三田製麵所 (金朝陽中心二期 - Midtown)

营业中

休息中

一個人星期四晚上六點半行經登龍街，見到三田制麵所還未有人龍亦有空位，於是即時入去吃麵，可惜面向廚房的吧檯已坐滿了人，於是要搭枱坐。今晚見到有兩名姐姐級的侍應生得一模一樣，高度亦一樣，但服務異常的好，勝在夠細心，見我没有餐牌即時奉上，同時有耐性的等我慢慢的點選。其中有問我要不要圍巾，我以為是什麽附加式商品，後來得到答案是驚沾汁弄污衣衫，可以提供圍巾方便進食。我點選了魚介豚骨大熱沾麵及蟹肉忌廉餅，麵條彈牙可口、筍條爽脆、沾汁濃厚入口不討厭，叉燒味道中規中矩薄片仍不俗。蟹肉忌廉餅有四塊抵食，蟹肉不多但脆皮可口，沙律醬多我最喜數。吃麵途中，孖生姊妹禮貌地多次問要不要加清湯。門口開始有十幾人在排隊。我搭枱的一對情侶結帳離開，但是孖生姊妹不急於迫我儘快吃完讓出四人枱，卻等我慢慢的吃完，我霸了那四人枱足足十分鐘，之後才讓四名客人入内。

沾麵的美味～おいしいです😋濃厚豚骨魚介辛沾麵🍜麵條很彈牙 非普通拉麵配上套餐芝士波和餃子都好吃芝士波吃了一半看到有蝦肉的成分不是完全用粉炸而己整體都好食 但沾麵湯底相對味道較濃 可能有些人會覺得咸了點最後溫馨提示 吃沾麵最好要用圍裙啊三田製麵所 值得一試呢

今日我自己一個係銅鑼灣食個late lunch.諗左一陣決定係登龍街食個久違既沾麵。原本經過間刀削麵其實都想入去 但係唔可以咁容易改變決架嘛 咁就去食想食好耐既「三田製麵所」呢間係日本好出名既沾麵鋪係日本長龍食肆 但係黎到香仲係咪咁好食呢？ 今日就一試虛實！香港店有set lunch menu 可以揀任何一款麵配小食同飲品 比淨叫會平大約$20左右今次就叫左個魚介沾麵 中size 配黑胡椒味雞翼小弟食沾麵麵會選擇凍麵 今次唔例外。食店就好有心地提供圍裙以防沾汁弄髒衣服。等左陣 麵就黎到了！湯底充滿住魚介 比起其他沾麵鋪少左份油既感覺。湯底唔錯 但係味道比其他鋪偏咸 我比較喜歡元朗既「彩」多d麵質方面 鹼水味唔重 麵質尚算彈牙 因為凍麵一定會彈牙d 掛湯能力唔算太好 同埋湯既熱道不足 我覺得尚有改善空間反之 黑胡椒味雞翼不俗（忘記影相） 口感有譚仔既感覺 能夠做到外脆內軟。 黑胡椒味適中。 值得一試。總括黎講，如果要排隊我唔會再試 港島區始終都係「周月」先係沾麵首選。

近年沾麵熱係香港都不得了。經過銅鑼灣登龍街經常大排長龍的沾麵店。平日夜晚晤洗排就衝入去。玻璃廚房，感覺衛生整潔舒適。座位不算多，所以有最低消費額一碗麵。牆上有食沾麵教學。個人算食得辣野，所以焦點只係辣湯底道。辣湯底可選沾麵or拉麵。麵的份量都可選大中小及特大。店員稱大就大約等於兩個公仔麵，特大就就等於三個公仔麵，價錢相差只是$10，個人覺得十分抵食。因為一般沾麵份量不多，有得選擇值得讚揚。沾麵會配少許配料，我選左大碗，麵質真的加倍。麵質彈牙，軟硬適中，不錯。最後湯底我選左小辣，入口以為不太辣，但原來愈食愈辣。唯有不足，湯底不夠熱。

食過香港大大小小唔同ge 拉麵店三田係one of the two that 我會再食再食再食慶祝今日happy friday, lunch 都專登由灣仔行去銅鑼灣捧場行到去未夠1點, 仲未到熱門時間, 排左5分鐘就入左去食入面裝修企理, 櫈下有藍裝袋, 最好既係可以問店員拎紙圍巾擋一擋進食時既汁, 唔驚整污糟衫叫左平時食開既辛辣沾麵大凍麵, 辣另上同埋一客餃子麵質偏硬, 味道一如既往咁好又濃, 沾7分汁岩岩好唔食得辣但又鍾意辣所以鍾意叫辣另上餃子脆口有肉味, 加埋自調辣汁冇得輸食完加埋鰹魚湯, 完整咁食晒呢餐

