雖然有好多野都想食，但怕眼闊肚窄，免得浪費食物。見到個叫木魚花炸米網腸粉，原來係炸兩上面撒上木魚絲，而炸兩亦是非一般炸兩，裡面是釀了蟹籽和蝦肉，油炸鬼炸得香，腸粉皮又唔厚，再加上裡面蝦肉，令到口感更有層次。黑椒金錢肚，金錢肚好軟林，黑椒醬汁好濃味，入哂味，少少辣辣地，超正。三文魚籽蝦餃，粒蝦餃脹卜卜，皮唔會好厚，入面爆餡，上面加左大粒既三魚籽卜卜，平時食壽司先會食到既三魚籽，夾埋感覺好新鮮得意。孖寶叫左北菰滑雞飯+薑汁千層糕，個飯份量都算OK，D雞冇骨而且好滑，飯又唔會好乾，仲有幾舊木耳好爽口，肥仔鍾意食多豉油，可以自己再加至於薑汁千層糕，煙煙韌韌，啖啖薑味，好少有得食到呢款薑汁千層糕仲要咁薑。感覺這間好多菜式都會Mix，類近Fusion菜式，把平常不會拉埋一齊既食材合埋一齊，傳統但帶點新野，但又出奇地好食。

好耐冇見Jason，佢之前就係住石籬屋邨，最近拉我聚舊去咗呢間食好野。坦明講，堅有料到。呢間三門仔係近D工業區，但好食，我無所謂。入面環境成間私房菜格局，有幅好大的三門仔漁港油畫幾有懷舊風情，座位與座位之間都坐得好舒服，唔會好逼。先上一人一隻清酒冰鎮鮑魚，有少少清酒香，鮑點鮮爽，少許彈牙，吃到內層好鮮又腍身，真，鮮鮑嗰種齒䶝留香，可謂回味無窮。那油鹽水浸蕃薯蜆，這道旦家菜嚟，蕃薯蜆我都係第一次食，估到D蜆咁多肉，巧鮮甜，D湯又鮮，有晒蜆肉的味道。石窩金銀蒜蟹飯，隻肉蟹好大隻，焗到好鮮，石窩焗出來的飯滲出炸蒜香，飯很爽身有蟹鮮和蒜香，飯量足，超正的石窩飯，一定是呢度招牌菜。單是生炒骨已知師傅斤兩，生炒骨的粉漿皮炸得好脆，酸甜汁稍為蓋過，令生炒骨仍香脆，但保留內裏肉汁，酸甜汁好不錯，很開胃，好一道夠鑊氣菜式，足證呢道師傅好惦。Jason果然好介紹，不枉我特登入黎搵佢食好西。

今日去到石蘺找朋友食午餐，佢話附近有間食點心不錯而且坐得舒服傾下計吾錯，我地就過咗去食，去到裝潢的確不錯而且仲有位坐添，餐牌選擇都吾少而且十分有特色就諗住每款叫一些來吃，茶方面味道不錯，茶香夠熱。首先來的是鮮蝦菜苗餃，肥嘟嘟好大隻，入面材料超足又夠香，皮又薄身整體不錯。本來想食珍珠雞，待應就話不如試下這款鳳凰煎珍珠雀，原來係珍珠雞但拿去煎，面有微脆同焦幾特別，而入面軟熟，第一次試。古法馬拉糕味道濃郁又大件，口感不錯。見鮮雞腳就試左鮑汁鮮雞腳，雞腳十分淋身又入味，花生吾僟平時食開咁淋身多了份爽口。有二款特別點心，朋友想試的三文魚籽蝦餃，三文魚籽香濃配上大大隻蝦夠爽口，好味。放在茶杯的茶杯魚湯燒賣，燒賣吸咗魚湯味道同口感都不同幾好味又吾會太淋身。

