三田製麵所 (金朝陽中心二期 - Midtown)

营业中

休息中

我唔係食家，衹要 ok 便可。今晚衹想快快醫肚回家，九點見佢唔洗排，就比多一次機會佢，幾個月前吃過一次，沒太大問題。 一入去，仲有散位，侍應本想打算叫我一女子攝在兩個大大男人中間的 bar 枱位，我沒説話，衹企硬唔郁，佢衹好叫我搭張四人枱，當時衹坐了一人，所以冇問題。隨手放下的餐牌是倒轉的、亦是油淋淋的，都算！但當值的侍應、厨師等年青人，全程圍在一起高談濶論，大聲得很，完全自己屋企一樣，作爲客人，我完全感受唔到乜嘢叫尊重。 碗麵好冇食？唔知，亦都唔係唯一重要的因素，去決定會否再幫襯。

成日行過燈籠街都見呢間好多人排隊！今次早食唔駛排就試下！睇下係咪真係咁正見牆上D相好吸引！先上左個蟹肉忌廉薯餅，可以不用點！最好食係個醬汁！一場黎到當係係主打食沾麵！叫左個辛辣沾面大GE （280g），真係好大一碗，我男人老狗都食到好飽，女士可以叫個細GE唔好浪費！朋友嗌左明太子撈麵，賣相100分！果片牛油同一團明太子好邪惡！好正！呢個無得揀分量，250g一客，朋友又係食到到頂😂！撈埋一齊食係好香好好味，不過食到尾就真係有D飽濟！

好耐無食過沾麵喇。自從去完日本就愛上左沾麵！係香港食過好多間沾麵，但最中意都係呢間三田製麵所！佢同日本既分店都係一樣味道😭好難得個麵有分辣同唔辣，仲有大，中，細，三個麵既份量俾你揀！我就好大食既，揀左大，先滿足到我😂個麵仲有熱麵同冷麵揀，我就中意熱既👍🏽食落暖笠笠！個麵有半隻溫泉旦，幾條筍，同埋一塊大叉燒，我自己覺得都夠食，因為我最中意都係d麵同湯底。如果你覺得唔夠，可加錢加不同既配料！另外店員好細心，俾紙圍裙我，怕我整污糟d衫👍🏽

位於銅鑼灣的三田，是一間極有人氣的拉麵店。常常看到它大排長龍，今天和吃貨朋友嘢完餐，晚上和好友來到三田吃生日飯三田的拉麵湯只有分辣和不辣， 濃厚豬骨魚介和辛辣濃厚豬骨魚介，那就一人一碗嚐嚐啦辛辣濃厚豬骨魚介$80三田，來自日本東京連鎖沾麵品牌，我對它的期望很大呢。不辣和辣只差$兩塊，天氣漸熱，我點選後者，刺激胃口刺激味蕾。以大量豬骨雞骨蔬菜熬製的湯頭，呈深咖喱黃色，味道鹹重，稠身濃郁。湯頭更加入小魚粉，鹹鮮帶甜，是不錯點綴麵條是工場每日製造，粗身彈滑，爽富嚼頭。麵條煙靭，口感不錯，留下良好印象呢不過並沒有帶給拉麵控驚喜驚訝的感覺，整體味道不錯，鹹濃具備，但欠缺令人回味的亮點，可能，這就是連鎖餐廳帶給客人的回憶吧。

第1次寫食評, 因為真係好激氣.昨晚18:30左右,見冇人排隊即刻衝左入去啦, 本來是滿懷歡喜的,怎知其中一位店員, 落單時木口木面(衰d講簡直係黑口黑面), 我講左要什麼之後,完全冇反應甘,我鬼知佢係聽唔到定已經落左麼,甘我重復講多次,佢竟然答話:"你落1個咋麻" ,我答:"係呀" 佢又黑面.之後我要三田流餃子, mayonaise 另上, 佢好似唔知道什麼是mayo, 甘我話白色那些醬, 佢又來黑面, 話:"哦,沙律醬呀嘛, 但仲有其他配料架wor", 我話其他的ok, 沙律醬唔好落, 甘佢又話:"你唔要沙律醬定另上呀"  我火都來, 話"唔要喇" 我堅怕左佢囉!喂, 呢d員工基本上係赶客架wor. 仲要我比加一, 就算d食物再好食也晒氣啦, 背隻骨落, 我堅唔會再來囉.

