三田製麵所 (金朝陽中心二期 - Midtown)

营业中

休息中

是日係老銅睇完戲，見有啲餓就去左附近登龍街食個拉麵由於本人係極鐘意食拉麵既關係，我會瘋狂周圍去試新開既拉麵舖於是就去左睇下聽聞要排勁耐隊既三田使唔使等真係好彩，完全唔使等位黎一人一碗沾麵，大中小同一價錢岩哂我呢啲大胃王！可惜是日並未算最餓底既狀態所以只係叫左碗中size湯底：濃郁好香魚味又唔算油膩！叉燒：有點乾身，但本人鐘意偏瘦所以ok！麵質：彈牙，吸哂湯既精華，正！溏心蛋：不過不失，可以再生少少未算係我食過最好食既沾麵，不過呢個價錢黎講都算好啦！

嘻 原諒我咁直接打個標題「..以為會驚喜」因為我真係對呢間食沾麵既有期望我本身好喜歡麵食，比米飯喜愛百倍所以好友神神秘秘話帶我食麵時我真係好興奮的去到門口無人排隊店內裝修精緻加上好肚餓期待感激增...人數：2位地點：好友公司附近（銅鑼灣），銅鑼灣站A出口步行約1分鐘Walk in：可能夜晚銅鑼灣區太多選擇，加上夜左...所以唔算多人環境：唔算大大間，不過樓底高，門面吸引服務：日式般誠懇食物：2碗沾麵查字典時間：沾麵是由拉麵演變而來麵條不是放在湯裡，而是分開食用時將麵條沾湯汁來享用魚介的意思是：泛指魚類和有介甲的水生動物濃湯豚骨魚介沾麵 (大280g) $78大、中、小Size 同價，咁肚餓梗係要碗 (大) 架啦麵底可選熱底或涼底的麵來了配料有半顆味道＋質感不過不失的溏心蛋、荀、大大片叉燒粗粗麵條份量夠多沾麵汁睇落好濃郁、好「杰」食落就...嗯...其實無乜驚喜因為味覺感受唔到沾麵汁的「深層次」味道魚味較淡，比較有豚骨味道濃湯豚骨魚介辛沾麵 (特大420g) $90好友好肚餓，以為食得哂 (特大) 結果...浪費了...食唔哂多了「辛」的味道睇落好辣，其實覺得辣唔辣每個人都不同留意一下：

經過登龍街 平時人山人海嘅三田製麵所竟然無乜人排隊 所以就二話不說決定食呢間嚕雖然係無平時咁多人 但都等咗大概15分鐘就有得入座啦一場嚟到無理由唔食佢嘅招牌沾麵嘅 呢度嘅沾麵大中小同價 再加上等咗陣都開始肚餓 所以就嗌咗個大size等咗大概5分鐘 嘢食就到啦 大size的確幾大下 就算平時都幾大食嘅我 再加上肚餓嘅情況下都食唔晒個沾麵上面嘅配料比起香港其他拉麵舖更闊綽 有荀，叉燒，溏心蛋個湯食得出係係由好多唔同嘅食材熬製而成，唔會一味得個咸字湯底唔會話太油太杰，味道適中！麵底有得揀熱食或者凍食 而我就揀咗凍食 因為反正個湯都係熱嘅 唔會太大影響麵質粗身 掛湯力都唔錯  (睇咗其他人嘅食評 可能熱食個麵 掛湯力會更強) 都幾有咬口！配料嘅分量雖然多 但都係普通質素 不過不失咁啦overall $78一個大沾麵 仲要係銅鑼灣食 其實都算係幾抵食 下次會再嚟試返個熱食麵底

第一次吃沾麵，選擇佐6:45分就黎吃。真係唔係講笑，唔使15分鐘，出面已經要排隊了平時經過都會因為人多而卻步，不過，排隊係有佢既道理，因為真係一試難忘一行2人，被安排坐靠廚師既位置。本身想吃拉麵，但係見到好多人都叫沾麵，所以決定要一試。我好欣賞三田，其一，佢既沾麵大中小都係收同一價錢，如果要特大先要加10蚊，對於我男朋友仔黎講，的確係一種大福利。因為叫2個大麵，我就可以再讓d麵仔俾佢啦而且銅鑼灣呢間店，店員都超窩心，原來男朋友想叫特大(加10蚊)，但店員溫馨提示可以分別叫2個大既，唔使加錢又可以吃到特大份量(因我可以share一半俾男朋友)我地2個分別都叫佐大既沾麵，一個辣一個唔辣。佢所謂既辣只係加佐辣椒油係面，不過沾麵湯好足料，入面仲有豬肉，超入味又淋身，睇得出即使係配料都好有心機做麵有得揀凍定熱既，凍既麵會有彈口感D，熱既麵會淋身，但都爽口，而且碗底會有少少湯汁。附上日本大葱，豬肉，溫泉蛋。最愛日本大葱既我見到雙眼都發哂光，男朋友介紹把日本大葱加入沾麵湯，再吃會更好味店舖好貼心地有介紹沾麵既吃法，不過我鐘意重口味，所以直接當湯面吃好了。無論熱定凍面，我都覺得麵身好有彈怕同實在，麵身