吊腳都要嚟，咪就係韜韜話呢度有坊間食唔到嘅三文魚籽虾餃，魚湯燒賣，仲有實惠海鮮小菜，金蒜肉蟹飯超好味，咸菜豬肚魚窩，經理介紹食法，先食魚及咸菜豬肚，餘下魚頭骨滾湯，最後待糊椒味滾出鮮魚湯超甜，介紹另一招牌炸子雞，及蒜茸粉蒸聖子皇，加多一款野菜藍，水準在一般酒樓好好多，炸子雞果然超水準，豬肚魚好鮮甜，螚飯很有蟹鮮味及飯焦用魚湯一起吃一絕，沒有跟錯韜韜，謝謝韜韜介紹好食店

平日中午嚟幫襯，一入去只得一兩台客，都猶疑左一陣試唔試，最後決定試下，叫左幾個點心金柚沙律炸云吞$18: 上枱只係三隻炸雲吞上面放少少沙律醬同蟹子，說好的金柚沙律唔見咗，與圖片嚴重不符，雲吞新鮮炸起都算叫做夠脆，餡料只有一隻唔好食嘅蝦仁請芥末魚肉春卷：春卷只有兩條，越式春卷大小，唔抵食，而且只係喺切口上抺小小Wasabi就算，實在有啲Hea，說好的蜆肉又變咗蝦仁餡，真係想搵吓餐牌上有冇寫一切以實物為準脆米腸粉$28: 腸粉棟企咁放，上邊放左啲木魚花，賣相唔錯，腸粉皮有啲厚，而且又係嗰個唔好食嘅蝦餡，冇味又死實，最後把蝦仁都吐掉了鳳爪排骨飯拼魚湯燒賣$32: 飯係比較正常嘅一樣，配料足夠，飯粒軟硬適中，燒賣就係一粒燒賣浸喺魚湯裏面，燒賣不過不失比較鬆散，魚湯就係普通味精湯冇乜特別某程度上客量已反映了食物質素，點心是不會再來吃了，或者將來有機會試吓佢啲海鮮

同屋企人5-6個人去食火鍋， 諗住睇食評話算幾好 又請左飲食習誌又乜又物。晚上去到近8點叫火鍋 要等半個鐘火鍋湯底先上來。一上真是想講粗口。個鍋好像無洗係上手拎返出來咁， 落完單半個鐘後先話呢樣無 果樣無。補單後又來錯野。 想找人問下 有個阿姐話一早貼左提示。呢度唔係5星酒店。好野！我比錢入來係我錯。有一次無下次， 野食又唔係特別新鮮，中規中矩。但咁既衛生同唔平既價錢， 真是多謝佢。 食物上叫了海鮮同蟹- 蟹係新鮮，魚又是預切，不過係半個鐘後先比你其他野都係大排檔或者是富X 果類都比佢好

呢間野不如所謂，訂枱時叫人揀定菜式，驚到時賣哂無得叫，最後留左隻雞同其他野，到左當日同我地講隻雞賣左俾人所以你地無雞食，好無問題我最後認左佢，佢叫我地揀過第二樣餸，我揀左椒鹽石蚌，跟著老闆娘又出嚟同我講，呢樣嘢好難整要好多時間你一係揀過第二樣，我同佢講呢樣餐牌上面有你話好難整?佢同我講係呀一係你揀條魚蒸嚟食⋯我訂20:00枱19:30已經到左，同我講你留左隻雞俾人食左，想點嘅椒鹽石蚌太難整所以唔做，你咁樣做生意真係大開眼界，啲嘢幾好食都無用

喺Facebook見到佢哋話有特色點心，今日突登帶兩個朋友去試吓，點知入到去聞到一大陣爆屎渠嘅味，結果要即走。失望在佢哋冇話覺得有問題，應該同客人講聲會好啲，呢個經驗令我唔會山長水遠咁再嚟試。