今日終於逼到老公陪我試呢間朋友成日講既三田！一坐低就即刻叫左兩碗大既沾麵！最後我食得晒我老公食唔晒順帶一提，大真係好大份，平時要開少飯果啲人應該叫中或者小～濃湯豚骨魚介辛沾麵：辣，但又唔係好辣，我試左一啖覺得呢種辛辣味唔好味，就專心食自己果碗一樣係濃湯豚骨魚介沾麵，唔辣版～ 佢既麵質真係不得了，煮得岩岩好，口感十足！蛋同塊豚肉都好好味！不過我發現我唔係沾麵既big fans, 雖然明白沾麵既湯一定係濃啲，但本人口味偏淡，都係覺得佢鹹左啲....另外我仲加左份吉列豬扒，普通啦，唔係juicy但食得出係新鮮炸既，想食多啲肉呢個都係唔錯既選擇，仲包埋杯汽水添～Overall 都算唔錯，不過我諗我下次都係會去食番湯麵囉

在銅鑼灣，短短的登龍街不下有至少六間日式拉麵店，但每到假日或晚上，人群便會蜂湧而至，每間拉麵店都大排長龍。那天，因為想吃沾麵，所以便選擇了到三田製麵所吃沾麵，原因是喜歡他們的自家製極粗麵條。濃厚豚骨魚介沾麵辛（$80）沾麵可以選擇涷或熱，個人比較喜歡涷麵，因為涷麵沾上熱湯，冷熱交織，加上涷麵口感比較煙靭彈牙。麺條是自家製的極粗麵，令每一條麵條都更易沾上濃濃的湯汁，大中小都是同一價錢$80，特大$90。吃完麺，本來可以叫侍應加熱湯把剩餘的濃湯喝埋，但最後因為濃湯已沾到所剩無多，喝湯的最後步驟，唯有作罷。三田特製拉麵（$78）湯㡳很鮮甜，用上豬骨、雞骨、魚介和蔬菜淆製，大中小$78，特大$88，喜歡吃湯拉麵，這也是不錯，但喜歡這裡的沾麵多點。

女人耐唔耐都要shop下ping，行足半日都唔會攰但會肚餓由於太掛住日本拉麵，所以openrice下附近嘅日本菜，嚟到登龍街好多野食！記得日本都有分店嘅三田製麵，所以就揀咗依間，排一陣隊就入得記得下單後，店員問洗唔洗煮淋啲拉麵，我二話不說就答要！因為易啲入口2個人叫左嗰中size辛辣拉麵(辣另上)大size沾麵煎餃子胡椒雞翼。拉麵湯底比沾麵清淡，面質都好唔同！我就鍾意拉麵多啲！無咁重口味但都偏鹹，要飲多啲水強烈推介煎餃子胡椒雞翼超好食餃子皮薄好香脆胡椒雞翼重胡椒味又滑又多汁最後抬住2個肚皮繼續shopping

去日本時，已經見到有沾麵店，因為太多選擇吸引，錯過了，今次在香港有分店，一定要試試啦！真是名不虛傳，6点半鐘，己經是大排長龍，等了二十幾分鐘就有得食啦！濃厚豚骨魚介沾麵(大）$78小、中、大、價錢同價，實在太肚餓，点了大碗。沾麵分別有凍或熱麵，我叫了熱麵，飲一口浸湯，濃濃木魚味滲入口中，非常鲜甜，湯底不是稀的，是結結地，很濃郁。麵質硬度適中，很彈牙，好味！濃厚豚骨魚介沾麵辛(特大）$90老公一向是食得之人，叫了特大來滿足自己，份量的確很多，有480g， 辣味不是太辣，但反而味道很好，可能湯底濃厚，容易飽肚，實在吃極也吃不完，剩餘了少許，有点浪費。$20一碟豚肉，共有三大塊，肉不是很厚，薄薄的，有少少咸味，咬落也不太乾太硬，容易溶化。$38唐揚炸雞，不太咸，外皮鬆脆，但裏面雞肉很 jucy, 有雞肉味，合我心意！店舖很細心，知道很多人可能是第一次吃日本沾麵，張貼圖畫教人沾麵吃法。這晚吃左個又滿足、價錢又公道的晚餐，喜極了！

黎到銅鑼灣登龍街,真係好多野食簡~ 行左好耐都唔知食咩好之際, 見到三田製麵所, 成間店都好有日本風味!就入去試試喇!睇睇餐牌, 係有得簡沾麵, 未食過沾麵既我, 當然去試下新野喇!我簡左 "濃厚豚骨魚介湯底-沾麵" $78 , 大/中/小份量都係同樣價錢, 都幾抵食!由於我太肚餓, 簡左個大既份量haha~個麵餅好厚同好實 , 真係真材實料wo味道非常彈牙 , 配上濃濃既湯汁 , 好夾阿！不過我個人認為個湯汁有點兒咸 , 所以加左d清湯溝淡少少~~我最鍾意既就係個溏心蛋勁入味 , 入口即溶既感覺 所以encore左一次溏心蛋($12) 而小食就嗌左蟹肉忌廉薯餅~炸到唔算好硬 , 不過忌廉味可以再濃d總括黎講 , 第一次食沾麵感覺幾滿意份量十足~(女仔黎講 , 要小/中份量已經足夠)下次會再黎光臨~~~~

