三門仔漁夫火鍋點心專門店 (已結業)

其實呢間唔系有朋友住呢頭，比較難知道，因為系屋邨裡面，今日我一家三口見到呢間門面新，又唔使等位咁就黎試吓，估唔到有驚喜。因為私房菜關系，好多都無系餐牌上的，要叫他們介紹。叫左半隻炸子雞$198，咬落皮超脆口，雞肉熟度剛好，所以好嫩，口感十足，先脆再黎肉汁再加上嫩肉，咸味適中，食完一舊想再食下一舊，不過半隻雞呢個價錢有d貴，但好在比足料你，如果唔系真系嬲嬲了鹹酸菜豬肚魚湯一上枱第一時間梗係試吓個湯睇吓有冇味精，不錯很鮮甜的魚湯還有一條很肥美的魚，配上黑椒加鹹酸菜飲我的湯不會有醒味，魚肉嫩滑沒細骨，食落很方便，豬肚無苦味。

近日同班朋友去食三門仔，呢間餐廳新鋪開張無幾耐，地方都算容易搵到！入到去，發現裏面非常乾淨、清潔、衛生！而且服務仲好好添，入到去我哋詢問老板，今晚有啲咩冇以前咁樣介紹咗今晚先俾我哋參考！呢間餐廳嘅食材非常多，餐牌非常豐富，可以俾食客有好多唔同嘅選擇。食物方面，魷魚粉絲非常好食，配有唔同美味嘅配菜，入口滲透出香辣嘅味道，非常醒胃！份量都算大，價錢又經濟，好啱食！另外，老闆仲親自推薦佢地嘅走地雞，係原隻，每日都有限數，日日新鮩購入，即叫即整，雞肉非常嫩滑，雞皮非常香脆，真係整得非常好食架！

最近同咗幾個朋友去石蘺商埸附近嘅餐廳「三門仔」食晚飯，裡面環境佈置非常富有特色，企理，乾淨衞生！食物方面，非常多選擇，而且仲係用新鮮食材，色澤光鮮，味道美味！呢碟就係最出名嘅鮮蟹肉煲仔飯，份量可以足豿三至四人享用，絕對好食呀！佢嘅配料亦豐富，有蔥花、蛋、蟹肉等。服務態度一流，老闆仲親自係食客面前下廚，烹調火焰鮮蝦，過程中仲加左三花酒黎煮，真係色香味俱全。呢碟就係製成品啦，份量都唔少！非常用心製作！正！呢碟就係蟹肉炒菜心，味道都唔錯！

最近發現一間有水準既港菜餐廳。在葵涌石梨村附近，雖然地點不覺眼。但餐廳確很有特質。餐廳環境寬闊，具空間感，不會令人感到侷促。四周圍掛着不同吊飾，玩具，相架和相片，增添了餐廳不少氣氛和情調。坐位清潔衛生，餐具整齊排放。職員有禮招待，值得欣賞。我們選擇了餐廳最有名的原隻炸子雞。雞肉鮮美，食下會感覺些酒味，口感很爽，肉質不會煙韌。份量令人滿意，足夠3至4人。下次再去，必定會再食。另外，還選了火焰鮮蝦。職員會即場烹調鮮蝦，即烹即食，蝦肉爽口。味道很鮮甜。還有的是蟹飯。蟹的大小如手心般大。蟹肉溫度適中。蟹膏和蟹肉都很多，火候控制得剛剛好，飯質不會太乾身，過了一會兒，還有飯焦可以吃。

近日天氣 寒冷， 所以出外食飯都是， 首選火鍋為主 ， 因為 食火鍋可以取暖。前幾天和家人在葵涌石籬商埸 辦年貨 ，適逢晚飯時候 ，我們在 商場 附近 看見有 一間 (三門仔 漁夫火鍋點心專門店)， 打算 咁餐又是食火鍋。餐廳內環境 寬敞， 枱上 擺設 整齊 清潔， 裝飾 氣氛 優雅， 讓客人感到悠然自得， 心情舒暢。侍應 有禮貌地遞上餐牌， 餐牌上 不單止 有火鍋配菜，而且也有小炒餸菜選擇， 菜式 新穎 獨特， 經家人商量後 ，便轉為食小菜。先可打咗個 石窩金銀蒜蟹飯$128， 裝潢 壯觀， 有 原隻蟹 和香蒜 蓋在 飯面上， 用石鍋盛載 蒜蟹飯 令飯底保持熱辣辣，飯香味 洋溢 出蒜香味和蟹香味 融為一體， 飯味十分出色， 一邊食一邊聞到飯味 更加開胃。個人最喜歡吃清淡些，生拆蟹肉豆苗$138， 蟹肉新鮮嫩滑 ， 翠綠可口的 豆苗清淡不 油膩。豉椒炒聖子四隻煎米粉底$262，這個菜式很特別， 煎米粉 墊底， 聖子 拆肉炒豉椒 再 鋪上米粉面。煎米粉非常香脆， 沾上、豉椒汁不但脆口而且帶出聖子鲜味。最回味是炸子雞$398，原隻炸到金黃色的炸子雞，雞皮脆到好 像食薯片 咁脆，而且肉質嫩

