三河屋 (已結業)

女友喜歡吃日式野，我就冇乜所謂，所以有機會找野食，都會找找日式食店，之前看過其他雜誌介紹，但一直想不起其名字，好彩由女友的同學仔報料，終於尋回了我的記憶。雖則評語好壞參半，但始終要自己來用舌頭賞一賞才可作準吧。門面實在很簡單，而且不像是賣日式料理的，出奇。內裡的環境都好有小店Feel，掛著一些日式衣服，是不太講究裝飾的表現嗎？不過，始終是食物水準重要很多就是了。點了炸蝦飯和鰻魚飯。麵鼓湯好過很多地方，不算太濃味，對味呀。然後鰻魚飯先來，嘩，很肥美的樣子，而且是一大塊，豪爽得很；味道和外觀相乎，是很肥味，女友則吃得滿臉幸福的樣子，證明水準真的不錯。而炸蝦飯份量都不少，有炸蝦炸魚炸茹子炸番薯，炸粉不太厚，而且炸得頗脆，絕對是新鮮熱辣。番薯甜甜的，驚喜，很想Encore多一塊；茄子和魚塊則普通；主角炸蝦有三大隻，吃落第一口覺得甚有蝦味，肉質半爽又夠大件，滿足有餘。份量剛剛好，吃完也是飽著離開。值得一提是有個女侍應服務態度幾好，十分有禮。應該會來Encore喇。

食完半個包的我和親愛的繼續搵食, 目的地就係三河屋原來就係時新行過幾條街口, 是一個小店食完時新都兩點半了, 店內只有另一名日本顧客在看日文報紙記得係OR見過有人推介炸蝦飯, 我和親愛的就叫了一客($48)大食的石頭叫了一碗叉燒豬骨湯拉麵($38)日本籍的師傅埋頭準備時, 看看店鋪雖裝修簡陋卻不乏日本特色炸蝦飯有三隻炸蝦, 一魚一茄子一番瓜, 還有面豉湯天婦羅的炸粉香脆帶少許甜味, 汁醬也不錯可惜蝦卻不爽口, 魚就更加乏味, 我和親愛的真是有的失望石頭的拉麵湯底不俗, 可惜麵卻有點黏身總括此行味道實屬普通, 落單的阿嬸更像甚麼都不懂不過勝在食它的風味, 如果還有機會下次就試試咖哩的菜色

自從上次帶太太嚟食dinner之後，太太好似食上癮咁。相隔不到兩星期，又來過...週末嘅下午，人多得水泄不通，等位自是必然了。不過人流去得快，只等咗五分鐘左右就有位...吃過天婦羅、滑蛋豬扒、漢堡扒，是次就試一試呢度嘅鰻魚飯...即叫即燒，等又自是必然了。端上來後一看，色澤對辦，食落蒲燒汁微甜，份量亦毫不吝嗇，合格有餘。如果皮可以燒得脆口一點就更完美...太座嘅豬骨湯底餃子拉麵亦不俗 --- 湯底夠鮮甜，餃子有濃烈蒜味，係正統日式口味，稍嫌拉麵淥得淰了一點...下次再去，叫碗oden，再加一支asahi，不羨仙矣....

月頭和朋友去黃埔行街，夜晚行過去左lee到食飯。因為朋友想食日本菜，附近選擇唔多又見到lee到係日本人打理，所以入去試下，但係坐落無耐就發覺唔對路，d枱冇人執，原來只係得一個阿姐，星期六7點鐘都係得一個樓面and收錢and打雜and落單等..，不過因為朋友想食先等佢。結果order左幾樣野,記得o既有以下2種:雜錦天賦羅-ok,有d水準吉列豬排拉面-豬排炸到好老...仲有其他野都好鬼普通,但不至於難食...雖然見到好多食客都係街坊/熟客,但個人感覺唔值..收日式餐廳價錢,但係服務同食物係價格之下n倍,最主要係生意又唔係冇,人手又少,,等好x耐,食物唔覺特出,價錢又唔平,希望果個日籍廚房佬(老闆)?對d食物同服務有d要求,唔好淨係價錢同裝修似係日本野,其他無一樣似,連d服務同野食都唔似係日本人打理.....總之以後請都唔會去食

要選擇一間價錢相宜而且又頗地道嘅日式料理，呢間小店確實係不二之選...大家每次來到都係食炸蝦飯又或係湯烏冬。查實佢哋嘅漢堡扒係更出色...日本人對漢堡扒係有一種偏愛，响日本嗰時，由傳統料理以至西餐廳都有hamburger steak嘅跡影。係香港，食到真正家庭風日式漢堡扒嘅機會並唔多。是日响呢度食到嘅就真正令人滿意--- 質感實淨彈口，肉質絕冇"散修修"，一食就知係手搓嘅；肉汁豐盈之餘味亦調得剛好，再配上個自家製漢堡扒汁，甜甜酸酸的，配飯吃絕對一流，轉眼間已一掃而空...上次食tempura嘅時候覺得水準並唔係想像咁出色，估唔到佢哋呢亭日式家庭料理做得咁好...太座嘅滑蛋豬扒飯又係睇見都流口水--- 望見滑溜之蛋漿已流晒口水。豬扒剛炸起，皮食落仍然咯咯有聲，肉亦頗嫩。食一口豬扒，再嗶一大口飯而食，滿足...邊寫邊流口水，點算?