返工放lunch都會去登龍街覓食，今次輪到三田製麫所。 餐廳非常易認，大大間，很搶眼。餐廳有一排長桌，方便一個人食麫。有沾麫及拉麵選擇，今次選了左上角的濃厚豚骨魚介拉麫，中份量，冷麫。大胃口的可以選大份量，因為價錢一樣的！（男的有福了）可選擇加錢升級至套餐，包餐牌右邊的小食及汽水一杯。餐廳安排很貼心，桌下一人一個籃放手袋，不用攬住手袋吃。等了5分鐘沾麵到啦！ 有半熟蛋，蔥，叉燒及筍伴碟。湯底真的十分濃！一放麫入沾麫汁再拉起，所有麫立刻被濃濃的汁包住，因為沾麫汁是熱的，所以冷麫都會變熱/暖。 麫條較粗及爽，所以比較有咬感。 總結一句，銅鑼灣午餐的好去處！

之前去日本冇食過沾麵，一直都好想試，見朋友係銅鑼灣放工，就約佢去食沾麵，麵有得揀凍或者熱，朋友話凍麵口感會更加彈牙，於是我哋都揀咗凍麵，食物一上到枱，個湯熱辣辣，即刻試咗啖湯先，好大陣木魚味，個人唔太鍾意木魚陣味，所以有d失望，個麵係好有咬口，不過由於個麵係凍嘅，食食下個湯就變得唔熱，食落唔凍又唔熱咁，成個感覺好麻麻地，唔知係咪呢間鋪頭嘅沾麵唔好食，平時聽朋友講沾麵好好食，今次一食，搞到我第一次對沾麵嘅印象咁一般。

自從食左沾麵之後，的確令人上癮，宜家食沾麵仲多過食拉麵😂😂😂😂只有兩款味道可揀，今次選左原味。餐廳好貼心地比客人自行選擇大中小嘅麵量，個人食得少所以揀左小麵。麵選擇左暖嘅，因為覺得好似同暖嘅汁夾啲。值得一讚嘅係兩塊叉燒，薄切，但無咩肥膏，味道濃👍👍👍👍 個汁加左木魚調製，整個都好香，而且好濃好結，沾一下麵啲汁已經掛哂上去。😲😲😲 可惜濃嘅代價係啲汁好咸，所以多吃幾啖都覺得好飽。後尾加左啲熱湯，整埋個魚湯飲，不過都係偏咸。😂 所以都無飲哂😂😂😂點綴一下，泥個煎餃子。係即叫即煎，都算係幾有誠意。味道好，但可惜啲fillings唔係太多，用嘅肉都比較色。所以配埋醋就可以中和一下😘整體而言，餐廳嘅環境好好，地方比較寬敞，上菜嘅速度都好快。👍

咁岩放工經過銅鑼灣諗唔到食咩，行過見到條隊唔長，就入去三田製麵所。佢既沾麵湯好濃，沾麵一流，叫左小辣 麵身本身較為粗。我都係鍾意於幼麵，糖心蛋好好味。👍🏻再叫左兩款小食，煎餃子，炸忌廉芝士薯餅。煎餃皮薄，饀多。薯餅太漏。總括，適合食粗拉麵既朋友 環境 味道 各方邊都唔錯。😍

《豚骨魚介辛湯底 夠濃郁 無味精》日期時間： 2017 年 3 月 10日 （五）12時左右  三田製麵所自開業，一直人龍長長，晚上收工約埋朋友一同去試，苦等廿分鐘決定離隊。前日星期五就藉午餐時間去嘗嘗過江龍   拉門而進，空間大不，卻有bar台／二人座／四人卡位 供各類客人非常整潔。 Menu 多款，一心要吃沾麵，便隨手便拿起圖最大嘅Set Menu (11:00-17:30 last order)   點了"濃厚豚骨魚介 辛 つけ麵" 位麵量 小／中／大 皆同價，全部一律＄80 ！！非常抵！揀左中凍麵，凍麵會更加爽口。wiatreess 都好貼心，去問有冇需要圍裙，非常細心。隨意便好了，沒有使用。  湯底滾熱濃郁，辣度尚可，豚肉軟身均一（多點就好）。麵條爽口偏硬身，沾上濃湯剛好，可能麵條冷身，吃完數轉，湯遺隨之涼了。這點要注意～