今日約咗朋友喺銅鑼灣睇戲，所以睇戲前就食啲野打下底先。因為大家都唔知食咩好，決定去登龍街覓食。每次路經三田製麵所都有好多人排隊，今日12點行過見無人，所以今日就食三田啦。聽聞三田嘅沾麵出名，所以我就揀咗濃厚豬骨魚介沾麵。大約等咗10分鐘，沾麵送到。擺上枱一刻已經有啲失望，因為個湯無煙出嘅，應該唔夠熱啦。。。先食溏心蛋，依個唔錯，但蛋味未夠香濃；叉燒非常瘦同薄，口感好乾身；麵質好似硬咗少少；至於最重要嘅湯，我自己就覺得比較一般，唔會過鹹，但似乎好似落咗味精，食完好口渴。唯一要讚嘅係大中小都係同價🙄

這間麵店話係日本很出名，今天下午不用返工，當然捉埋飯腳去試， 我地等了半個鐘才有位， 很肚餓呀！一般的日本餐廳佈置, 枱size 較細今次是為了沾麵而來， 當然點左一碗濃厚豚骨魚介沾麵（辛辣）、三田特製拉麵（唔辣）， 唔知是否太餓😅再加3款小食:自家製炸雞、天婦羅蝦、吉列豬扒和兩杯飲品:橙汁同可爾必思濃厚豚骨魚介沾麵（辛辣）:每條麵條都煮得剛好，不會黏埋一舊， 能分開，所以每條麵條都能沾上醬汁， 麵條彈牙， 辣度適中， 在試完沾麵食法， 就跟著介紹牌指示加湯， 豚骨魚介味濃三田特製拉麵（唔辣）:麵條彈牙， 豬骨湯味濃，豬肉軟自家製炸雞：雞塊大，不過炸得唔脆天婦羅蝦：外脆蝦肉彈牙吉列豬扒：外脆肉軟， 醬汁好味， 椰菜爽脆橙汁同可爾必思:味道一般

久聞三田製麵很有名，多次經過CWB都未有機會試，今天有朋友話去就一起過去了。門外排長龍都早有心理準備，正值午餐時段，沒所謂，反正吃拉麵慢極有限。多口講句，香港人咩都排架啦，好食難食也照樣有人龍，奉勸各位自己去試試就知，人唔人龍呢D野⋯做人真的別看太表面。話說回來，我地叫左兩個最basic的沾麺加餃子。沾麵好快就上，湯汁望到幾係濃厚，好勁魚介味，起初感覺幾香，一將D麵放入湯度，個心涼左一截，因為個湯冇煙出，摸摸隻碗，lie野⋯湯唔夠熱，麵又硬，其實佢想點？敷衍食客？再講講個魚介湯，冇錯呀你做到貌似香氣迫人的效果，但唔係係咁整到個湯膽好濃郁就叫有日本味，講真你係over左，有D客會感覺難受，最致命的都係唔夠熱。塊叉燒好大但係好薄喔，感覺失望。至於餃子則不過不失，但跟餐只有三隻⋯忽見牆上貼住教客人吃光麵後可添加桌上熱湯到沾麵湯中，連湯都飲埋。唉，好可惜到那刻我們都已經沒了想飲湯的感覺。就算有，由頭到尾都冇店員提供那個所謂桌上的熱湯。你可以怪D客「咁你唔出聲？」，唔好意思個人認為服務就唔能夠本末倒置，隊左碗野比D客就咩都唔理，熱度、點食、有冇野缺等等⋯ 唔止店內員工，照顧外面排隊等候入座的果位

係咁凍嘅天氣底下，我梗係想食啲熱辣辣嘅嘢啦🤗去到銅鑼灣呢個地區實在有太多選擇喇想食拉麵都有勁多選擇😬 咁我今次就梗係揀啲未食過架啦登龍街都出名多嘢食架啦😀三田呢間雖然一條長龍排左系出邊 但都無阻我想食拉麵嘅決心😉😉😉入面嘅格局好整齊，今次我哋就坐係靠一邊嘅吧枱唔好講咁多我睇咗餐牌先我哋兩個都揀咗濃厚豚骨魚介面😬佢有三個大小俾你揀嘅但係都係同一個價格架❤️️😝😝😝 如果嗰日肚餓就可以嗌大分啲不過我哋兩個女仔去都係帶咗中😋個大小就係咁上下啦配左一隻糖心蛋同埋叉燒❤️️❤️️我order嗰陣仲可以選擇配凍或者熱嘅面🤗咁我哋就帶咗一冷一熱將啲面放落一碗熱辣辣嘅湯 仲要係豬骨濃湯🙊🙊🙊 真係好正👍🏻👍🏻佢個湯嘅豬骨味非常濃郁唔係好似出邊啲湯咁樣嘅禁稀超傑架🤗🤗所以我覺得呢個價錢來講算係正架😚😚😚