是日七一回歸二十週年，與太太到銅鑼灣觀賞煙花匯演前，先到附近登龍街吃個日本拉麵。甫步入三田製麵所，職員指示兩個面向師傅的座位。時間有限，立即揭開餐牌，以免錯過煙花匯演。餐牌非常簡單，兩款拉麵和沾麵，其實只是辣與不辣之分。我點了份大（大中小同價）的辣的豚肉魚介沾麵。牆上貼上食沾麵的步驟，小弟初嘗沾麵當然也有參考。不過小弟還是覺得簡單一點較好，把麵放入湯，作鹹就沾少一點湯汁。賣相還可以吧，一碗麵一碗湯汁一併奉上。碗內院了沾麵外，還有半熟蛋、蔥花、筍和一片叉燒。大碗沾麵（280g）看來份量頗多。糖心蛋黃約八成熟，入口滑溜。叉燒偏瘦，即使薄切亦覺得較粗糙，味道可以亦不會太鹹。沾麵湯非常濃郁，上有紫菜，亦有魚介粉。熱沾麵粗身，放入濃郁湯汁掛麵力強勁。沾麵較粗入口有咬勁，配上魚介豬骨湯入口不太鹹。不過大碗麵確實有點Heavy，加上杰身湯汁吃到中途已有放棄念頭。建議細食朋友選中碗就可以。沾麵排湯力強勁。糖心蛋賣相不錯，蛋白滑蛋黃八成熟。當然最後，任務完成，煙火匯演盡收眼底。

I found this place through Open Rice but couldn't recognize on the street. There were so many Japanese restaurants on this tine street but this one had a queue in front of its' doors. I became curious and decided to wait and don't regret about that. We've got Tsuke-men as a lunch set. For the same price they have three size options small, medium and large!  Noodles have very nice texture and broth...  It's like a sauce,  so thick and flavourful... Never tried anything like this before. It is als

登龍街拉麵店好多, 最近連米芝蓮拉麵店都進駐呢度, 晚晚都有一條條人龍排係拉麵店外面, 非常熱鬧。😁今次同老公揀左排三田製麵所就係想試下呢度嘅沾麵, 排左15分鐘左右我地就入到去, 拉麵份量可以自己選擇, 除左沾麵我地仲點左一個撈麵同雞翼, 沾麵個汁好濃郁, 魚介味好重, 肉就唔多, 點多份雞翼配就啱啱好😋沾麵食完後仲可以加湯落個沾麵汁都飲, 都好好味, 非常滿足撈麵就係老公食, 佢話味道唔錯, 不過唔夠沾麵咁正😂沾都肉唔多, 可另點小吃配

辛辣沾麵（大）280 G (熱麵）辛辣沾麵（特大）480G （熱麵）如上，我哋揀咗呢2個size。其實仲有得揀小(140G)、中(210）。。小、中、大同價，特大加錢。味道方面：湯底好濃郁、蛋超流心（但得半蛋only😩)、啲筍有少少「梅」唔夠爽口、啲肉就不過不失。佢既麵身好粗，好似烏冬咁。 食完就好似冇比湯比你加去飲🤔 但佢好似日本咁係比冰水你送麵。

平時本人都好鍾意食日本湯麵，每次經過呢間鋪頭都見到好多人排隊，今日見到唔算多人所以特意來試吓排左大概15分鐘之後有位啦見到好多人都係食沾麵，所以我都忍唔住想試吓我地每人叫左一碗沾麵，有分size大中細，如果女仔來講的話最好叫Size細，因為中同大都挺多的，然後沾麵有分熱同凍嘅，我哋兩款都叫咗，凍嘅麵比較彈牙有口感，熱嘅麵偏軟，最重點係個湯好味點點汁再食好正

餓到極點之後衝左去拉麵街食佢、好彩得兩個人，好快食得。我叫左中等份量既沾面，要左唔辣既湯底。仲叫碟餃子，個人覺得幾好味下，又有肉汁流出黎，算係幾有驚喜下。我覺得個湯咸左小小，食到一半到就會覺得好想飲水😂😂總體黎講都幾好食，但係個沾麵湯底真係有d重味左小小😫