一間有日本老闆師傅座鎮的日本菜小店，價錢好抵，一個炸蝦飯連麵豉湯才$48！炸蝦有三大隻，仲有天婦羅南瓜、魚和茄子喎！即係一個天婦羅套餐！你話係咪抵先！天婦羅粉漿做得好薄，吃來不會成口粉，南瓜都係日本的，甜得不得了。仲有其他的都好正；例如明太子飯糰，成大粒明太子在中心，鹹香味恰到好處。

每次黎親都係咁好味!!! 日本人開日本人野食..d拉面係食得出唔係用機器整..係用人手的..超彈牙!!天fu羅..咖哩吉列豬排..面豉湯我次次去親都會食..超好味!!服務幾好..成日去食同佢地都有傾幾句計不過有d魚生果d真係幾貴下

今日滿心歡喜約了公司同事,6個人柴娃娃咁去食三河屋.入去見到個日本人(可能係老闆)不過無出過聲所以有個中國人阿姐serve.睇過食評過黎,預左水準有點不穩定,所以期待唔高.但係經過呢次,相信以後都唔會再幫襯.首先環境不大,似家庭式經營.座低一陣聞到一陣強烈的垃圾味.望出去唔覺有垃圾車經過,相信係阿姐塊抹布出事,洗唔乾淨up左好耐而發臭.然後,order都好順利,上菜時間還可以.哇...先後order 1.炸蝦拉麵2.激辣拉面3.豬軟骨烏冬4.碳燒雞排反5.吉列咖喱豬排反...顔色鮮豔,幾開胃...點知...1.個炸蝦拉麵.放係入面既蟹柳同日本魚蛋,凍既!只好在熱湯浸熱,天婦籮得兩條,個面好一般...2.激辣拉面亦一般,睇到湯麵有紅點(辣油),但一點都唔辣...3.豬軟骨烏冬内的似豬肉,絕對唔係豬軟骨...4.碳燒雞排似鹵水雞排,一點燒過既痕跡都無...5.吉列咖喱豬排反既咖喱同吉列豬排算係above standard.咖喱濃度適中,吉列豬排炸得好鬆脆.不過D飯...一pat pat...太多水喇...試問係日本餐裏就連飯咁重要既item都可以煮到咁...實在太失望了！！！再好的咖喱同吉

好好味。因為紅磡灣d野食到有d悶，都唔知有乜好食。有一次，經過，見到好多人，d人坐到出門口。所以，決定要試一試，一入去，發現個老闆係日本人，又有五六個日本人響度食，心想，應該唔錯。個老闆好好禮貌，好nice.咁我同男友就叫左個炸蝦拉面同叉燒拉面黎食。超好味，不過男友嫌個湯有d太咸，但係個湯唔濃d，浸出黎既面就可能唔夠味。真係好好味，同幾抵食

剛剛回到紅磡,友人還未吃飯,知道他喜歡食烏冬,繼上次帶了他去食萬豚屋後,又帶他來試三河屋.雖然我是住附近,不過只來過舊舖二次,新舖一次,這次是第四次.今次友人試了個鴨胸烏冬,我就加錢要吉烈豬排烏冬.另加一個蝦籽沙律.鴨胸較鞋,友人想起還是九龍城的城寨風情好食.豬排一上枱,見到好像炸得過了火,顏色較深,但是是用麵包糠炸,脆脆的,還算可以.不過炸物還是覺得吉烈專門店的最好.至於湯底,在所難免是覺得有味精,但是不是太多.在所難免會將這裡與萬豚屋比較.論烏冬,雖然三河屋的都算滑,不過萬豚屋確實勝一籌,不過論風味,始終是這裡好.可能是萬豚屋的湯底太熱,以致我未能好好地欣賞那裡的烏冬,三河屋的住家感覺又真的是比較強烈,你會想在那裡傾計,坐多一會.所以今餐我還是給一個笑臉.

之前lunch食過'曼魚飯',不錯的.尋晚唔想食太飽,就叫d小食....點知...燒墨魚丸-外脆,但入面成pat張'咁'芥末墨魚-未完全解凍,有冰...不過份量比出面多.炸免治雞肉-睇張相以為佢係自制的,原來是來貨.關東煮-湯好味...但丸類太淋.蘿蔔好咪.蝦天婦羅- 不錯的算吧啦!!