我第一次寫食評係因為今日黎食飯真係食到一肚氣本身知道呢度有小菜或火煱打黎book枱時服務員根本無問係食邊樣黎到咪同佢講我哋係火煱有個男人就問我哋做乜唔講定因為佢要搬走枱上面個轉盤心諗打黎book枱果陣你又唔問?好啦之後朋友揀好咗食咩就叫返個男人落單我哋9個人 諗住叫兩個4-6人餐 (因為佢得呢啲人數餐)個男人又話張枱擺唔哂架喎大佬呀你張枱擺唔哂關我事架?好 都算 我哋叫一個餐 因為原本訂咗炸子雞仲叫多咗個蟹飯之後有個呀姐拎啲豉油同個醬料盤黎仲叫我哋快啲整好啲醬因為當時仲有朋友未黎咪同佢講未黎齊等多陣轉個頭就兩個呀姐走黎又問得未朋友都嬲嬲哋問返呀姐係咪想拎走 一係你拎走先 我哋用先問你拎點知呀姐話一陣拎走咗就唔會拎返過黎因為有好多客要用 吓!? 咁嘅態度咩意思? 我哋唔係客咩?好啦咁我哋幫未到嘅朋友斟定豉油啦過一陣黎到之後咪問吓呀姐仲有無醬料同叫罐可樂呀姐話"頭先你唔整而家唔知有無喎 廚房唔得閒切椒絲架喇" 仲要問返我"罐可樂係咪要架"我唔要做乜同你落單呀!? 然後又拎錯zero可樂 -__- (本身第一轉叫野飲叫可樂黎雪碧)呢個期間一碟碟火煱嘅餸都黎但原來個餐竟然係無湯底跟本身我哋叫咗

第一次入葵涌石蘺呢個地方，竟然俾我食到好野！！阿妹有得食實在太令人振奮入返正題，一大班朋友食lunch 叫左好多點心，最鍾意食香口野，第一啖春卷有驚喜！入面有wasabi 蟹籽，成件事fusion 左，升左一個層次，春卷皮脆粒蝦又新鮮🦐，仲叫左蝦餃燒賣，馬拉糕呢啲，全部都好好味。身邊幾個挑食鬼都大讚唔錯！識食的boss叫了石窩飯，原來呢個先係重點😍連食神韜韜都推介過，未上桌聞到陣陣燒焦味以為咩事，後尾睇到個石窩窩邊啲飯焦就知係好野🤪 🤩🤩粒粒分明既炒飯，仲有廟街煲仔飯都食唔到既飯焦bb，加埋超香蒜茸蝦，食左幾碗😗餐廳姐姐服務幾好，叮囑我地要小心個石窩，我諗掂到應該有排痛😂😂 Ig:eatplaylook

昨晚同舊同事一行四人叫佐四至六人海鮮餐，食物尚算新鮮，最欣賞是新鮮炸起旣響鈴及魚皮，只是地方比較噪吵些, 但勝在沒有限時及老闆招呼親切，大家食到抱住個肚，非常滿足

原本是預訂了這家餐廳, 慶祝母親節的我們是預訂了6位 , 但是去到餐廳冇人知道我的booking。 等了數分鐘後店長行出嚟先至告訴我們。 有三至四個員工 好像完全不知道事情的, 可能是兼職或者新員工吧。這些事都算了,安排了入坐坐低, 我們想點小菜的, 問問侍應,他們說這是私房菜,叫乜有乜沒有menu的. 好啦 沒有menu 咁我咪自己叫囉, 咁我叫一份椒鹽豬扒 佢又話冇 (咁你又話叫乜有乜, 椒鹽豬扒都係好基本嘅嘢啫)Ok, 都算了。最後也點了6個小菜 一個湯。但惡夢是 上菜速度極慢 。 而且不只係我一張枱 其他食客也極慢。 有很多食客也主動到收銀處詢問菜式何時送上。 有些更鼓譟 吃了一頓小菜便離開 等唔切了。原本開開心心吃的母親節晚飯 結果另外母都好似有啲憤怒了。這是本人的親身經歷, 食物味道沒有問題 但人手安排 出菜速度卻強差人意。 一頓晚飯吃得開唔開心, 除了食物品質外 服務態度 環境 上菜速度也很重要。 這晚的侍應傳菜 只能夠說唔好意思唔好意思 等多陣。 但食客的不耐煩 已經可以令到食客唔會再幫襯。本人短期內 並不推薦到此家餐廳吃飯。