I have tried this restaurant a few months ago n didn't bother to write anything about it as I just wanted to forget about the whole experience. However I just noticed a lot of bad ratings are gathering up now so I feel that I have actually never been alone. The strong taste of the soup or sauce whatever you call it is the main problem as it tastes so artificial ie. chemical, MSG, HPP whatever it is. The lack of choice of noodles cooked firmer or more "al dente" is another big problem. The wors

依間我經常光顧的拉麵店。今日竟然遇到不禮貌的對待。話說今日六點左右入店。安排的枱已經不穩定，搖下搖下。我問有冇其他枱。女店員指住最尾最入最近後門張枱話：「一喺果張。」（其實當時店舖只有幾張枱有人，我唔明點解安排唔到其他枱。）之後我話我坐番依張，不如"攝"番張枱。女店員即時話。攝咗啦喎。（當時我見到有幾張紙，但都搖下搖下就證明"攝"得唔好啦！）真喺一肚氣。

銅鑼灣聚集了不少新開的日本拉麵店，可算是香港的熱門拉麵區，駱克道的一蘭，羅素街的一風堂等都是日本的知名連鎖店，而登龍街更是成街成巷的拉麵集中地。今晚選了開在登龍街中段的三田製麵所，星期二晚上7點15分左右，門前已有10數人左右的人龍， 人潮比起對面剛開張的tetsu還算好，排了20分鐘左右可以入座。在排隊時候前面有一群男子，大聲談話，影響其他等候的客人。我明白一大班朋友聚在一起興高采烈的心情，但請大家以後考慮後面等候的客人，盡量排成一行，而不是像前面的麻甩佬一般圍成一堆，完全不顧後面的人，也不方便往來的行人。等了10分鐘左右，終於有職員出來點人數，由於我一個人，職員便帶領我和另一位客人，繞過前面那班男人“合法插隊”。之不過此舉引起前面的人不滿，我能聽到至少2個男人噓聲說“哇，搞錯啊!” 之類的話 店面不算大, 最多可以容納二十人左右。我和另一位客人被安排坐在吧檯位置。雖然是在吧檯，但是由於店家設置了高架墻壁和玻璃分隔食客區和煮麵區，食客基本上是低低在下，而廚師們則是高高在上。不知道為什麼要這樣設計，不過我覺得這個格局不是很親民，至少我就沒有看到其他日本麺鋪這樣設計。如果是不想透露商業秘

每次經過呢間餐廳都有人龍等位，難得星期日毛毛雨既黃昏唔駛排，一於入去試下啦餐廳位於登龍街，成條街而家都多左好多有特式既食店，大家以後搵食又多個點選擇喇基於本人喺香港試過兩次沾麵既不快經歷後，已經無乜勇氣再試，是晚選擇拉麵！日式义燒好味，醃得岩岩好另外加既溏心蛋都唔錯可惜拉麵既靈魂：湯底好唔得，只嚐到咸咸既味精味，失望餃子都有驚喜，加醋食好味另一半食沾麵，見佢個樣愈食愈唔妥，心知不妙最後佢要叫阿姐俾熱清湯佢溝淡個味精湯，先可以食曬個麵，唉

我是由半年前開始才正式成為一名沾麵控，但因時間和金錢所限，暫時仍只停留於在香港範圍內品嚐不同的沾麵店，而這次亦是我首次到三田。當晚是8點鐘左右的時間，店前排隊的人數大概十多人，但由於小弟是獨自一人，所以等了10分鐘左右就獲安排入座。入座是與對面一位女士「搭枱」，我對這個安排沒有什麼不滿，但入座時桌上仍有一小片水沒有清理乾淨，但也體諒當時店內繁忙，因此也沒說什麼。我要了一碗魚介豚骨沾麵，420g, 盛惠$88元。以這個麵量來說其實性價比算相當不錯，平時我也只要300g左右的麵，但因今天特別餓，所以叫了加大的。另外我也想說，吃沾麵是要吃冷麵的，這樣才能真正品嚐到麵的質感。吃熱麵只會令麵質過軟和令麥味流失，而且以香港的天氣而言，根本不需要吃熱麵，因此每次我看見吃沾麵要熱麵的人，都不禁搖頭。(我對面的女士就是要了熱麵)另外我也要了一份三田流煎餃，價錢不記得。等了5分鐘左右，麵就送上來了。先品嚐了一下不沾汁的麵，麵質算不錯，但小弟嚐過上環周月的麵後，這麵只能算稍為滿足小弟的胃沾汁很濃，雖早已聽說沾汁會很濃但沒想到會這麼濃，味道不錯，與周月走完全不同的路線，雖然我比較喜歡周月那濃濃的味道，但這也以