相信自已的味覺,好吃/不好吃,好講自己的真感覺.單看三河屋的門口,是普普通通的拉麵店.昨晚,看完演唱會,和三個朋友,一行四人,有點餓,想食小小嘢.於是入去三河屋醫肚.一坐下,隔鄰有四位日本顧客,紅磡這舊區都有日本客？真奇？********原來店主是日本人.我們叫了漢堡咖喱飯,＄48,咖喱好香,小小辣,加埋日本米,好正.叫了日式煎餃子,＄28,過得去吖,餃子汁加理少少辣油,都正.叫了鴨胸拉麵,＄38,叫了吉列豬扒拉麵,＄48,Ｄ湯好好味,鴨胸好香,吉列豬扒普通Ｄ,但勝在價錢平,又正.叫了蠔湯＄68,有4隻蠔,冬姑,大葱,兆菜,大大碗,個湯好甜,好鮮味.每人五＋幾蚊,幾經濟之餘,覺得自己有些身在日本橫街窄行的麵店feel,唔------可能隔鄰的日本顧客,是某某大公司的高級經理都未定！哈哈！

因為睇eason演唱會,而黎到勁耐冇踏足既--->紅磡.搵搵下食而入左呢間裝修超簡陋既日本鋪仔.2個人叫左:*關東煮--->好好味, 有日本地道feel(湯底好好好正,好似有d酒味,唔係咪呢?hehehehe) *餃子拉麵---->餃子好食,朱骨湯底唔錯*冷udon----->幾有口感, not bad+埋有個日本人chef, 真係+哂分!~~最衰紅磡唔近我, 此處令我酒癮大發ar!!!好想飮ar!ar!ar!hahaha

琴晚看到一篇批評這間食肆的食評，真有些為它不平，“價錢貴”，應該未至於此吧，最多是不便宜，至於“味道差”，就更加不能苟同了，在此分享一下我的試食經歷。炸蝦飯（$48,配麵鼓湯）賣相就已足夠吸引人，其實即是天婦羅飯，有三支蝦，茄子、魚、番薯各一件。蝦可算是驚喜，外身金黃而鬆脆，但這倒並非驚喜位，令人刮目是其蝦本身之鮮嫩，從前試過很多間日本料理都未有此水準。米飯用的是日本米，少少粘，甚有嚼頭。甜醬油亦調製的美味，可惜很多滲入白飯，使得炸物不夠味（或許因為我是北方人，口重些）。不過老闆很通情達理，向她提出後都又單提供小碟醬油，認真窩心。至於面鼓湯，就沒有給我留下太深的印象，配些野菜同芽菜，味道濃郁，不過稍鹹。吉列豬扒咖喱飯（$48）朋友點的，都十分滿意呢！剛端上來就已經深深被香濃咖喱味折服，朋友食過小口咖喱汁後頻頻點頭試好。我這個咖喱迷都試了果然正，豬扒一炸得很脆同埋豬肉都算嫩，不過朋友就認為火候有些大，使得豬扒外身略焦，除此之外就無可挑剔。章魚小丸子（$28）28蚊6粒與旺角街頭小吃相比確實貴，但我認為此間著實好吃過街頭小丸子，幹魚絲細膩，不似街頭小吃給人食塑膠的感覺，也沒有那般油膩感。確

呢間野,食完真係勁想爆粗依家一返到屋企咩都唔做,即打食評開頭見到間野都ok個feel唔錯,..雖然冇咩裝修可言但都想試下...nightmare就黎喇叫左三樣小食章魚小丸子$28餃子$28雜錦天婦羅$38章魚小丸子...差..."有六粒.. d size細到我一啖吞晒完全冇章魚丸既味道:真係唔識形容係d咩!!!連mk 十蚊一客果d都比唔上!!!餃子... 差到爆!!28蚊得5細件!! 搞錯.賣相又差到喊...食落去,難食我懷疑係放左成個星期都唔知咩黎,.,.我去supermarket買十幾蚊大大包果d日式餃子,自己整黎食仲好食過佢超級超級差天婦羅,.. 38蚊..又係唔掂有三隻蝦,冇一隻係炸得熟!!!之後幾片d茄子,蕃薯,等等既野~d皮炸得勁差,咁又38... 真係噢晒咀..好彩叫左三樣試下先咋"未食之前諗住叫完會再叫拉麵但係真係超唔掂~~真係超唔值~~我自己整仲好食過佢...個老闆係好好人..態度好好...不過d野食真係完全唔見得人我出門口之後即去對面間m記到食過絕對唔會再去.... 好失望...埋單94蚊...執包袱閃人