早幾日睇完喺大球場省港盃當然係醫肚時間，半個拉麵控男朋友不停話好近登龍街，想去食拉麵~記起有人提過三田製麵所，所以一試。由於時候唔早，並唔需要等位~雖然三田本身主打沾麵，不過我地興趣不大，所以冇試，就不作多說~至於拉麵款式唔多，主要係普通、辣、生姜口味。份量都分中、大，價錢就唔算貴。除左拉麵，另外都有小食提供~三田特製拉麵 $78 (中)濃香豬骨魚介湯底賣點用豬骨、雞骨、蔬菜、大量魚介熬製~果然有一陣強烈魚介味道，基本上將豬骨味蓋過，幸好飲落唔油唔鹹。麵中有超多生洋蔥粒，雖然男朋友鐘意洋蔥，但佢都覺得有少少重口味。店員提醒自家製拉麵麵質硬身，會問需唔需要煮淋身啲，我地並冇特別要求。拉麵的確比較硬，麵質有啲似蕎麥麵，呈方型，雖然夠硬但欠彈性。三田特製辛拉麵 $80 (加辣要+$8)事後睇番照片，再上網搵過其他人嘅相，發現佢爭我幾片荀乾(?)湯底比起特製拉麵魚介相對冇咁重，對魚湯冇乜特別感覺，鐘意嘅咪覺得鮮，唔鐘意嘅咪會覺得腥囉…但由於冇得選擇辣度，我又冇俾8蚊加辣，所以我覺得唔辣，基本上生洋蔥味道大嗆，而且食到好臭、好鹹…叉燒薄薄一片，食到有明顯肉味~但無論厚度、質地都似紙皮…類似湯渣，

多年前遊大阪時候，不論遊客或當地人也在當地這間三田製麵館外排隊進食。在大阪已吃過的我，那時就算是點了中份量也像吃不完似的。今次，是來到香港後開分店第一次惠顧。這裡大中小份量均是同樣價錢，因經歷過大阪之旅貪心叫了大份量，但最後吃不完，感覺浪費。所以今次只叫了中份量，還好最終吃得完。沾麵麵條會較一般湯拉麵的為粗身，爽口有嚼勁，若然要與大阪那邊比較當然有分別，但在香港來說是相當不錯了。湯底選擇了濃厚豬骨魚介，端上來時候，沾麵湯底有一定熱度且較稠身，味道會是比較鹹一點。但若沾上麵條一起吃，便不會感覺太鹹情況。單喝湯底情況下我是沒辦法喝下的，真的喝幾杯水才解渴。除沾麵外，還另外在餐牌上點了炸蟹球，一共四塊。由於是即炸關係，有脆口。每每炸物熱食時候最好食，所以一上來便即食。還好內裡的炸粉皮薄薄的，而入面材料厚厚，啖啖肉，貨真價實的，不像有些食店來個空氣食品，欣賞日本食店對食既要求。

今日黎銅鑼灣揾個朋友食飯，跟住為左揾個地方好好坐低傾下偈，就費事周圍揾野食，一上openrice就見到呢邊有多間食野嘅舖頭，於是就去左簡下有邊間好食，行行下見到呢間拉面舖，作為拉面發燒友嘅我地，就簡左呢度開飯喇。沾面沾面都算有口感，入口都算已經令人滿足嘅。不過呢份量就真係太小喇，雖然唔算貴，但點都應該整多啲面喇，要加大先夠飽，今次嘅體驗都算幾好嘅，但比起一般舖頭都有好多位應該做得更好更加到位，食材亦都更加好，但係有小小失望囉希望有機會會再黎喇

自家製極粗麵+ 究極濃厚湯底辛辣濃香豬骨魚介沾麵🍜.麵條份量大、中、小麵都係同一個價錢, 我就order咗"小麵" - 140g.粗麵條...我超like, 口感唔錯...彈牙而且食得出有小麥香味👍🏻麵條上有兩塊大叉燒😍, 仲有流心蛋 & 竹筍.湯底好濃郁, 原來唔係一般豬骨湯底咁簡單, 仲用上雞骨、海鮮、蔬菜來煲12小時粗麵條沾上濃厚底, 好好味食完麵之後...就可以加熱水將魚介湯飲完

平時經過呢間拉麵都總係見到長長既人龍， 所以一直都無機會試！ 今晚6點幾經過無人排， 即刻入去試下啦！ 特別拉麵有兩款 小食都有好多款 Si點左特製明太子撈麵， 麵比平時既拉麵粗， 但幾有口感，唔錯。明太子味好出，麵上面仲有舊牛油，令到個麵好香，但就油膩左D呢個麵係無蛋既，蛋係另外點。 另一個係激辛沾麵，但Si就無食，份量係點特大，但望落去就唔覺得特別大。。。 仲點左餃子，皮薄又夠肉汁，而且煎得香，幾好！麵質同平時既拉麵唔同，但如果要排好耐就未必會食。

今日見時間尚早嗱嗱聲走去食一碗先，唔係又要排隊等，以價錢與份量，一同跟其他沾麵店相比，這間算是最合理，沾汁濃郁食得到落了不少木魚絲等材料淆湯底，而不是只有死咸。大，中，細份量同價， 見大部分人都係點大， 呢間鋪頭真係相信本地人同日本人一樣會揀中同細食?!😅