影片
更多
2008-04-17
17 浏览
要選擇一間價錢相宜而且又頗地道嘅日式料理，呢間小店確實係不二之選...大家每次來到都係食炸蝦飯又或係湯烏冬。查實佢哋嘅漢堡扒係更出色...日本人對漢堡扒係有一種偏愛，响日本嗰時，由傳統料理以至西餐廳都有hamburger steak嘅跡影。係香港，食到真正家庭風日式漢堡扒嘅機會並唔多。是日响呢度食到嘅就真正令人滿意--- 質感實淨彈口，肉質絕冇"散修修"，一食就知係手搓嘅；肉汁豐盈之餘味亦調得剛好，再配上個自家製漢堡扒汁，甜甜酸酸的，配飯吃絕對一流，轉眼間已一掃而空...上次食tempura嘅時候覺得水準並唔係想像咁出色，估唔到佢哋呢亭日式家庭料理做得咁好...太座嘅滑蛋豬扒飯又係睇見都流口水--- 望見滑溜之蛋漿已流晒口水。豬扒剛炸起，皮食落仍然咯咯有聲，肉亦頗嫩。食一口豬扒，再嗶一大口飯而食，滿足...邊寫邊流口水，點算?
大家每次來到都係食炸蝦飯又或係湯烏冬。查實佢哋嘅漢堡扒係更出色...
日本人對漢堡扒係有一種偏愛，响日本嗰時，由傳統料理以至西餐廳都有hamburger steak嘅跡影。係香港，食到真正家庭風日式漢堡扒嘅機會並唔多。是日响呢度食到嘅就真正令人滿意--- 質感實淨彈口，肉質絕冇"散修修"，一食就知係手搓嘅；肉汁豐盈之餘味亦調得剛好，再配上個自家製漢堡扒汁，甜甜酸酸的，配飯吃絕對一流，轉眼間已一掃而空...
上次食tempura嘅時候覺得水準並唔係想像咁出色，估唔到佢哋呢亭日式家庭料理做得咁好...
太座嘅滑蛋豬扒飯又係睇見都流口水--- 望見滑溜之蛋漿已流晒口水。豬扒剛炸起，皮食落仍然咯咯有聲，肉亦頗嫩。食一口豬扒，再嗶一大口飯而食，滿足...
邊寫邊流口水，點算?
张贴