今晚試左小菜。食物水準（味道，食材）很不錯，價錢合理 👍。🙆特別欣賞兩款菜，蟹飯好味道，飯焦香又脆，炸子雞果然出色😋。謝謝openrice訂枱送杏汁豬肺湯，四人訂位送一鍋，味道雖一般，但送嘅無所謂啦！😅店舖擺設都略有特式，大伙兒聚會，這地方都唔錯。座下店員會向我們介紹一下,（因為餐牌上菜式唔係太多)。用餐期間店員會來問下意見，感覺都幾親切 🤗見到隔離幾枱火鍋亦幾吸引😍，剌身，海鮮樣子都幾“震撼”😲，下次都會再來試下火鍋。媽媽都很滿意，往後又多個飯點啦！

事情是這樣的 而家間間餐廳都唔可以坐得耐 難得我哋可以搵到一間三門仔餐廳又有海鮮又有房坐又有電視睇服務又好你想食啲咩老闆會同你就 你俾個價錢老闆佢就會同你就㗎啦！或者你有啲咩想食你都可以同老闆講定先！我哋食咗咁多嘢都係＄400咋每位我哋一去到老闆就送咗兩個小食俾我哋啦（雞泡魚光同炸豆腐）之後再嚟就係燉湯聖子，花甲，炸蟹鉗，炸子雞樣樣野都好新鮮特別係海鮮(⁎⁍̴̛ᴗ⁍̴̛⁎)老闆仲好好送咗個杏汁燉蛋白 係老闆親自炮製㗎員工服務態度和藹 好有熱誠一間餐廳強烈推薦大家去試吓菜啊！

真心冇諗過喺石蔭竟然有一間咁出色嘅海鮮小館。啲食物絕對唔係普通小炒食館。碟碟餸上枱都嘩嘩聲.....真的唔簡單！清酒煮鮑魚相當出色👍🏻香滑鮮甜。條活魚就好似殘忍左少少！上枱嘅時候仲郁得好緊要，不過啲魚生片就真係新鮮到不得了喇!隻炸子雞好新鮮嫰滑。要早一日定。上枱唔夠5分鐘就清得一乾二淨，令人回味無窮！堂煮生蠔做得剛剛好。十分軟熟。咬落去仲有汁㗎。送嘅杏汁豬肺湯同樣做得出色，杏仁味好出，仲有好多豬肺添！個三門仔炒飯就做得好乾身，了料亦都好夠多，充滿咗三文魚。下次一定要再去試佢嘅蟹鍋飯同火鍋！

朋友介紹這店，於是就來這兒慶祝生日。店舖地點雖然不是在旺角，但也算容易找到。駕車人士可泊在附近石蘺屋邨商場。早一晚用OpenRice訂位送杏汁豬肺湯，很好飲又多豬肺，至啱現在秋冬天潤一潤，小朋友喜歡到連飲幾碗。店員服務很周到，自動幫你換骨碟。有BB櫈提供，方便帶小朋友去吃。雖然今次吃不到招牌炸子雞（遲了訂無哂），但店員好貼心主動回電提供貴妃雞以供選擇。店內除了招牌菜之外，也可提供私房菜及不同煮法選擇，而且價錢也算相宜。招牌的石鍋金銀蒜蟹飯很好吃，最後連鍋邊的飯焦也吃掉乾淨。

The restaurant serves both Chinese and Japanese Cuisine. It's so nice to get variety in our diet.