今天約左好久冇見的老朋友吃飯，就他方便，選擇左在他家附近的小菜館(他推介的)，到步才知是以海鮮加火鍋為主打的小菜館。我地二話不說就叫左個二人套餐及一瓶自家制香檸花旗蔘蜜，由於未到黃金時間，菜館不是太多客人，很快就開始上菜:首先是龍蝦湯，一打開蓋，濃郁的龍蝦味撲鼻而來，食指大動，龍蝦湯一入口好鮮甜而且好多料。跟隨著是"風山水起齊齊撈 "，主要有鮮三文魚、蛋絲、雞絲青瓜等等，一起撈雲之後就可以吃，很開胃口感唔錯。突然職員放上活魚刺身，我地(嘩嘩聲)係因為條魚的咀還在動，呢D情況只有在高級日本料理見過，但呢度係小菜館竟然有咁高的手藝，真犀利！原來鮮魚片不是生吃的，是用來灼熟吃的(跟來有一鍋上湯)像火鍋一樣，魚片非常鮮甜，職員話魚頭及魚骨可以弄多一味椒鹽魚頭及魚骨。我地努力吃魚時，職員又送上另一道主菜~鮑魚，鮮鮑魚用日本青洒煮熟，但不會蓋過鮑魚本身的味道，唔會太淋又唔韌，唔錯唔錯。等左一陣，送上的是法式大元貝及蒜泥焗饅頭，大元貝用芝士焗熟，但只係用小量芝士，為的是保留大元貝的鮮味，而饅頭用蒜泥焗都係第一次吃，饅頭表面翠翠的，好香蒜頭味但又不是太濃郁，呢兩度菜正呀！終於可以休息一會等候甜品，而且

今日在石蘺村附近探完朋友後，同老公在附近食晚餐，行下行下發現呢間三門仔漁夫火鍋點心專門店，就入去試下。呢間餐廳有火鍋/小菜選擇，2個人我地選擇小菜食。望下餐牌發現有2人餐選擇，價錢合理就決定食2人餐了。首先講前菜風山水起齊齊撈，入面有三文魚、海蜇、蛋絲、日本酸薑、甘荀等材料，好似新年甘將d 食物連豉油撈埋一齊，撈到風山水起，食時可以加沙律醬，口感豐富，三文魚新鮮無筋，酸薑將其餸菜變得酸酸地，好開胃的前菜。接住就是秘制龍蝦湯，相當清甜，仲有龍蝦肉乾瑤柱食，個湯好好飲而且唔油。之後就是法式大元貝及清酒鮑魚，先講大元貝，佢用芝士焗，入面仲有蘑菇粒，芝士味唔會過濃搶走帶子味，帶子成粒好大粒好新鮮，同芝士很夾，而清酒鮑魚無得彈，又彈牙，仲有清酒味，食完都想再食。之後隆重登場是石蚌魚，甘大個女第一次見石蚌魚切片切得甘細緻，無骨，條魚好新鮮，上菜時個魚頭仲會郁，一定是即叫即整的，將石蚌魚片放入湯鍋2分鐘就夾上黎食，條魚好滑，好新鮮，一試難忘。最後個餐有蒜茸焗饅頭及薑汁千層糕，蒜茸饅頭好新穎，蒜味剛好，饅頭熱熱的，好好食。薑汁千層糕好有薑味，唔錯。成餐飯好豐富又好味，食材好新鮮，一讚。