由於朋友邀請食飯，所以去了這間餐廳食飯 一團枱成10人。有兩間VIP房，有老闆招呼我們，入了圓枱那間房食飯，外面主要做打邊爐。這間餐廳位置雖然不顯眼， 但係佢嘅嘢食(小菜)的確係超乎預期，但又唔貴。如杏菜乾豬肺湯(要提早一日訂)，好暖胃，沒有甚麼味精，好好飲，每人都飲了兩碗。同埋炸子雞，外脆內軟，最重要是新鮮雞去炸， 超乎我嘅預期，食過最美味是呢次炸子雞，可以媲美外面四星酒店。由於太肚餓，手機沒有先食，所以沒有影相。趁熱食好快食清了碟雞，接著有蒜粉絲蒸蟶子皇，好大隻，物超所值(叫幾樣餸食，有一樣餸特價優惠)，石窩金銀蒜蟹飯，蟹飯都預期地好食。後來再送黎豉椒炒花甲拌煎米餅，煎米餅(米粉)稍硬，拌汁會易入口，三色椒炒牛柳粒，豆腐鯇魚煲，炒皇帝菜，金銀蛋時蔬。最後原來會送甜品，三色啫喱，最特別有脆脆條係下面，原來是炸雲吞皮，見到啫喱想起兒時回憶，好耐都沒有食過了，最適合有小朋友既家庭。生活忙碌既朋友，要有耐性，出菜比較慢，他們都貼出告示，不要催，慢工出細貨。

今次係第二次去三門仔食飯，試試全海鮮餐。老闆極力推介石鍋金銀蒜蟹飯。個飯即叫即整，雖然等待嘅時間頗長，但絕對值得，隻蟹多肉新鮮，炒飯底滲有蟹嘅鮮味，加埋有石鍋“興"住，超正。第二道係花鵰醉蝦，酒香四溢，蝦肉爽脆，唔錯。仲有芝士焗元貝，元貝新鮮，但略嫌太細仔，芝士味如果可以濃d 就更理想。另外怕唔夠飽，叫左個生炒骨，新鮮炒起，外皮脆卜卜，好食。最後食埋甜品香芒布甸，布甸香滑多果肉，但本人覺得甜左d 。總括而言，雖然等待出餐嘅時間頗長，但絕對係完美嘅一餐。

上次試過三門仔晚市嘅小菜，品質幾好。知道佢有午市點心，肯係去試下。我地一行4人大概1半鐘去到，全場爆滿。好在等左幾分鐘就有位。我地試曬果度最出名嘅四大天王，果然名不虛傳，好好食。首先係叉燒餐包，味道ok，餡多，勝在夠熱辣辣。第二，茶杯魚湯燒賣。燒賣啖啖蝦肉，個魚湯加埋飽片，菇同杞子，飲落超正，真心推介。第三，炸米網魚柳腸粉。食落內脆外滑，口感特別，不過就淡左d，連埋上面木魚同豉油食就啱啱好。最後，三文魚籽鮮蝦餃。一籠一隻大大隻，仲有我超愛嘅大三文魚籽，又精緻又好食。不過有芥末喺面，如果唔鍾意食芥末嘅朋友，記得order 走芥末。除左四大天王，金柚沙律炸雲吞都值得推介。新鮮炸起，外皮超脆，正。不過最好食係上面d 沙律，酸酸甜甜，開胃又減油膩。我地仲食左炸三文魚骨腩同蒜粉絲蒸聖子皇。三文魚骨腩係即叫即整，外脆內軟，唔錯。聖子皇用料新鮮，肉質鮮嫩，一流。E 間食肆主張即叫即整，雖然等待嘅時間比較長，但等到嘅食物卻係新鮮有水準嘅，值得

石籬雖遠，但為了美食就不怕遠第一次來，店舖很光猛踏入店很快就看到刺生吧新鮮刺生即點即切夠新鮮但今次來唔係為食刺生，火鍋，以係來食特色小菜！！必點 魚子焗吊花魷！！正！正！正！！三魚子既咸味配花魷，唔洗點醬都夠晒味！！賣相特別！！花魷岩岩好唔會難咬！！記得要用湯匙食呀！！D三文魚子會一咬就會四圍走聽聞炸子雞要預訂才有訂位時特意訂了半隻皮脆，不油，肉嫩！！最正係可以點半隻！2個人食，岩咸好！！鮑魚鮮甜！！三文魚子蝦餃原本晚市不供應的，訂位時問可唔可以預訂居然可以比我訂到，當然要一試好新奇，但又好好味食食下見到其他台有人點即制炒蠔2話不說也跟著點！！香港少有的桌邊秀老闆會拖車到台邊即時炮制火香四起，視覺同味覺享受芝士焗帶子，不過不色！帶子軟嫩，略嫌芝味不夠鮮淮山配藍莓汁第一次這樣吃！！見佢$12一碟 點一份來試食落有趣，要當甜點就清淡了點

Spending an incredible night in this restaurant, the services from the professional staff is speechlessly good with the unforgettable classic Chinese cuisine. The first dishes of the night is the fried tofu, its the first time to try a less salty fried tofu in Hong Kong, and it has very crispy skin but not too oily.The most stunning is the Lobster Yee Mein with the cheese sources on top, we thought it would be too much source by the first sight, however it goes perfectly with the taste of Lobst